Портфолио
материал

ОСП «Шокшинская средняя общеобразовательная школа имени Героя Советского Союза И. С. Пряхина» МБОУ «Теньгушевская средняя общеобразовательная школа» Теньгушевского муниципального района Республики Мордовия

В 2017 году Шокшинской школе

присвоено имя Героя Советского Союза

И. С. Пряхина. В декабре месяце 2017 года

Ивану Савельевичу исполнилось бы  95 лет...

Ивану Пряхину посвящается…

Жил когда-то у нас в Шокше,

Будущий солдат – герой.

Здесь он рос, учился в школе,

За друзей стоял горой.

Мордвинёнка звали просто,

Русским именем – Иван.

Кучерявым был мальчишка,

С уважительной душой.

Но в 30 - е то годы,

Он уехал из села.

Поселился он в Коврове,

А душа звала сюда.

Вскоре весть пришла плохая,

Немцы ринулись на нас.

Иван Пряхин – наш сельчанин,

Защищать ушел страну.

На войне он стал сержантом,

Очень храбро воевал.

И в сражениях на Днепре,

Он героем нашим стал!

Вот  настали дни затишья,

День Победы наступил.

Иван Пряхин весь в медалях,

Нашу Шокшу посетил.

Он женился на шокшанке,

Не забыл свое село.

Нашу школу он прославил,

Назвав именем его (слова Шемякиной М. И.).

Заданиясь: Муемс существительнойтнень, ютавтомс эрзянь кельс,  евтамс сынст полавтневемаст

Темась: Существительноенть колмо полавтнеманзо (кемекстамонь урок).

Целесь: Домкалгавтомс содамочитнень существительноенть полавтнеманзо кувалт, кемекстамс сынст практической тевенть лангсо важодезь, виевгавтомс литературной келенть коряс содамочитнень.

Уроконь планось.

1. Кудонь тевенть ванномась.

Тонавтыцясь: 

Ванносынек 141 – це упражнениянть. Заданиясь упражнениянть коряс: путнемс точкатнень таркас существительнойтнень эрявикс падежензэ, невтемс полавтнеманть.

Тонавтницясь:

Митянь (ав. невт. п.) бабазо (азорксч. п.) кандсь косто-бути цецине ды мерсь: «Митя, каяка стопкас (ав. невт. п.) ведь(ав. невт. п.), паряк, вельми». Церынесь нуртясь стопкас ведь.

«Бабай, кода цецянть лемезэ?» - ведьс (ав. невт.) цецянть нолдамсто, кевкстнесь Митя.

- Толнэ, церынем (азорксч. п.), - мерсь бабазо (азорксч. п.) ды путызе стопканть (невт. п.) вальма лангс.

- Мекс сонзэ толнэкс (аволь невт. п.) лемдизь, бабай?

Бабазо (азорксч. п.) неинзе нуцьканзо (азорксч. п.) акемиця сельмензэ (азорксч. п.) ды мерсь:

- Вана покшсто касы, карми цветямо, сестэ несыть, кода цецянть (невт. п.) толнэтне (невт. п.) кармить паломо.

2. Электронной досканть марто робота.

Тонавтыцясь: 

Досканть лангсо сермадозь существительнойть колмо полавтнемасо, эрьва парасто эряви муемс лишноенть ды кикстамс.

Заданиясь:

1. кудотне, менеленть, садт, веленть, ялгась.
2. ялгам, тетрадеть, пирензэ, диктантот, веле.
3. кудо, садось, ломанекс, веленень, велева.
4. садозо, лишмест, веленек, тевензэ, пирявкстнэ.
5. школанть, ялгантень, виресь, чувтотне, азаром.

Тонавтницясь:

1. садт  2. веле 3. садось 4. пирявкстнэ 5. азором.

3. «Чилисема» журналонть коряс робота.

Тонавтыцясь: Заданиясь: «Чилисема» журналстонть саемс мельстуезь текст ды эйстэнзэ муемс,  сермадомс колмо полавтнемасо существительнойть.

Тонавтницясь: ракшам – азарксч. п, авам – азарксч. п., шабранок – азорксч. п., веленть – невт. п., тевтне – невт. п., кудова – ав. невт. п., сазорокс – ав. невт. п.

4. «Кавто церат тикше ледить» моронть коряс робота.

Тонавтыцясь: 

Кунсоломс компьютерэнть вельде нолдазь эрзянь моронть ды евтамс, кодат существительнойть совавтозь те моронтень. Евтамс полавтнемаст.

Тонавтницясь:

Церат – ав. невт. п. л. ч., тейтерть – ав. невт. п. л.ч., тикше – ав. невт. п., леев – ав. невт. п.

5. Упражнениятнень лангсо робота.

