мастер класс
творческая работа учащихся (5, 6 класс)

Мастер класс “Зүжэгтэ һүүдэр”

-Сайн байна, хүндэтэ һурагшад ба айлшад. Би Сахирай интернат һургуулиин буряад хэлэ ба зохёолой багша Сэсэг Баторовна Хадаева. Таа бүгэдэниие сагаан һараар амаршалаад, баяр баясхаланиие үнэн зүрхэнһөөнь хүсэнэб!

Мүнөө энэ мастер класс танда һонин хэрэгтэй олон зүбшөөрһэн мэдээсэл асарха гэжэ найданаб.

    -Би мүнөө танда амаршалгаар хандахаб, хэрбээ таанар “Энэ намда    хэрэгтэй” гэжэ һанабал, альгаа ташалгаар харюусагты.

1. -Хэн творческоор хүдэлхэеэ бэлэн бэ?
2. -Хэн һанал, хүсэл бэелүүлхэ дуратайб?
3. -Хэн ниидэхэ дуратайб?
4. -Хэн һайнаар сагаалжа байнаб?
5. -Хэн өөрынгөө эжыдээ дуратайб?

-Энэ 2019 он юундэ зорюулагдаһан бэ? (Зүжэгтэ зорюулһан жэл болоно)

-Театрта юу харуулдаг бэ? (зүжэгүүдые, үльгэрнүүдые, пьесэнүүдые)

-Зүжэгүүдые,үльгэрнүүдые, пьесэнүүдые хэн харуулдаг бэ? (хүнүүд, актёрнууд)

- Хайшан гээд актернууд зүжэгүүдые, үльгэрнүүдые харуулнаб? (хэлэнэ, харуулна, ябана, хубсаһа үмдэнэ, мимика, жестнүүдые харуулна).

-Таанар зүжэгүүдые хараха дуратай гүт?

-Мүнөө таанарта  актернууд “Табан хушуун мал” гэһэн зүжэгтэ һүүдэр харуулхаяа ерээд байна. Халуун альга ташалгаар угтанабди.

(«Табан хушуу мал» зүжэг харуулна.)

Һүүдэр гээшэмнай хүүгэдыешье, томошуулыешье ехээр гайхуулдаг, һонирхол татадаг. Зүжэгтэ һүүдэр ехэ үзэсхэлэн һайхан нюусатай. Хэр угһаа хойшо буряад зон һэеы гэр соогоо үдэшын галай һүүдэртэ элдэб юумэнүүдые гараараа харуулан байжа, үхибүүдтээ хөөрэдэг байгаа. Харин мүнөө, зайн галай бии болоһонһоо хойшо галаа тойроод, һуужа үльгэр онтохонуудаа хөөрэлдэхэеэ болёод байнабди.

Ехэнхи үхибүүд ород хэлэн дээрэ хөөрэлдэнэ гэжэ мэдэнэбди. Зүжэгтэ һүүдэр гэһэн арга хэшээлдээ хэрэглэжэ туршахадамнай, энэ арга үрэ дүнтэй, һурагшадта ехэ һонирхолтой, манда таатай зохид байна.

Зүжэгтэ һүүдэр гэһэн аргада иимэ онол арганууд ороно: Импровизаци, Метод наглядной иллюстрации , Метод игры, Метод импровизации

• Мүнөө бидэ гурбан бүлэг боложо хубаараад, өөһэдөө актернууд боложо, багахан зүжэгтэ һүүдэр харуулхабди. Мүнөө светофорай үнгөөр хубаарнабди.

• Бүлэг бүхэндэ багахан хөөрөөнүүд үгтэгдэнхэй, тэрэнээ урид анхаралтайгаар уншанат, тиигээд ролёор хубаажа абаад, автор байха, һүүлээрнь эндэ хаалтын саанаһаа  харуулнат. Бэлдэлгэдэ 5 минута үгтэгдэнэ.

(Бүлэг бүхэн өөһэдынгөө хөөрөөнүүдые харуулна)

Мастер-классай дүн: Хүндэтэ һурагшад бидэ мүнөөдэр актернууд боложо, багахан зүжэгүүдые харуулбабди. 2019 он – зүжэгтэ зорюулагдаһан жэл болоно. Тиимын тула гансашье зүжэг хаража бэшэ, харин өөһэдөө актернууд боложо, зүжэгүүдые харуулжа байхыетнай хүсэнэб. Хабаадаһан һурагшадта баярые хүргэнэб.

Дахин уулзатараа баяртай!

Хэрэгсэлнүүд: ноутбук, колонки, музыка, удлинитель, настольная лампа, маленькие гвозди, доска-юрта.

Табан хурган –

Сагаалганай бэлэг-

Будамшуу-

ЗҮЖЭГТЭ ҺҮҮДЭР