Рабочая программа по родной (мордовской) литературе
рабочая программа (7 класс)

Икельце валось

         Тонавтомань программась тиринь литературань   коряс  7 – це класснэнь теезь

• Эрзя - мокшонь литературань программанть коряс, конань кемекстызе Республика Мордовиянь образованиянь министерствась. Сёрмадыцятне:  А.И. Брыжинский,  А.М. Каторова. Саранск, мордовской книжной издательствась, 2010 ие;
• Поводимовской  средней общеобразовательной школанть тонавтомань планонзо лангс нежедезь;
• Тиринь литература. Эрзянь школань 7-це классонь  туртов учебник-хрестоматиянть коряс. Сёрмадыцясь- Каторова А.М.-Саранск, 2002

Недлязонзо 7-це классо тиринь литературантень максови

1 час. Иезэнзэ – 34 част.

      Эрзянь келень коряс важодемань программась целанек документ, козонь совить 5 пелькст: икельце вал, тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

     Ламо лия предметнэнь ютксто, конат тонавтневить школасо, неявикс тарка явови эрзя-мокшонь литературантень. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест-мелест, сюпалгавты кель-валост, кепеди кортамонь ды сермадомань келень культураст, келейгавты эстетической вановтост.

     Литературань произведениятнень вельде седе парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь превейчинть.

     Сехте покш целесь, кона путови тиринь литературань уроктнень икелев, те – тонавтомс эйкакштнэнь тиринь келентень ды литературантень, сынст вельде чарькодемс эсь народонть историянзо.

     Тиринь кельсэ сермадозь произведениятнень тонавтнемась лезды рузонь литературанть ды теке марто вейсэ лия искусствань видтнэнь, примеркс, театранть, художникень картинатнень, кинонть, седе домкасто чарькодеме ды содамо.

     Тиринь литературась кеместэ сюлмави эрямонть марто, секскак полавтоматне, конат ютыть неень шкасто, кадыть тешкс сонзэ тонавтоманзо лангс. Неень шкане тиринь литературань уроксо произведениятнень идейно-художественной питненть путомсто сави кирдемс мельсэ аволь идейно-политической енксонть, кода ульнесь икеле, а нравственноенть ды эстетическоенть.Анализэнть теемстэ васняяк эряви мель явомс ломаненть потмоежонзо панжомантень, евтамс, виде а виде эрямонть лангс писателенть вановтозо, кодамо художественно-выразительнойсредства вельде авторось панжи геройтнень тевест-валост, ванномс кель-валонь сюпавчинть. Тень пингстэ эйкакштнэ аламонь-аламонь тонадыть арсеме, эсест мелест-превест евтамо, паро енкстнэнь ды асатыкстнэнь нееме.

         Программанть вешематне: тонавтницятне аламонь-аламонь тонадовольть художественной произведениятнень смустест чарькодеме ды сыненст виде питнень путомо, кармавольть содамо теоретико-литературной чарькодематнень ды сынст вельде анализэнь теме, келейгавтовольть келень сюпавчист.

   7-це классонь программанть панжсызь эрзянь ды мокшонь раськень моротне, мельгаст молить героической поэматне, конат сермадозь устной поэзиянь (фольклоронь) лувтнень коряс. Колмоце пельксэнть лемезэ: «Минек сермадейтне икелень шкань эрямодонть». Нилеце пельксэсь – «Эрзянь ды мокшонь сермадейтне минек мастордонть». Эйзэнзэ совавтозь произведеният эрзятнень ды мокшотнень неень шкань эрямодост. Те классонть келейгавтозь теоретико-литературной чарькодематне, тонавтницятне теевить содавиксэкс стихосложениянть, сюжетэнть ды композициянть, эрямонь видечинть ды художественной арсевкстнэнь марто.

     Минек литературась сермадозь кавто кельсэ, но весе лия ёнкстнэнь коряс сон а явовиця, невти весе эрзятнень ды мокшотнень сюпав коест-кирдаст, ёж омарямост, превест-мелест ды бажамост. А эряви стувтнемс сеньгак: минек литературась кеместэ сюлмавозь рузонсенть марто. Улить малавикс сюжет, ве ёнов молиця темат, эрямо лувонь невтема принципть. Ламот минек писательтне тонавтнесть рузонь ды лия народонь мастертнэнь пельде.

