Урок интеграция в 6-ом классе по тувинской литературе
план-конспект урока (6 класс) на тему

Тема:Б.Хѳвеӊмей Марска чедер частым» -демнежилге кичээли.

6 класска тѳрээн чогаал кичээли.

Серен Шончалай Калдар-ооловна,

Учитель тувинского МБОУ СОШ с.Успенка Тандинс кого кожууна Сот:  8-923-387-36-10

Сорулгалары:

1. Эртем-фантастиктиг жанр-биле таныштырары;
2. Октаргай,делегей дугайында билиглерин делгемчидер;
3. Эртем-билигге чүткүлдүг болурунга кижизидер.

Дерилгези:компьютер,экран,проектор,хүн системазын кѳргүскен карта,мобильдиг телефон, чогаалчыныӊ чуруу,хѳгжүмнүг үделге «Трава у дома» («Земляне» деп бѳлүк»)

Кичээлдиӊ чорудуу.

1.Организастыг кезээ

Башкыныӊ сѳзү:

-Эргим, уруглар! Бѳгүн бис кичээливисте Бай-Кара Дамчаевич Хѳвеӊмейниӊ «Марска чедер частым» деп чечен чугаазын ѳѳренип сайгарар бис. Бажыӊга онааалгага Б.Хѳвеӊмейниӊ «Марска чедер частым» деп эртем-фантастиктиг чогаалын номчуп алыр болган болгай силер. Ам ол чогаалдыӊ сайгарылгазынче кирерде, чогаалчыны чуруктан танып алгаш, ооӊ чогаалынче кирер бис.

2. Чаа тема.

Белеткел чадазы.Башкыныӊ Б.Хѳвеӊмейниӊ допчу намдары болгаш чогаалдарыныӊ дугайында кыска медээзи.

 Башкыныӊ сѳзү:

-Черге эӊ чоок туруп турар сылдыс чүл, уруглар?

Уруглар:

- Черге эӊ чоок турар сылдыс-хүн.

Башкы:

-Черниӊ эдеринчизинге кандыг сылдыстарны хамаарыштырарыл?

Уругларныӊ харыызы:

- 8 сылдысты Хүн системазынга хамарыштырар . Хүн системазыныӊ картазы.

Астрономия башкызы Тюлюш А.К. –ныӊ ай дугайында медээзи.

- Чер биле айныӊ аразында кандыг ылгал барыл? Черде тынар агааар бар, кижилер чурттап турар, үнүштер ѳзүп турар д.о.ѳ. Айда амылыг чүве чок.Чер айдан 4 катап улуг, ол 384 муӊ 400 км ыракта турар, хүннүӊ чалынныг изиинден чер ышкаш айныӊ камгалалы чок, караӊгы талазында 20 гр сок, Айныӊ черни долганыры 28 хонук.

Башкы: Ам, бис октаргайже шупту аян-чоруктан кылгаш кээлиӊер, ооӊ соонда аӊаа кѳрген-билгенивисти сайгарар бис. Шупту белен бис бе? Ынчаарга Айдан Марсче ушкаш кээлиӊерем,че!

 1.Словарьлыг ажыл:

Ракетодром-ракеталар станциязы, октаргайже ужуп  үндүрер спутниктер чери

Персоналдыг ракета-корабль- тускай ужудуушкун кылыр ракета

Томуйлалга-шынзылга бижик

Диспетчер-транспорт шимчээшкинин, ажылды, ажылдыӊ чорудулгазын тѳп пунктудан башкарып, хынап орар ажылдакчы.

2. Б.Хѳвеӊмейниӊ «Марска чедер частым» деп чогаалыныӊ аянныг номчулгазы.

3. Чечен чогаалдыӊ сайгарылгазы.

Айтырыглар:

А) Чечен чогаалдыӊ маадыры кым деп кижи-дир?

бР кайнаар баар дээш, каяа келгенил?

В) ракетодромнуӊ диспетчери маадырга канчаар дузалашканыл?

Сюжет эдерген айтырыглар:

А) чечен чугааныӊ тѳнчү кезээнде автор чүнү илередир боданыл?

Фантастиктиг чогаал деп бадыткап турар символдарны, овур-хевирлерни тывыӊар.

Ракетодром,Марсче ужудуушкуннарныӊ доктаамал бооп турары, 1 шак үе дургузунда манаар апаары, кѳрүнчүк телефон, отчугаш хааржаа деп радиофон.

Чогаалдыӊ бижитттинген үезин кѳѳр. Чогаал 1965 чылдыӊ апрельде бижитттинген.Чогаалда бурунгаар кѳрүштүг символдар-автомат-столовая, Марсче доктаамал ужудуушкун. Амыдыралда боттаны берген чүүлдер кайызыл?-кѳрүнчүк-телефон, отчугаш хааржаа дег радиофон.

Түӊнел:Бѳгүнгү кичээливисте Б.Хѳвеӊмейниӊ «Марска чедер частым» деп чечен чугаазы эӊ баштайгы тыва дылга үнген фантастиктиг чогаал.

Демдек салыры.

Немелде дыӊнадыг: «Тыва деп аттыг сылдыс бар.Тыва черден 220 млн км черде туруп турар, 1978 чылда ажыткан, Америкада Кембридж хоорайныӊ делегей каталогунда дугаары№2610. «Тыва» деп сылдыстыӊ хемчээли улуг эвес, ук сылдыста магний, демир, никель деп бүдүмелдер  бар.

Четтирдим!

Ажыглаан литература:

1.Б.Хѳвеӊмейниӊ чогаалдар чыындызы.

2. Сат Оргу «Тии чок торгум»

3. М.Б.Кунгаа «Новые технологии преподавания тувинского языка и литературы» - из цикла лекций.