Открытые уроки.
план-конспект урока
Предварительный просмотр:
Кичәлин төр: « Төрскн һазр»
Сурһулин күцл: Сурһульчнриг төрскн келәрн эврәннь һарсн һазриннь тускар , Хальмг Таңһчин ,Әрәсән тускар өгсн сурврмудт хәрү өгдг дасмҗ өглһн.
Сурһмҗин күцл: төрскнч , өссн – боссн һазр – усндан , төрскн келндән дурта болх сурһмҗ өглһн..
Дөңцл: компьютер, презентац, сюжетн зург
Кичәлин тип : шин төр даслһн
Кичəлин йовуд:
- Кичəлдəн белдлһн.
а)Таньлдлһн.
- Мендүвт. – Мендүвт.
-Таньлдый? - Таньлдый.
- Чини нерн кемби? - Мини нерн …
- Чи кедүдгч класст сурнач? -Би 4-гч класст сурнав.
-Чи кедүтəвч? - Би нәәмтәв,йистəв.
- Чи ямаран школд сурчанач? - Би Кануковск дундын школд
сурчанав. - Тана классин һардачин нерн кемб ? - Мана классин һардачин нерн … Никеева Ольга Васильевна.
б)Теңгрин бәәдл.(2,4 сурһульч хошадлдад күундх)
-Ода ямаран җилин цаг болҗана?
- Намр җилин цаг.
- Өцклдүр юн орв?
- Өцклдүд хур орв..
- Эндр ямаран өдр?
- Эндр чилгр, нарта өдр
В) Фонозарядк
Хур,хур цааран йов,
Хуцта махн нааран йов.
Мөндр,мөндр цааран йов,
Мөрнә махн нааран йов.
2.Герин даалһвр шүүлһн.
А) Зургар көдллһн. (Сурһульчнр зург хәләһәд ,багшин сурврмудт хәрүһинь өгнә). (слайд №1)
- Зургт ямаран җилин цаг зурата?
- Күүкн , көвүн альд йовна?
- Эдн ямаран хувц өмсч?
- Көвүн һартан ю бәрҗәнә?.
- Модна хамтхасд ямаран өңгтә?
- Һазр юуһар бүркәтә?
Б) Сурһульчнр гертән дассн намр туск үлгүрмүд , тәәлвртә туульс чееҗәр келнә.
2.Шин төр.
а). Багш :Күүкд, көвүд эндр мадн эврәннь һарсн һазриннь туск күүндвр кехүдн.
- Эн һазриг яһҗ нерәднәвидн?
-Эн һазриг «Төрскн» гиж нерәднәвидн.
- Ода күүкд экранд бичәтә үлгүрмүдт оньган өгтн.
Багш умшна,үлгүрмүд цәәлһнә. (слайд №2)
(Сурһульчнр умшна, үлгүрмүд буулһҗ бичнә).
Б) – Эндр мадн Шугран Веран «Мини Төрскн» гидг шүлглə таньлдад, айслулҗ умшхувидн. Соңстн.
а) Багш умшна. Мини Төрскн
Хәәртә һазрм
Буурл теегм,
Чееҗим халулад бәәнәч.
Мини сансн санан – чамла ,
Мини сәәхн дурн –чамла.
Альхн деерән таалад өсксн
Эврә һазрас өөрхнь угал.
Аав ,ээжин заясн җирһлән
Амулң менд цуһар эдлий.
Хальмг теегин шовудин дуунла
Халун зүркдин дуудвр соңсий.
Альхн деерән таалад өсксн
Эврә һазрас өөрхнь угал .
Мини һазр ,һанцхн чамдан ,
Күслин залян нерәдҗ бәәнәв.
Мини седкл - өргн буурл теегт!
Мини зүркн –хальмг һазрт!
Сүл әмсхүл күртлән энд
Сәәхн чамлаһан бәәнәв би .
Эңкр һазриннь аһар аршалнав ,
Энд насн - җирһлән чиләнәв.
Альхн деерән таалад өсксн
Эврә һазрас өөрхнь угал.
б) (слайд №3)
Толин көдлмш. |
Альхн деерəн таалад өсксн - эрклүлəд, əрвлҗ (лелея, нежно). |
Θөрхн угал – эңкр, дороже (нет ближе, роднее). |
заясн җирһлəн – хөв,кишг(счастливую жизнь) |
аһар аршалнав – ки,эдлх (принимаю целебный воздух ) |
в) Сурhульчнр айслулҗ умшна –
- цев - цевəр;
- баг – багар.
5.Физминутк.
Толһаһарн гекәд ,гекәд,
Ээмәрн холькад ,холькад ,
Альхаһарн ташад,ташад,
Аөләрн тавшад ,тавшад,
Доран эргәд ,эргәд,
Биилий,биилий.
6. Күүндвр.
- Эн шүлгт юуна тускар келгдҗəнə? - Эн шүлгт Төркснə , hазр – усна, . теегин тускар келгдҗəнə.
-Юунас өөрхнь угал? -Эврə hазрас өөрхнь уга.
- Юңгад тиигҗ бичҗ? -Эврəннь hазртан ийр дурта болад.
-Ямаран үгмүдəр келгдҗ бəəнə? - Альхн деерəн таалад өсгсн.
-Эн шүлгтəн Шугран В. ю медүлҗəнə? - Төрскн гисн күн болhнд хамгин . . үнтə, эңкр гиҗ медүлҗ бəəнə.
