Главные вкладки

    План-конспект урока (7 класс) на тему:
    Урок по коми-пермяцкой литературе на тему «Коми му сьылӧтiсь. М. Д. Вавилинлӧн олан да кывбуррез»

    Технологическая карта по уроку коми-пермяцкой литературе, посвященного творчеству Дмитрия Вавилина

    Скачать:

    ВложениеРазмер
    Microsoft Office document icon metodika.doc759 КБ

    Предварительный просмотр:

    Урок по коми-пермяцкой литературе на тему «Коми му сьылӧтiсь. М. Д. Вавилинлӧн олан да кывбуррез»

    Уроклӧн технологическӧй карта

    Лӧсьӧтiсь: Тарасова А. С.

    Предмет: коми-пермяцкӧй литература

    Класс: 7

    Уроклӧн тема: Коми му сьылӧтiсь. М. Д. Вавилинлӧн олан да кывбуррез

    Уроклӧн тип (вид): История, теория, практика велӧтан урок (гижисьлӧн биография) и кывбур «Асывся песня» бӧрйӧм.

    Велӧтӧм темалӧн места да роль: М. Д. Вавилинлӧн уна кывбуррез лоисӧ сьыланкыввезӧн. Эта йылiсь колӧ тӧдны, сiдз кыдз авторскӧй сьыланкыв сiдз жӧ пырӧ коми-пермяцкӧй культураӧ и лоӧ ассяма ценностьӧн отир понда.

    Уроклӧн мог:

    Деятельнӧстнӧй:

    Аркмӧтны бытшӧм условиеэз тема вежӧртӧм понда, зорӧтны способносттез вниманнеын, мышленнёын, сопоставленнёын, анализын; аркмöтны удж кывбур сьöртi; настроитны босьтны виль тöдöммез и кужöммез.

    Содержательнӧй:

    Активизируйтны велӧтчисьлiсь интерес гижись дынӧ да сы творчество дынӧ, мыччавны гижись твочествоись ассямасӧ.         Кывбур «Асывся песня» лыддьӧтӧм, да сы вылын уджалӧм.

    Уроклӧн задачаэз:

    1. Велӧтан (образоват.): Тӧдсӧтны велӧтiссезӧс гижись биографиякӧт да сы творчествокӧт.
    2. Зорӧтан: Зорӧтны велӧтӧм тема дынӧ интерес; письменнӧй да устнӧй сёрни. Зорӧтны интерес коми-пермяцкӧй кыв да культура дынӧ.
    3. Воспитательнӧй: Воспитывайтны бур да уважительнӧй отношеннё мамкыв дынӧ, чужанiн дынӧ. Воспитывайтны бытшӧм отношеннё предмет дынӧ, ӧтамӧд дынӧ.

    Видзчисян результаттэз:

    Познавательнöй судзöтöммез: кужны уджавны велöтчан небöгöн; кужны тöдсасьны виль тöдöммезкöт, адззыны ответтэз юасьöммез вылö, адззыны колана информация небöгись, подробнöя висьтасьны лыддьöтöмсö.

    Коммуникативнöй судзöтöммез: кывзыны и кывны ёрттэзöс, аргументируйтны ответ, кужны пыртны диалогическöй да монологическöй сёрни, кужны дорйыны ассиныт дума.

    Регулятивнöй судзöтöммез: кужны правильнöя используйтны информация, кужны корректнöя висьтавны ассиныс мненнё, кужны петкöтны ассиныт мог, кужны донтны ассиныт удж, адззыны колана туй удж керöм понда, кужны содтыны мöдiк велöтiссезлiсь тöдöммез.

    Личностнöй судзöтöммез: зорöтны бур отношеннё роднöй литература дынö, зорöтны учöт чужанiн дынö радейтöм, кужны донтны гижисьлiсь удж; зорöтны ас гöгöрись мам му дынö радейтöм кывбур пырйöт.

    Результаттэз:

    1. Личностнӧй: Духовно-нравственнӧй качествоэз зорӧтӧм.
    2. Метапредметнӧй: Доказывайтны ассис позиция, ассис удж донтны кужӧм.
    3. Предметнӧй: Литературнӧй произведеннёэз бӧрйыны кужӧм, литературнӧй терминнэз бӧрйикӧ пыртны кужӧм.

