Рабочая программа 6 класс на 2 часа
рабочая программа (6 класс)

Муниципальное бюджетное общеобразовательное учреждение

«Тарханско-Потьминская основная общеобразовательная школа»

Рабочая программа

учебного курса

 «Мокшень кяль»

для  6 класса

Всего часов на изучение программы 68

Количество часов в неделю 2

                                                                              Составитель:                          

                                                                                    учитель родного

                                                                                    языка и литературы

                                                                                    Кирдяпина Е.С.

1. Пояснительнай запискась.

Мокшень кялень рабочай программась тиф котоце  классонь тонафнихненди, конанди основакс сявф:

• Российскяй Федерациянь Федеральнай законць «Об образовании в Российской Федерации» №273  29.12.2012 кизось.
• Основной и средняй школань примернай программась мокшень кяльса 5-11 класса Российскяй Федерациянь  национальнай школань  2000 кизотькса;
• Мордовия Республикань Образованиянь Министерствань «Мокшень кялень программат 5-11-це классненди» 2001 к.,
• Федеральнай Государственнай образовательнай стандартсь, кона примаф Российскяй Минобразованиять приказонц коряс  05.03.2004к.;
•   Учебнай планонц коряс МБОУ «Тарханско -Потьминская ООШ»

Афкуксонь календарно-тематическяй планированиясь тиф, нежедемок «Мокшень кялень программа 5-11 классненди», кона нолдаф 2001кизоня Саранскяйса Мордовскяй книжнай издательстваса, программать сермадозь М.А.Келин, Т.И.Ломакина.

    Программась ащи фкакс 6-це классонь тонафнемань книгати общеобразовательнай учрежденияса, книгать автороц Имярекова В.М.,Седойкина П.Е. Саранск, 2005к.

Программась тиф,  ваномок системнай, научнай и доступнай принципнень лангс, а станя жа преемственнай и перспективнай лия курсонь разделхнень коряс. Программась аноклаф 68 частонди. Мокшень кялень  урокти 6-це класса макссеви кафта частт недляти, общеобразовательнай программать коряс сизьгемонь част, школань тонафнемань планть коряс 34 тонафнемань недля, марнек 68 част кизоти. Тонафнемань материалсь етави программань материалть кирьфтаманц вельде.

Кяльсь – инь эрявикс и пяк кунардонь общественнай явления. Сонь вельденза ломаттне фкя-фкянь мархта корхнихть, азондсазь мяльснон-арьсемаснон, шарьхкодихть  фкя–фкянь. Кяльсь ванфтсы и пачфтьсы сянь, мезе ульсь народть эряфса, вельденза азондови сонь ётаф киц. Фкявок ши аф эрявихть ломаттне апак корхтак.

Мокшень кяльсь – мокшетнень шачема кяльсна, кона ётась касомань и вииямань пяк кувака кигя. И тяни сон мокшэрзянь народть национальнай литературнай кялензон эзда фкясь.  Кяльсь школаса кода тонафнемань предмет занци пяк эрявикс васта, сонь оцю тонафнемань и цебярь потмовиень касфтомань смузец.

Школаса родной кяльсь тонафневи сянкса, штоба анокламс культурнай, сембе ширде содай ломатть, максомс тейст мокшень литературнай кяльса морафтомань, корхтамань и сёрмадомань содамошит.

Тя тевса шачема кяльть асувоц аф азовомшка оцю. Велеса мокшень иттне тонафнема пингснон ушедомда инголе сидеста марнек перьфпяльть, ломаттнень ёткса соткснень колга мяльснон и содамошиснон маштыхть азондомст аньцек мокшекс, тейст тя кяльсь – пъцтай ськамонза фкя- фкянь мархта корхтамань, фкя-фкянди мялень азондомань средства. Мокшень идть содамошинзон сяда тов касфтоманкса аф эрявихть сязендемс сотксне, конат тя пингти ладявсть ни сонь кяленц и мялензон-арьсеманзон ёткса. Мекланкт, ня сотксне коль кемокснихть и касыхть-виензайхть родной кялень урокнень эса. Шачема кяльть цебярьста содамац пяк лезды келептемс перьфпяльть колга содамошитнень, сон максы пара лезкс рузонь кяльть тонафнемста, грамматиканц, марнек козяшинц и виенц шарьхкодемста.