     Тиринь литературань уроксо эрьва теманть тонавтнемазо ушодови ушодксонь занятиясо. 6-це классо ушодксонь занятиятнень явовить 5-20 минутат. Ушодксонь занятиятнень целест: кастомс тонавтницятнень мелест получамс содамочить писательденть ды сонзэ произведениятнеде, анокстамс тонавтницятнень произведениянь ловномо ды парсте чарькодеме.

     Ёвтнема лувост коряс ушодксонь занятиятне эрсить эрьва кодат:

   а) писателень эрямосто саевкстнэнь, конат лездыть произведениянть чарькодемантень, ёвтнемась;

   б) тиринь ды рузонь литературань уроксо ютазь ды од материалонть марто сюлмавкстнэнь арсемась:

в) исторической, историко-литературной ды бытовой комментариень теемась;

г) произведениянть сермадомань историянзо тевс нолдамось;

д) келенть лангсо важодемась.

     Неть ёнкстнэ максовить  башка приём вельде, примеркс, ютавтовить экскурсият музейс, вирев, лугав, паксяв ды седее тов, тевс нолдавить художникень картинат ды иллюстрацият, морот, вети кортамот эйкакштнэнь пертьпельксэнь содамочидест, кармавты мельс ледстямс ютазь материалонть. Ушодксонь занятиятне ютавтовить вейкень-вейкень ёнов а молицякс. Эрьванть улезэ эсензэ чачозо, эрьва писателенть марто вастовомась кувать кадоволь эрьванть седейс.

     Ушодксонь занятиятнень ютавтомадо мейле ловновить произведениятне. 7-це классо весе вишка жанрань произведениятне ловновить уроксо, зярдо жо тонавтневи повестесь, покш ёвтнемась, то башка пелькстнэ максовить ловномс кудов. Произведениятнень ловномсто васняяк эряви кирдемс мельсэ сонзэ родонь ды жанрань ёнкстнэнь. Примеркс, лирической произведениятне васенцеде свал ловновить классо, гайтевстэ, мельстуезь.

     Произведениянть ловномадо мейле ушодови сонзэ смустензэ лангсо важодемась: путневить кевкстемат, тееви план ды анализ.

     Анализэнь теемстэ кочкавить истят методической приёмт, конат ладить классонтень ды тонавтнема проиэведениятненень. Те шкастонть чарькодевтеви ёвтнема лувось, темась, ёвтавить сюжетэнь, композициянь ёнкстнэ, изобразительно-выразительной средстватнень таликаст типической характертнэнь теемстэ, панжови идейной смустесь. Приёмтне, конатнень нолдавить тень пингстэ тевс , эрсить эрьва кодат: путозь проблематнень муемась ды ёвтамось, комментированной ловномась, геройтнень, сценатнень карадо-каошо аравтомась. Киносценариень теемась, превсэ-валсо портретэнь рисовамось, инсценированиясь, литературной налксематнень ютавтомась. Анализэнь тееманть кис приёмтнень кочкамсто эряви кирдемс мельсэ эйкакштнэнь иест ды литературань коряс содамочист.

    Литературанть тонавтнемстэ пек эрявить меельце уроктне. Неть уроктнестэ путови пе писателенть эрямонь ды творчествань кинзэ тонавтнемантень ды произведениянзо ванномантень. 7-це классо сон ютавтови кевкстематнень коряс кортамонть вельде.

Литературань коряс маштомачитне:

  - мазый ды сёлмов валсо эсь мелеть ёвтамо, беседань ветямо, лия кортамонь кунсоломо, кортамос валмеревксэнь ды цитатань совавтомо;

   - ловнозь произведениятнень содержанияст ёвтнеме;

   - бажамс чарькодеме, мезе од тейсь те эли тона писателесь литературасонть, кодамо общечеловеческой смусть кандыть сонзэ проиэведениянзо;

   - мейсэ пек парсте неявить литературанть национальной ёнксонзо;

   - эрзятнень, мокшотнень эрямонь коест ды национальной обуцянь ёнкстнэнь панжомо;

   - тиринь келенть сюпавчинть ды мазычинть невтеме.

