урок на тему "Зымæг. Цæрукъаты В. Заз"
план-конспект урока

         Гом урок 2 къласы

Темæ: Зымæг.

Цæрукъаты Валодя «Заз».

                                                                                              45- æм гимназы

                                                                                              Ирон æвзаджы ахуыргæнæг

                                                                                             Хуыгаты Ж.И.                                

Темæ: Скодта Митын лæг йæ урс кæрц.

Цæрукъаты В. «Заз».

Урочы нысæнттæ:

1.Бамбарын  кæнын æмдзæвгæйы сæйраг хъуыды.

2.Скъоладзауты  фæцалх кæнын рацыд   лексикон  æрмæгæй ныхасы мидæг пайда кæныныл.

3.Аив кæсыны фæлтæрддзинад рæзын кæнын,  ныхасы рæзтыл кусын.

Урочы фæлгонц:

Презентаци интерактивон фæйнæгыл,  хъазæнтæ, сценкæ.

Эпиграф:

Алы бон цæут æгас,

Митын Дада,заз бæлас!

1. Бацæттæгæнæн рæстæг.

         Тагъддзуринаг.

         Æхсæрæг æхсæртæ саста,

         Пыхсбыны ныффынæй арс та,

         Æхсæры цъар ыл æрхауд,-

        Арс,мæгуыр,хæрдмæ фæхауд.

      II.Скъоладзауты сразæнгард кæнын урочы архайынмæ.

Æмбисонд: «Æнгом цуанонтæ саг марынц, æнгом бинонтæ цард арынц».

Ахуыргæнæг:

- Куыд æмбарут ацы æмбисонд?  

Мах дæр урочы кусдзыстæм æнгом бинонтау, цæмæй нын фылдæр бантыса урочы.

III.Урочы темæ раргом кæнын.

Уыци-уыци (интерактивон фæйнæгыл):

Хур ма зæхх фæтавы цъус ,

Митæй  дары  быдыр урс.

Уазал дымгæ  у тызмæг,

Уый  та  нæм æрцыд  … (зымæг) 

           Ныв «Зымæг».

-Цы уынут нывы?

-Цавæр бæлæстæ базыдтат нывы?

-Цæмæ гæсгæ?

(Заз бæлас сæрдæй, зымæгæй вæййы уыцы иухуызон)

-Арвæй хауынц митгæлæбутæ дамгъæтимæ. Цавæр дзырд сæ саразæн ис?

( Сывæллæттæ интерактивон фæйнæгыл  дамгъæтæ иу кæнынц).

-Цавæр дзырд  рауад?  ( зымæг)

-Нæ урочы дзурдзыстæм …

IV.Хæдзармæ куыст сбæрæг кæнын.

Æмбисонд:

-Цавæр аргъау уæ зæрдыл æрлæууыд? («Зымæгон аргъау»)

Скъоладзаутæ æвдисынц сценкæ «Зымæгон аргъау»-æй.

-Кæцы архайæг фæцыдис уæ зæрдæмæ тынгдæр?

-Аргъауæн цавæр кæрон ис?

Скъоладзаутæ кусынц дыууæ къордæй æмæ æххæст кæнынц тест.

                                                               Тест

1.Сæйраг архайджытæ сты:

а)бирæгъ

б)æхсæрæг

в)рувас

г)тæрхъус

2. Стъолы бæсты Тæкку æрбахаста:

а)тæгæр бæлас

б)тулдз бæлас

в)сусхъæд

г)заз

3.Цал хатты арвыста  Æхсæрæг Тæккуйы хъæдмæ:

а) дыууæ

б) æртæ

в) цыппар

г)фондз

4.Æхсæрæг йæ ныхас нæ сæххæст кодта, уымæн æмæ уыд:

а)чъынды

б) хинæйдзаг

в) æнæрхъуыды

г)зивæггæнаг

5.Тæкку уыди:

а)зæрдæхæлар                                                      в)тæригъæдгæнаг

б)мæстыгæр                                                           г) æнæзивæг

Хатдзæг.

Баххæст кæнут  æмбисæндтæ:

1.Бирæйæ бирæгъ дæр… ( не ‘фсæды)

2 Сайын… ( хорз нæу)

V.Физминуткæ.

Тæрхъус быдырмæ –сæпп,сæпп,сæпп.

Тæрхъус быдырмæ –гæпп,гæпп,гæпп.

Æз æй æрцахсин, æз йемæ хъазин.

Фæлæ мæ куы фæтæрса, мыййаг.

Тæрхъусы  зæрдæ-тъæпп,тъæпп,тъæпп.

Тæрхъусы зæрдæ-хæпп,хæпп,хæпп.

Мæнмæ фæкасти, мæнæй фæтарсти,

Уæртæ ма кæсут-гæпп,гæпп,гæпп!  

VI.Ног æрмæгмæ бахизæн (рацыд æрмæг зæрдыл æрлæууын кæнын).

Митын лæг

дзоныгъ

къахдзоныгътæ

миткъуыбæрттæ

Хъазт « Цæй ныр та ды дæр фæлвар-ам хъæугæ дзырдтæ ссар».

1.Æг-æг-æг

Æрбахæццæ та нæм…(зымæг).

2.Аз-аз-аз

Ралæууыди нæм … (Ног аз).

3.Ры-ры-ры

Мит та ногæй …( рауары)

4.Аг-аг-аг

Фæндаг  та у…( бырынцъаг).

VII.Ног æрмæг.

-Æркæсут ма  нывмæ æмæ бакæсут æмдзæвгæйы сæргонд,-Цæй тыххæй у ацы æмдзæвгæ?

Беседæ заз бæласы  тыххæй.                      

VIII.Дзырдуатон куыст.                                                                                    

IX.Хинымæр каст.

Æмдзæвгæйыл  куыст фæрстытæм гæсгæ.

X.Аив каст.

XI.Релаксаци.

-Дыууæ митын  лæджы  абарут. Æмхуызон сты? Ссарут сын сæ хицæндзинæдтæ.

XII.Ног термин.

-Бакæсут- ма хъуыдыйад йæ райдайæнæй кæронмæ, стæй та – кæронæй райдайæнмæ.

-Размæ дæр  æмæ фæстæмæ дæр иухуызон кæсгæ чи у, ахæм текст хуыйны ПАЛИНДРОМ.       

XIII.Рефлекси.

XIV.Хæдзармæ куыст:

Æмдзæвгæ сахуыр кæнын наизусть.