Тонафнихненди эряви максомс сатомшка содамошит родной кялень фонетика, лексика, морфология, валонь тиевомась, синтаксис и стилистика разделхнень коряс; пачфтемс эряфса кяльть асувонц, сяда тов касоманц и виияманц,  масторлангонь лия кяльхнень ёткса сонь вастонц колга. Шачема кяльть  вельде, сонь лангозонза нежедемок, эряви касфтомс иттнень логическяй мяльснон-арьсемаснон, ёжамарямань, морафтомань и корхтамань маштомошиснон. Максомс сёрмадомань, пунктуациянь и интонациянь кеме маштомошит, кеподемс синь мяльснон цебярьста содамс, кельгомс и ванфтомс тядянь-алянь кяльть.

Ня тефне оцюфт и аф тёждят. Синь цебярьста пяшкодевихть аньцек эста, мъзярда сонць учительсь вятьсы эсь предметонц тевонь содазь, цебярь методса и приёмса, апак лотксек кърхкалгофнесыне и келепнесыне кяльть коряс содамошинц, методическяй и общепедагогическяй ширде аноклафшинц, мъзярда сон тевонц тиендьсы седи виень путозь.

Мезе тонафневи 6-це класса родной кяльть коряс

6-це класса мокшень кялень школьнай программаса сувафтфт сведеният фонетикать, валлувксть, валонь пялькснень, валонь тиевомать, морфологиять, синтаксисть, орфографиять, пунктуациять коряс, азондозь и сермадозь корхтамань маштомошит и стак тов.

Сембе тя содамошитне максовихть тяниень пингонь кялень наукать сатфксонзон мяльс сявозь. 6-це класса тонафневихть морфологиясь (корхтама пяльксне) и орфографиясь.

Тонафнемань кизоть ушедомста и аделамста ётафть лятфтаманкса программаса нолдафт башка частт. Синь эрявихть ётафтомс васендакиге ся пялькснень и тематнень лятфтамста, конатнень тонафнихне содасазь сяда лафчста. Сатомшка мяль эряви шарфтомс марнек ётафть шарьхкодеманцты.

Эряви кирдемс мяльса, тяда башка, сявок: эрь темать или мъзярошка темань тонафнемда меле ётафневихть эрь кодама видонь письменнай контрольнай работат. Тя тиендеви теоретическяй содамошитнень маштомошитнень кемокстаманкса и корхтама маштомать касфтоманкса. Мекольцесь программаса лемтьф кода цебярьста корхтама.

Корхтама маштомать касфтоманкса работатне программаса занцихть сатомшка васта,  макссевихть тонафневи теоретическяй материалть мельгя. Ётафневихть синь кизоньберьф. Марнек программать эзга срафтф письменнай работатне эрявихть ётафтомс тонафнемань эрь кизонди максф корхтама маштомать касфтоманкса разделхнень коряс, коза сувафтфт тянкса часттне.

Тонафнемань цельхне.

• тонафтомс шабатнень родной кяльть и литературать вельде шарьхкодемс эсь народоньконь историянц и тяниень пингонь эряманц;
• воспитандамс афкуксонь патриотт;
• касфтомс содамошиснон мокшэрзянь народть историянц, культуранц колга;
• касфтомс шарьхкодемаснон кяльть национальнай башкаширенц колга.

Задачатне

• кемокстамс сембе речевой видонь деятельносттне : морафтомась, аудированиясь, корхтамась, сёрмадомась.;
• формировандамс универсальнай учебнай действиятнень: познавательнай, регулятивнай, коммуникативнай;
• кемокстамс орфографическяй и пунктуационнай маштомошиснон и навыкснон, маштомс корхтама литературнай кяльса, ваномок сембе норматтнень.