Тематической планось

Учебной курсонть содержаниясь

I

                УСТНОЙ  НАРОДНОЙ   ТВОРЧЕСТВАНЬ ПРОИЗВЕДЕНИЯТНЕ. . ЭРЗЯНЬ ДЫ МОКШОНЬ РАСЬКЕНЬ МОРОТНЕ

                      Эпической морот: «Моро Пугачёвдо», «Вирь чиресэ», «Шаткинань паксясь

Эпической моротнень жанрань коряс явовомаст: исторической морот, балладной морот, мифологической морот.

Исторической моротне: «Моро Пугачёвдо», «Вирь чиресэ», «Шаткинань паксясь».

«Моро Пугачёвдо». Пугачёвонь эрямонзо коряс кортамось. Пу-гачёвонь коряс рузонь кельсэ сёрмадозь книгатне. Те моросонть

путозь кевкстематне. Народонть олячинть кисэ сюпавтнень каршо тюремась, видечинть вешнемась. Пугачевонь войскатнесэ мокшэрзятнень ды лия народтнэнь уцяскав эрямонть кисэ тюремась. Моронть зэменть смустезэ ды художественной башка ёнксонзо. Пугачевонь образось.

«Вирь чиресэ» моросонть мокшотнень, эрзятнень ногаень полонс саемаст, полоне понгозь ломантнень эрямост-аштемаст, ёжомарямост. Произведениясонть тиринь масторонть вечкемась. Паксинень обупянь ёнксонзо. Моронть кель-валонь сюпавчизэ.

«Шаткинань паксясь» — крепостной праванть, мокшотнень ды эрзятнень лангсо нарьгацятнень каршо тюремадо моро. Минек раськенть олячинзэ ды уцяскав эрямонтень кемеманть невтемась. Облозов бояронть раужо оймедензэ ды тевдензэ ёвтнема. Моронть зэмень смустензэ панжомсто художественной средстватнень лезкеэст.

Лирической морот: «Умарина», «Луга лангсо килейне», «Вай, иля пува, варма, вирь ланга», «Дирювонь Федя» 

Лирической моротнеде чарькодема. Сынст идейно-тематической сюпавчись. Моротнень эйсэ лирикань ды эпикань элементтнэнь вейкень-вейкень марто кеме сюлмавомась. Лирической моротнень жанровой формаст: эрямонь-аштемань, важодемань, пеедькшнемань ды киштемань, соддатксчиде, эйдень ва-номань ды пертьпельксэнь мазычиде морот.

Лирической моротнесэ эрямонь койтнеде, пертьпельксэнть мазычиде, вечкемадо ёвтнемась. Нузякстнэнь, тевень а содыцятнень пеедькшнемась, важодицятнень шнамось. Солдатонь лирической моротнень башка ёнксост. Авань стака эрямодо моротне.

«Умарина» моронть идейно-тематической ёвтнема лувозо. Умаринась, кода образ-символ, конань вельде невтеви аванть кезэрень шкане стака эрямозо. Умаринанть, сыре чувтонть марто кортамонть вельде ломантнень майсемадо ёвтнемась. Кель-валонь мазычинь невтиця средстватне, конат сайневить умаринань образонть невтемстэ ды моронтень седей лембень путоманть пингстэ.

«Луга лангсо килейне» моросонть раськень оймесь ды эрямонтень певтеме вечкеманть невтемась. Килеенть образось. Моронть кель-валонь сюпавчизэ. Эпитеттнэнь ды повторямотнень таркаст тейтеренть мазычинзэ ды виев вечкеманзо невтемстэ. Моросонть киштемань ритмикась, эйсэнзэ повтортнэнь эрявиксчист.

«Вай, иля пува, варма, вирь ланга» раськень моронть темазо. Седикелень инязоронь армиясо солдатонть стакадояк стака служамонть невтемась. Моросонть раськень нусманя ёжомаря-монзо ёвтамось, сонзэ лужанячись. Келень-валонь мазычинь невтиця средстватнень эрявиксчист моронть смустензэ панжо-масо.

«Дирювонь Федя» моросонть солдатонь моротнень темась. Моронть башка ёнксонзо. Аванть стака эрямонзо невтемась.

 «Масторава», эпос (пурныцятне Г.Я. Меркушкин, В. В. Горбунов, А. Д. Шуляев, A.M. Шаронов)

«Масторава» эпосось — минек раськень алкуксонь произведения. Эйсэнзэ кезэрень пингень раськенть чачомазо-касомазо, коензэ-иланзо теевемась. «Масторава» эпосонть малавиксчизэ лия народонь классической эпостнэнь марто.

