7 "Б" СЫЙНЫФТА ТАТАР ӘДӘБИЯТЫННАН "БЕЗНЕҢ МУЗЕЙЛАРЫБЫЗ" ТЕМАСЫНА ҮТКӘРЕЛГӘН ДӘРЕСКӘ ҮЗАНАЛИЗ.
план-конспект урока на тему

Дәрескә үзанализ.                                                                                                                                                     Укытучы: Рахматуллина Лилия Рәфкать кызы.                                                                                                Татар әдәбияты, 7 “Б” сыйныф (рус төркеме).                                                                                                                                    Дәреснең темасы: “Безнең музейларыбыз” тексты.                                                                           Дәреснең тибы: Яңа материалны өйрәтү.                                                                                                              Дәрес түбәндәге этаплардан тора:                                                                                                                                     1.Оештыру өлеше.                                                                                                                                                        2.Өй эшен тикшерү.                                                                                                                                                       3.Белемнәрне актуальләштерү.                                                                                                                                                      4.Яңа материалны аңлату.                                                                                                                                  5.Ныгыту өлеше.                                                                                                                                                       6. Өй эше .                                                                                                                                                                             7. Рефлексия.                                                                                                                                                   Дәреснең тибы аның эчтәлегенә туры килә: укучыларны кызыксындыру, актульләштерү, яңа теманы өйрәтү, алынган белемнәрне ныгыту, камилләштерү, дәреснең дидактик максатыннан караганда, бик отышлы. Әлеге дәрестә укытуның традицион метод һәм алымнары белән беррәттән яңа педагогик технологияләр дә кулландым. Дәресне балаларның яшь үзенчәлекләрен, яңа дәреснең заманчалыгын, тормыш белән бәйләнешен исәпкә алып төзедем. Белем һәм тәрбия бирүгә комплекслы якын килеп, дәресемдә балаларның тәрбиялелеген күтәрү өстендә дә эшләргә тырыштым.                                                                                                                                                     Дәресемә түбәндәге максатларны куйдым:                                                                                                         1) ”Безнеӊ музейларыбыз” тексты белән таныштыру; Татарстан музейлары турында белемнәрне арттыру;                                                                                                                                                                                    2) лексик тема буенча яӊа сүзләр белән таныштыру һәм аларны гамәли үзләштерү; диалогик сөйләм күнекмәләрен үстерү;                                                                                                                                                    3) туган якның мәдәниятен өйрәнүгә кызыксыну уяту, тарихыбызга хөрмәт тәрбияләү;                                        4) фикерләү сәләтен үстерү.                                                                                                                                                                         Минем фикеремчә, дәрескә куелган барлык максатларга ирешелде. Укучыларны дәрестә пассив тыңлаучы итеп түгел, ә танып белү процессында актив катнашучы итеп күрә белү, дәрестә минем төп бурычым иде. Укучыларны дәрескә кызыксындыру максатыннан, актуализация этабында тормыш белән бәйләдем. Яңа теманы бирүдә проблемалы эзләнү методы элементларын кулландым. Дәрестә һәр баланың фикерен сорап бетерү мөмкин түгел, шулай да, дәрестә һәр укучыга  сүз бирергә тырыштым. Бу исә укучыларны үзләрен шәхес итеп тоярга мөмкинлек бирә. Дәрес барышында укучыларның белемнәрен, күнекмәләрен, осталыкларын мөстәкыйль рәвештә куллана белү эзлеклелеге тәэмин ителде. Яңа идеялар булган белемнәргә нигезләнеп бирелде, тормыш белән бәйләнеш күздә тотылды.  Өй эше бирү алдыннан әзерлек эше алып барылды дип уйлыйм.                                                                                                                                                              Рәхмәт!!!