Рабочая программа "Родная литература" 9 класс
рабочая программа (9 класс)

Рабочая программа

ПО РОДНОЙ ЛИТЕРАТУРЕ ДЛЯ 9 КЛАССА

Составитель:

учитель мордовского языка и литературы

Т.М.Козина

с.Алово, 2021-2022 учебный год

Икельце валось

9-це классонтень тиринь литературань коряс программась теези Мордовия Республикань образованияньМинистерствань программанть лангс нежедезь.

Весемезэ иень перть тонавтнемантень максовить 34 част, сынст ютксо произведениятнень ды литературань историянь тонавтнемантень-25 част, аволь классо ловномантень-5, келень культурань кастомантень-4 част. Программасонть панжовить тонавтомань енкстнэ, кода седее парсте максомс содамочитнень ды тевс нолдамо маштомачитнень ды ёрокчитнень.

Эрзянь келень коряс важодемань программась целанек документ, козонь совить5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненеь иень прядомадо мейле, учебно-наглядной пособиятне.

Ламо лия предметнэнь ютксо, конат тонавтневить школасо, неявикс тарка явови эрзя-мокшонь литературантень. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест-мелест, сюпалгавты кель-валост, кепеди кортамонь ды сермадоманькелень культураст, келейгавты эстетической вановтост.

Литературань произведениятнень вельде седее парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь превейчинть.

Сехте покш целесь, кона путови тиринь литературанть уроктнень икелев, те-тонавтомс эйкакштнень тиринь келентень ды литературантень, сынст вельде чарькодемс эсь народонть историянзо.

Тиринь кельсэ сермадозь произведениятнень тонавтнемась лезды рузонь литературанть ды теке марто вейсэ лия искусствань видтнэнь, примеркс, театранть, артыцятнень артовксост, кинонть, седе домкасто чарькодеме ды содамо. Тиринь литературась кеместэ сюлмави эрямонть марто, секскак полавтоматне, конат ютыть неень шкасто, кадыть тешкс сонзэ тонавтоманзо лангс. Неень шкане тиринь литературань уроксо произведениятнень идейно-художественной питнень путомсто сави кирдемс мельсэ аволь идейно-политической ёнксонть, кода ульнесь икеле, а нравственноенть ды эстетическоенть. Анализэнть теемстэ васняяк эряви мель явомс ломаненть потмоёжонть панжомантень, ёвтамс, виде а виде эрямонть лангс писателенть вановтозо, кодамо художественно-выразительной средства вельде авторось панжи геройтнень тевест-валост, ванномс кель-валонь сюпавчинть. Тень пингстэ эйкакштнэ аламонь-аламонь тонадыть арсеме, эсест мелест-превест ёвтамо, паро ёнкстнэнь ды асатыкстнэнь нееме.

Вейксэце классо тонавтневи тиринь литературась Ине войнань шкасто ды войнадо мейлень иетнестэ. Обзорной темасонть панжови эрзятнень войнасо ятонть каршо тюремаст, арсевить истят кевкстематне, кода войнась ды народонть духовной эрямозо, ломанесь войнасо, войнадо видечись минек литературасо. Тесэ жо ёвтавитьвойнань шкань литературанть башка ёнксонзо: виевчись, ёроковчись, интернациональной ёжомарямось, эсь масторонтень домка вечкеманть невтемась, ятнэнь каршо эсь прянь апак жаля тюремась.

Тесэ ванновить истят писательтнень творчестваст: Т.А.Кирдяшкинэнь, С.Е. Вечкановонь, А.Д.Куторкинэнь, Г.Я.Меркушкинэнь, И.З.Антовонь, И.П.Кишняковонь, В.К.Радаевень.

Программанть вешематне: тонавтницятне аламонь-аламонь тонадовольть художественно произведениятнень смустест чарькодеме ды сыненст виде питнень путомо, кармавольть содамо теоретико-литературной чарькодематнень ды сынст вельде анализэнь тееме, келейгавтовольть келень сюпавчист.

X-XI-це класстнэсэ тиринь литературась тонавтневи историко-литературной принципенть коряс.Лиякс меремс, ванновилитературансть историязо. Тень кисэ эрьва классос совавтозь обзорной ды монографической темат. Обзорной тематнесэ ванновить писательтнень творческой изнявксост те эли тона иестэнть, се шкане литературань  лувозо .  