Эпосонть сюжетэзэ, композициязо. Эпосонь кото пелькстнэ: Мастор чачомась, Уцяскань вешнемась, Тюштянь азорксчись, Од азоронь кочкамось, Масторонть ризнэмась, Вейсэндявомась.

II

ГЕРОИЧЕСКОЙ ПОЭМАТНЕ УСТНОЙ ПОЭЗИЯНЬ (ФОЛЬКЛОРОНЬ) ЛУВТНЕНЬ КОРЯС

Тонавтыцянть валозо героической поэматнеде, конат сёрма-дозь эрзятнень ды мокшотнень устной творчествань поэзиянь лувтнень коряс: Я.Я. Кулдуркаев «Эрьмезь», М.А. Бебан «Ушмань Байкась», Г.И. Ельмеев «Ёжка», Н.Л. Иркаев «Моро Ратор-до», К.Г. Абрамов «Сараклыч», В.К. Радаев «Сияжар», «Пенза ды Сура», «Умарина», «Сурай», «Тюштя» ды лият.

 Яков Яковлевич Кулдуркаев «Эрьмезъ», поэма

Я.Я. Кулдуркаев — эрзянь содавикс поэт-сказитель. Сонзэ эрямонь ды шкинемань кизэ. Поэтэнть васенце произведениянзо, конат лиснесть эрзянь ды мокшонь газетатнесэ ды журналтнэсэ.

«Эрьмезь» поэмась — ногаецтнэнь каршо эрзятнень ды мокшотнень тюремадо произведения. Поэманть сюжетэзэ ды героензэ. Эрьмезь богатыренть образось. Героенть тюремазо эсь раськенть уцясканзо кис.

Поэмасонть минек раськенть героической тевензэ-валонзо невтемась. Пургасонь ды Пурейшань образтнэ. Произведениясонть видечинть шнамось ды манчеманть сялдомась. Видечинть кис весе мельсэ аштемась. Алкуксонь эрямосто событиятнень ды эрямо койтнень арсезенть марто парсте вейс сюлмамось. Поэманть кель-валонь сюпавчизэ.

        Максим Афанасьевич Бябин (Максим Бебан) «Ушмань Байкась», поэма

М.А. Бебанонь произведениянзо сюлмавомаст фольклоронть марто. Фольклоронть пельде сёрмадеенть свалшкань тонавтнемазо.

«Ушмань Байкась» поэманть ёвтнема лувозо. Поэманть идейно-тематической смустезэ. Сонзэ домка сюжетэзэ. Монголо-татартнэнь каршо тюремась.

Байка од цёранть полоне саемась ды тесэ сазоронзо марто вастовомась. Сазоронзо ногаецэнть экшсэ а шожда эрямонзо невтемась. Сонзэ образонзо вельде чачома ёнксонть вечкеманть панжомась.

«Ушмань Байкась» поэмасонть кель-валонь мазычинь невтемань средстватне. Сюпав кель-валось, кона лезды седе парсте панжомс пшти конфликтэнть, невти сонзэ трагической пензэ.

«Ушмань Байкась» поэманть идейно-художественной ды историко-познавательной питнезэ неень шкане.

III

                                                        МИНЕК СЁРМАДЕЙТНЕ ИКЕЛЕНЬ ШКАНЬ ЭРЯМОДОНТЬ

Тимофей Алексеевич Раптанов «Татю», повесть

Т.А. Раптанов — эрзянь содавикс писатель-прозаик. Сонзэ эрямозо, шкинемазо ды минек литературантень покш путовксозо. «Татю» повестенть тарказо сёрмадеенть шкинемасо. Эрзятнень ды мокшотнень икелень шкань эрямост максозь событиятнень вельде невтемась.

Иван атянь образось. Сонзэ стака эрямонзо ды эрьвачинь тевензэ-валонзо эрьва ёндо невтемась.

Татюнь образось. Эрямонть лангс вановтонзо аламонь-аламонь полавтомась ютыця событиятнень коряс.

«Татю» повестенть художественной ёнксонзо: геройтнень потмоёжост домкасто невтемась, эрзятнень ды мокшотнень эрямонь-аштемань койтнень ёнксост панжомась.