Тонавтыцясь: тееви 144 – це упражнениясь. Витнемс текстэнть, видестэ сермадомс. Кавто васенце валрисьметнень ютавтомс рузонь кельс.

Тонавтницясь:

Чевте вайгельть каятотсть Катеринань пря велькссэ, эйстэдест авась соракадсь. Буто сурекс керькстнезь  нотат, карготне менсть вирь экшстэ ды тусть пакся велькска. Марявсь, сынь кепедевсть яла седе верев, паряк, бажасть ливтямо сырнекс палыця чинть велькска. Куватьс вансь Катерина мельгаст. Ташто пизэс, тиринь таркас ливтясь каргонь полкось.

Мягкие голоса раздались над головой Катерины, от них женщина вздрогнула. Будто нанизанные на нитку ноты, журавли вырвались из-за леса и полетели над полем.

6. Валтнэнь коряс робота.

Тонавтыцясь: Уроксонок вастовсть валт, конатнень смустест эряви ютавтомс рузонь кельс.

Соракадсь, керькстнезь, карготне.

Тонавтницясь:

Соракадсь – вздрогнула, керькстнезь – нанизанные, карготне – журавли.

7. Кемекстасынек 5 - 6 – це класстнэсэ ютазенть.

Тест коряс важодема.

1.        Ютавтынк валтнэнь эрзянь кельс

Береза ____________, сосна____________, друзья____________,

грач____________, лебедь____________, мама______________,

              дом_________, бабушка_____________, весна______________ .

2.        Видестэ путомс эрявикс формас валтнэнь ды сермадомс валрисьметь.

варма, ушосо, пуви_________________________________________

чись, верев, кепедевсь______________________________________

3.        Эрзякс сермадомс числительнойтнень

7________, 8_________, 1__________, 6___________, 2___________

4.        Максозь существительнойтненень смыслань коряс сермадт эрявикс прилагательнойть:

килей _______________, авам _____________,

ялгам____________, нармунь____________, кудо_____________,

лов____________, сексь_______________, тундо_______________.

5. Максозь артовксонть коряс сермадыть валтнэнь, мезе неят лангстонзо.

6.        Эрзянь кельсэ гласной гайттнеде:

а) 10

б) 7

в) 6

7. Максозь валсюлмавкстнэнь ютксто муемс кандовозь смусть мартонсеть.  

а) виде ки

б) сырнень ломань

в) васоло велесэ

8. Максозь существительнойтнень ютксто муемс аволь невтемачинсетнень.

а) кикс, ялга, ломантеме

б) ломань, морозо, лопа

в) пельтеме, артовксозо, сумань

9. Максозь существительнойтнень ютксто муемс  невтемачинсетнень.

а) пирезэ, куяртнэ

б) ломантне, шкатнекс

в) ие, кардотне.

10. Максозь существительнойтнень ютксто муемс азоркчинсетнень

а) суликазо, кедест

б) пар, пор

в) тортось, велезэ

11. Максозь валтнэнь ютксто муемс существительнойтнень, конат теевсть суффикс вельде.

а) тейтернесь, атякш, недькс

б) толбандя, лугава, лазкс

в) умарь, тундонь, модамарь

8. Уроконь кемекстамось.

Тонавтыцясь: Мезде седе домкасто кармиде содамо течинь уроксто?

Тонавтницясь: Течинь урокось миненек макссь седе ламо содамочить существительноенть полавтнемадонзо? Минь седе домкасто карминек теде содамо.

9. Кудонь тевесь.

148-це, 150-це упражнениятне, теемс заданиятнень коряс, анокстамс валонь диктантонь сермадомо

Анокстызе: Шемякина М.И.,эрзянь келень

ды тиринь литературань тонавтыцясь.

ОСП  «Шокшинской средней общеобразовательной школа Советской Союзонь Героень И. С. Пряхинэнь лемсэ» Теньгушевской муниципальной райононь Республика Мордовиянь

                                                              (7 – це класс)

«Т. А. Раптанов.  «Татю» повестенть II – це пельксэсь».

Анокстызе: эрзянь келень ды мордовской

 литературань тонавтыцясь

 Шемякина Марина Ивановна

Целесь: Панжомс содержаниянть «Татю» ловнозь пельксэнть произведениясто, ловномс седе тов, домкалгавтомс содамочитнень асодавикс вастовозь литературной валтнэнь коряс.

Уроконь планось.

1. Кудонь тевенть ванномась.