                                                              Марнек программать  характеристикац.

Программать вешфксонзон коряс 6-це класса тонафнемат кялень тяфтама тематне: «Морфологиясь. Орфографиясь. Корхтамань пялькснень шарьхкодемасна. Цебярьста корхтамась». Тяда башка, тонафнемань кизоть ушедомста и аделамста ётаф материалть лятфтаманкса и кемокстаманкса программаса нолдафт башка частт. Кизоть ушеткста лятфтави «Корхтамань вайгяльксне», «Валть смузец», «Валбяльксне» тематне.

Повторениять главнай целец ащи сянь эса, штоба лятфтамс мокшень кялень грамматикаса сембода эрявикс правилатнень, конатнень тонафнезь ученикне ветеце класса. Повторениять пингста ученикнень васенце устнай ответснон и письменнай работаснон анализснон коряс няеви, конашкава козя синь валонь запассна, кодама синтаксическяй конструкцият сембода сидеста синь ноляйхть тевс корхтамста и сермадомста, кодама афсатыкст васьфневихть синь связнай  корхтамасост. Тя эряви сембода пяк сянкса, штоба няемс, кодама навыкт получасть иттне устнай и писменнай корхтамаса – эста учительти шарьхкодеви, кода строямс мокшень кяльть тонафнемац сяда тов.

Повторениянь урокса учительти эряви ладямс тевсь станя, штоба ученикнень содамошиснон лангс ванозь, можна улель лятфтамс лия тематненьге, сянкса эрь упражненияти максомс тага лия задания или кочкамс учебникса максф упражненияда башка лия заданиятка.

Штоба ученикне лацкас тонадольхть грамматическяй и лексическяй факттнень и явлениятнень явфнема, грамматическяй правилатнень корхтамста и сермадомста тевс ноляма, учительти эрявихть кочкамс работань стама метотт и приёпт, конат максольхть возможность аф аньцек лятфтамс тонафнеф материалть, но и пуроптомс сонь фкас, крхкалгофтомс, кемокстамок тянь мархта иттнень содамошиснон. Тяфтамкс можна лувомс грамматическяй (фонетическяй, морфологическяй, синтаксическяй) разборть, кялень факттнень фкя-фкянь мархта сравняндамаснон, выводонь и обобщениянь тиемать и ст.тов. Но сембось тя эряви тиендемс станя, штоба ученикненди аф стака улель ванондомс валхнень и форматнень мельге и азондомс эрь фактть колга эсь мяльснон.

Кода повторениять ётафтомста, станя и од материалть тонафнемста пяк лезды техническяй средстватнень тевс нолдамасна, сембода пяк компьютерть.

Техническяй средстватнень тевс нолдамасна тонафтсыне ученикнень: 1) выразительнайста лувома; 2) валхнень, валзюлмотнень и валрисьмотнень видеста азома; 3) корхтамать содержаниянц шарьхкодема; 4) связнайста корхтама и сёрмадома.

Существительнайть тонафнемста шарфневи мяль аф аньцек сонь грамматикань  признаконзон содамаснонды, морфологиянь функцияснондывок.  Существительнайсь тя или тона формаса моли аф аньцек сяс, кодама предмет сон няфти, содавикс, аф содавикс или кинь. Сонь формац ламода ащи лувксонц эзда. Содаф, аф определённай склоненияса существительнайхнень косвеннай падежень формасна фкат фкя и лама лувксонди.кодама лувксса ащи существительнайсь? Аф содави. Къда корхтайсь и сёрмадысь ёрай шарфтомс мяль лувксти, то сон существительнайть путсы определённай склоненияса родительнай падежса валмельгакс мархта.

Синонимонь лаца молихть валмельгакс мархта и синьфтомост существительнаень форматне. Валмельгаксфтома формась стилень ширде нейтральнай, валмельгакс мархтось васьфневи книжнай стильса, васендакиге поэзияса, научнай литератураса.