    Литературоведческӧй концепция

    «Коми му сьылӧтiсь» - сiдз шуисӧ коми-пермяцкӧй поэтӧс. М. Д. Вавилин аслас поэтическӧй удж йылiсь баитiс этадз: «Менам муза медпростӧй: эта удж да песня». Удж да песня – это не только сылӧн музаэс, но и медшӧр темаэз, образзэз, кӧдна петӧны сы творчествоын. Сылiсь поэзiясӧ (лирикасӧ) В. В. Пахорукова шуис пейзажнӧйӧн. «Сы пейзажнӧй лирикаыстӧг ӧнi оз ни позь представитны коми-пермяцкӧй поэзiясӧ. «Кыдзок», «Кырассэз дын ӧгралӧны пипуэз», «Сотня кыр дзик крыша кокӧ» гижӧмась ӧддьӧн кокнита, бытьтӧ ӧтпыр лолыштӧмӧн, но быд стихын ловья, бура тыдалана (зримӧй) образ…», - сiдз гижис Вера Васильевна поэт творчество йылiсь. М. Вавилинлӧн кывбуррез асьныс корсисӧ сьывны, сiдз кыдз кыввес ныын вӧлiсӧ басӧкӧсь да коланаӧсь, а образзэз босьтӧмась миян гӧгӧрись, матынӧсь миянлӧ. Пейзажнӧй лирикаыс М. Вавилинлӧн мыччалӧм яркӧй рӧммезӧн (стихотвореннёын «Асывся песня» тожӧ). Этшӧм рӧммез позьӧ казявны ылiсянь, нiя живописнӧйӧсь и син гажӧтанаӧсь, пыр вуджӧтӧмась мортлӧн настроеннё вылӧ, кӧр параллельнӧя мыччалӧм мортлӧн да природалӧн состояннёыс, кӧр ciя паныт сувтӧм (кывбурын «Асывся песня» природалӧн и мортӧн ӧткодь гажа состояннё). Поэт аслас творчествоын используйтӧ уна олицетвореннёэз, сiйӧн ловзьӧтӧ вӧр-васӧ. Гижисьлӧн ачыс природаыс чужтӧ поэзiя: «Кыдз сэтӧн виль стихсӧ он пондӧт…»

    Уроклӧн мунӧм

    Уроклӧн этаппез

    Велӧтчан уроклӧн материал

    Велӧтiсьлӧн

    Удж

    Велӧтчиссезлӧн удж

    Пыр колана тӧдӧммез да кужӧммез зорӧтӧм (УУД)

    Класс лӧньсьӧтӧм

    (урок организуйтӧм)

    (1-2 мин.)

    Бур лун, дона челядь! Кытшӧм ӧнi кадыс?

    Мыччалӧ, что тiйӧ кынматӧ и тiянӧс кӧрчитӧ кӧдзытсянь. А ӧнi мыччалӧ, что тiйӧ шоналiт и тiянлӧ ӧддьӧн-ӧддьӧн бур… иии видзьчисьтӧг кинкӧ чапкис лым комок, кӧда павкис чужӧманыт. Мыччалӧ, кыдз тiйӧ лӧгасит.

    Матын тiянкӧт челядёк лепитӧны лымбабаэзӧс. Тiйӧ тожӧ пондiтӧ лепитны: сувтӧтат комоккесӧ ӧтамӧд вылӧ. Молодеццез! Кытшӧм бытшӧм лымбабаэзӧс кужит лӧсьӧтны. Бура уджалiт и настроеннёныт лоис гажа. Сэтшӧм жӧ настроеннёӧн пондӧтам урок.

    Сетӧ челядьлӧ настрой урок вылӧ.

    Лӧсьӧтчӧны удж дынӧ, внимательнӧя кывзыны велӧтiсьӧс да мыччалӧны действиеэз, кӧднӧ коро мыччавны сiя.

    Коммуникативнӧй:

    Кужны внимательнӧя кывзыны велӧтiсьӧс.

    Личностнӧй:

    Зорӧтны бур отношеннё урок дынӧ, зорӧтны кужӧммез мыччавны (инсценировать).

    Регулятивнӧй: Нацеливайтны бур удж вылӧ.

