Сан төркемчәләре
план-конспект урока (6 класс)

Этап

Укытучының эшчәнлеге

Укучының эшчәнлеге

1. Уку эшчәнлегенә мотив булдыру. Максат: укучылар белән дәрескә уңай атмосфера тудыру.

Исәнләшү.

Дәресебезне күтәренке кәеф белән башлап җибәрик. Бүгенге дәрескә эпиграф итеп, Ш.Маннур шигыреннән өзек алдым.

-Уйла җитез, уйла тиз,

Җиде кат үлчә, бер кат кис!

Дәфтәрең чиста булсын,

Китабың көлеп торсын.

Ачып җибәргәндә син,

Үзлегеннән укылсын.

К.Насыйри “ Әбүгалисина” әсәренең кыскача эчтәлеген сөйләү.

Дәрескә әзерләнәләр, бер-берсен сәламлиләр.

2. Белемнәрне актуальләштерү

Максат: сан сүз төркеме турында өйрәнгәннәрне искә төшерү. 

- Өй эшен тикшерү.

- Саннарсыз тормышта яшәп булмый. Алар гел янәшәдә.

Сан темасы буенча үткәннәрне кабатлап килергә иде.

• Сан сүз төркеме дип нинди сүз төркемен атыйлар.
• Сан сүз төркеме нинди сорауларга җавап бирә.
• Сан ияреп килгән исем......дип атала
• Сан янында килгән исем төшеп калса....
• Ясалышлары буенча саннар нинди төркемнәргә бүленә?

Укучыларның парларда эшләвен күзәтә. Бу эш төре буенча нәтиҗә ясый.

Укучылар группаларда эшлиләр.( Өй эше тикшерелә)

 3. Укыту максатын кую

Максат: уку мәсьәләсен кую.

1.Сезнең алдыгызда карточкалар бар, анда раслаулар бирелгән. Бу раслаулар белән килешсәгез беренче баганада  әйе дип, килешмәсәгез юк дип җавап бирәсез. ЭЙ  АР ГАЙД.

2.Карточкаларда сүзләр тәкъдим итә. Ничек эшләргә кирәклеген аңлата.

-Сезнең  өстәлләрдә сары төстәге карточкалар бар. Саннарны табыгыз, сорау куегыз, кушымчаларын билгеләгез һәм сезгә бирелгән таблицада урнаштырыгыз. Кабатланган сорау һәм кушымчаларны язмыйсыз.

Укучыларның эшен тикшерә.

-Бирелгән саннарны сез нишләттегез? Төркемчәләргә бүлдегез. Ничә төркемчә килеп чыкты? Берничә укучыдан сорау.

-Дәреснең темасы нинди булыр? Бүгенге дәрестә нәрсәләр эшләргә кирәк?

Слайдлар ярдәмендә Сан төркемчәләре темасын аңлату.

Карточка

Җиде урам, беренче дәрес, унлап укучы, икәү, икешәр алма, унау, меңләп студент, алты китап, тугызынчы кат, өчәр дәфтәр, йөзләрчә кеше.

-Саннарны төркемчәләргә аера белергә, аларны сөйләмдә дөрес кулланырга.

4. Авырлыкны җиңү һәм проектны төзү

Хәзер әйдәгез, укучылар, максатка ирешү планын төзибез.  Алгоритм төзеп карыйбыз. Әлеге алгоритм безгә саннарга анализ ясаганда кирәк булачак.

Максатка ирешү планын төзиләр һәм чараларын билгелиләр ( алгоритм, модель һ.б.)

1. Санга сорау куябыз
2. Кушымчасын күрсәтәбез
3. Мәгънәсе буенча төркемчәсен билгелибез

5.Беренче кат ныгыту

Максат: уку мәсьәләсен куллану

Аңлап кабул итүне тәэмин итү. Беренчел йомгаклау (гомумиләштерү)

-Укучылар, экранда күрсәтелгән җөмләләрне укыгыз әле. Нәрсәләр бирелгән?

- Халык авыз иҗаты үрнәкләрендә дә саннар күп тупланган. Сезнең максатыгыз җөмләләрне уку, саннарны табу һәм алгоритм буенча тикшерү.

Кечкенә генә сарай

Эчендә утыз ике малай.

Беренче кар көндез яуса – кыш салкын, төнлә яуса –җылы була.

Ике әти, ике бала, үзләре өчәү генә.

Кеше көненә унбишләп мәртәбә көлә, ә өч көнгә бер-ике мәртәбә елый.

Ял минуты. МИКС ФРИЗ ГРУПП. –Музыка уйный. Сез биисез. Җыр туктауга бер урында басып каласыз. Мин сезгә сорау бирәм. Җавабыгызны кычкырып әйтмәгез, ә җавап дөрес булырлык итеп, төркемнәргә җыелыгыз.

1. Саннар ничә төркемчәгә бүленә? (5)
2. Бүген ничәнче гыйнвар? (13)
3. Безнең сыйныфта ничә укучы? (10)

Алгоритмнарны телдән кабатлап,типик биремнәрне чишәләр

• Табышмаклар, мәкальләр.

Утыз ике – ничә? кушымчасы юк, төгәл исәпне белдерә, микъдар саны.

Беренче – ничәнче? –енче кушымчасы, тәртип саны.

Җидешәр- ничәшәр? –шәр, бүлем саны.

Өчәү – ничәү? –әү кушымчасы, җыю саны.

Унбишләп- ничәләп? –ләп кушымчасы, чама саны.

Бер-ике – ничә? чама саны.

6.Эталон буенча үз-үзеңне мөстәкыйль тикшерү эшчәнлеге

Максат: үзләштерү дәрәҗәсен тикшерү

ЭЙ АР ГАЙД карточкаларын алыгыз. Өйрәнгәннән соң дигән бүлеккә җавапларыгызны языгыз. Аларны чагыштырыгыз. Фикерләрегез үзгәрдеме?

Мөстәкыйль эш.  Эталон буенча үзтикшерү адымнарын чагыштыру

Укучылар фикерләрен әйтәләр.

7. Рефлексия эшчәнлеге (эш нәтиҗәләре)

Рефлексияне оештыру

-Бүгенге дәреснең төп җөмләләрен әйтегез.

Ә Хәзер әйдәгез балларны санап кайсы команда җиңгәнлеген ачыклый.

• Бүгенге дәрес темасын кемнәр “Мин бик яхшы үзләштердем , иптәшләремә дә аңлата алам” кызыл түгәрәкләрне күтәрәбез..
• “Мин яхшы үзләштердем, ләкин иптәшләремә аңлата алмыйм әле” дип кем уйлый? Сары түгәрәкләрне күтәрә.

Өй эше бирү.

1. Саннар кергән 5 мәкаль яки 5 табышмак  язып килергә

2. Исемендә сан булган 5 әсәр исеме (авторын) язып килергә.

-Көндәлек тормышта саннарны бик еш кулланабыз. Еллар,айлар, көннәр санала. Сәгать телләре дә саннарны күрсәтә. Кибеттә азык-төлек, кием алганда да, саннар ярдәмгә килә.

Үз уку эшчәнлеген бәяләүне, максат һәм нәтиҗәләрне, үзләштерү дәрәҗәсен оештыру.

Саннарның 5 төркемчәсе була. Санга сорау куябыз, кушымчасын табабыз, мәгънәсен билгелибез, төркемчәсен әйтәбез.

Укучылар үз эшләренә бәя бирәләр