Сатомшка стилень канкссна парнай сложнай и кирьфтамань=ляпошинь суффикс мархта существительнайхнень. Тяфтама валхне мазопнесазь корхтаманьконь, тиендьсазь сонь выразительнайкс. Эряви шарфтомс мяль, што синь молихть устнай корхтамаса, разговорно-литературнай кяльса.

Стилень ширде интереснайкс эряви лувомс ся, мъзярда относительнай прилагательнайхне молихть кода качествань. Тяфтама прилагательнайхне няфнесазь, кодапт предметтне, явлениятне, ломаттне. Синь молихть метафоракс. Синь сидеста васьфневихть устнай народнай творчествань произведениятнень эса, художественнай литератураса, корхтамасавок.

Прилагательнайть сравнениянь степененза тиевихть аф фкя лаца, сяс ули кода финц форматнень полафнемс омбоцетнень мархта. Сяда и сядонга, инь и сембода валхнень вельде тиф форматне ащихть стилень ширде нейтральнайкс, и синь васьфневихть любой корхтамаса. Тяфтама форматне лувоновихть экспрессивнайкс и молихть сембода сидеста разговорнай кяльса, художественнай произведенияса. Тяка функцияса молихть кирьфтамань-ляпошинь  суффикс мархта прилагательнайхневок.

Валрисьмоса (устнай и письменнай корхтамаса) сидеста лицань и притяжательнай местоимениятне нолявихть. Къда эряви шарфтомс мяль лицатти, конань эзла моли действиясь или кинь предметсь, то местоимениясь путневи лицать смузенц виияфтоманкса. Тяда башка, лицань и притяжательнай местоимениятне аф нолявихть корхтамста книжнай стильса, васендакиге научнай и тевонь кяльса. Илядыкс случайста ня местоимениятне аф эрявихть.

Шарфтови мяль вов мезень лангс: кой-коста местоимениятне молихть аф эсь смузьсост.

Лицань местоимениятне прашендыхть корхтамастонк, ккъда синь ащихть лично-притяжательнай суффикс мархта валмельгакс инголе.

Эряви азомс, што аф аньцек ветеце  класса ётаф материалть лятфтамста, но и фонетикать тонафнемста, ученикне сидеста кармайхть васьфнема содаф материал, мезсь максы учительти возможность урокста урокс крхкалгофнемс иттнень содамошиснон, касфнемс, кемокснемс и цебярьгофнемс синь корхтамань и сермадомань навыкснон. Вдь кода ётаф материалть лятфтамста, станя морффологиять  тонафнемста учительть основной задачац – иттннень устнай и письменнай корхтамаснон цебярьгофтомац. Тя тиендеви: а) орфоэпиянь и выразительнайста морафтомань навыкнень касфтомаснон лангса работаса; б) иттнень валонь запасснон козякофтомаса; в) валзюлмотнень строямаснон колга правилатнень содамаса; г) связнай корхтамань навыкнень касфтомаса.

Устнай и письменнай корхтамать касфтомаса работась туй лац эста, кда учительсь видеста шарьхкодьсы, мезе стамсь устнай корхтамась и мезе стамсь письменнайсь, мезень пяльде синь фкат и мезень пяльде аф, и кодама ётксост соткссь.

Устнай корхтамась шарьхкодеви пилетнень мархта кулезь, кулхцондозь, а письменнайсь – сельмоса няезь. Устнай корхтамась аф сяшкава пяшксе, сяс мес корхтайсь кой-коста эсь мялензон азондсыне аф аньцек валса, но и кядензон и прянц, шаманц мархта. Устнай корхтамста валхне ащихть сяда свободнайста, сяс мес азондысь корхтаманц тисы сяда точнайкс, сяда шарьхкодевикс эсь вайгяльсонза, смузень коря аерфнесыне сяда эрявикс валхнень, логическяй центратнень.