Монографической тематнесэ тонавтневить башка писательтнень эрямонь ды творчествань кист ды сехте неявикс произведенияст. Тонавтницятнее теевить содавиксэкс неть произведениятнень март оды терявтыть сыненст виде питнень путомо. Монографической тематнень марто сюлмавозь критической роботатненьтонавтнемасткак. Сехте ламо критической роботатне совавтозь IX-XI-це класстнэнь туртов программантень. Сынст целест – лездамс пакшатненень седе домкасто чарькодемс литературань произведенеятнень смустест.

Литературань процессэсь а ашти ве таркасо, появить писателень од лемть, паро произведеният, секс свал эряви келейгавтомс литературной вановтнэнь ды бажамс сенень, штобуэйкакштнэ улевельть одонь содамо бажицякс.

Минек литературась сермадозь кавто кельсэ, но весе лия енкстнэнь коряс сон а явовиця, невти весе эрзятнень ды мокшотнень сюпав коест-кирдаст, ёхомарямост, превест-мелест ды бажамост. А эряви стувтнемс сеньгак: минек литературась кеместэ сюлмавозь рузонсенть марто. Улить малавикс, ве ёнов молиця темат, эрямо лувонь невтема принципть. Ламот минек писательтне тонавтнесть рузонь ды лия народонь мастертнэнь пельде.

     Тиринь литературань уроксо эрьва теманть тонавтнемазо ушодови ушодксонь занятиясо. Ушодксонь занятиятнень целест: кастомс тонавтницятнень мелест получамс содамочить писательденть ды сонзэ произведениятнеде, анокстамс тонавтницятнень произведениянь ловномо ды парсте чарькодеме.

     Ёвтнема лувост коряс ушодксонь занятиятне эрсить эрьва кодат:

   а) писателень эрямосто саевкстнэнь, конат лездыть произведениянть чарькодемантень, ёвтнемась;

   б) тиринь ды рузонь литературань уроксо ютазь ды од материалонть марто сюлмавкстнэнь арсемась:

в) исторической, историко-литературной ды бытовой комментариень теемась;

г) произведениянть сермадомань историянзо тевс нолдамось;

д) келенть лангсо важодемась.

     Неть ёнкстнэ максовить  башка приём вельде, примеркс, ютавтовить экскурсият музейс, вирев, лугав, паксяв ды седее тов, тевс нолдавить художникень картинат ды иллюстрацият, морот, вети кортамот эйкакштнэнь пертьпельксэнь содамочидест, кармавты мельс ледстямс ютазь материалонть. Ушодксонь занятиятне ютавтовить вейкень-вейкень ёнов а молицякс. Эрьванть улезэ эсензэ чачозо, эрьва писателенть марто вастовомась кувать кадоволь эрьванть седейс.

     Ушодксонь занятиятнень ютавтомадо мейле ловновить произведениятне. Весе вишка жанрань произведениятне ловновить уроксо, зярдо жо тонавтневи повестесь, покш ёвтнемась, то башка пелькстнэ максовить ловномс кудов. Произведениятнень ловномсто васняяк эряви кирдемс мельсэ сонзэ родонь ды жанрань ёнкстнэнь. Примеркс, лирической произведениятне васенцеде свал ловновить классо, гайтевстэ, мельстуезь.

     Произведениянть ловномадо мейле ушодови сонзэ смустензэ лангсо важодемась: путневить кевкстемат, тееви план ды анализ.

     Анализэнь теемстэ кочкавить истят методической приёмт, конат ладить классонтень ды тонавтнема проиэведениятненень. Те шкастонть чарькодевтеви ёвтнема лувось, темась, ёвтавить сюжетэнь, композициянь ёнкстнэ, изобразительно-выразительной средстватнень таликаст типической характертнэнь теемстэ, панжови идейной смустесь. Приёмтне, конатнень нолдавить тень пингстэ тевс, эрсить эрьва кодат: путозь проблематнень муемась ды ёвтамось, комментированной ловномась, геройтнень, сценатнень карадо-каошо аравтомась. Киносценариень теемась, превсэ-валсо портретэнь рисовамось, инсценированиясь, литературной налксематнень ютавтомась. Анализэнь тееманть кис приёмтнень кочкамсто эряви кирдемс мельсэ эйкакштнэнь иест ды литературань коряс содамочист.