Тонавтыцясь:

Кевкстематне:

1. Косо ды зярдо чачсь Т. А. Раптанов?
2. Евтнемс писателенть эйкакшпингедензэ.
3. Кодамо иестэ Т. Раптанов кадовсь ськамонзо?
4. Кодамо иестэ лиссь васенце стихезэ, косо?
5. Зяро иесэ кулы Т. Раптанов? Кодат произведеният кадовсть минек литературас куломадонзо мейле?
6. Кода ушодови «Татю» повестесь?
7. Кодат арсемат ютасть Татюнь прява, зярдо уштызе каштомонть?
8. Зяро Татюнь иензэ? Мекс сон эзь лисне ялганзо юткс?
9. Мекс Татю авардезевсь, зярдо вейсэ ортатнень марто прась ды тапизе судонзо?  
10. Мезе марясь тейтересь кудов совамсто?
11. Кить неть Писарь Васька ды Якань Илька? Кодамо бу тынь максовлиде характеристикась неть кавто геройтненень?
12. Мекс велень ломантне эзизь иде Иван атянть неть кавто мироедтнэнь кедьстэ?
13. Кие те Оська? Кода арсетядо, весе ломантне вейть?
14. Кодат валт Иван атя евтась Татюнень куломадонзо икеле?

               Тонавтницясь:

1. Чачсь Т. А. Раптанов 1906 – це иестэ июнень 17 чистэ Самарсой областень Похвистневской райононь Покш Толкаш велесэ.
2. Эйкакшпингезэ Раптановонь ульнесь стака. Сонзэ кавто братонзо саизь армияв, тетязо сокоргадсь, куроксто кулось авазо. Семиясь кадовсь роботниктеме, эрясть вачочисэ.
3. 1921 иестэ, зярдо Поволжьясо ушодовсь вачочись ды тифень ормась, Раптанов тетянзо марто сыргасть кши сускомонь вешнеме Сибирь енов. Но Уфанть ды Челябинскоенть ютксо ки лангсо тельня кулось тетязо.Тимофей Раптанов кадовсь ськамонзо. Савсь вешнемс Тюманень робота.
4. 1928 иестэ газетасо лиссь васенце стихезэ.
5. Т. Раптанов кулось, зярдо тензэ ульнесть колоньгемень иеть 1936 иестэ. Но сонзэ минь помнясынек, секс што кадовсть сонзэ произведениянзо «Тол Иван», «Татю», «Чихан пандо ало», «Филянь кизэ», «Мель ды вечкема».
6. «Татю» повестесь ушодови сеньсэ, кода невтеви бедной кудозо Иван атянь, Татюнь тетянзо.
7. Зярдо Татю уштызе каштомонть, качамось тусь каштомонть велькссэ теезь варяванть, сон кармась ускомо весе кудонь коштонть ды штердемань пуленть. Татю арсезевсь: «Вадря бу эрямс валдо кудосо».
8. Татюнень ульнесть кемзисемге иеть. Оршамонзо ульнесть сезнензь, берянть, секскак сон виздсь ды эзь лисне ялганзо юткс.
9. Зярдо Татю прась ортатнень марто вейсэ ды тапизе судонзо, сон кармась авардеме, но аврдсь а секс, што томбавсь. Авардсь апародонть, арасьчиденть.
10.  Зярдо Татю совиль кудов, марясь: «Татю, тетять маштызь!». Ды весе виензэ таргазь сыргась тетянзо идеме.
11.  Писарь Васька ды Якань Илька те сюпав ломанть, велесэ васенцеть. Монь койсэ те «кежей кискат», конатненень ломанесь  кода предмет. Сынст седеест таркас путозь кевть.
12.  Веенст велень ломантне пельсть идемс Иван атянь, што неть кавто сюпавтне сыненст а максыть эрямо велесэст. Омбонстнэ арсесть, паряк Иван атя совсеськак саламо.
13.  Оська велень ломань, кона эзь тандадо Васькадо ды Илькадо, а каявсь идеме Татюнь ды тетянзо. Ломантне зярдояк а эрсить вейкеть, эрьва ломаненть эсензэ обуцязо, целезэ. Улить паро ломанть, улить берянть.
14.  Куломсто Иван атя Татюнень мерсь: «Эйднем… Мон нать, уш живстэ а кадован. Эряк, кода маштат, ансяк вант, ванст эсь прят…»

2. Омбоце пельксэнть коряс робота.

Тонавтыцясь:

Эйкакшт, минь мартонк ваннынек васенце пельксэнть. Ваннынек образтнэнь, конат вастовсть ловнозенть эйсэ. Ней карматано ловновномо 2 –це пельксэнть.

Вейкесь омбоценть полавтнезь ловныть пельксэнть.

3. Асодавикс валтнэнь коряс робота.

Тонавтыцясь: Муинк ды евтынк валтнэнь, конатне тыненк асодавикст. Монь койсэ вана неть валтнэ тыненк асодавикст: Чахракс, керш, сенксь, моткодсь.