Устнай корхтама тонафнемать задачац ся, штоба тонафтомс ученикнень устна эсь мяльснон лиянди азондома, тя корхтамась должен улемс лиянди шарьхкодеви, яснай, выразительнай.

Устнай корхтамась веши: вайгялькснень видеста азондомаснон, валхнень азомста орфоэпиянь норматнень ванфтомаснон (сембе, но аф симбе, ведь но аф видь, корхтайхть, но аф корхташть, вете, но аф вите), валрисьмотьь выразительнайста лувоманц, лиякс мярьгомс, видеста логическяй ударениянь и паузань тиемать, корхтамаста аф эрявикс валхнень ёрямаснон (кле, мле, мон аля, мон бать и лият), эсь мяльхнень прясот кирдема и фкя-фкянь мельге апак лотксек синь азондома маштомать.

Ученикть эрь устнай ответоц ащи упражнениякс устнай корхтамати. Сембода сидеста ня упражнениятне васьфневихть кайгиста книгань морафтомста (сонць кайгиста морафтомась, кизефксненди ответтне, морафтфть азондомац).

Ученикть азксонза природать мельге эсь ванондоманзон колга, эсь переживаниянзон колга, картинкать коряс устнай ответонза – нят станя жа устнай корхтамань упражненият.

Аф эрь сочинениясь должен аделавомс письменнай работаса, но эрь письменнай изложенияда или сочиненияда инголе ётафневи устнай работа.

Основакс, фундаментокс корхтама маштомать касфтоманцты ащи иттнень валонь запасснон козякофтоманц лангса работась. Кда ученикть запасса аш сатомшка валоц, тейнза аф тиеви цебярь валрисьме, лац-ряц аф азови эсь мялец.

Валхнень лангса работать задачац ащи сянь эса, штоба шабась тонадоль кода можна сяда мазыста корхтама. Сяс сембе мокшень кялень урокнень эса ётафнема тонафнихнень мархта валхнень лангса оцю работа.

Эрь урокть ётафтомста учительти эряви фалу мяляфтомс сянь, што аш кода кадондомс ученикненди апак азонтт фкявок аф шарьхкодеви вал или валонь группа. Шабась лияста аф шарьхкодьсы инь простой валть смузенц. Тя сяс, мес кальдявста вятеви работась валть смузенц шарьхкодеманц коряс. Кда учениксь изь лотка од валть лангс, аф кемоста шарьхкодезе сонь видексонь смузенц, ся валсь лия предметтнень эсовок ляткшни шобда вастокс. Сяс учительти эряви фалу ваномс тянь мельге, эста сяда кржа ляды апак шарьхкотть валда, а значит и эльбятькстовок. Смузень ширде содаф валхне сяда курок сувайхть шабатнень активнай словарезост. Сяс сембе урокнень эса азонкшневихть аф шарьхкодеви валхнень смузьсна, тяка ёткть учительсь мярьги, штоба иттне сувафтолезь ня од валхнень сяда товолдень работазост. Тяфта валом-валом козякофневи ученикть кялец валонь ширде.

Словарнай работать ётафтома учебникса максф сатомшка лама упражнения кода повторениянь разделса, станя и морфологиять тонафнемста. Эрь параграфть эса, аф ваномок темать лангс, ули материал валть, валзюлмоть, валрисьмоть, а станя жа связнай корхтамать лангса работань вятемс. Словарнай работать ётафтомс учебникса максф упражнениятне пцтай сембе лексико-грамматическяйхть, синь лездыхть ученикнень грамматическяй навыкснон касомаснонды и валонь запасснон козякодомаснонды.

Эрь од валть толкавамста эряви азомс аф аньцек сонь смузенц, но и тиемс анализ сонь форманцты (фонетическяй, грамматическяй, валлувксонь и орфографическяй). Эрь од валть ученикти эряви кулемс, лувомс, азомс и сермадомс.

Валть смузенц можна шарьхкотьфтемс эрь кодама способса: толкавазь, предметонь няфтезь, нагляднай пособиянь тевс нолдазь, валть составонцты анализонь тиезь, родственнай валонь, синонимонь, антонимонь кочказь.  