    Литературанть тонавтнемстэ пек эрявить меельце уроктне. Неть уроктнестэ путови пе писателенть эрямонь ды творчествань кинзэ тонавтнемантень ды произведениянзо ванномантень. 7-це классо сон ютавтови кевкстематнень коряс кортамонть вельде.

Учебной курсонть содержаниясь.

Эрзя-мокшонь литературанть чачомазо (1 част)

Художественной валонь васень пургондавкстнэ.Литературанть вельмемань эрямонь-аштемань ды историянь, оймень ды культурань енкстнэ. Рузонь классикань литературанть  лезксэзэ.

Эрзя-мокшонь письменностенть чачомазо. Народонь кель-валонь невтевкстнэ, учебниктне ды учебной пособиятне, валкстнэ, церковной ды духовной-светской ёнкс марто васень печатавктнэ, эрзянь ды мокшонь кельтнес ютавтоматне.

XIX пингень прядовомсто сермадомань художественной енкс марто койтнень теевемаст. А.А.Шахматовонь «образцы мордовской народной словесности», «Мордовский этнографический сборник».

  Х.Паасоненэнь «Образцы мордовской народной словесности», С.Аникинэнь «Мордовские народные сказки», И.Зоринэнь поэманзо-сказонзо ды лиятне.

  М.Е.Евсевьевень путовксозо эрзянь ды мокшонь литературань кельтнень молеманть аравтомантень.

  М.Е.Евсевьевень «Мордовская свадьба» (1892) книгазо.

  Эрзянь ды мокшонь литературасонть ушодыцякс аштить рузонь кельсэ сермадыця сеть сермадейтне, конат лиссть мокшэрзянь эрьва кодамо диаспоратнень ютксто. Неть сермадейтнень юткс кандовить А.А.Коринфский, С.В.Аникин, А.Я.Дорогойченков (Дорогойченко). А.И.Завалишин ды лият.

Степан Васильевич Аникин (3 част)

  С.ВАникин – минек литературань ушодыцятнестэ вейкесь. Сонзэ эрямонь ды шкинемань кизэ. Тиринь литературань васень эскелькстнэнь теемасо С.Аникинэнь путовксозо. Сермадеенть масторонь содавикс ломантнень евтавксост.

Шкинемань тевсэ С. Аникинэнь терявтнеманзо. «Бездорожье» (1903) васенце ёвтнемазо. Произведениясонть авторось арсевксэнь домкачись, мельсэ кувать кирдевиця валдо образ-тнэ. Велень промксонть вельде эрямонь стакачинь ёнкстнэнь лангс ливтеманть колсто невтемась. Бедноенть Тимошкань образонть панжомасо художественной детальтнень ероковсто тевс нолдамось.

«Мордовские рассказы» (1908) ёвксонь сборникесь. Народонь устной творчестванть пурнамонтень сёрмадеенть мелень явомась ды неть произведенйятнень одов сермадомасо сонзэ покш колчизэ. Книганть сехте неявикс ёнксось — сёрмадеенть бажамозо тинринь раськенть историядонзо келейстэ, домкасто ёвтнемась. «Сабан-богатырь» ёвкссонть лиризмась, важодемантень алкуксонь гимнань морамось, лиянь модатнень лангс кайсевицятнень сялдомась.

  «На Чардыме» (1911) евтнемась – сермадеенть шкинемасо сехте неявикс текшось. Калеканть Емелькань – произведениянть центральной персонажонть – урексчисэ кирдевиця «мужикень» символической образокс касомась. Евтнемасонть пек ероковсто артозь пертьпельксэнь мазычись.

Эрзя-мокшонь литературанть касомазо-вииямозо (1 част)

Эрзя-мокшонь письменной литературань кинь-янонь ушодкстнэ. Национальной политикань од енкстнэ. Литературанть касомасо-вииямосо культурной революциянть смустезэ. Эрзянь кельсэ произведениятнень печатамо ушодомась, нацирнальной печатенть, школатнень ды культурань ды прсвещениянь учреждениятнень чачомаст.

   Эрзянь ды мокшонь кельтнесэ лисиця газетатнень ды журналтнэнь общественно-политической питнейчист. Литературной вийтнень касомантень сынст покш путовксост.

   РСФСР-нь Наркомпроссо эрзянь ды мокшонь кельтнесэ буквартнень, ловнома книгатнень сермадомаст ды пурнамост. Эрзянь ды мокшонь учебникень васенце автортнэ: М.Е.Евсевьев, З.Ф. Дорофеев, Е.В.Скобелев, Ф.И.Завалишин. Ф.М.Чесноков, Я.П.Григошин. И.Г.Черапкин.