    Удж дынӧ туйдӧтӧм

    (2 минуты)

    • Тӧдӧ гижисьӧс серпассэз сьӧртi, кӧдна йитсьӧны сыкӧт. Аргументируйтӧ ассиныт думанытӧ.

    (медбӧрья картинкасӧ вермасӧ не тӧдны.

    Уч.:Эта дынӧ ми талун обратитчам урок коста.)

    Велӧтiсь сетӧ заданнё: тӧдны серпассэз сьӧртi гижисьӧс

    Велӧтчиссез серпассэз отсӧтӧн кошшӧны юасьӧм вылӧ ответ.

    Коммуникативнӧй:

    Кужны кывзыны и кывны ӧтамӧдӧс. Кужны бӧрйыны ассиныт дума да аргументируйтны сiйӧ.

    Личностнӧй:

    Зорӧтны устнӧй сёрни.

    Регулятивнӧй:

    Кужны корректнӧя висьтавны ассиныс мненнё.

    Познавательнӧй:

    Используйтны одзжыкся сетӧм материал, кӧда йитсьӧ эта авторкӧт да сы произведеннэзкӧт.

    Уроклӧн мог да тема петкӧтӧм

    (2-3 минуты)

    -Правильно, талун мийӧ пондам баитны М. Д. Вавилин йылiсь. Тiйӧ уськӧтiт тӧдвылӧ произведеннеэз М. Д. Вавилинлiсь. Мый эшӧ вермат висьтавны сы йылiсь?

    (Биография йылiсь).

    • Кытшӧм жанрын гижис М. Д. Вавилин?

    (лирическӧй жанрын, кывбуррез).

    Уськӧтам тӧдвылӧ, мый сэтшӧм лирика.

    (слайд 2)

    М. Д. Вавилин вӧлi поэтӧн.

    Кин сэтшӧм поэт?

    Если видзьӧтам этимология эта кывлiсь, то ми тӧдам, что эта кылыс греч. и вуджӧтчӧ кыдз «деятель, исполнитель, сочинитель». Кытшӧм глагол вылӧ вачкисьӧ эта кылыс? (поэт-поет). Да, правильно. И ачыс лирическӧй жанрыс йитсьӧ музыкакӧт. Эм даже сэтшӧм инструмент, лира, кӧда лоӧ поэтическӧй символӧн.

    М. Д. Вавилинлӧн кывбуррез корсисӧ сьывны. Отир шуис сiйӧ коми му сьылӧтiсьӧн. А мыля? Урок коста пондылам адззыны ответ эта вылӧ.

    И сiдз, уроклӧн тема

    «Коми му сьылӧтiсь»

    Кытшӧм моггез тi сувтӧтат ас пондасиныт эта урок вылын?

    Моггез:

    1. Тӧдсасьны М. Д. Вавилин биографиякӧт (тӧдны мыйкӧ вильӧ сы биографияись).
    2. Тӧдны, мыля отир сiдз шуис М. Д. Вавилинӧс.
    3. Тӧдсасьны виль кывбуркӧт.

     

    Велӧтiсь сеталӧ быдкодь юасьӧммез, кӧдна петкӧтӧны тема вылӧ. Ачыс формулируйтӧ уроклiсь тема.

    Велӧтчиссез внимательнӧя кывзӧны велӧтiсьӧс, сетӧны юасьӧммез вылӧ ответ, петкӧтӧны моггез.

    Коммуникативнӧй:

    Кужны висьтавны бытшӧма юасьӧммез вылӧ ответ.

    Регулятивнӧй:

    Кужны сувтӧтны моггез.

    Познавательнӧй: Одзжыкся тӧдӧммез используйтны урок вылын. Виль тӧдӧммез пыртны оланӧ.

    Личностнӧй:

    Вынсьӧтны желаннё шедтыны виль тӧдӧммез.

    Виль тӧдӧммез осьтӧм

    Висьталӧ меным, пожалуйста, кытшӧм документ миян оланын эм, кӧда подтвержадайтӧ миянлiсь личностьнымӧс? Кинлӧнкӧ тiян коласiсь сiя поди уже эм.

    Правильно, это паспорт.

    Давайте видзьӧтам ӧнi, кытшӧм паспорт вӧлi М. Д. Вавилинлӧн.