Пётр Иванович Левчаев «Кавонст кудат», повесть

Тонавтыцянть валозо П.И. Левчаевде.

«Кавонст кудат» повестьсэнть эрзятнень ды мокшотнень XIX пингестэнть инязоронь Россиясо эрямост невтемась. Минек раськенть эрямонзо невтемстэ велень эрямонь койтнень панжомась. Велень те шкань эрямосонть ломантнень ютксо авейкетьксчинть каршо бороцямось.

«Кавонст кудат» повестенть виев ёнксонзо: велень эрямонь койтнень, келень сюпавчинть, важодиця ломантнень тевест-валост ды ёжомарямост видестэ невтемась.

IV

                                                        ЭРЗЯНЬ ДЫ МОКШОНЬ СЁРМАДЕЙТНЕ МИНЕК МАСТОРДОНТЬ

Илья Прокофьевич Кишняков «Самолётось понгсъ пель потс», ёвтнема

Сёрмадеенть эрямонь ды шкинемань кизэ. Сонзэ Ине Отечественной войнасо авиациясо служамось. Невтезь событиятнень парсте содамось.

«Самолётось понгсь пель потс» ёвтнеманть драматической сюжетэзэ ды героензэ. Народонть ютксо кеме ялгаксчинть невтемась. Ёвтнеманть превс путомань покш лезэвчизэ. Ёвтнеманть смустень зэмезэ — вейке вейкень седеймарямось, эрямонь стакачитнень изнямось.

Максомс вейкетстязь характеристика самолётсо тайгас празь ломантненень.

Ёвтнеманть башка ёнксонзо: аламо валсо домка мельтнень ды эрямонь лувонь саевкстнэнь невтеме маштомась, пертьпельксэнть смустезэ событиятнень невтемстэ.

Александр Константинович Мартынов «Монь лемем — Россия»,

стихотворения)

Ине Отечественной войнань темась А.К. Мартыновонь шкинемасо. Минек масторонь ломантнень героизмаст шнамось. Патриотизмань лувтне сонзэ шкинемасо.

«Монь лемем — Россия» стихотворениянть патриотической ёвтнема лувозо, Россиянь народтнэнь ютксо ялгаксчинть, фронтонть ды тылэнть вейкеть мелест невтемась. Ёжомарямонь невтемась стихотворениясонть. Лирической героенть Родинанть кис мелявтомазо. Олицетворениянть тарказо Россиянь образонть панжомсто.

Стихотворениянть художественной ёнксонзо, сонзэ композициязо ды кель-валонь мазычизэ.

Василий Никанорович Радии «Весе минь ломантяно», повесть

В.Н. Радинэнь эрямонь ды шкинемань кизэ. Ине Отечественной войнасо улемазо. Войнань темась сёрмадеенть шкинемасо: «Раужо кши», «Присяга», «Азоронть мелявксонзо» ды лия ёвтне-матне, «Весе минь ломантяно» повестесь.

«Весе минь ломантяно» повестьсэнть прянь ветямонть вешнемась. Стака шкасто оймень ваньксчинть ванстомась. Лиянь кисэ седеень сэредстемань темась. Ярцевень ды Лидань образост.

Александр Сергеевич Щеглов «Алкуксонь вечкема», повесть

А.С. Щеглов — содавикс эрзянь поэт, прозаик ды драматург, кона ламо вий путсь минек литературасонть военно-патриотической темас сёрмадозь повестень жанранть касомантень. «Алкуксонь вечкема» повестьсэнть минек масторонь разведчиктнень тевест невтемась ды оймеёжонь мельтнень-превтнень видестэ невтемась, проблематнень панжомась.

Николаев лейтенантонть, Вагинэнь, Шишовонь, Лида медсестранть ды Данилка цёрыненть образтнэ. Сынст вельде минек масторонь ломантнень мазычист. Родинань вечкеманть невтемась. Повестень геройтнень невтемстэ кель-валонь мазычинь невтемань средстватне (валсо портретэнть теемась, кортамотне, пейзажось).

Произведениясонть фронтовой эрямонь алкуксонь событиятне, гуманистической пафосось, романтической героикась ды исторической оптимизмась.

