РАБОЧАЯ ПРОГРАММА учебного курса «Мокшанский язык» в 7 классе
рабочая программа (7 класс)

                                               МУНИЦИПАЛЬНОЕ БЮДЖЕТНОЕ ОБЩЕОБРАЗОВАТЕЛЬНОЕ УЧРЕЖДЕНИЕ

«МОРДОВСКО – ПОЛЯНСКАЯ ОСНОВНАЯ ОБЩЕОБРАЗОВАТЕЛЬНАЯ ШКОЛА»

ЗУБОВО – ПОЛЯНСКОГО МУНИЦИПАЛЬНОГО РАЙОНА

РЕСПУБЛИКИ МОРДОВИЯ.

РАССМОТРЕНО                                                                       СОГЛАСОВАНО                                              УТВЕРЖДАЮ

на заседании ШМО                                                                Зам. директора по УР                                                 Директор школы    

учителей гуманитарного                                                     _____________Н.А.Левина                                 __________________М.С.Поршунова    

цикла предметов.

Протокол №1

От

                                                                                           РАБОЧАЯ ПРОГРАММА

                                                                                            учебного курса «Мокшанский язык» в 7 классе

                                                                                                                                                                                Учитель: Моисеева Л.М.                                              

                                                                                                           2020 - 2021 учебный год

Тонафнемань курсть основной целенза: Максомс содамошит морфологияста; ладямс системас и крхкалгафтомс содамошиснон теоретическяй материалть коряс и касфтомс синь практическяй навыкснон фонетическяй, лексическяй и морфологическяй разборонь тиемста.

Тонафнемань курсть характеристикац: Рабочай программась тиф Мордовия Республикань Образованиянь Министерствать программанц коряс Г.С.Иванова, Т.И.Ломакина «Мокшень кялень программат 5-11 классненди» (Саранск  Мордовскяй книжнай издательствась 2017к..), рецензентсь  МРИО-нь гуманитарнай наукань кафедрась М.Н. Морозова, мокшень кялень и литературань высшай категориянь учитель.

7-це класса тонафневихть морфологиясь, орфографиясь, валонь тиевомась,цебярьста корхтамась. Сембоц макссеви 68 част. Тонафнемань эрь кизоть ушедомста и аделамста ётафть лятфтаманкса программаса нолдафт башка частт. Темань тонафнемда меле ётафневихть контрольнай работат.  5 диктантт. Тя тиендеви теоретическяй содамошитнень маштомошитнень кемокстаманкса и корхтама маштомать касфтоманкса.

Корхтама маштомать касфтоманкса работатне программаса занцихть сатомшка васта и макссевихть эрь класса тонафневи теоретическяй материалть мельге:  9 част. Программаса эрь разделти и темати максфт башка частт.

          Лия предметтнень мархта соткссь.

        Кяльть тонафнемста оцю мяль шарфневи лия предметтнень мархта соткссь. Сембода кемот ня сотксне кяльть и литературать ёткса, сяс мес кяльть тонафнемста дидактическяй материалсь сявондеви васендакиге художественнай литнратураста. Корхтама маштомать касфтомаса ламоц работатневок фкат литературать мархта (сочинениятне, изложениятне, азксне, планонь сёрмадоматне и стак тов)

        Кирдевихть соткст биологиять, географиять, историять и лия предметтнень мархта. Сявондевихть синь корязост текстт, эрь кодама работат (ётафтомс рузонь кяльста текст, арьсемс валрисьмот, сёрмадомс сочиненият, изложеният и стак тов).. ванондовихть урокса мокшэрзянь композиторхнень и художникнень произведениясна, синь лац лездыхть содамс мокшетнень и эрзятнень седиснон-ваймоснон, эряфснон.

              Ценностнай ориентирхне: Мокшень кяльсь школаса кода тонафнемань предмет занци пяк эрявикс васта, сонь оцю тонафнемань и цебярь потмовиень касфтомань смузец.

Школаса родной кяльсь тонафневи сянкса, штоба анокламс культурнай, сембе ширде содай ломатть, максомс тейст мокшень литературнай кяльса морафтомань, корхтамань и сёрмадомань содамошит.

Шачема кяльть цебярьста содамац пяк лезды келептемс аерьфпяльть колга содамошитнень, сон максы пара лезкс рузонь кяльть тонафнемста, грамматиканц, марнек козяшинц и виенц шарьхкодемста.

Курсть тонафнемань результаттне: Тонафнихненди эряви максомс сатомшка содамоши родной кялень фонетикаста, лексикаста, морфологияста, валонь тиевомаста, синтаксиста и стилистикаста; пачфтемс марнек эряфсакяльть асувонц колга, сяда тов касоманц и виияманц и масторлангонь лия кяльхнень ёткса сонь вастонц колга. Шачема кяльть лезксонц вельде, сонь лангозонза нежедезь, эряви касфтомс иттнень логическяй мяльснон-арьсемаснон, ёжемарязь морафтомань и корхтамань маштомошиснон. Максомс сёрмадомань, пунктуациянь и интонациянь кеме маштомошит, кеподемс синь мяльснон цебярьста содамс, кельгомс и ванфтомс тядянь-алянь кяльть.

Мокшанский язык» дисциплинать содержанияц

1-це разделсь.  Тонафнеть лятфтамац.

2-це разделсь. Морфологиясь. Глаголсь.

                              Глаголсь.Глаголть смузец и грамматическяй  признаконза.Глаголть аф определеннай формац. Глаголть

                              валъюрхтонза. Глаголть видонза. Ламонь-крдань видонь глаголхнень сермадомасна. Переходнай и аф  

                              переходнай глаголхне. Глаголть спряжениясна. Глаголхнень наклонениясна. Аф объектнай спряжениясь.  

