уроки
план-конспект урока (10 класс) по теме

МОУ   «Кочкуровская средняя общеобразовательная школа»

Ютавтызе Наумкина Галина Ивановна

2008 ие.

ПЕЛЬКСТАМОТНЕ: лецтямс   1) знаменательной ды лездыця

                                              кортамопелькстнэнь; 2)существительно-

                                              енть категориянзо; 3)правиланть коряс

                                              тонадомс сермадомо ламонь числань        

                                              форматнень; 4) кепедемс тонавтницят-

                                              нень мелест-превест Тиринь келень веч-

                                              кеме ды бажамс сонзэ эйсэ кортнеме

                                              апак визде.

               Радай пандо. Нешке латко,

               Чольдердиця ламад лей.

               Орта чире, ашо катка,

               А стувтови янось тей.

Л.Дергачева.

УРОКОНТЬ МОЛЕМАЗО.

1. КУДОНЬ ТЕВЕНТЬ ВАННОМАЗО.

Тонавтыцясь:-Эйкакшт, течи минек уроксо инжеть, конат састь Дубенкань буень школатнестэ. Мон арсян, тынь а карматадо кавтолдомо ды уроконть ютавтсынек кода свал.

   Эсь тевенек ушодсынек кудонь тевенть ванномасо. Кудов ульнесь максозь публицистикань стильсэ сермадомс очерк эсенек содавикс ломантнеде. Истя? Эрде ловнотано зярыя эйстэст. Кинь ули мелезэ?

(кевкстевить кавто тонавтницят)

2.ОД МАТЕРИАЛОНЬ ВАННОМАСЬ.

Тонавтыцясь.-Течинь уроксто минь лецтясынек мельс кортамопелькстнэнь.

- Зяро кортамопелькстнэде эрзянь кельсэ?

- Кода сынь явовить?

- А ней явтано мель эпиграфонть лангс. Кинь ули мелезэ ловномс сонзэ мельстуезь?

(кевкстеви вейке тонавтниця)

- Те эпиграфось саезь Люба Дергачевань стихотворениясто. Ламо паро стихть сермады минек велень паро поэтессась.

А кие ланганзо сермадсь очерк? Эрде ловносынек сонзэ.

(ловнови Л. Дергачевадо очеркесь)

- Мекев велявтано эпиграфонтень ды ванносынек кодамо кортамопельксэнь валт васневить тесэ.

(кевкстеви тонавтниця)

- Панжинк тетраденк, сермадынк течинь числанть. Течи панжиковонь сисемеце чись. Панжиковось сех паро, Монь койсэ, иень ков. Видестэ лемдизе сонзэ С.М.Люлякина-панжиков. Секс мекс пертьпельксэсь прок весе устави цветямо, коштось пешкеди тантей чинеде ды мештеськак карми либордомо. Нолдынк чумом, эйкакшт, васов туевинь пертьпельксэнть лангс ванозь.

-Сермадынк уроконть теманзо: «Кортамопелькстнэ.Существительноесь.» Секс мекс седее домкасто лоткатано сонзэ лангс. Эпиграфонтькак сермадынк тетрадьс. А ней ручканк путнинк ды кунсолотано истят кевкстемат.

(кевкстематне максозь презентациясо слайда вельде. Кевкстевить тонавтницят, конат ловносызь кевктематнень ды максыть каршонзо ответт)

КЕВКСТЕМАТНЕ:

*Мезде мерить существительной?

*Кода полавтневи существительноесь?

*Зяро существительноенть полавтневеманзо?

*Мейсэ явовить существительнойтнень падежга полавтневемаст эрзянь ды рузонь кельтнесэ?

-Меельце кевкстеманть лангс седее домкасто отвечи Маша Кочеткова, конанень ульнесь максозь башка задания.

- Сюкпря тенть, Маша.

3.КЕМЕКСТАМОНЬ УПРАЖНЕНИЯТ.

Тонавтыцясь:- Кемекстамонь кис тейтяно упражнения 119-це.

Важодтяно кавто курова: 1-це курось теи 1,3,5-це валрисьметнень; 2-це курось – 2,4,6-цетнень.

(моли сермадомань важодема)

   -Ванан весень теевсть.Кодамо склонениясо ды кодамо падежсэ аштить неть существительнойтне?

(кевкстевить кавто тонавтницят: 1-це ды 2-це куротнестэ)

   -Ютатано седее тов. Доскас молить колмо тонавтницят ды падежга полавтнить истят существительнойть:

Леля-аволь невтемань полавтневемасо;

Лишме-невтемань полавтневемасо;

Ваз-азорксчинь полавтневемасо.

   -Лиятнень марто важодтяно таркасо. Велявтано эсенек очерктнес. Ловносынек сынст эйстэ весе полавтневематнесэ существительнойтнень.

(кевкстевить колмо тонавтницят).

Ваннови доска лангсо важодицятнень теевксэст.

4. ЮТАЗЕНТЬ МЕЛЬС ЛЕЦТЯМОСЬ.

Тонавтыцясь: -Эйкакшт, эсь уроконок минь ушодынек кортамосонть весе кортамопелькстнэде. Секскак ней тейтяно тестэнь коряс важодема, весе кортамопелькстнэнь коряс. Вейке тонавтниця важоди компьютерэнть марто. Кинь ули мелезэ?

(тестень теемань перть моли «шожда» музыка).

   -Компьютерэсь сонсь путсь оценка важодицянтень.

5.ОБОБЩЕНИЯСЬ.

Тонавтыцясь: Течинь уроксонок минь важодинек ламо. Весе пелькстамотнень кенеринек топавтомост. А ней тейтяно истямо обобщения: кунсолосынек Л.Дергачевань стихотворе-

Ниянзо, конань ловны тынк икеле сонсь поэтессась ды варчинк сермадомс весе существительнойтнень невтемачинь полавтневемасо. Аноктадо? Кунсолодо.

(максови видеозапись компьютерэнть вельде).

   -Сермадынк сынст тетрадьс.

   -Эйкакшт, эсь уроконок мон бу прядовлия рузонь ине писателенть А.П.Чеховонь валтнесэ:

«Бути бу эрьва ламанесь эсь мода панкскенть лангсо теевель весе,мезе тензэ тееви, кодамо мазый бу улевель минек моданок»

(моли презентация «Минек велень пертьпельксэсь иень эрьва шкасто»)

6.ОЦЕНКАНЬ ПУТНЕМАСЬ.

7.КУДОНЬ ТЕВЕСЬ. 34-35-це параграфтнэ, 127-це упражнениясь (сермадозь).