Әҙәбиәт дәресе
план-конспект урока

Благовещенка урта  белем биреү мәктәбе

Тема:   Зәйнәб Биишеваның

« Һөнәрсе менән Өйрәнсек»

әҫәре буйынса асыҡ дәрес.

Етәксе: Рамазанова Р.Р

З.Биишеваның  Һөнәрсе менән Өйрәнсек әҫәрен өйрәнеү.

Маҡсат: З.Биишева тураһында белгән белемдәрҙе тәрәнәйтеү. Әҫәрҙең идея- тематик йөкмәткеһе менән танышыу. Телмәр үҫтереү.Уҡыусыларҙа рухи-әхлаҡи сифаттар, хеҙмәткә,  сәнғәткә  һөйөү  тәрбиәләү.

Йыһазлау: портрет, әҙиптең әҫәрҙәре, уға арналған әҫәрҙәр,интерактив таҡта, көршәк һүрәттәре.

І. 1. З. Биишеваның тормошо,ижады тураһында әңғәмә.

- Һеҙ З.Биишева тураһында  нимәләр беләһегеҙ?

-Бәләкәй кластарҙа ниндәй әҫәрҙәрен уҡынығыҙ?

2. Уҡытыусы һүҙе.

З.Биишева үҙ иленең тоғро ҡыҙы ла,патриоты ла. Ул- хаҡлыҡ, ғәҙеллек, киләсәк йырсыһы. Ватан алдында яуаплылыҡ тойғоһо, хеҙмәт һөйөргә, булғанды һаҡларға, яҡларға өйрәтә беҙҙе - З. Биишева.

Дәресебеҙҙең девизы итеп ;

Рамаҙан Шәғәливтың шиғырын эпиграф итеп алайыҡ.

Үҙең китһәң, был донъяла эҙең ҡалһын,

Эҙең ҡалмаһа,бер йылы һүҙең ҡалһын.

Аҙашҡандар-эҙҙәреңде һуҡмаҡ итер.

Өшөгәндәр-һүҙҙәреңде усаҡ итер.

ІІ. Яңы тема өҫтөндә эш.

1. Датаны, дәрестең темаһаняҙып ҡуйыу.
2. Һүҙлек эше.
3. Хикәйәнең йөкмәткеһе буйынса эш.

-Уҡыусылар, яҙыусының  хикәйәте буйынса фекер алышайыҡ. Бының өсөн хикәйәттең йөкмәткеһе буйынса һорауҙарға  яуап бирергә кәрәк.

Хикәйтте тулыһынса уҡып килергә ине,уҡығанһығыҙҙыр тип уйлайым.

-Һеҙгә оҡшанымы?

Ни өсөн?

           Ә хәҙер, балалар Һөнәрсе менән Өйрәнсеккә хас булған сифаттарҙы дәфтәргә яҙып барабыҙ.

1. се төркөм. Өйрәнсектең сифаттарын яҙабыҙ.

• Хикәйәттә ниндәй ике образ ҡаршы ҡуйыла?
• Ни өсөн уларға шундай исем биргәндәр?
• Өйрәнсек ниндәй көршәктәр яһаған?
• Ни өсөн Өйрәнсек көршәктәрҙең тиҙ ватылыуына шатлана. Был уның ниндәй сифаттары тураһында һөйләй?
• Ни өсөн Өйрәнсек көршәктәрҙе һата.

2-се төркөм. Һөнәрсенең сифаттарын яҙабыҙ.

         -Һөнәрсе нимә менән шөғөлләнә?

        -Ни өсөн Һөнәрсе көршәктәр яһарға була.(китаптан өҙөктө табып    

         уҡырға)

        -Был эшкә ул нисек әҙерләнә һәм нисек башҡара был эште?

Ял минуты.

-Өйрәнсек Һөнәрсегә ниндәй тәҡдим  менән килә?

-Һөнәрсе уның тәҡдимен  ни өсөн ҡабул итә?

-Һөнәрсенең үлемен нимә яҡыныйта?

 Балалар  әйтегеҙ әле, ни өсөн халыҡ үҙенең оҫтаһын тиҙ онота?

-Өйрәнсек нисек данлыҡлы булып китә,ни өсөн аҙаҡтан уны ҡарғайҙар?

-Нисек уйлайһығыҙ, ни өсөн Һөнәрсенең буяуҙары уңмай,йәғни төҫө бөтмәй?

       Балалар, таҡтала көршәк һүрәттәре ҡуйылған ҡайһы көршәктәр Һөнәрсенеке, ҡайһыһы Өйрәнсекте. Һеҙгә алдан көршәк һүрәте төшөрөргә ҡушылған ине, ә хәҙер  һүрәттәрҙе  ҡарайыҡ,кемдәрҙер күңелен биреп эшләгән,ҡайһылар  күҙ буяу өсөн генә эшләгән.

Йомғаҡлау.

• Балалар был хикәйәт һеҙҙә ниндәй тойғолар уятты?
• Был хикәйәт беҙҙе нимәгә өйрәтә?
• Хикәйәттән үҙебеҙгә нимәләр ала алабыҙ?
• Ысынлап та, балалар, кеше был донъяла үҙенең хеҙмәте, эш һөйөүсәнлеге, яҡшы ғәҙәттәре,намыҫлы хеҙмәте, тырышлығы менән генә матур донъя  көтә, кеше араһында абруйлы була ала. Һеҙгә лә уҡыусылар изге күңелле, яманды яҡшынан айыра белергә, тырыш,гел яҡшы кешеләр менән дуҫлашырға,эш һөйөүсән булып үҫеүегеҙҙе теләйем

Өй эше.

• Хикәйәттән мәҡәл-әйтемдәр яҙырға.
• “Ауылым оҫталары” тигән темаға инша яҙырға.