Урок-Погружение
учебно-методический материал на тему

 ОТДЕЛ ОБРАЗОВАНИЯ АДМИНИСТРАЦИИ МУНИЦИПАЛЬНОГО РАЙОНА

«ПРИЛУЗСКИЙ»

Урок – «погружение»

 сёрни шыясö

                 Удж вöчысь: Мутнича  школаын

коми кыв да литература велöдысь

                                                                                          Иванова Валентина Федоровна

.

Мутнича сикт

Татшöм урок нуöдöм вылö вермам босьтны 5-9 класса велöдчысьясöс. Кык велöдчысьöс 9 классысь, медым ичöтджык класса велöдчысьясöс тöдмöдісны, кыдзи артмö шы, кыдзи да мый отсöгöн ми кылам. Тайöс найö тöдöны «анатомия» да «физика» курсысь.

Велöдысь тайö урок кежлö  дасьтö  терминъяс , мый серти артмас словарь «Фонетика» раздел серти: шы, слог, ударение, фонетика,шыпас, звукоподражательнöй кывъяс, гласнöй да согласнöй шыяс, гора да гортöм согласнöйяс, звукоподражательнöй кывъяс.

думыштö определениеяс;

лöсьöдö урок нуöдöм сценарий;

 вöчö колана  раздатöчнöй материал.

9-öд класса велöдчысьяслы водзвыв вöлі сетöма уджъяс.

Дасьтыны юöртöм, кыдзи артмö шы (физика боксянь).

Дасьтыны юöртöм, кыдзи артмö сёрни шы, и кыдзи сійöс кылö морт.

Челядь юксьöны командаяс вылö. Быд командаын 3-4 морт: капитан да отсасьысьяс.

Велöдысь: 

      Видза оланныд, дона челядь.  Талунъя уроклöн тема: Урок – погружение сёрни шыясö. Ми ас водзö сувтöдам мог: стöчмöдны шыяслысь аслыспöлöслунсö, тöдчанлунсö, коланлунсö.

      Кутшöм озыр миян олöм шыясöн. Садьмам асылын и быд боксянь кылам шыяс . Талун ми тіянкöд пырöдчам , вöйтчылам тайö  шыясö. Миянлы  колö  гöгöрвоны , кысь тайö шыясыс, кутшöм найö  овлöны, кыдзи  артмöны, кыдзи ми найöс кылам. Тайöс отсалас миян гöгöрвоны фонетика раздел.

 Пöшти став шыыс вöр-ваын шусьö шумöн. Мукöд  шумыс  миянлы кажитчö.  Ми радпырысь кывзам, например, лэбачьяслысь сьылöм  либö  шорлысь дзользьöм , либо зэрöм. И быттьö кокниджык лоö сьöлöм вылын, окота бобув моз лэбзьывны вылö- вылö.  А эмöсь шумъяс, кодъяс ниöти оз кажитчыны мортлы.  Пример вылö босьтам: мыйкö  усьö. Либö  заводитö  лекысь  гымавны.  Ми дзик пыр   повзям, йöжгыльтчам,  заводитö висьны юр.

Гортö вöлi  сетöма удж.  Гижны,  кутшöм шыяс кылiнныд талун асывнас.  Вайö онi висьталам  найöс  öта-мöдлы, а воча пукалысь ертъяслы колö  тодмавны, кодi  либö  мый сетö тайö  шысö.

(Кык команда уджалöны)

Велöдысь:   

- Став -ö сетöм шысö позьö тöдмавны? ( Оз)

- А мыйла?  Сы вöсна мый тайö шыясыс лоöны вöр-васаöн. И сöмын морт  вермö тайö вöр-васа шыяссö «вуджöдны» морт кыв вылö. Тайö междометиеяс  либö звукоподражательнöй кывъяс (гöлöсöн шыяс петкöдлöм). Мöд ног -  морт подражайтö шыяслы.

Велöдысь:   Вайö сетам определение, мый ми шуам серни  шыöн?

Сёрни шыяс    (Коми кывйын сизим гласнöй да кызь квайт согласнöй шы. Гласнöй  шыяс артмöны гöлöсысь. Найöс шуöмöн колананогöн веськöдлам вом доръясöн. Сынöдыс вом пыр петö некытчö мытшасьтöг. Гласнöйяс вермöны лоны кыв водзын, кыв шöрын, кыв помын. Согласнöй шыяс артмöны гöлöсысь да шумысь. Найöс шуигöн вом пытшкын артмылö кутшöмкö мытшöд.

Велöдысь:   А кутшом наука велöдö серни шыяс?

Фонетика     (Сёрни шыяс велöдан наука, греческöй кыв вылысь «фонэ» - звук – шы).