Багш:
Төрскн-хамгин эңкр һазр. Күн болһн альд йовв чигн эврәннь төрсн һазран мел санна. Эн шүлгтəн мана Хальмг Таңhчин нертə шүлгч Шугран Вера Төрскн гисн күн болhнд хамгин үнтə, эңкр гиҗ медүлҗ бəəнə. Төрскн hазриг hарhсн эклə мет дүңцүлҗəнə. Эк мет эңкр, үнтəд тоолгдҗана.Альд йовв чигн, мартлго, зүркндəн, седклдəн хадhлҗ, сурhулярн, кесн көдлмшəрн эк – эцкиннь нер, hазр – уснаннь нер дуудулх тадн зөвтəт.
7. Багш : - Күүкд, ода эн зург хәләһәд күүндвр тогтахм. (слайд №4)
- Эн зургт юн зурата? - Хаврин тег.
- Сәәхн бамб цецгүд.
- Теегт селән бәәнә.
- Чи ямаран селəнд төрлəч? - Би Кануковск селəнд төрлəв.
- Кануковск селəн чини төрскний? - Э-э, эн мини бичкн төрскн.
- Тана селәнд кенә нер зүүлһҗ? - Гражданск дәәнә Героин
Хартии Бадеевич
Кануковин не зүүсмб.
- Эн жилд мана селән ю темдглх? -Мадн эн җилд Х.Б.Кануковин 135 . җилин өөн темдглхвидн.
- Эн сән өдр яһҗ темдглхд ? - Селәнә улс, багшнр болн
сурһульчнр концерт, . нәр белн кеҗәнә.
8. Ик Төрскн
а) Күүндвр «Хальмг Таңһч»
-Дəкəд ик Төрскн бəəдви? - Ик Төрскн Хальмг Таңһч.
-Мана Хальмг Таңһч кезə бүрдлə? - Түрүлҗ «Калмыцкая
автономная область»гиҗ
1920 җилд бүрдлə,
хөөннь 1935 җилəс авн
.
– Хальмг Таңhч болв.
- Мана Хальмг Таңһч альд бəəнə? – У, өргн теегт мана Хальмг Таңhч бəəнə.
б)Күундвр«Орн-нутг-Әрәсә». (слайд №5)
- Тегəд Хальмг Таңһч чини ик төрскний? – Уга, терүнəс ик бəəнə.
Энүнə нерн Әрәсә.
- Əрəсə ямаран орн – нутг? - Əрəсə олн келн - улсин нутг.
- Əрəсəд ямаран келн –улс бəəнə? - Əрəсəд орс, чечен, хальмг дәкәд
олн келн-улс бәәнә
- Əрəсəн цуг келн əмтн яhҗ бəəнə? - Цуг келн -улс нег - негндəн дөң . .
болна, ни –негн, байрта – бахта, төвкнүн, амулң менд бəəнə.
- Олн келн – улсин Төрскн юмби? - Əрəсə - олн келн улсин Төрскн.
-Төрскиг кенлə дүңцүлҗ болх? - Һарhсн эклə дүңцүлҗ болх.
- Яhад тиим болҗахмб? - Экəс эңкр күн hазр деер уга.
- Төрскн маднд бас эңкр.
- Төрскн гисн юмб? -Төрскн гисн мини төрсн hазр – .
усн, өрк – бүл, элгн – садн, хальмг тег.
9. Ашлвр.
Багш: - Эндр кенə шүлг умшувидн? Ямаран нертə шүлг? Юуна тускар келгдҗəнə?
- Төрскн гисн – мана төрсн hазр – усн, өрк – бүл. Мана Төрскн – хальмг тег. Мана төрскн келн – хальмг келн. Экин саатулын келн. Ээҗəсн соңссн үгəс эңкр юмн уга. Эврə hазр – уснас, эврə Төрскнəс үнтə, эңкр у.
10..Герин даалһвр : шүлг чееҗәр дасх.
11. Темдгүд тәвлһн
По теме: методические разработки, презентации и конспекты
Разработка открытого урока по теме: «Географическая оболочка» Урок-открытие
Что такое географическая оболочка? ГО – это взаимосвязь и взаимодействие всех оболочек Земли - всех сфер Земли.Какие это сферы?Постановка проблемы1. Ученику дается г...
Открытый урок по алгебре в 7 классе «А» тема: «Уравнения с одной переменной». Открытый урок по алгебре в 7 классе «А» тема: «Уравнения с одной переменной».
Открытый урок по алгебре в 7 классе «А»тема: «Уравнения с одной переменной».презентация по данной теме...
Открытый урок (мастер-класс) по русскому языку, проведённый на Фестивале инновационных идей в региональном образовании «Педагогические открытия 21 века» по теме Урок – исследование. «Предлог». (7 класс)
Тема: Предлог. (Закрепление знаний)Цель урока а) учебная: систематизировать и обогатить знания учащихся о предлоге, на основе заданий-исследований предупредить возможные ошибки в употреблении предлого...
Открытый урок по английскому языку. Открытый урок на активность обучения английского языка». (2 е—5 е классы обучения предмету)
Применение различныхвидов игр на уроке с целью закрепления лексических и грамматических навыков в обучении английскому языку....
Методическая разработка открытого урока по математике в 5 классе «Умножение десятичных дробей» (урок открытия новых знаний) в рамках ФГОС
Технологическая карта практико - ориентированного урока...
2.1.Совершенствование методов обучения и воспитания через проведение открытых уроков/занятий на МО муниципального уровня (экспертный лист оценивания, протокол посещения первого открытого урока от МО муниципального уровня)
Эксперный лист первого урока...
3.2.Совершенствование методов обучения и воспитания через проведение открытых уроков/занятий на МО муниципального уровня (экспертный лист оценивания, протокол посещения второго открытого урока от МО муниципального уровня)
3.2.Совершенствование методов обучения и воспитания через проведение открытых уроков/занятий на МО муниципального уровня (экспертный лист оценивания, протокол посещения второго открытого у...