    (Мый ковсяс гижны тетраддезӧ, ме тiянлӧ висьтала). Öнi видзӧтам да кывзам внимательнӧя.

    Слайд 4

    -основнӧй информация.

    -Место жительства.

    (6-7 слайд вылын фотографияэз).

    -Родители.

    Аймамыс вӧлiсӧ неграмотнӧйӧсь, но кужисӧ бура уджавны, быдтыны нянь да лён, вӧдитны пода. Öтлаын ныкӧт уджалiс и зонныс: пинялiс, вӧлӧн ветлывлiс мельницаӧ изны, отсавлiс айыслӧ шупӧтны овин.

    - Социальное положение

    Велӧтчис Кукушкинскӧй начальнӧй школаын, сыбӧрын – Кочёвскӧй неполнӧй шӧрӧт школаын. 1939 годӧ кончитiс Кудымкарскӧй педучилище да пондiс уджавны велӧтiсьӧн. Велӧтiс Кочёвскӧй да Косинскӧй районнезiсь школаэзын.

    (8-9 слайддэз вылын фотографияэз).

    - Семейное положение

    -Дети

    -Воинская обязанность

    (10-11 слайддэз вылын фотографияэз поэтлӧн).

    Кытӧн бы эз уджав, кытӧн бы эз велӧтчы М. Д. Вавилин, сiя некӧр эз дугдыв гижны. Öнi давайте видзьӧтӧм мӧдiк документ, трудовӧй книжка, гижисьлiсь.

    М. Д. Вавилин понда музанас вӧлiсӧ удж да песня. Удж да песня – эта главнӧй визь (черта) йылiсь гижӧ ачыс поэтыс.

    Гижны поэт пондӧтчис одз, эшӧ начальнӧй школаын велӧтчикӧ. Гижис кӧччес да туриэз йылiсь, гожум да тӧв йылiсь. Жагвыв ӧксисӧ кывбуррес быдса тетрадь, кӧднӧ педучилищеын велӧтчикӧ мыччалiс М. П. Лихачевлӧ. Поэт ошкис зонкаӧс да туйдӧтiс велӧтчыны, медбы бура гижны.

    (остальнӧйыс гижӧм документ вылын, слайд 12).

    13 слайд – черновиккез поэтлӧн.

    Öнi осьтӧ небӧг. 119 листбок вылын тiян одзын мыччалӧмась воспоминаннеэз М. Д. Вавилин да сы творчество йылiсь. Лыддьӧтам энӧ воспоминненнёэсӧ да гижам тетраддезаным медшӧр думаэз.

    1 воспоминаннё И. Мининлӧн:

    Стиххез ӧддьӧн лиричнӧйӧсь, вӧрзьӧтӧны отирлiсь сьӧлӧм, ӧстыны сiйӧ дзирыт чувствоӧн.

    2 воспоминаннё В. В. Пахоруковалӧн:

    М. Вавилинлӧн пейзажнӧй лирика пыр чужтӧ виль настроеннё, унажыксӧ бурӧ, югытӧ. Сiя утверждайтӧ только басӧксӧ, мичасӧ.

    3 воспоминаннё А. И. Клещинлӧн

    Сыкӧт поэт велӧтчис ӧтдруг Москваын. Но пантасьлiсӧ нiя шоча. А кӧр Михаил Дмитриевич бертiс бӧр Кудымкарӧ, нiя ӧтлаын пондiсӧ гижны сьыланкыввез. Вот мый баитӧ композитор поэт кывбуррез йылiсь:

    «Сылӧн кывбуррез вӧлiсӧ меным сьӧлӧмви: вежӧртанаӧсь, сӧстӧмӧсь, мыччалiсӧ мортлiсь думаэсӧ, гажсӧ и гажтӧмсӧ сэтшӧм задушевнӧя, что корсисӧ сьывны…»

    М. Д. Вавилинлӧн эмӧсь сатирическӧй  и юмористическӧй произведеннёэз, кӧдна тожӧ корсьӧны сьывны.

    Öнi давайте видзьӧтам видео, кытӧн Екатерина Плотникова сьылӧ сьыланкыв кывбур вылӧ «Ась-Парась».

    (Не вунӧтны висьтавны фотография Кудымкар йылiсь, кӧда вӧлi шарадаын).