Слог      (Кывъясын гласнöй да согласнöй шыяс артмöдöны слогъяс. Ме-ным. Быд кывйын слогыс сы мында, мыйта гласнöй шыыс: лым, пом, кок кывъясын öти шы, сідзкö öти слогаöсь)

Ударение    (Кык либö унджык  кывъясын кутшöмкö слог гöлöсöн торйöдöмыс шусьö ударениеöн. Коми кывйын ударениеыс векджык усьö медводдза слог вылö).

Му вылын медводдза мортъяс öта-мöд костын сернитісны сідзжö звукоподражательнöй кывъясöн. А сэсся думыштісны знакъяс. Бöрынджык  букваяс (шыпасъяс).

Сідзкö казьтыштам, мый шусьö шыпасöн.

Гижöдын быд торъя серни шылöн эм аслас пас- шыпас, шыпас ми лыддям, аддзам, гижам.

      Уджалам В.Т. Чисталёвлöн «Во гöгöр кытшовтöм» висьт вылын. Челядь, ме лыддя серпаса гижöд, а ті тöдмалöй, кутшöм пöтка – лэбач тадзи шыасьö. Быд команда водзын текст, текстас колö пуктыны колана лэбачöс.

Во гöгöр кытшовтöм.     (Пöтка сьылöм шыöн)

    «Пинь – пинь…пинь – пинь!..» - кытöнкö коз йылын, кылö, тшетшкöдчö – пинясьö кöдзыдкöд     пинькай  коль гылöдігтырйи… Сэзь, лöнь. Шонді югыда нин мыччасьö, сöмын оз на ньöти шонты.

     «Кра – ав!.. Кра – ав!..» - асывъясын рака горзöм шыö долыда садьман. Улялö: лым топалö, туйяс сьöдöдö, войтва вевт вылысь тёпкö…

      « Турр…курр…» - шонді петан вежöсын ылісянь кылö таръяслöн койтöм… Асывъясын мозъя, чарöма.

     «Чи – чи, чи, чи… - чи, чи, чи – и – и…» - матіник пуясын кылöны медводдза локтысь сьылысь лэбачьяс. Зэв сэтшöм небыда, нора, жугыльпырысь сьылöны кыдзкö, быттьö шогсьöны: гöгöр на пö лым да… Лунсянь шоныд тöв пушкö, лымсö нёнялö – сёйö. Ылö тыдалö, - сынöдыс лöз!

     «Чик – чилик… чик – чилик!..» - сырчик  воöма. Пукалö йи вылын, муркöдö тушанас – чегъялö йи. Ва воссьö. Быдсяма пöткаяс саридзысь локтöны. Бузгöны шоръяс. Видзьяс гöгöр ойдöмаöсь…

     «Кук – ку – у – у!.. Кук – ку – у – у!..» - рытъясын ольясысь кöклöн нора горзöмыс кылö. Кыв бöрсьыс вöтлысьöны - нерöны нывпосни сійöс да нюркйöдлöны – юасьöны: «Кö – кö – ö –ö – чо – йö!.. Кö – кö  чойö!..  узь да вö-тась, да кы-мын во нин ме верöс  сайö ог мун?»

     Ва усьöма нин кырйысь. Гöгöр няйт. Ва ямас вылын мича вежöдö турун. Вадор баддьын оз лöньлы кайяслöн дзользьöм.

     «Подь – пöлудь! Подь – пöлудь!..» - дугдывтöг шпаткö войясын квайтпалич пöтка, ылыстчылас да, матысмылас да шыыс, он и тöд, кодарын кылö. Войяс югыдöсь, шоныдöсь. Быдтор быдмö – дзоридзалö…

     «Пийö – пийö, пипу – пи - и – и!..» - видз вылын, пöлян йылын довъялö – дзользьö ёдіюр лэбач. Шонді сотö, пöсь, быттьö пач вомысь öвтö. Ытшкöм турун нюкыртчö, косьмö…

     «И – ис… и – ис… ис – ис – и – и – ис…» - йöжгылясьö – кынмö  нин вадорын истан. (Зэв öд сійö ляб ачыс, кылö.) асывъясын ыркнитлö, ваысь ру кыптö.

     «Джив – дзив… джив – джив, джив!.. – Ок! джиянъяс нин кыпöдчöмаöсь: чукöрöн – чукöрöн лэбалöны, быдлаö пуксьöны… Сё майбырöн тэ, гожöмöй,  кольны тай, тыдалö, кутін!

     « Тпру – ту, тпру – ту – ті – и – и – нин!..» öти вöр дінсянь мöдö лöбалö – суналö кыр.  Корйыс пуяслöн вижöдö, ньöжйöник гылалö – киссьö. Вöрын йöлöга гораммö.

