Класс сәғәте. Бер кем дә, бер нәмә лә онотолмаған.
классный час (5, 6, 7 класс) на тему

               Башҡортостан Республикаһы  Бөрйән районы Иҫке Собханғол

                        муниципаль урта дөйөм белем биреү учреждениеһы

                Класс сәғәте

 Тема. Бер кем дә онотолмаған,

           бер нәмә лә онотолмаған.

              (Бөйөк Еңеүҙең  70 йыллығына)

                                                     Класс етәксеһе:

                                                            Сәғитова Резеда Ғәйзулла ҡыҙы

                                   Бөрйән- 2015

 Тема . Бер кем дә , бер нәмә лә онтолмаған.

Маҡсат: уҡыусыларға Бөйөк Ватан һуғышының аяуһыҙлығы тураһында

                 төшөндөрөү, тел , халыҡ,ил тойғоһо төшөнсәләренең һәр

                 кемгә ғәзиз булыуын аңлатыу,уларҙы һаҡлауҙың

                 райондашыбыҙ Сәғитов Әхәт өлгөһөндә  изге бурыс

                 булыуын төшөндөрөү, Тыуған ил яҙмышына битараф

                 булмаған яҡлаусы, һаҡлаусы ил улдары, ил ҡыҙҙары

                 тәрбиәләү.

Йыһазландырыу: комьютер презентацияһы, интерактив таҡта,

                 китаптар күргәҙмәһе, Сәғитовтар шәжәрәһе, яугир фотолары.

                                                                 Эпиграф:

                                                      Тамуҡтарҙы үткән кешеләр бит,

                                                      Уйлай ҡалһаң, тау-таш иларлыҡ.

                                                      Ныҡлығына тауҙар һоҡланырлыҡ,

                                                      Нисек оноторһоң уларҙы?

                                   Класс сәғәте барышы.

    1.Ойоштороу.  “День Победы” йыры яңғырай.

            Һаумыһығыҙ, хөрмәтле уҡыусылар! Бөйөк Еңеүҙең  70 йыллығына арналған класс сәғәтен башлайбыҙ.

            Бөйөк Еңеүҙең 70  йыллығы яҡынлаша. Халҡыбыҙ байрамға әҙерләнә. 70 йыл беҙ зәңгәр күк, шат ҡояш аҫтында йәшәйбеҙ. Ләкин еңеү еңел генә бирелмәне.

            Беҙ ошо үҙебеҙҙең бәхетле бала сағыбыҙ өсөн Бөйөк Ватан һуғышында ҡатнашҡан ата-баьаларыбыҙға бурыслыбыҙ. Улар бөтә донъяны фашизм ҡоллоғонан ҡурсалап алып ҡалдылар. Күптәре әйләнеп ҡайтманы. Уларҙы бер минут тынлыҡ менән иҫкә алайыҡ.

                            (бер минут тынлыҡ)

                     Ҡайтманығыҙ тыуған илдәргә

          1) Һеҙ ҡайҙарҙа ятаһығыҙ икән,

               Ниндәй тупраҡ, ниндәй ерҙәрҙә?

               Ҡайтабыҙ тип киткәйнегеҙ бит,
              Ҡайтманығыҙ тыуған илдәргә.

          2)  Яу ҡырҙары күптән инде тынды,

               Шул ҡырҙарҙа мәңге ҡалдығыҙ.

               Һеҙ үлемһеҙ, үлемегеҙ менән

               Еңеү булып балҡый данығыҙ.

          3)  Дан һеҙгә, ил улдары,

                Ватан йырлай һеҙгә дан!

                Дан һеҙгә, ил ҡыҙҙары,

                Хөрмәтләй һеҙҙе Ватан!

2.  “Һуғыш!..”  тигән ҡәһәрле һалҡын һүҙҙе ишетеү менән, йөрәктәр ҡыҫыла, меңәрләгән әсәләрҙең  күҙ йәше күңелдн өтөп алғандай, гөнаһһыҙ сабыйҙарҙың йөрәк өҙгөс ауазы мейеләрҙе телеп үткәндәй була. Ғәзиз иле, ата-әсәһе, балалары, бөтә кешелек өсөн йәнен аямай ут эсенә ташланған яугирҙар күҙ алдынан үтә. Күпме кешенең ғүмерен ҡыйҙы, күпме сабыйҙы етем ҡалдырҙы, бәхетен селпәрәмә килтерҙе был һуғыш!..  Быларҙы иҫәпләп тә, барлап та бөтөп булмай…

      Ләкин бирешмәне ғорур халҡыбыҙ. Бөтә ауырлыҡтарҙы еңеп, илебеҙгә, еребеҙгә еңеү яҙын килтерҙе, мәкерле дошмандарҙы үҙ ояһында дөмбәҫләне.

     Бөйөк Ватан һуғышы көндәре йылдар үткән һайын беҙҙән алыҫлаша.

   -Еребеҙгә Еңеү яҙын алып килгән яугирҙарҙан кемдәрҙе беләһегеҙ?

      (уҡыусыларҙың яуабы)

  3.  Хөрмәтле уҡыусылар! Еңеү байрамын беҙ бөтәбеҙ ҙә көтөп алабыҙ.

   Бөйөк Еңеүҙе яулауға үҙ өлөшөн индергән яҡташтарыбыҙҙы, олатайҙарыбыҙҙы, бабайҙарыбыҙҙы иҫкә алабыҙ, фотоһүрәттәрен ҡарайбыҙ, өсмөйөшлө хаттарын уҡыйбыҙ.