    Младописьменной литературатнень виень пурнамосо А.М.Горькоень покш лезксэзэ. 20-це иень минек литературанть идейно-тематической содержаниязо ды художественной башка енксонзо. Гражданской войнань героикась. Родинань ванстомась – те эрзянь ды мокшонь литературасо сехте сеедьстэ вастневиця темась. Неть иетнень эрзянь ды мокшонь литературань осровной жанратне: стихотворениясь, баснясь, частушкась, моротне, нурька евтнемась. Вейке актсо пьесась.

   Од прозаиетнень ды поэтнэнь литературав самост. З.Ф.Дорофеев, М.И.Безбородов, П.С.Глухов, Ф.М.Чесноков, К.С.Петрова, Т.А.Раптанов, Я.П.Григошин, Ф.И.Завалишин, И.П.Кривошеев, А.В.Дуняшин, А.Мокшони (А.И.Кочетков), А.Я.Дорогойченков (Дорогойченко) ды лият.

    Эрзянь ды мокшонь литературань кельтнень сермадомань норматнень кемекстамось. Эрзянь ды мокшонь раськень устно-поэтической творчестванть седее келейстэ тонавтнемась. Эрзянь ды мокшонь кельтнес рузонь ды лия народтнэнь литературань произведениятнень ютавтомась.

    Эрзянь ды мокшонь литературанть идейно-художественной ды тематической сюпалгадомась. Те шкань поэзиянть келейчись ды ламо енкстнэ. Од вановтнэ поэзиянь жанрасонть.

    Эпикань поэзиянь жанрань форматнень седее тов касомаст. Эпикань ды лиро-эпикань поэматне. Шканть келейстэ невтемасо вешнематне.

    Прозань основной проблематне ды сонзэ касомань башка енкстнэ. Повестень ды романонь жанратнень тевс нолдамосо тонавтнемась. Од героень невтемась евтнематнесэ ды очерктнесэ.

    Шканть видестэ невтамасонть драматургиянь изнявксонзо. Эрзянь ды мокшонь пьесатнень тематикань ды жанрань ламочись: комедия. Драма. Вейке актсо пьеса. Национальной драматургиясо рузонь классикань драматургиянть тонавтнеманть  лезксэзэ.

Захар Фёдорович Дорофеев 

«Русь», «Ялганень», «Кшинтень" стихотворениятне,  ёвкс (1 час)

Ф. Дорофеевень эрямонь ды шкинемань кизэ. Казанень инородческой учительской семинариясо тонавтнемазо. Неть стихень сёрмадоманть ушодомась. «Песни и думы народного учителя» васенце книганзо рузонь кельсэ лисемань тувталтнэ. (Москов ош, 1912).

З.Ф. Дорофеевень путовксозо мокшэрзянь васение буквартнень ды ловнома книгатнень анокстамосо.

З.Ф.Дорофеевень сехте содавикс произведениянзо: «Нурсемань моро, «Русь», «Ялганень», «Мокшонъ авантень»! «Учителень шапка» ды лият. Поэзиясонзо ветиця тематне, художественной средстватне, устной народной творчествань юртнэ.

«Русь» стихотворениясонть патриотической мельтне-арсематне, келень художественной средстватне.

«Кшинтень» стихотворениясонть икелень шкань аванть стака эрямонзо невтемась. Устной народной творчествань ёнкстнэ.

«Ялганень» стихотворениясонть невтеви олячинь изнямонтень кемемась.

З.Ф. Дорофеевенъ прозанзо башка ёнксозо. «Пожар», «Мезе мон неинь станциясо», «Мордватнень ланга» ёвтнёматне д очерктне, «Пелька прине» ёвксось.

Дмитрии Иванович Малышев (Дмитрий Морской) «Ульяна Сосновская», поэма (3 част)

Минек художественной литературанть чачоманзо, касомаь вииямонзо марто Д.И. Морскоень лемензэ сюлмавомась. Сёрмадеенть эрямо кизэ. Дмитрий Морскоень шкинеманзо касомасо А.М. Горькоень марто вастневематнень лезэвчист.

«Луга лангсо» стихотворениясонть сокицятнень-видицятне ёжомарямост невтемасо народонь изобразительной средстватнень тевс лезэвстэ нолдамось.