                              Тяниень (сай) пингсь. Аф обьектнай  спряжениясь. Етай пингсь. Обьектнай спряжениясь. Тяниень (сай) пингсь.  

                              Глаголхнень сермадомасна. Обьектнай спряжениясь. Ётай пингсь.

                          Маштомс:

• Глаголть  валъюрхтонц мума;
• Ламонь- кърдань видонь глаголонь тиема и корхтамста синь тевс сувафнема, видеста сермадома;
• Переходнай и аф переходнай глаголхнень смузень коряс фкя-фкянь эзда явома и корхтамаса тевс ноляма;
• Формань коряс глаголть наклонениянц, пингонц, лицанц, лувксонц и спряжениянц содама, а станя жа глаголть эрявикс формас путома и видеста сермадома;
• Изъявительнай наклонениянь тяниень пингонь 1-це и 2-це лицаса лувксса глаголонь петнень видеста азома и сермадома;
• Кошардомань наклонениянь смузьса сослагательнай наклоненияса глаголонь и –мс суффикс мархта инфинитивонь формать тевс ноляма;
• Лия корхтама пяльксста и глаголста суффикс вельде глаголонь тиема;
• Суффикс вельде тиф и парнай сложнай глаголхнень видеста сермадома.

3-це разделсь. Причастиясь.

                        Причастиять шарьхкодемац. Афкуксонь и страдательнай причастиятне. Причастиятнень тиевомасна и  

сермадомасна. Апак отрицания мархта причастиятне. Причастиятне существительнаень смузьса. Причастияти морфологическяй разборонь тиемась

                     Маштомс:

• Причастиятнень вельде предметонь признаконь азома;
• Смузень и синтаксисонь ролень коряс изъявительнай наклоненияса тяниень пингонь глаголхнень тяниень пингонь афкуксонь причастиятнень эзда явома;
• Отрицанияфтома и отрицания мархта причастиятнень видеста сермадома.
• Существительнаень смузьса и рольса пичастиятнень тевс ноляма.

4-це разделсь. Деепричастиясь.

                                 Деепричастиять шарьхкодемац. Деепричастиятнень тиевомасна. Апак  отрицания мархта деепричастиятне.  

                                 Морфологическяй разборонь тиемась

                  Маштомс:

• Деепричастия вельде лицань или инфинитивонь формаса глаголонь действиянди характеристикань максома.
• -зь суффикс мархта деепричастиятнень и –зь лицань пе мархта изъявительнай наклонениянь етай пингонь объектнай спряжениянь глаголхнень фкя-фкянь эзда явома;
• Апак отрицания мархта деепричастиятнень и причастиятнень фкя-фкянь эзда явома.

5-це разделсь Наречиясь.

                                 Наречиясь кода корхтама пялькс. Смузень коряс коряс наречиятнень явомасна. Наречиятнень сравнениянь  

                                 степеньцна. Изобразительнай наречиятне.Наречиятнень тиевомасна. Наречиятнень сермадомасна. Наречияти

                                 морфологическяй  разборонь тиемац

    Маштомс:

• Наречия вельде действиянди характеристикань максома;
• Суффикс вельде наречиянь тиема и видеста сермадома;
• Сложнай и парнай сложнай наречиятнень видеста сермадома.

6-це разделсь Валмельгакссь.

                                  Валмельгакссь кода служебнай корхтама пялькс. Смузень коряс валмельгакснень явомасна. Валмельгакснень

падежень форматнень мархта молемасна. Апак тик и тиф валмельгаксне. Валмельгакснень лично-притяжательнай  суффикссна. Морфологическяй разборонь тиемась.

                          Маштомс:

• Валмельгакс мархта валонь сюлмотнень валрисьмоса рольснон содама;
• Валмельгакснень существительнайхнень и наречиятнень эзда явома;
• Валмельгакс мархта существительнайхень и местоимениятнень вастс лично- притяжательнай суффикс мархта валмельгакснень тевс ноляма;
• Валмельгакс мархта существительнайхнень и местоимениятнень видеста сермадома.

7-це разделсь Союзсь

                    Союзсь кода служебнай корхтама пялькс. Сочинительнай и подчинительнай союсне. Морфологическяй разборть  

                    тиемац.

               Маштомс:

• Простой валрисьмоса сочинительнай союснень тевс ноляма;
• Сложнай валрисьмоса сочинительнай и подчинительнай союснень тевс ноляма.

8-це разделсь Частицась.

Частицась кода служебнай корхтама пялькс. Смузень коряс частицатнень явомасна. Валонь и формань тии частицатне.

                    Частицатнень сермадомасна. Морфологическяй разборонь тиемась.

                    Маштомс:

• Кизефтемань и виияфтомань частица мархта валрисьмотнень выразительнайста морафтома;
• Частицатнень башка, китькскя вельде и марса лия вал мархта сермадома.

9-це разделсь Междометиясь.

Междометиятнень смузьсна и корхтамаса рольсна. Междометиять видеса лотксема тяштенятне. Морфологическяй разборонь  тиемась.

                   Маштомс:

• Междометия мархта валрисьмотнень выразительнайста морафтома;
• Междометиятнень видеса запятойть, ювадемань тяштенять и лама точкатнень путома.

10-це разделсь Кизоть песта тонафнефть лятфтамац.

Тематическяй планированиясь

Календарно-тематическяй планированиясь.