Слайц 1.    

Мин һеҙгә бөгөн  оло яу юлдарын үткән Ғәлиәкбәр ауылынан          Әхәт Ҡәйүм улы Сәғитов  тураһында һөйләмәксемен.

      Ул Бөрйән районының Нөгөш йылғаһы буйындағы гүзәл тәбиғәт ҡосағында ултырған Ғәлиәкбәр ауылында тыуып үҫкән. Бала сағы, йәшлек йылдары ла шунда үткән.

Слайд 2    

Әхәт Сәғитов 1939 йылда Темәс педагогия училищеһын тамамлай.

 Хеҙмәт юлын үҙенең тыуған ауылында башлай.

                 Ул  тәүгеләрҙән булып районға  махсус педагогик белем менән ҡайта, 1939 йылдың 15 авгусында хеҙмәт юлын башлай.

Сдайд 3        

    1941 йылдың  июнендә илебеҙгә фашистик Германия ябырыл-   ғанда, тәүгеләрҙән булып уны яҡларға  ынтыла. Хәрби фелдьшерҙар әҙерләү мәктәбен тамамлағас, 1942 йылдың апрель Карель фронтының 313-сө уҡсылар дивизияһы составында  фронтҡа инә.

Слайд 4

   Үҙен батыр, таһыллы һуғышсы итеп таныта.  Ҡыйыу һуғышсы,        ышаныслы  һуғышсы  булғаны өсөн яу ҡырында Әхәт Ҡәйүм улын Коммунистар партияһы  сафына ҡабул итәләр.Бөйөк Еңеүҙе күкрәгенә   Ҡыҙыл Йондоҙ ордены һәм “Батырлыҡ өсөн” миҙалын   таҡҡан        килеш    2-се Белоруссия фронты составында Гамбург йүнәлешендә ҡаршылай.  1947 йылдың февралендә  тыуған яҡтарына ҡайтып төшә оло яу юлдарын үткән һалдат.

              Слайд 5

                   1941 йылдың  21 майында Берлин ҡалаһында Рейхстаг

                                                янында төшкән фото.

              Слайд 6

                     Әхәт Сәғитовты  Иҫке Собханғол һигеҙ йыллыҡ мәктәбенә    директор итеп тәғәйенләйҙәр. Шул йылдарҙан алып, 50 йылдан ашыу киләсәк быуынға аң- белем биреүҙә ал-ял белмәйенсә эшләй.

                    Ялҡынлы коммунист актив тормош позицияһы менән йәшәй.   Уҡыусыларға хәрби- патриотик тәрбиә биреүҙә ҙур уңыштарға өлгәшә.

            Слайд 7

              Йәмәғәт эштәрен ҙур теләк менән башҡара.  Үҙ эшендә     юғары профессионализм,  хеҙмәт һөйөүсәнлек, талапсанлыҡ, барыһына ла ихтирамлы һәм иғтибарлы  мөнәсәбәте менән айырылып торҙо һәм үрнәк булды.  Фиҙакәр хеҙмәте өсөн “Башҡортостандың атҡаҙанған уҡытыусыһы” исеме бирелә.

Слайд  8

 Байтаҡ йылдарҙан бирле райондың  ветерандар советы председателе эшен алып бара. Районда йәшәүсе һуғыш һәм хеҙмәт ветерандарының тормошон яҡшыртыу өсөн арымай- талмай эшләй.

Урындарға сығып, уларҙың тормоштары менән таныша.

 Намыҫлы хеҙмәте өсөн  һанһыҙ грамоталар менән бүләкләнә.  

                Әхәт Сәғитов районы, республикаһы өсөн яҡты эҙ ҡалдырып китте.  Уның юлын һеҙ ҙә , уҡыусылар, лайыҡлы дауам итерһегеҙ.

                                     Йыр  “Тальян моңдары”

                       Ғ.Әхмәтшин һүҙҙәре    ,  М.Вәлиев музыкаһы

                 Хөрмәтле уҡыусылар! Ерҙә һәр ваҡыт тыныслыҡ булһын. Күк йөҙөн ҡара болоттар ҡапламаһын.

                                        Һәр бер әсә ғүмер бүләк итә

                                        Балаһына оҙаҡ йәшәргә

                                        Һәм балаһын яуға оҙатҡанда

                                        Бер үк төрлө илай әсәләр.

                                       Дуҫтар, дуҫтар, һиҙгер булайыҡсы,

                                       Сыланмаһын әсә керпеге.

                                       Яуҙан улын көтөп ағармаһын

                                       Әсә сәстәренең бөртөгө.

             Уҡыусы.

                                             Уҡыйыҡ “4”-кә һәм “5”-кә,

                                              Тормош аҡ бәхеткә тулһын.

                                              Көнөбөҙ яҡтыраҡ  балҡыһын,

                                              Илемдә бар кеше шат булһын!

            Йомғаҡлау.

                   Балалар! Һеҙ һуғыш һәм хеҙмәт ветерандары менән ғорурланып йәшәгеҙ. Улар Ватан өсөн ғүмерҙәрен йәлләмәне. Һеҙ ҙә үҙ Ватанығыҙҙы яратығыҙ, кешелекле һәм кеселекле булып үҫегеҙ.