   Содамошинь, маштомошинь и навыконь контролень виттне вановихть: входной контрольсь  четвертть ушеткста и аделамста; текущай —  устнай, фронтальнай опросса, контрольнай, словарнай (валонь) диктантса, предупредительнай, объяснительнай, комментированнай, выборочнай, графическяй, творческяй, свободнай, зрительнай диктанса, самодиктантса «Проверяйть содамошитнень», диктантса-ётафтомаса, диктантса  грамматическяй задания мархта, тестса, проверочнай  работаса, диагностическяй работаса, контрольнай изложенияса, контрольнай сочиненияса, взаимоконтрольса, самоконтрольса, эрь кодама разборонь видса  (фонетическяй, лексическяй, словообразовательнай, морфологическяй, синтаксическяй, лингвистическяй, лексико-фразеологическяй), итоговай контрольнай диктантса, словарнай диктантса, комплекснай текстонь анализса.

2.Учебнай курсть родной (мокшанскяй) кяльть 6-це класса основной содержанияц.

I.Ветеце класса тонафнефть лятфтамац            (2ч.+1ч.)

Корхтамань вайгяльксне. Гласнай и согласнай вайгяльксне. Кайги и аф кайги вайгяльксне. Каалгода и ляпе согласнай вайгяльксне.

Валть смузец. Валть фкя и лама смузенза.

Мокшень кяльть шачемань коряс валонь составоц.

Валбяльксне. Валонь тиевомась.

II.МорфологиясьОрфографиясь. Корхтама пялькснень шарьхкодемасна.

 Цебярьста корхтамась                        (46ч.)

Существительнайсь                            (18ч+3ч.)

  Существительнайть смузец и валрисьмоса ролец: подлежащайкс, сказуемайкс и второстепеннай пяльксокс сонь молемац. Существительнайть пъшкядемакс молемац.

   Одушевлённай и аф одушевлённай существительнайхне.

   Собственнай и нарицательнай существительнайхне. Оцю буквась и кавычкатне собственнай существительнайхнень сёрмадомаста.

   Существительнайть лувксонь форманза. Существительнайхнень фкя и лама лувкссна. Существительнайхне, конатнень ули аньцек фкя или лама лувкссна. Лама лувксонь форматнень тиевомасна и сёрмадомасна.

   Существительнайхнень колма склонениява полафнемасна: аф определённай, определённай и притяжательнай. Смузень коряс колма склонениява существительнайхнень явомасна.

   Существительнайть аф определённай склоненияц. Падешне и синь кизефкссна. Аф определённай склоненияса падежень петне и синь сёрмадомасна.

   Существительнайть определённай склоненияц. Определённай склоненияса падежень форматнень тиевомасна и сёрмадомасна.

   Существительнайть притяжательнай склоненияц. Аф определённай и определённай склонениять эзда сонь явомац. Притяжательнай склоненияса падешне и лично-притяжательнай суффиксне. Притяжательнай склоненияса существительнайхнень падежга и кота рядга полафнемасна. Падежень петне. Притяжательнай склонениянь формаса существительнайхнень сёрмадомасна.

   Существительнайть пъшкядемань формац. Пъшкядемань формать тиевомац.

Существительнайхнень тиевомасна: суффикс вельде, кафта валонь сотовома вельде. Парнай сложнай существительнайхнень тиевомасна. Суффикс вельде тиф, сложнай и парнай сложнай существительнайхнень сёрмадомасна. Лия корхтама пяльксста ётаф существительнайхне: караф, лазф, панчф.

Существительнайхнень кирьфтамань-ляпошинь суффикссна. Кирьфтамань-ляпошинь суффикс мархта существительнайхнень сёрмадомасна.