    Уна кин тiян коласiсь кывлiс «Кудымкар йылiсь» сьыланкыв, но етша кин тӧдӧ, что эта сьыланкылыс петiс М. Д. Вавилин да А. И. Клещин кипод увтiсь.

    Кыдз чужис эта сьыланкылыс, миянлӧ висьтасяс … (сообщеннё учениклӧн)

    + видео (сьылакыв «кудымкар йылiсь»)

    Велӧтiсь висьтасьӧ гижись йылiсь. Мыччалӧ гижисьлiсь «паспорт», фотографияэз. Висьтасьӧ поэт творчество йылiсь.Öтлаӧн велӧтiссезкӧт уджалӧ поэт йылiсь воспоминаннёэз вылын. Мыччалӧ видеоэз, кӧдна йитсьӧны поэтлӧн творчествокӧт.

    Велӧтiссез внимательнӧя кывзӧны велӧтiсьӧс и ёрттэзнысӧ. Гижӧны тетрадьӧ, лыддьӧтӧны. Адззӧны текстiсь медшӧр колана думаэз.

    Личностнӧй: Зорӧтны бур отношеннё коми-пермяцкӧй культура да кыв дынӧ. Зорӧтны устнӧй да письменнӧй серни.

    Коммуникативнӧй: Кужны лыддьӧтны бытшӧма и горона. Кужны кывзыны да сетавны юасьӧммез, ежели мыйкӧ невежӧртана или мыйкӧ колӧ содтыны. Кужны адззыны медшӧр думаэс текстiсь.

    Познавательнӧй: Кужны уджавны мыччалӧм материал да небӧг сьӧртi.

    Анализирующӧй наблюденнё

    Проблемнӧй юасьӧм:

    И сiдз, кыдз тiйӧ думайтат, мыля М. Д. Вавилинлӧн кывбуррез, кыдз гижис А. Клещин «корсисӧ сьывны»?

    Ответ: Нiя вӧлiсӧ гижӧмась кокнита, но вермисӧ вӧрзьӧтны сьӧлӧм, ӧзтыны сiйӧ дзирыт чувствоэзӧн. Нiя вӧлiсӧ матынӧсь отирлӧ. Сiдз кыдз быдӧс образзэз мыччалӧмась миян округис: эта и Иньва, и Кудымкар, и Кува.

    М. Вавилин да А. Клещин кипод увтiсь петiс эшӧ ӧтiк сьыланкыв, кӧдӧ отир  шуис медодзза коми-пермяцкӧй вальсӧн. Эта сьыланкылыс шусьӧ «Асывся песня». Öнi обратитчам кывбурыс дынӧ (стр. 121).

    Лыддьӧтам внимательнӧя кывбурсӧ (кинкӧ лыддьӧтӧ).

    Кыввез: моль – рассыпной лес на воде; вуджӧр – тень.

    - Мый йылiсь поэт гижӧ кывбурын?

    Отир йылiсь, кӧда чеччӧны одз асывнас, медбы уджавны. Описывайтчӧ асывся вӧр-ва.

    Давайте видзӧтам, кытшӧмӧн миян одзын петӧ вӧр-ваыс. Эта понда используйтам:

    Прием «Цветовая палитра»

    Кытшӧм рӧммез поэт мыччалiс эта кывбурын?

    Рӧм

    Предмет или явленнё, кӧда йитсьӧ рӧмкӧт

    Кытшӧм смысл эта рӧмлӧн

    Чочком-чочком туман-чистӧй, сӧстӧм.

    Золотӧй – югӧр золотӧй- би, шондi.

    золотӧй – рудзӧг, ыббез –богатство, бур олан.

    зеленӧй –– вӧр – спокойствие.

    Рӧмтӧм, голубӧй кодь – кымӧр, ва, лысва - символ чистоты, спокойствие, воздушность.

    Адззисисӧ я кывбурын сьӧд рӧммез?

    Кытшӧмӧн петӧ миян одзын поэтлӧн мирыс?

    - Басӧкӧн, сӧстӧмӧн, югытӧн, богатӧйӧн, пейзажнӧйӧн, яркӧйӧн.

    -Правильно, природа мыччалӧм миян одзын яркӧй рӧмаӧн.