Тонавтницясь: Чахракс - цветок, керш - левый, сенксь - цапля, моткодсь – ворчал.

4. Ловнозенть коряс робота.

Тонавтыцясь:

1. Кие те Чагаев Карпа?
2. Мекс сон калонь сардокс арась бедной ломантнень икелев?
3. Кинь арси саемс Карпа одирьвакс церанзо туртов?
4. Кодамокс невтезь Карпань церазо Иван?

Тонавтницясь:

1. Чагаев Карпа те сюпав ломань Покш Толкан велесэ.
2. Секс, што Карпа эсензэ сюпавчинзэ таштызе ломантнень манчезь, микшнесь тенст якстерькаень раужо медь, онкстазенть эйстэ кадовозь меденть свал кадылизе эсензэ туртов.
3. Карпа арси саеме Татюнь, штобу сонензэ а максомс приданой.
4. Иван невтезь аволь превей церакс, кона а чарькоди мезекс эряви урьвакстомс.

5. Тестнэнь коряс робота (6-це классо ловнозенть мельс ледстямось).

1.        Максозь произведениятнень ютксто муемс фольклорнойтнень.

а) «Цера-богатырь»

б) «Гале»

в) «Ежка».

2. Кодамо проиведениясо вастневить геройтнень образост Вежаля, Витова, Варда.

а) «Пичай»

б) «Озяз Мика»

в) «Варда».

3. Кодамо произведениясто саезь максозь пельксэсь.

-Авушай, трицям-ваныцям! А ков тень лисемс, а ки марто налксемс. Вейке марто налксезеван – аврьгады, омбоце несамам – напусти. Мекс истя, авушай? Эли мон пек а мазыян, ломань юткс а маштован?

а) «Варда»

б) «Тетяка левкс»

в) «Сермав каткине»

4. Кона писателентень кандови «Пичай» евксось.

а) В. И. Радаев

б) П.С. Глухов

в) Д. С. Куляскин.

5. Муемс невтезь пельксэнть коряс, кодамо произведениянть лемезэ ды сермадыцязо.

- Мекев тумонтень мурдась, комась, икелензэ прась: «Вай, тумине, марямака, сярдонь прянть тень кандтнемс стака, мекев ломанькс теемак эли толсо пидемак.

а) П.У.Гайни «Чачома край»

б) Г. И. Ельмеев «Ежка»

в) А. В. Рогожин «Гале».

6. Евтамс произведениянть, косо вастневи Дебай Миколень, Марянь, Кирень образтнэ.

а) «Васенце урок»

б) «Кедровой пештть»

в) «Тетяка левкс».

7. Евтамс произведениянть лемензэ максозь пельксэнть коряс.

Киска левкстнэ тонавтозельть пек парсте. Тенень, нама, тагояк лездакшнось васол бодям. Вейкентень минь карминек мереме Балкан, омбоцентень – Зюльма. Ды вана мон карминь яксеме охотас. Васня ськамон яксинь, сыре охотниктне мартост эзимизь сайне.

а) «Сермав каткине»

б) Сыре верьгиз ды Костя»

в) «Кешань приключениянзо».

8. «Вишка партизан» произведениясь те:

а) стихотворения

б) поэма

в) роман.

9. Кодамо произведениясто вастови Федька Хорек героенть лемезэ.

а) «Вишка партизан»

б) «Кедровой пештть»

в) «Алешка».

10. «Алешка» повестенть сермадыцязо.

а) В. И. Мишанина

б) К. Г. Абрамов

в) Н. Л. Иркаев.

11. Кие малавикс ялгакс ульнесь Алешканень ракшатнень ютксто, Н. Л. Иркаевень произведениясо «Алешка».

а) Зюльма, Песряк, Боцька

б) Орлик, Байкал, Цоп

в) Балкан, Жучка, Бертяз.

12. Кодамо призведениясо вастовкшныде геройтнень марто: Лия Иван, Иван Ефимович, Егор Васильевич, Митрич.

а) «Кинть ушодксозо»

б) «Алешка»

в) «Вишка партизан».

13. «Вишка партизан» поэмась алтазь:

а) вишкине ловныцятненень

б) покштненень

в) весе ломантненень.

6. Уроконь кемекстамось.

Тонавтыцясь:

Мезе одонть кармиде содамо те пельксэнть ловномсто?

Тонавтницясь:

Минь карминек содамо Чагаевень семиядонзо, кода сон а вечксынзе беднойтнень, ды Татюньгак арси саеме роботамонь кисэ.

7. Кудонь тевесь.

Содамс ловнозенть содержаниянзо, ловномс ды содамс содержаниянть СТР.80 – 83, отвечамс кевкстематнень лангс.