Александр Степанович Малыши «Каргтне тердить кудов», стихотворения

А.С. Малькин — содавикс мокшонь поэт-лирик. Чачома ёнксонь ды тиринь масторонь вечкемадо «Каргтне тердить кудов» стихотворениясонть. Поэтэнть эсензэ мелензэ-арсеманзо ёвта-мось лирической героенть мелявтоманзо вельде.

Произведениянть выразительнойстэ ловномась, художественной башка ёнксонзо чарькодемась. Стихень сёрмадома башка ёнкстнэ. Кель-валонь мазычинь невтиця средстватне, конатнень вельде поэтэсь невти тиринь масторонть мазычинзэ ды ломант-нень сюпав потмоёжост.

Юрий Фёдорович Кузнецов «Гайгиця баягинеть»

 (Эйкакшпорань картинат),повесть

Ю.Ф. Кузнецов» эрямонь ды шкинемань кизэ. Сонзэ путовксозо минек литературасо лирической повестенть касомантень.

«Гайгиця баягинеть» повестенть тарказо сонзэ сюпав шкинемасонть. Повестьсэнть лирической героенть талновтыця ледстнеманзо эйкакшпорадо, чачома-касома крайденть, содавикс ломантнеде, роднядонзо-раськедензэ.

Произведениясонть эрямонь-аштемань тевтне, пертьпельксэнь мазычинть вельде прянь ветямонь ды оймеёжонь мельтнень маштозь кепедемась. Авторонть мелявтоманзо ломантнень ютксо сюлмавкстнэде: прянь ветямодост, важодемадост, пертьпельксэнть вечкемадо ды сонзэ ванстомадо.

Произведениянть жанрань ды композициянь башка ёнксонзо, кель-валонь художественной сюпавчизэ. Повестьсэнть лирической ушодкстнэ, сонзэ эйс ёвтнематнень совавтомась.

           Афанасий Матвеевич Осипов (Артур Моро) «Русь», стихотворения

А.М. Моро — содавикс поэт-лирик, конань башка стихотворениянзо кармасть улеме морокс. Ёжомарямонь невтемась, эрямос кемемась ды эрямонть вечкемась — сонзэ поэзиянть смустезэ.

«Русь» стихотворениянть лувонзо ванномась. Эйсэнзэ Россиянть мазычинзэ ды сонзэ сюпав ойме ломантнень гайгевтемась. Полавтоматне, конат теевсть Россиясо стихотворениянть сёрмадома шкадонть мейле.

Кель-валонь мазычинь невтиця средстватне, конатнень вельде поэтэсь арты пертьпельксэнть ды ломантнень потмоёжост.

Анатолий Прохорович Тяпаев «Шабрат», повесть

А.П. Тяпаев — эйкакшонь содавикс сёрмадей, сон сёрмады эсь произведениянзо мокшонь кельсэ.

«Шабрат» повестенть идейно-тематической лувозо. Сонзэ эйсэ кепедезь проблематне. Авторонть мелявтомазо ёмиця-каладыця велетнень коряс. Произведениянть героензэ. Сашоконь ды Машань образтнэ.

Повестенть художественной юрозо. Авторонть сёрмадомань ёроковчизэ. Юморось ды пеедькшнемась произведениясонть. Повестенть превс путомань смустезэ.

Пётр Уварович Гайни (Поздяев) «Таня», поэма

Тонавтыцянть валозо Таня Бибина крановщицадонть. «Таня» поэманть ёвтнема лувозо ды сюжетэзэ. Событиятнень ды героинянть образонзо видестэ невтемась. Апак пеле прянь ветямось: Таня ванстась зярыя ломанень эрямот. Тейтеренть обуцянзо панжомсто кель-валонь мазычинь невтиця средстватне ды приёмтне. Потмо мелензэ панжомась, ванькс нравственной виесь героинянть эрямо койсэ ды бажамосо.

«Таня» поэманть художественной виев ёнксонзо ды келень мазычизэ.

Сонзэ ритмиказо ды строфиказо.

