"Савыт-саба кибетендә" 1 нче сыйныфның рус төркеме өчен дәрес планы
план-конспект урока

Татарстан Республикасы Баулы районы муниципаль бюджет

гомуми белем учреждениесе   “Аерым предметлар тирәнтен

өйрәнелә торган    2 нче  урта гомуми белем мәктәбе”

Тема:   Савыт-саба кибетендә

(1нче сыйныфның рус төркеме өчен татар теле дәресе)

        Төзүче:  татар теле һәм әдәбияты укытучысы

Ханова Рәмилә Рәсим кызы

      Тема.   Савыт-саба кибетендә

      Максат.  Савыт-саба исемнәрен аралашуда куллана белү күнекмәләрен үстерү; ничә? ничә сум? сорауларын куярга һәм аларга җавап бирергә өйрәтү; -мы/ -ме сорау кисәкчәләрен сөйләмдә куллана белүне камилләштерү; татар теленә кызыксыну хисе тәрбияләү.

      Җиһазлау. Р.З. Хәйдәрова, Н.Г. Галиева “Күңелле татар теле” дәреслеге, сүзлек, компьютер, проектор, экран, уенчык савыт-сабалар, карточкалар.

     Дәрес барышы.

1. Оештыру.

1. Уңай психологик халәт тудыру.

• Исәнмесез.
• Исәнмесез, хәерле иртә!
• Хәерле иртә, укучылар, утырыгыз. Татар теле дәресен башлыйбыз.

2. Фонетик күнегү.

Хәерле иртә речевкасы.

Хәерле иртә әниемә!

Хәерле иртә әтиемә!

Хәерле иртә әбиемә!

Хәерле иртә бабама!

Хәерле иртә үземә!

3. Дәреснең максаты белән таныштыру.

• Без бүген савыт- саба турында сөйләшүне дәвам итәрбез.

II.      Актуальләштерү.

1) Савыт -саба  атамаларын искә төшерү. Компьютер экранында слайдлар бирелә. (слайд №2- 7)

- Алдагы дәрестә өйрәнгән савыт- саба атамаларын искә төшерик. Аларны күплек санда да әйтик.

2) Карточкалар буенча эш. Төшеп калган хәрефләрне өстәп язу. Слайд №8

III.     Төп өлеш.

1. Дәреслек белән эш. Диалог уку.

• 74нче битне ачабыз, диалогны табабыз. (Укып күрсәтәм, тәрҗемә итәбез, аннары парларда укытам.)

2. Ничә? Ничә сум? сорауларына җавап бирү (74нче бит).

• Әйдәгез әле саннарны искә төшерик. Кем саный? (бер укучыдан санатам)
• Хәзер 74нче биттәге биремне эшлик. (Өстәлдәге калак, пычак, чәнечкеләрне санау.)
• Өстәлдә нәрсәләр бар?
• Ничә кашык? Ничә пычак? Ничә чәнечке? (Җөмләләр әйттерү)

4. Физкультминут.

Тәрәз каршына                  

Килгән бер чыпчык.

Миңа кычкыра:

• Чык әле, чык!

Алдый ул, беләм  

Гел шуай итә.

Йөгереп чыксам,

Оча да китә.

5. Күнегү эшләү.

• Татар телендә исемнәрнең саны күрсәтелгәндә күплек сан кушымчасы ялганмый. (Кагыйдәне искә төшерү).
• Хәзер эш дәфтәренең 48 нче битен ачып 3 нче биремне табыгыз. (Биремне бер укучы укый, аннары язалар.)

6. Савыт- саба кибетенә сәяхәт.  Слайд № 10

• Ә хәзер савыт-саба кибетенә сәяхәткә чыгабыз.
• Кибеттә нәрсәләр сатыла?

1) “ Кибеттә” диалогын уку. Слайд № 11

–   Исәнмесез!

• Исәнмесез!
• Әйтегез әле, тәлинкә бармы?
• Әйе, тәлинкә бар.
• Ничә сум тора?
• Ун сум.
• Биш тәлинкә бирегез әле.
• Ярый.

3. “Савыт-саба кибетендә” уены

7. Рефлексия.

• Без дәрестә нәрсә турында сөйләштек? (җаваплар)
• Менә бу кояшларга кәефегезне сурәтләгез.
• Дәрес тәмам, сау булыгыз! (Слайд № 12.)

. Ч ... йнек                        

• К ... шык
• Т... линк ...
• Ч ... нечке
• Чына ... к
• Пыч ... к

• Ч ... йнек
• К ... шык
• Т... линк ...
• Ч ... нечке
• Чына ... к
• Пыч ... к

• Ч ... йнек
• К ... шык
• Т... линк ...
• Ч ... нечке
• Чына ... к
• Пыч ... к

• Ч ... йнек
• К ... шык
• Т... линк ...
• Ч ... нечке
• Чына ... к
• Пыч ... к