    А отирлӧн сэтшӧм жӧ состояннёыс? Кыдз тiйӧ думайтат? Докажитӧ.

    - Кыдз йитсьӧ вӧр-валӧн да отирлӧн олан?

    Ответ: Отир и вӧр-ва вичкисьӧны ӧтамӧд вылӧ, нылӧн ӧткодь гажа настроеннё. Мортыс параллельнӧя мыччалӧм вӧр-вакӧт.

    Кытшӧм художественнӧй приеммез отсалӧны поэтлӧ аркмӧтны асывся серпассэз?

    -Олицетвореннё: шондi лэбтiсьӧ, ыббез радуйтӧны, шушкӧ рудзӧг, Иньва нуӧ приветтэз Камалӧ, лысва вевттис виддзесӧ, чеччӧ Прикамье…

    Метафора: бисер дзик вевттьӧм; тырсялӧм рудзӧг, (свиттялана лысва), сусёк тырӧ.

    Эпитеттэз: Чочком туман; югӧр золотӧй; свежӧй, шоччисьӧм, роднӧй Прикамье;сӧдз (свиттялана) лысва.

    И сiдз, кытшӧм средство медуна используйтӧ поэт? Мыля?

    -Ciя мыччалӧ вӧр-васӧ ловьяӧн. Эстӧн и петӧ пейзажнӧй лирикаыс Вавилинлӧн.

    Мый жӧ сэтшӧм пейзаж?

    Пейзаж - это природалӧн описаннё.

    Правильно. Кыдз тi думайтат, мый сэтшӧм пейзажнӧй лирика?

    Пейзажнӧй лирика – это лирика, кӧда аркмӧтӧ вӧр-валiсь серпассэз и висьтасьӧ мортлӧн чувствоэз, переживаннёэз да думаэз, кӧдна аркмӧны этна серпассэз тӧдвылӧ уськӧтiкӧ.

    В. В. Пахорукова гижӧ, что М. Д. Вавилин «пейзажнӧй лирикатӧг оз позь представитны коми-пермяцкӧй поэзiясӧ». Докажитӧ этӧ думасӧ.

    Ответ: Кывбуррес гижӧмась ӧддьӧн кокнита, бытьтӧ ӧтпыр лолыштӧмӧн, но быд стихыс ловья, бура тыдалана образ. Нiя утверждайтӧны только басӧкӧ, мичасӧ. Мийӧ олам вӧр шӧрын, вӧр-вакӧт ӧтлаын, и Вавилинлӧн кывбуррез отсалӧны миянлӧ аркмӧтны образзэз, радейтны природасӧ, адззыны сыись мичасӧ.

    Велӧтiсь сетӧ проблемнӧй юасьӧм и тшӧктӧ велӧтчисьыслӧ адззыны сы вылӧ ответ да аргументируйтны сiйӧ. Корӧ велӧтчиссезӧс лыддьӧтны кывбур да уджавны сы вылын. Сеталӧ быдкодь юасьӧммез кывбур дынӧ, тшӧктӧ кошшыны ответтэз.

    Велӧтчиссез сетӧны юасьӧм вылӧ ответ, аргументируйтӧны сiйӧ. Лыддьӧтӧны выразительнӧя кывбур. Уджалӧны сы вылын.

    Личностнӧй: Зорӧтны бур отношеннё аймам кыв дынӧ, зорӧтны устнӧй сёрни.

    Коммуникативнӧй: Кужӧмӧн пользуйтчыны медосновнӧй тӧдӧммезӧн, кывзыны и кывны ёрттэзӧс, кужны аргументируйтны думаэс, кужны петкӧтны дон ёрттэс ответтэз вылӧ.

    Регулятивнӧй: Кужны донтны ассиныс удж, кужны содтыны мӧдiк велӧтчиссезлiсь тӧдӧммес. Кужны правильнӧя логическӧя рассуждайтны, кужны корректнӧя висьтавны ассиныс мненнё.

    Познавательнӧй: Виль тӧдӧммез пыртны оланӧ.

    Концептуальнӧй осмысленнё:

    Öнi ме тiянкӧт пондӧтам удж сопоставительнӧй таблица вылын, кӧда сетӧм 123 листбок вылын. Тiянлӧ колӧ сопоставитны Вавилинлiсь кывбур Л. Бражкинлӧн серпаскӧт «Туман лэдзчисьӧ».