Пейзажонь лирикасонть сехте мазый енксось — тиринь таркатнень валдо тюссо артомась. Сельмень кенярдстыця пейзажонь картинань вельмевтемась «Какая ночь! Таких бывает мало», «Зимой», «Сон», «Пастух» стихотворениятнесэ.

Поэтэнть апак прядо поэтической покш произведениянзо- «Буран» стихсэ романось.

«Нувази» поэмасонть эрзянь ды мокшонь раськетнень кезэрень пингень эрямонзо, лия народтнэнь марто умонь шкань ладязь ояксчинть седе тов кемекставоманть домкасто невтемась. Урексчисэ эриця ломантнень кисэ алкуксонъ аштицякс Сияжар богатыренть невтемась. Эрзянь тейтеренть Нувазинь образось.

«Ульяна Сосновская» поэмасонть семиясо эрзянь аванть кезэрень шкане стака эрямонзо невтемась. Фольклоронь истят жанратнень. кода аварькшнематнень, лайшематнень произведениясонть тевс колсто нолдамось.

Александр Яковлевич Дорогойченков (Дорогойченко) «Покш Каменка», роман (5 част)

Сермадеенть эрямонь ды шкинемань кизэ. Сонзэ путовксозо Мордовиянь писателень организациянть теемантень. Публицистикань лириказо. Дорогойченконь изнявксонзо прозань жанрасонть. Ветиця тематне «Бурьян», «Инстинкт», «Пришел на свидание» евтематнесэ.

    «Покш каменка» романсонть мокшэрзятнень минек масторонь лия народтнэнь марто ояксчисэ сюлмавксост. Велесэ од койтнень ладямось. Произведениясонть образтнэ. Митричень образонть вельде модантнь-трицянтень вечкеманть невтемась.

Сергей Степанович Ларионов «Идем галат» повесть (1 част)

     С.С.Ларионов – мокшонь кельсэ сермадыця, васенце поколениянь сермадеень койтнень поладыця.

Сермадеенть эрямонь ды шкинемань кизэ. Литературасонть васень эскельксэнзэ теемась. «Идем галат» ёвтнеманть идейно-художественной башка ёнксонзо.

Афанасий Матвеевич Осипов (Артур Моро) «Пекшенъ дудкине», «Од пора» стихотворениятне, сонетт (1 част)

Артур Моро — поэт-лирик. Литературасо васень эскельксэм зэ. Родинанть ды трудонь ломаненть кисэ прянь шнамосьЯ сонзэ шкинемань сехте неявикс ёнкстнэ, Поэтэнть васень стихтнесэ кель-валонь сюпалгавтыця ды мазылгавтыця средстванень вешнемась.

30-це иетнестэ А. Моронь поэтической мастерксчинзэ касомась. Лирикань жанранъ форматнень сюпалгавтомась, тематикань келейчись. Од эрямонь лувтнень паро мелъсэ тема. Стихень сонзэ васень сборникензэ: «Чись раки», «Эрямонь ким», «Пуръгинень зэрть», «Келейстэ кинть», стихсэ «Тундо» пьесась.

Ине Отечественной войнанъ иетнестэ А. Моронь поэзиянть домка гражданственностесь ды патриотизмасъ. «Моран эрямонть» сборникесь, эйсэнзэ патриотизмань мотивтне. Поэзиясонзо Родинань ды ятонть каршо тюриця народонть образтнэ.

Минек литературань поэзиянь эпиканъ жанратненень А. Моронь путовксозо.

Моронь войнадо мейлень поэзиянть философиянь ды психологиянь домкачизэ. Сонзэ потмоёжонь идеалозо. Неенъ шкань поэтической тонавтнемась. «Оймень вал», «Тундо», «Кеняркс», «Эрьванть эсензэ морозо», «Вечкемадо легенда», «Пингень тумонь тарад» сборникень ды стихень циклатне.

Сонетэнь жанрась А, Моронь шкинемасо. Ломаненть потмоёжос домкасто варштамось ды эрямонть виде вановтсо неемась -Артур Моронь шкинемань сехте неявикс ёнкстнэ.

Эрзя-мокшонь литературасонть Артур Моронь койтне.

Пётр Семёнович Кириллов «Литова», драма (3 част)

П.С.Кириллов — минек литературань классик, сонзэ путовксозо эрзянь кельсэ поэзиянть, прозанть, драматургиянть, критиканть идейно-художественной сюпалгавтомантень. Рузонь классической литературанть питнейчизэ сонзэ шкинеманть темасо.