     «Клуук – куллук!..  клукк – куллук!..» - мöдöмаöсь эзысь юсьяс саридзö! Гезъясьöмöн, звöйкйöн лэбöны. Лолыштіс войсянь. Наридз петö. Туйяс чораса. Чöлалö медводдза лым: ньöжйöник, ньöжйö зэв усьö, быттьö артасьö – усьны не на пö няйт пемыд му вылас?

     «Кытш – кытш… кытш – кытш!..» - потшöсысь потшöсö, майöгысь майöгö шывъялö – лэбалö катша.  Кымöръяс öшйöмаöсь. Гöгöр нин еджыд!

     «Трк – п – прк – ч – сск!..» - пуысь пуö, мырйысь мырйö тэрыба лэбалö – жбыръялö сизь;  зіля котшкöдчö – дорччö: «тук- тук! Тук – тук – тук!»

     «Жжньнь… жжньнь…жжньнь…» - йöжгылясьö – кынмö пу йылын жонь. Кöдзыд. Гöгöр лöнь – шы ни ру. Кулöма ывлаыс.

           Велöдысь: Медым стöчмöдны колананогöн вöчöм удж, видзöдам стöч вочакывъяссö. Тіян мог: кывкöрталöй тыр-бура вöчöм уджнытö. (Презентация серти)

          Велöдысь: Тайö висьтсьыс сiдзжö ми эг вермö  став лэбачлысь тöдмавны сернисö .

 А öні кывзам, кыдзи ми кылам шыяссö.  9 кл. небогысь параграф  «Ухо и его функция, слуховое восприятие. Как возникает звук речи и как воспринимается органами слуха» висьталö  велöдчысь.

Велöдысь: Аттьö.

Велöдысь: Челядь,  ті ставöн  коркö ветлінныд гожöмын ю дорö. Мöвпыштöй, быттьö ті юö шыбитінныд из.  Мый ті кыланныд?  Мый  ті аддзанныд?

Вочакыв:   Кылам – «бульк», а аддзам – «гöгыльяс».

 Челядь, кыдз тi думайтанныд,  мыйла ме вайöдi тiянлы татшöм примерсö.  

Велöдысь: А öні 9 класса велöдчысь тіянлы висьталас «физика» разделысь шы артмöм йылысь.

Велöдчысь: «Ощущение звука возникает благодаря механическим колебаниям барабанной перепонки уха. Эти колебания возбуждаются акустической волной, распространяющейся от источника звука к уху. Любой колеблющийся предмет может возбуждать акустическую волну, но ухо способно воспринимать лишь колебания в частоте от 20 герц до 20 килогерц. Все, что выше или ниже этого диапазона, человеческим ухом не воспринимается, но может регистрироваться специальными приборами. Такие звуки могут слышать некоторые животные. Акустическая волна – это то сжатый, то разреженный воздух (очень похоже на круги, которые идут по воде от камня, брошенного в воду), оно распространяется в пространстве до тех пор, пока не достигнет нашего уха. Когда такая волна достигает уха, она возбуждает колебания барабанной перепонки, и мы слышим звук.

Велöдысь:. Медым бурджыка гöгöрвоны, кыдзи гора музыка, гора серни либо ыджыд шум тöдчö миян пель вылö,  ме вайöда татшöм öткодялöм.  Быд мортлöн эм внутренньöй ухо, а сэнi  волосковой клеткаяс. Представитöй, мый тайö волосковöй клеткаясыс-тайö  шобдi видз, а звуковой волнаяс- тöвтор. Пöльыштö  неыджыд тöвтор- шобдi  заводитö  вöрыштны. Кыптö  ыджыдджык тöв, и шобдi енджыка заводитö мулань водны. Кыптö  лек ыджыд тöв    либо дыр ена  пöльтö, и шобдi  пöрö кок йывсьыс, дугдö быдмыны.

Сiдзкö, челядь, пельястö колö ена видзны. А кыдзи видзны, висьталас Иванова Виктория. Материал корсьöма интернетысь.

Вöчам кывкöртöд:

Сiдзкö, челядь энö горзöй ена перемена дырйи,  эн сюйö  пеляныд  наушникъяс  гора музыкаöн, а уджаланныд кö  трактор вылын либо комбайн вылын , öнi эм специальной наушникъяс,  медым эз вош слухныд. Колö  сöстöма видзны пельястö.  Оз позь сюйны пельö  есьторъяс,  мыйöн позьö поткöдны перепонка да кольны пельтог. Эм йöз, кодъяс ньöти оз кывны. Налы ена сьöкыд, öд найö оз кывны ассьыныс гöлöснысö, налы зэв сьöкыд велöдчыны сернитны.  Пельтöм йöз сернитöны жестъясöн.

Велöдысь:  Доска вылын артмис миян неыджыд  кывкуд. Тайö правилояссö кывкöрталöм могысь нуöдам фонетическöй ворсöмъяс.