    Удж керам тетраддезын.

    Мыччалӧ Л. Бражкинлiсь серпас «Туман лэдзчисьӧ», висьталӧ кык-куим кыв эта серпасалiсь йылiсь. Тшӧктӧ велӧтчиссезлӧ тыртны  сопоставительнӧй таблица сетӧм критерийез сьӧртi.

    Кывзӧны велӧтiсьӧс. Видзӧтӧны серпас. Тыртӧны таблица критерийез сьӧртi тетраддезын.

    Личностнӧй: Зорӧтны бытшӧм отношеннё коми-пермяцкӧй культура дынӧ. Зорӧтны письменнӧй серни.

    Коммуникативнӧй: Кывзыны и вежӧртны мӧдiккезӧс, висьтавны бытшӧма ассиныт дума.

    Регулятивнӧй: кужны правильнӧя логическӧя рассуджайтны. Кужны сопоставляйтны критерийез сьӧртi.

    Познавательнӧй: зорӧтны виль интерессэз уже тӧдӧммез дынӧ. Тӧдӧммез да кужӧммез пыртны оланӧ.

    Рефлексия:

    Молодеццез, талун митiянкӧт бура уджалiм и уна мый тӧдiм эта урок вылын. Öнi представитӧ. Пожалуйста, что миян урокным вӧлi ресторанын. Öнi миянлӧ колӧ мунны, а ресторанiсь директорыс оз эшӧ бы миянӧс лэдз, тшӧктӧ сетны ответ сы юасьӧммез вылӧ:

    - Ме бы сейи эшӧ этӧ …

    - Медӧддьӧн меным гленитчис…

    - Ме почти сёйыштi …

    - Ме ӧддьӧн ни уна сiйӧ сёйи…

    - Содтӧ меным эшӧ …

    Ответтэзнытӧ гижӧ листоккез вылӧ.

    Слайд вылӧ петкӧтӧ предложеннёэз, кӧднӧ колӧ помавны.

    Помалӧны предложеннёэз, керӧны выводдэз урок сьӧртi.

    Личностнӧй: Зорӧтны письменнӧй серни.

    Регулятивнӧй: керны вывод урок сьӧртi. Сетны дон асланыт уджлӧ.

    Оценкаэз сувтӧтӧм:

    Комментируйтӧ урок коста удж оценкаэз тэчӧмын.

    Кывзӧны ассиныс недочёттэснысӧ. Сувтӧтӧны оценкаэз.

    Регулятивнӧй: правильнӧя усвоитны, мый тӧдӧ и эшӧ оз, ассис возможносттез.

    Познавательнӧй: тӧдӧммез да кужӧммез пыртны оланӧ.

    Коммуникативнӧй: Кужны кывзыны да петкӧтны ас пондасис коланаӧ серниись, керны выводдэз.


    По теме: методические разработки, презентации и конспекты

    урок по географии и литературе на тему "Реки".

    Cформировать представление о реке и её частях; речной системе и её элементах; развивающие: продолжить формирование умений работать с географической картой, составлять описание географического об...

    Презентация для интегрированного урока по математике и литературе на тему "Старинные русские меры в математике и литературе"

    Данная презентация предназначена для интегрированного урока по математике и литературе для учащихся 6 класса. Этот материал может быть использован учителями, работающими в гуманитарных классах....

    конспект по коми-пермяцкой литературе

    Тема: Виктор Рычков «Гажа гожум», «Гажтöм юöр»....

    Методическая разработка открытого интегрированного урока по истории и литературе на тему: «Отечественная война 1812 г. Образы Кутузова и Наполеона в романе Л.Н. Толстого «Война и мир»

    Открытый интегрированный урок по истории и литературе.Тема: "Отечественная война 1812 г. Образы Кутузова и Наполеона в романе Л.Н. Толстого «Война и мир"...

    Технологическая карта по учебной дисциплине «Литература» на тему "Образы героев в пьесе М. Горького «На дне»"

    Цель: дать портретные характеристики героев пьесы их действий, психологических особенностей.Задачи:- образовательная: формировать представление о действующих лицах пьесы; отработать навык работы с дра...