Эрзятнень эрямост одкстомтомась — 30-це иетнестэ П. Кириловонь шкинемасо прявт темась.

Эпической поэзиянь покш произведениятнень сёрмадомасо П. Кириловонь од лувозо.

«Литова» пьесась — минек литературасо васенце исторической драма. Произведениясонть Степан Разинэнь прявтсо крепостнической праватнень каршо эрзя-мокшонь раськенть тюремазо, оляксчисэ эрямонть кисэ Равчиренъ народтнэнь веисэнь бороцямост невтемась. Пьесанть композиниянь башка ёнкстнэ, исторической материалонть ды национальной фольклоронь героико-эпической лувтнень вейсэндямось.

П.С. Кириллов — лия кельстэ ютавтыця.

«Войнань киява» стихень сборникесь — азарсь яттнэнь каршо тюремань шкасто ломантнень эсь вийтнес кемемадо верьга вайгельтнень ёвтамо.

Сёрмадеенть литературно-критической вановтозо.

П. Кирилловонь шкинемазо ды неень шкань литературанть лувозо.

Максим Афанасьевич Бябин (Максим Бебан) «Борисэнь уцясказо», «Астувтоват тон монень зярдояк»  сонетт, «Учёной лось», басня (4 част)

Сёрмадеенть эрямонь ды шкинемань кизэ. 30-ие иетнень сонзэ шкинемань художественно-эстетической вешнеманзо ды основной идейно-тематической ёнксонзо. Мокшонь велесэ весе одонть бороцямонть келейстэ невтемась. Устной народной творче-ствань ды рузонь классикень койтненъ сонзэ поэзиясо тевс лезэвстэ нолдамось. В. В. Маяковскоень пельде М. Бебанонь тонавтнемазо.

Ине Отечественной войнань шкасто патриотизмань темась поэтэнть шкинемасо.

Поэматнень, конат сермадозь войнадо мейле, идейно-художественной башка ёнксост. Авторонть сатирической героезэ. Народонь юморонь ды сатирань койтнень марто М. Бебанонь баснятнень сюлмавксост.

Прозась ды публицистикась.

М.Бебан – драматург.

Василий Максимович Коломасов «Лавгинов», роман. (3 част)

      Сермадеенть эрямонь ды шкинемань кизэ. Сонзэ прозань ды драматургиянь  идейно-художественной  башка енкстнэ.

В.Коломасовонь сермадомо тонавтнемазо рузонь писательтнень пельде.

   «Лавгинов» романось – сатирань ды юморонь жанрань произведения. Романонть сермадомань историязо. Композициянь ды сюжетэнь эсь енкстнэ. Лавгиновонь образонть лангс неень шкань вановтось. Романонь прявт проблеманть ванкшномась, сонзэ эйсэ народось ды сатирась.

  30-40-це иетнень эрзянь ды мокшонь велетнесэ эрямонть-аштеманть ды прянь вемямонть произведениясо невтемась. Ломантнень ютксо эрямонь од лувтнень-ладтнэнь невтемась.    

Лавгинова Настань, Прокопычень, Егор Кирилловичень, Лизань, Федянь, кода эрямонть лангс од вановт марто ломантнень, образост панжомась.

     Яхим Лавгиновонь эрямонзо невтемась ды лангозонзо ломанень а вейкеть мелень-вановтонь явомась. Героенть обуцянзо кемекставомась.

     Романонть художественной питнейчизэ. Келень ды стилень народной юрось.

      В.Коломасовонь путовксозо эрзя-мокшонь романонь жанранть касомантень.

      Литературань теориясь. Сатирань ды юморонь жанратнеде чарькодемась.

9-це классонтень тиринь литературань коряс тематической планирования

Литературань коряс маштомачитне:

- мазый ды сёлмов валсо эсь мелеть ёвтамо, беседань ветямо, лия кортамонь кунсоломо, кортамос валмеревксэнь ды цитатань совавтомо;

- ловнозь произведениятнень содержанияст ёвтнеме;

- бажамс чарькодеме, мезе од тейсь те эли тона писателесь литературасонть, кодамо общечеловеческой смусть кандыть сонзэ проиэведениянзо;

- мейсэ пек парсте неявить литературанть национальной ёнксонзо;

- эрзятнень, мокшотнень эрямонь коест ды национальной обуцянь ёнкстнэнь панжомо;

- тиринь келенть сюпавчинть ды мазычинть невтеме.

