Мастер - класс
план-конспект урока (9 класс) на тему

                                                   Татарстан Республикасы

                            АЛЕКСЕЕВСК МУНИЦИПАЛЬ РАЙОНЫНЫҢ  

                     1НЧЕ  АЛЕКСЕЕВСК  УРТА  ГОМУМИ БЕЛЕМ БИРҮ МӘКТӘБЕ

               МУНИЦИПАЛЬ БЮДЖЕТ ГОМУМИ БЕЛЕМ БИРҮ УЧРЕЖДЕНИЕСЕ

   Мастер - класс

Тема: “Имтиханнарның В4-В11 төрен эшләүгә әзерлек этабы буларак текст өстендә эш.”

                                                                                                     Күрсәтте: 1 нче категорияле татар          

                                                                                                  теле  укытучысы  Сөнгатуллина Л.Р.

                                                                  2014 нче ел.

Тема:Имтиханнарның В4-В11 төрен эшләүгә әзерлек этабы буларак текст өстендә эш.

Максат:“Гади сер” текстын уку, текстта булган грамматик категорияләрне кабатлау нәтиҗәсендә Дәүләт тестының В4 - В11 төрендәге күнегүләрне    эшләү күнекмәләрен үстерү. Вакытны дөрес файдалануның кирәклегенә төшендерү.

Дәрес барышы.

1. Дәресне  оештыру.
2. Актуальләштерү.

Бүген  без  сезнең белән имтиханга  әзерләнүебезне давам итәбез. Дәресебезнең  темасы  “Гади сер” дип атала. Безнең  бүгенге максатыбыз бирелгән текст өстендә эшләп В4- В11 төрендәге күнегүләрне эшләргә өйрәнү. Бездә бүген кунаклар да бар. Аларга  без бүген белемнәребезне күрсәтергә  тырышырбыз. Әйдәгезтексттан башлыйк. Сезнең алдыгызда текст. Мин текстны укыйм, сез карап барыгыз.

3. Текст өстендә эш.                                            

Гади сер.

        Илдар  - сыйныфта иң яхшы укучы. Ул тыныч холыклы, өлгер, бөтен эшкә дә вакыт таба. Шуңа күрә аны укытучылар да, иптәшләре дә ярата.

        Беркөнне Илдарның  сыйныфында ата-аналар җыелышы булды. Сыйныф җитәкчесе Илдарны мактады. Башка балаларның әти-әниләре Илдарның әнисенә шундый сорау бирделәр:

      - Сезнең улыгыз “биш”ле билгеләренә генә укый. Ул шәһәр мәктәпләре арасында үткәрелгән математика һәм физика олимпиадаларында беренче урыннарны ала. Спорт белән дә шөгыльләнә икән. Бүген концертта матур итеп баянда уйнады. Әйтегез әле, ул барысына да ничек өлгерә? Өйдә аның башка эшләре юкмы әллә?

        Бу сорауларны ишеткәч, Илдарның әнисе, елмаеп:

     - Безнең гаиләбездә ике малай үсә. Илдар – өлкәне. Өйдә күп эшне ул эшли. Иртән энесен балалар бакчасына алып бара, кич алып кайта. Илдар идән дә себерә, чүп тә чыгара, савыт-саба да юа. Киемнәрен дә үзе чистарта, үзе үтүкли. Энесе белән уйнарга да вакыт таба. Ничек өлгерә дисезме? Сере гади: улыбыз кечкенәдән вакытның кадерен белеп үсте. Ул төгәл режим буенча яши, - ди.

                                                                                     Вил Казыйхановтан

1. Сорауларга кыска җавап бир.

Вакыйга кайда бара?

Вакыйга кайчан бара?

Текст кем турында?

Текст нәрсә турында?

2. Ә хәзер үзлектән эшлисез.

Җөмләләр текст эчтәлегенә туры киләме, туры килмиме?

А 1. Сыйныфта укучылар җыелышы булды.  (туры килми)

А 2. Әнисе Илдарны ярата. (текстта әйтелми)

А 3. Илдар гел бишлеләргә генә укый. (туры килә)

А 4. Җыелышта класс җитәкчесе Илдарны мактады. (туры килә)

А 5. Илдарның әнисе улы турында сөйләмәде. (туры килми)

А 6. Илдар – гаиләдә олы бала. (туры килә)

А 7. Илдар өйдә әти-әнисенә булышмый. (туры килми)

А 8. Илдар режим буенча яши. (туры килә)

А 9. Илдарның сеңлесе бар. (туры килми)

А 10. Илдар әтисе белән кар көри. (текстта әйтелми)

3. Ә хәзер иярчен җөмләләрне кабатлыйк.

Слайдларда бирелгән җөмләләрне текст эчтәлегенә туры китереп, ахырын уйлап языгыз.

Илдарны мәктәптә барысы да ярата, чөнки _________________ .

Илдар тырышып укый, шуңа күрә _______________________ .

Илдарны өйдә әти-әнисе дә, энесе дә ярата, чөнки ____________ .

Илдар спорт белән шөгыльләнә, шуңа күрә _________________ .

Илдар бишлеләргә генә укый, чөнки ______________________ .

Илдар режим буенча яши, шуңа күрә _____________________ .

4. Тагын бер тапкыр текстка карыйбыз.

Текттан файдаланып :

          Спроси у друга, как он помогает родителям.

________________________________________

Как скажешь о том, что ты помогаешь маме.

_________________________________________

Спроси у друга,  каким видом спорта он занимается.

__________________________________________________________

Спроси у друга, в семье Ильдара сколько человек.

__________________________________________________________

Узнай у друга, как он учиться в школе.

_____________________________________________________________

Спроси  у друга, понравился ли ему текст.

(Дөресме, син ничек уйлыйсың, кабатла... һ. б.)

5. Ә хәзер балалар төп өлешкә күчәбез. Безнең төп максатыбыз В4 – В11 төрендәге биремнәрне эшләү. Текстны искә төшерәсез һәм биремнәрне эшлисез. Мин сезгә шуның буенча билге куячакмын.

В4

В5

В6

В7

В8

В9

В10

В 11

Ә  хәзер үзегезгә үзегез бәя куегыз, дөрес эшләдегезме, үзегезнең хаталарыгызны күрдегезме?

4. Йомгаклау.

• Автор нәрсәне  “Гади сер “ дип атый? (вакытны дөрес файдалануны)
• Илдар вакытны дөрес файдаланып нәрсәләр эшли алды?
• Ә сез вакытны дөрес файдаланасызмы?

Өй эше. Текстның эчтәлеген сөйләргә.