"Һөнәрләр" темасына йомгаклау дәресе
презентация урока для интерактивной доски по теме

Казан шәһәре Яңа Савин районы 23 нче татар-рус мәктәбе

“Һөнәрләр” темасына йомгаклау дәресе планы

          (3 б сыйныфының рус төркеме)

                                       Төзүче

                                       укытучы Абдуллина Р.Ш.

                                                                 КАЗАН - 2012

Тема. Һөнәрләр.

Максат.  Интерактив такта белән эшләү  күнекмәләрен  камилләштерү;

      Белем алуга омтылыш, дәресләрдә активлык, мөстәкыйльлек,                              игътибарлылык    тәрбияләү;

      Төрле һөнәр кешесенә ихтирам хисе тәрбияләү.

Җиһазлау. Интерактив такта, презентация, дәреслек.

I.Оештыру.

Исәнләшү.

Дежур укучының рапорты.

II.Актуальләштерү.

Укучылар, бүген без “Һөнәрләр” темасын йомгаклыйбыз.Интерактив тактада эшләвебезне камилләштерәбез.  Әйдәгез әле өйрәнелгән сүзләрне искә төшерик:

Учитель, продавец, художник, врач, певец, рыбак, воспитатель, почтальон, швея, писатель, строитель; Бу сүзләр нинди кушымчалар ярдәмендә ясалган? (-чы/-че)  Әйдәгез әле, мин сүзләр әйтәм, ә сез һөнәр исемен төзисез:  кибет...,  китапханә..., трактор..., бию...,уку..., йөзү... , эш... .

Учит, продает, рисует, лечит, поет, рыбу ловит, воспитывает, разносит, шьет, пишет, строит.

Экранга карагыз  укучылар, рәсемдә төрле һөнәр кешеләре . Алар кемнәр?(1слайд.  Балалар һөнәр исемен әйтә, тактага указканы тидерәләр,  шул исем рәсем астына урнаша).

III. Төп өлеш.

1. Әйдәгез, укучылар, кем нишли? соравына җавап бирик. ( 2 слайд. Укучы “Перо”га баса да, бирелгән сүзләрдән указка белән сызып,  дөрес парын таба. Мәсәлән, укытучы укыта.  Һ.б.).

Укытучы                     җырлый

Сатучы                        балык тота

Рәссам                        тәрбияли

Табиб                          укыта

Җырчы                       сата

Балыкчы                    төзи

Тәрбияче                   дәвалый

Хат ташучы               яза      

Тегүче                        рәсем ясый

Язучы                         тегә

Төзүче                        тарата

2. Кемнең  нәрсә эшләгәнен  белдек. Ә кемнең  кайда эшләгәнен беләсезме? . ( 3 слайд. Укучы “Перо”га баса да, бирелгән сүзләрдән указка белән сызып,  дөрес парын таба. Мәсәлән, укытучы мәктәптә эшли. һ.б.).

          Укытучы                     театрда

Сатучы                        төзелештә

Рәссам                        балалар бакчасында

Табиб                          мәктәптә

Җырчы                       базарда

Тәрбияче                   шифаханәдә

Хат ташучы               өйдә

Тегүче                        студиядә

Язучы                         фабрикада

Төзүче                        почтада

3. Ә хәзер уйнап алыйк әле, балалар. Экранда  төрле һөнәр кешеләре рәсемнәре, сез аларны танырсызмы икән?  ( 4-9 слайд. Укучы  дөрес җавап биргәндә, “ Дөрес!” сүзе чыга. Җавабы дөрес  булмаса, “Дөрес  түгел!” язмасы чыга. )
4. Дәреслекнең 56 нчы  битен ачыгыз әле. 6 нчы күнегүдәге  мәкальләрне укып тәрҗемә итик әле.

Эшкә вакыт, уенга – сәгать.

Йөз ел яшә, йөз ел өйрәң.

Сез бу мәкальләрне ничек аңлыйсыз?

Сезгә өй эше итеп эш, хезмәт турында мәкальләрне  табарга бирелгән иде. Әйдәгез әле, кем нинди   мәкальләрне тапты?

Егет кешегә җитмеш төрле һөнәр дә әз.

Кем эшләми, шул ашамый.

Көн эшләргә, төн йокларга.

Балтасыз балтачы түгел, инәсез тегүче түгел.

Эше барның ашы бар.

Тимерченең куллары кара, ә ипие ак.

5. Балалар, ә сезнең  киләчәктә кем буласыгыз килә? Әйдәгез шул  турында сөйләшик.

Балаларга сораулар бирелә, алар җаваплар кайтаралар.

IV. Йомгаклау.

Бүген без сезнең белән төрле һөнәрләр турында сөйләштек, кем-ничек-кая эшли сорауларына җавап алдык, киләчәктә сезнең һәрберегез кем буласыгызны әйттегез.

Ахыргы слайдка карагыз . Шигырьне укып тәрҗемә итик, балалар.

Эш

Без утырган урындык,

Без уйнаган бу курчак,

      Дәфтәр, карандаш, чаңгы,

  Кашык, тәлинкә, пычак,

   Һәр кадак, такта, һәр өй,

                                          Без ашаган бу ипи, -

Бар да хезмәт җимеше,

                                          Әти-әниләр эше.

Димәк, безнең тормышыбызда барлык әйберләр дә кеше кулы белән ясалган, һәр эшне кеше башкара. Өйдә әти-әниләребезнең  эшен хөрмәт итәбез. Ә мәктәптә, җәмәгать урыннарында башкалар  хезмәтенә  битараф карамыйбызмы без? Әйдәгез әле сыйныфта парталарны ничек тотабыз, ватмыйбызмы, чүпләмибезме? Кешеләр хезмәтенә хөрмәт күрсәтәбезме? Болар турында да уйланырга кирәк. Башкалар эшен хөрмәт итик, саклыйк.

Сез бүген барыгыз да әйбәт эшләдегез, көндәлекләрегезгә билгеләрне куегыз...

Эшләвегез өчен барыгызга да рәхмәт.

V. Өйгә эш.

Әти-әниләрнең һөнәрләре турында кечкенә хикәя язарга.