Тонавтнемапелесь: Тиринь литература 9-це классонтень Учебник-хрестоматия С.2008 ие.

Авторось: А.И.Брыжинский

ЛИТЕРАТУРАСЬ

1.Алёшкин А.В. С. Кириллов: Очерк творчества / А.В. Алёшкин. — Саранск, 1968. — 123 с.

2.Алёшкин А.В. Земля родная песни мне дала / А.В. Алёшкин. — Саранск, 1973. — 132 с.

3.Алёшкин А.В. Единство традиций / А.В. Алёшкин. — Саранск, 1978. — 213

4.А. Алёшкин А.В. Эпос дружбы / А.В. Алёшкин. — Саранск, 1985. - 231 с.

5.Алёшкин А.В. Арьсемат / А.В. Алёшкин. — Саранск, 1990. — 197 с.

6.Безбородов М.И. Ульсь пинге..: стихть, поэмат, пьесат, очеркть / М.И.Безбородов; [кочкайсь ингольдень валть сёр-мадозе А.В. Алёшкин]. — Саранск: Мордов. кн. изд., 2008. — 254 с.

7.Борисов А.Г. Художественный опыт народа и мордовская литература / А. Г. Борисов. — Саранск, 1977. — 211 с.

8. Брыжинский А.И. В едином строю / А.И. Брыжинский. — Саранск, 1984. — 234 с.

9.Брыжинский А.И. Процессы жанрового развития мордовской прозы (50 — 90-е годы) / А.И. Брыжинский. — Саранск: Изд-во Мордовского университета, 1995. — 197 с.

10.Брыжинский А.И. Писатели Мордовии: библиогр. указатель /А.И.Брыжинский , О.В. Пашутина, Е.И. Чернов. — Саранск: Мордов. кн. изд., 2001. — 592 с.

11.Горбунов В.В. Поэзия —душа народа / В.В. Горбунов. — Саранск, 1971. —215 с.

12.Горбунов В.В. Признание / В.В. Горбунов. — Саранск, 1984. — 197 с.

13.Горбунов Г.И. Жизнь, герой, литература / Г.И. Горбунов. — Саранск, 1976. — 167 с.

14. Горбунов Г.И. Вастомат / Г.И. Горбунов. — Саранск, 1993. — 213 с.

15. Девяткин Г.С. Мордовский рассказ / ГС. Девяткин. —1987. -231 с.

16. Дёмин, В.И. Сюконян тенк...: Эрзянь писательде ёвтнемат/ II II. Демин. — Саранск : Мордов. кн. изд-во, 2005. — 317 с.

17. Доронин А. Ялгадо вал: художественной очеркть /Александр Доронин. — Саранск,тип. «Рузаев. Печатник», 2006. — 406 с.

18.Забавина В.М. Кузьма Григорьевич Абрамов: Очерк жизни и творчества / В.М. Забавина. — Саранск, 1966. — 256 с.

19.Зиновьев Н.В. Человек и время / Н.В. Зиновьев. — Саранск, 1995. - 276 с.

20.Имяреков М. Любовь и слёзы: стихи, поэмы, творч. портреты / М.Г. Имяреков. — Саранск: Изд. Дом «Писатель». — 2006. — 128 с.

21.Инжеватов И.К. Время водило его пером / И.К. Инжева-гои. — Саранск, 1973. — 234 с.

22.Инжеватов И.К. На службе народа / И. К. Инжеватов. — Саранск, 1973. — 267 с.

23.Инжеватов И.К. Литература и жизнь / И.К. Инжеватов. — Саранск, 1982. - 186 с.

24.История мордовской советской литературы. — Т. 1. — Саранск, 1968.-312 с

25.История мордовской советской литературы. — Т. 2. — Саранск, 1971. — 324

26.История мордовской советской литературы. — Т. 3. — Саранск, 1974. — 327

27.История мордовской литературы. — Саранск, 1981. — 315 с.

28.Каторова A.M. Введение в литературоведение / А.М. Ка-торова. — Саранск, 2006. — 212 с.

29.«Край мой! Любимая Русь и Мордва!» Мордовия С. Есенина: ст., рец., стихи, переводы / сост. Г.С. Гребенцов-, П.К. Лю-баев, Т.Ф. Сафонова. — Саранск: тип. «Красный Октябрь», 2004. - 408 с.