Серафим Емельянович Вечканов «Концерт», стихотворения

СЕ. Вечканов — эрзянь содавикс поэт, ламо паро стихень сборникень автор. Сонзэ стихензэ темань келейчись. Ламот стихтнень велень эрямонть невтемантень алтамост. Велесь — ветиця тема поэтэнть шкинемасонзо. «Концерт» стихотворениясонть эсь чачома ёнксонть вечкеманть, сонзэ важодицятнень ды ёроковчинть гайгевтемась. Стихсэнть художественной приёмтне, конатнень вельде невтеви эрзянь ёроков ломантнень путовксост минек масторонть изнявкстнэнень. Стихотворениясонть патриотизмань домка ёжомарямотне. Стихотворениянть композициязо, кель-валонь мазылгавтомань средстванзо. Сынст кеме сюлмавомаст стихенть ёвтнема лу-вонзо марто. Лементь смустезэ стихотворениянь зэменть панжомасо.

Валентина Ивановна Мишанина «Пингень ортат», повесть

В.И Мишанина — мокшонь кельсэ ёвтнемань ды повестень сёрмадыця. Эрзя-мокшонь веленть войнадо мейлень стака эрямонть невтемась «Пингень ортат» повестьсэнть. Прявт героинянть Татю тейтеренть образось. Сонзэ эрямонтень аламонь-аламонь совамозо ды обуцянзо кемекстамось. Сёрмадеенть покш ероковчизэ эикакштнэнь потмоёжост панжомасо. Повестенть лирической юрозо.

7-це классонтень тиринь литературань коряс календарно - тематической планированиясь

Тонавтнемапельтне: 

Тиринь литература 7-це классонтень С.2002 ие

Автортнэ: А.М.Каторова

Методической пособиясь: Литературань урокт 7-це классонтень

Автортнэ: А.М.Каторова, И.Я.Колганов.

ЛИТЕРАТУРАСЬ

1. Алёшкин А.В. Единство традиций / А.В. Алёшкин. — Саранск, 1978. — 213 с.

2.А. Алёшкин А.В. Эпос дружбы / А.В. Алёшкин. — Саранск, 1985. - 231 с.

3. Алёшкин А.В. Арсемат / А.В. Алёшкин. — Саранск, 1990. — 197 с.

4.Безбородов М.И. Ульсь пинге..: стихть, поэмат, пьесат, очеркть / М.И.Безбородов; [кочкайсь ингольдень валть сёр-мадозе А.В. Алёшкин]. — Саранск: Мордов. кн. изд., 2008. — 254 с.

5. Борисов А.Г. Художественный опыт народа и мордовская литература / А. Г. Борисов. — Саранск, 1977. — 211 с.
6. Брыжинский А.И. В едином строю / А.И. Брыжинский. — Саранск, 1984. — 234 с.

    7.Брыжинский А.И. Писатели Мордовии: библиогр. указатель /А.И.Брыжинский , О.В. Пашутина, Е.И. Чернов. — Са  

      ранск: Мордов. кн. изд., 2001. — 592 с.

8. Васильев Л.Г. Дмитрий Морской / Л.Г. Васильев. — Саранск, 1964. — 134 с.

9.Горбунов В.В. Поэзия —душа народа / В.В. Горбунов. — Саранск, 1971. — 215 с.

10.Горбунов Г.И. Жизнь, герой, литература / Г.И. Горбунов. — Саранск, 1976. — 167 с.

11.Горбунов Г.И. Вешнемань ки лангсо / Г.И. Горбунов. — Саранск, 1985. - 156 с.

12. Горбунов Г.И. Вастомат / Г.И. Горбунов. — Саранск, 1993. — 213 с.

13. Дёмин, В.И. Сюконян тенк...: Эрзянь писательде ёвтнемат/ II II. Демин. — Саранск : Мордов. кн. изд-во, 2005. — 317 с.

    14.Доронин А. Ялгадо вал: художественной очеркть /Александр Доронин. — Саранск,тип. «Рузаев. Печатник», 2006. — 406 с.

15.Зиновьев Н.В. Человек и время / Н.В. Зиновьев. — Саранск, 1995. - 276 с.

16.Инжеватов И.К. Время водило его пером / И.К. Инжеватов. — Саранск, 1973. — 234 с.

17.Инжеватов И.К. На службе народа / И. К. Инжеватов. — Саранск, 1973. — 267 с.

18.Инжеватов И.К. Литература и жизнь / И.К. Инжеватов. — Саранск, 1982. - 186 с.

19.История мордовской советской литературы. — Т. 1. — Саранск, 1968.-312 с.

20.История мордовской советской литературы. — Т. 2. — Саранск, 1971. — 324 с.