Медводдза ворсöм . Ме кö шуа кыв, кöнi став согласнойыс небыд, ми городам «Эм» и лэптанныд вылö ки, став согласнöйыс кö чорыд- юрöн довкйöдлам, а эм кö кывйын и чорыд и небыд , ми кекеначасям.

 ки лэптам                                                юрöн довкйöдлам                                 кекеначасям

Нель                                                                     Агас                                                          неуна

 Водзö ворсöм: «Йöлöга»

 Ворсöмлöн мог: Гора да гортöм согласнöйяс торйöдны кужöм, вынсьöдöм.

Челядь сувтöны паныд öта – мöдлы. Öти командаысь велöдчысь шуö гора согласнöй, а мöд командаысь,  йöлöга моз, висьталö сылысь гоз пöвсö, гортöмсö. Велöдчысь кö шуас гора гоз пöвтöм, ворсöм нуöдысь эновтö ворсысьöс. Вермысьясöн лоöны найö, кодъяс стöча висьталöны гора да гортöм гозъя шыяс.

(Подсказка пыдди позьö сетны таблица)

«Пародистъяслöн конкурс»

Ворсöмлöн мог: Велöдчыны ворсны гöлöсöн. Колö гöлöс вежлалöмöн лыддьыны сетöм текст. Командаысь ёртъяс тöдмалöны, коді тайö геройыс, кутшöм мойдысь.

- Кывзöй, энö мунö водзö, - шуö налы тошка дед -

Тайö туйöд, муса вокъяс,

Нинöм тіянлы оз шед. (дед «Зарни чукöр» мойдысь)

-Лэдз менö бöр ваö, пöльö,

Бура ме мынтыся сыысь:

Вöча ставсö, мый тэныд колö. (Зарни чери. «Чери кыйысь да чери йылысь мойд» А.С.Пушкин)

 Кывкöртöд: гöлöсöн ворсны ёна кужöны артистъяс, а сідзжö и велöдысьяс, налöн и уджыс йитчöма сёрниöн.

- А кутшöм нöшта уджсикасъяс йитчöмны гöлöскöд? (диктор, воспитатель, сьылысь)

- Водзö ворсам.

Челядь, мый шусьо метаграммаон?

Метаграмма – сійö нöдкыв, кöні думыштöм кывйысь öти сёрнитан шы вежöмöн артмö выль кыв.

     Гора да гортöм согласнöй шыяс вылö метаграммаяс.

Гора согласнöйöн быдмö пыр  веж,

Гортöмöн – öткымын  нывлöн  кыдз  вез. (коз – кос).

Гортöм согласнöйöн вуджö ёль вомöн,

Гораöн – шыр да руч сэні ас чомйын. (пос – поз)

Гортöм согласнöй – матысса морт,

Гораöн – мичмöдö ю дор и сёрд. (бать – бадь)

Гортöмöн рака и руч сійöс сёйö,

Гораöн зіля зэв йöрысь лым койö. (сыр – зыр)

Гортöмöн – быттьö лымвывса пытш,

      Гораöн – му лукйö, вöчö бур удж. (кöр – гöр)

Гораöн – абу ме быдса кило,

Гортöмöн вежан – ме битöг ог ло. (джын – тшын).

- Сідзкö шыясöн позьö зэв бура ворсны.  А гортса уджöн тіянлы лоö – лöсьöдны татшöмсяма метаграмма.

Велöдысь:

- Челядь, мый  йылысь сёрнитім талунъя урок вылын? (Шыяс йылысь)

- Миян ворсöм помасис, вайö видзöдлам, кодлы кымын жетон сюрис. Лыддям. Мый аддзанныд жетонъяс вылысь? (Шыпасъяс, шыяс)

- А кутшöм шыяс эмöсь командаяслöн? (Согласнöйяс, гласнöйяс)

-Сідзкö кодлöн унджык жетоныс? Уджалінныд зэв бура, мыйысь ёна аттьöала.

Рефлексия. Тіянлы быдöнлы сетöма карточкаяс, кытысь ті аддзанныд гижöдъяс, лыддьöй да лэптöй сійöс, кодöн доъяланныд талунъя урок.

Гöрд – воис сьöлöм вылö, унатор сюркнялі пель сайö.

Лöз – эг ставсö гöгöрво, но  долыд.

Турунвиж – унатор эг сяммы, но мыйкö аслым босьті.

Кольквиж – мен эз кажитчы, нинöм аслым эг босьт.

- Аттьö бура донъялöмысь.

  Литература

Коми кыв: 5-öд класслы велöдчан небöг. Сыктывкар, 2001.-192л.б.

Чисталев В.Т. Во гöгöр кытшовтöм. Сыктывкар,

Коми язык. Энциклопедия. М., 1998 – 608с.

Биология. Человек. Учебник для 8 класса общеобразовательных учреждений. М., 2004, стр.203