30.Кубанцев Т.И. Поэтический хронотоп жизненного пространства (на примере творчества З.Ф. Дорофеева) / Т.И. Кубанцев. — Саранск: Изд. морд, ун-та, 2005. — 146 с.

31.Кубанцев Т.И. Мокшэрзянь критикась и литературоведениясь: учебнай пособи / Т.И. Кубанцев. — Саранск: Изд-во морд, ун-та., 2002. — 76 с.

32.Кулдыркаев Я.Я. Поэмат ды ёвкст / Я.Я. Кулдуркаев; [пурныцясь ды икельце валонь сермадыцясь А.В. Алёшкин] / Я.Я. Кулдуркаев. — Саранск: Морд. кн. изд., 2008. — 173 с.

33. Ломшин М.И. Творческие индивидуальности писателя А.Д. Куторкина и развитие эпических традиций мордовской литературы / М.И. Ломшин. — Саранск: Изд-во Мордов. ун-та, 2005. - 77 с.

34.Любаев П.К. Кочказь произведеният: стихт, повесть, ёвтнемат, ледстнемат / П.К. Любаев [икельце валось А.М. Доро-нинэнь]. — Саранск: Морд. кн. изд., 2009. — 279 с.

35.Макушшн В.М. Начало пути / В.М. Макушкин. — Саранск, 1976. - 189 с.

36.Мордовская литература: Авторы-составители А.И. Бры-жинский, Е.И. Чернов. — Ч. I. — Саранск, 1989. — 312 с.

37.Мордовская литература: Авторы-составители А.И Бры-жинский, Е.И. Чернов. — Ч. И. — Саранск, 1990. — 312 с.

38.Рогачев В.И. Истоки: К проблемам исторических, культурных и филологических наследий М.Е. Евсевьев / В.И. Рогачёв. — Саранск: Мордов. кн. изд-во, 2002. — 156 с.

39.Современная мордовская литература 60 — 80-е годы. — Ч. I. - Саранск, 1991. - 342с.

40.Современная мордовская литература. 60-80- е годы Ч. II. — Саранск, 1993. - 325 с.

41.Чернов Е.И. Драматурги Мордовии / Е.И. Чернов. — Саранск, 1991. - 156 с.

42.Чернов Е.И. Современная мордовская литература / Е.И. Чернов. - Саранск, 1992. — 98 с.

Интернет ресурстнэ

Эрзянь Морот. Эрзянские песни.

http://www.erzan.ru/news/anna-panisheva

http://vkontakte.ru/audio?id=-83623

ЭРЗЯНЬ МАСТОР TV. Наше видео на портале You Tube. Концерты, клипы, выступления и многое другое.

http://www.youtube.com/watch?v=a9FF-HbDGiU

Ловнома. Чтение.

Независимая общественно-политическая газета

Мордовского республиканского общественного

Фонда спасения эрзянского языка

Пек содавикс Эрзянь кулялопась тиринь мельть марто.

http://www.erzia.saransk.ru/

Эрзянский литературный сайт «Эрзиана» Эрзянь сёрмадоматевонь лопась.

http://erziana.my1.ru/index/ehrzjan_mastor/0-11

Энциклопедия Нижегородской области. Обран ошсонь энциклопедиясь.

http://erziana.my1.ru/index/ehrzjan_mastor/0-11

Эрзянский сайт «Эрзянь Раське».

Эрзянь лопась эрзянь раськеде.

http://erzyany-rasyke.ucoz.ru/

Эрзянский Живой Журнал от Петрянь Андю. Новости эрзянского мира. Кулят Эрзянь масторсто.

http://erzianj-jurnal.livejournal.com/

Эрзянь Википедиясь. Эрзянская Википедия. Статьи о великих людях и событиях на эрзянском языке.

http://myv.wikipedia.org/wiki/%D0%9F%D1%80%D1%8F%D0%BA%D1%81%D0%BB%D0%BE%D0%BF%D0%B0

Культурно-образовательный портал «Эрзянь Ки».

http://www.erzan.ru/

«Сятко» (рус. «Искра») — литературно-художественный и общественно-политический журнал, издаваемый в Саранске. Публикации журнала выходят наэрзянском языке.

http://ru.wikipedia.org/wiki/%D0%A1%D1%8F%D1%82%D0%BA%D0%BE

Газета «Эрзянь Правда». Статьи, новости о Республики Мордовия и народе эрзя.