21.История мордовской советской литературы. — Т. 3. — Саранск, 1974. — 327 с.

    22.История мордовской литературы. — Саранск, 1981. — 315 с.

23.Каторова A.M. Введение в литературоведение / А.М. Ка-торова. — Саранск, 2006. — 212 с.

24. «Край мой! Любимая Русь и Мордва!» Мордовия С. Есенина: ст., рец., стихи, переводы / сост. Г.С. Гребенцов-, П.К. Лю-баев, Т.Ф. Сафонова. — Саранск: тип. «Красный Октябрь», 2004. - 408 с.

25.Кулдыркаев Я.Я. Поэмат ды ёвкст / Я.Я. Кулдуркаев; [пурныцясь ды икельце валонь сермадыцясь А.В. Алёшкин] / 26.Я.Я. Кулдуркаев. — Саранск: Морд. кн. изд., 2008. — 173 с.

27.Ломшин М.И. Творческие индивидуальности писателя А.Д. Куторкина и развитие эпических традиций мордовской литературы / М.И. Ломшин. — Саранск: Изд-во Мордов. ун-та, 2005. - 77 с.

28.Любаев П.К. Кочказь произведеният: стихт, повесть, ёвтнемат, ледстнемат / П.К. Любаев [икельце валось А.М. Доро-нинэнь]. — Саранск: Морд. кн. изд., 2009. — 279 с.

29.Макушшн В.М. Начало пути / В.М. Макушкин. — Саранск, 1976. - 189 с.

30.Мордовская литература: Авторы-составители А.И. Брыжинский, Е.И. Чернов. — Ч. I. — Саранск, 1989. — 312 с.

31.Мордовская литература: Авторы-составители А.И Брыжинский, Е.И. Чернов. — Ч. И. — Саранск, 1990. — 312 с.

    32.Современная мордовская литература 60 — 80-е годы. — Ч. I. - Саранск, 1991. - 342с

Интернет ресурстнэ

Эрзянь Морот. Эрзянские песни.
http://www.erzan.ru/news/anna-panisheva

http://vkontakte.ru/audio?id=-83623

ЭРЗЯНЬ МАСТОР TV. Наше видео на портале You Tube. Концерты, клипы, выступления и многое другое.
http://www.youtube.com/watch?v=a9FF-HbDGiU

Ловнома. Чтение.
Независимая общественно-политическая газета
Мордовского республиканского общественного
Фонда спасения эрзянского языка

Пек содавикс Эрзянь кулялопась тиринь мельть марто.
http://www.erzia.saransk.ru/

Эрзянский литературный сайт «Эрзиана» Эрзянь сёрмадоматевонь лопась.
http://erziana.my1.ru/index/ehrzjan_mastor/0-11

Энциклопедия Нижегородской области. Обран ошсонь энциклопедиясь.
http://erziana.my1.ru/index/ehrzjan_mastor/0-11

Эрзянский сайт «Эрзянь Раське».
Эрзянь лопась эрзянь раськеде.
http://erzyany-rasyke.ucoz.ru/

Эрзянский Живой Журнал от Петрянь Андю. Новости эрзянского мира. Кулят Эрзянь масторсто.
http://erzianj-jurnal.livejournal.com/

Эрзянь Википедиясь. Эрзянская Википедия. Статьи о великих людях и событиях на эрзянском языке.
http://myv.wikipedia.org/wiki/%D0%9F%D1%80%D1%8F%D0%BA%D1%81%D0%BB%D0%BE%D0%BF%D0%B0


Культурно-образовательный портал «Эрзянь Ки».
http://www.erzan.ru/

Эрзянский детский и юношеский журнал «Чилисема».
Эрзянь эйкакшонь ды од ломанень журнал. Очень качественные статьи и профессиональная редакция. Выписывайте, друзья! Ловнеде од ломанть!
http://chilisema.ru/

«Сятко» (рус. «Искра») — литературно-художественный и общественно-политический журнал, издаваемый в Саранске. Публикации журнала выходят наэрзянском языке.
http://ru.wikipedia.org/wiki/%D0%A1%D1%8F%D1%82%D0%BA%D0%BE

Газета «Эрзянь Правда». Статьи, новости о Республики Мордовия и народе эрзя.
http://erziapr.ru/