Урок развитие речи в 7 классе
консультация (7 класс) на тему

                                                      Аноклазе: мокшень кялень и литературань

                                                               тонафтысь: Моисеева Л.М.

К. К. Сочинения – описания «Монь кельгома тядязе» темать коряс.

Цельсь: – тонафтомс иттнень план и максф вал коряс сочинениянь сёрмадомати.

 Урокть молемац

I. Организационнай моментсь.

II. Урокть теманц азомац.

Фкя ученик азондсы С.В.Кинякинонь стихотворениянц: «Сембодонга мазыняй»

Тядянязе, панчфкязе,

Сельмаванянь панчсизе,

Ляпе вастонь ацайняй,

Валда ононь пацяняй.

          Тядяй, тядяй, тядяняй,

           Маланязон сак.

            Моронязень ладяйне

            Лемозот иссяк.

            Ладяйне и мораса,

            Мяльнецень аф коласа.

Тядянязе, шнайнязе,

Лямбоняста щайнязе,

Симдиняй и андыняй,

Тячиняй и вандыняй.

Тядянязе, фкянязе,

Золотань сиянязе,

Виде валонь азыняй,

Сембодонга мазыняй!

Мамочка – грустиночка,

Радость – золотиночка,

Зоринька игривая,самая красивая!

Мама мая милая,

Посиди со мной.

Песенку сложила я

Для тебя одной.

Для тебя одной спою

Песню нежную свою.

Учительсь: Кинди лемтьф тя  стихотворениясь?

Иттне: Тядяти.

У: Фкя древняй народсь тядять и шинять лемнесазь фкя валса. Мес?

И: Шинясь максы валда, лямбе и кази эряф.  И тядяське – самбодонга валда, самбодонга цебярь и кельгома эрь ломанти, конац казсь тейнек эряф. Повомок зиянц, минь фалу лездома тердсаськ тядять. Сон сембодонга рана стяшенды, сембодонга меле мадонды. Тядяньке кельгсамазь минь, кеняртькшни и ризнай мархтонок.

У: Кодама валмуворкст ладясть ломаттне тядять и сонь кельгоманц колга?

Иттне азондсазь валмуворкснень, конатнень аноклазь кудса.

И: - Тядять кельгомац пефтома.

- Тядять седиса лямбось сембонди саты.

- Любой тядяти эсь идец ужяль.

- Нармонць кенярди тундати, а идсь – тядяти.

- Тядянь кяжсь, кода тундань ловсь: эздонза лама, да курокста солай.

- Идть сяряди суроц, а тядять – седиец.

У: Кона шись лувондови оцю илакс тядяти, бабати и сазорти? 

И: Кафксоце мартсь – Международнай авань шись.

У: Тя шить эзда сембе тядятне получайхть казнет эсь мирдьснон и идьснон эзда. Минь тячи сёрматтама сочинения, коса азондсаськ тядяньконди кельгоманьконь.

III. Сочиненияти анокламась.

У: Азость сочинениянь темантень.

И: Сочинения «Монь кельгома тядязе».

У: Азость сочинениянь основной мяльхнень- арьсетатнень.

И: Монь тядязе сембода цебярсь, сембода мазысь, добрайсь и кельговись.

– Монь тядязе – сембодонга цебярь ялгазе. Сон аф кадсаман кодамовок зиянц.

У: Арьседа сочиненияти заголовка.

И: «Монь кельгома тядязе».

VI. Сочиненияти эпигрофонь сявомась.

Учительть лезксонц вельде иттне муйхть эпиграф сочиненияти.

V. Планонь сёрмадомась.

У: Азость сочинениять основной пяльксонзон.

И: Вводнай, основнай, заключительнай.

У: Ваность сочинениять примернай планть.

Доскаса тяштьф:

 У: Мезе астада планть колга?

И: Сон сложнай.

У: Мезень колга карматада сёрмадома вводнай пяльксса?  основнойса? заключительнайса?

Иттне отвечайхть.

– Кодама корхтама стиль сяфтяма?

И: Художественнай.

У. Кодама корхтамань типт сувафттама сочинениязонк?

И: Описания, рассуждения.

У: Кодама кизефкст можна путомс сочиненияти?

И: Описанияти – кодама? Рассужденияти – мес?

У. Сочинениясонк минь карматама азондома, што минь тядяньке сембодонга цебярь ялгась.  Значит сочинениясонк кармай улема и описаниянь и рассуждениянь элемент.

Эрь шабась кармай азондома примерх, што сонь тядяц сембодонга цебярьсь белай светса и сембодонга цебярь ялгась.

VII. Сочинениять планть коряс азондомац.

VIII. Самостоятельнай тев.

Иттне сёрмадсазь сочинениять черновикс..

– Лувость сочинениянтень и арьседа, панжесть ли темать и основной мяльть-арьсемать, аш ли лия кялень эльбятькст.

Иттне проверясазь сочиненияснон.

IY. Урокть итогоц.

Y. Кудонь тевсь.

Сёрмадомс сочинениясь чистовикс.