Мезе тонафнити эряви маштомс темать тонафнемда меле:

• Существительнайхнень аф определённай, определённай и притяжательнай  склоненияса падежга полафнема и тейст видеста кизефксонь путома;
• Смузень и формань коряс существительнайхнень склоненияснон и падежснон содама;
• Сембе форматнень эса существительнайхнень видеста азома и сёрмадома, сявомок мяльс мокшень литературнай кяльть норманзон;
• Валонь тии, кирьфтамань-ляпошинь суффикс мархта, сложнай, парнай сложнай, существительнайхнень видеста сёрмадома.

Прилагательнайсь                          (8ч+3ч.)

   Прилагательнайть смузец и валрисьмоса ролец.

   Качественнай  и относитпельнай прилагательнайхне. Качественнай прилагательнайхнень синонимонь рядса. Относительнай прилагательнайхнень качественнаень смузьса молемасна.

   Качественнай прилагательнайхнень сравнениянь степеньцна. Сравнениянь степеттнень тиевомасна.

   Качественнай прилагательнайхнень кирьфтамань-ляпошинь суффиксна:      -ня, -кя ( мазы – мазыня, якстерь – якстерня, лапш - лапшкя).

Качественнай прилагательнайхнень качествань кирьфтай суффиксна: - за,      - аза, - яза, - ана (сянгяря – сянгяряза, акша – акшаза, акшана, якстерь – якстеряза, равжа – равжана, равжаза). Качествань кирьфтай суффикс мархта прилагательнайхнень башка тяштькссна.

   Существительнайста суффикс вельде качественнай прилагательнайхнень тиевомасна. Прилагательнаень тии суффиксне: - в, - и, - ы, - у, - ю, - це (варя – варяв, вий – вии, вер – веры, сал – салу, медь – медю, вярь - вярце).

   Относительнай прилагательнайхнень –нь суффиксть вельде тиевомасна (шуфта – шуфтонь кайме, киза – кизонь ве, ичкозде – ичкоздень ломань).

   Рузонь кяльста сявф прилагательнайхнень и синь сёрмадомасна.

   Прилагательнайхнень существительнаень смузьса валзюлма вастс молемасна (оцю куд – оцюсь, панчфу руця - панчфусь). Тяфтама прилагательнайхнень определённай склонениянь формаса молемасна.

Мезе тонафнити эряви маштомс темать тонафнемда меле:

• Прилагательнайть вельде предметонь признаконь азондома(устна и письменна);
• Перьфпяльдень предметтнень и явлениятнень сембода няевикс признакснон коряс прилагательнайса няфтема;
• Прилагательнайхненди синонимонь и антонимонь кочкама и мархтост корхтамста и сёрмадомста маштозь мялень-арьсемань ладяма;
• Прилагательнайхнень виде и аф виде смузьснон тевс лац ноляма;
• Качественнай и относительнай прилагательнайхнень фкя-фкянь эзда явома;
• Качественнай прилагательнайхнень эзда сравнениянь степенень тиема и корхтамаса тевс ноляма;
• Качествань кирьфтай и кирьфтамань-ляпошинь суффикс вельде прилагательнаень тиема и корхтамаса тевс ноляма;
• Лия корхтама пяльксста качественнай и относительнай прилагательнаень тиема и корхтамаса тевс ноляма;
• Существительнаень смузьса и формаса прилагательнайхнень корхтамаса тевс ноляма.

Числительнайсь                                   (6ч.+4ч.)

   Числительнайть  смузец и грамматикань признаконза. Числительнайхнень синонимонь формасна.

   Лувксонь, лувомань, собирательнай и явомань числительнайхне.

   Простой, сложнай и составной числительнайхне, синь тиевомасна и сёрмадомасна.

  Лувксонь числительнайхнень падежга полафнемасна. Существительнайхнень мархта синь соткссна.

   Лувомань числительнайхнень тиевомасна и падежга полафнемасна, существительнайхнень мархта синь соткссна.

   Собирательнай числительнайхнень тиевомасна и падежга полафнемасна.

   Числительнайхнень лично – притяжательнай суффикссна.

   Числительнайхнень существительнаень смузьса молемасна.

  Мезе тонафнити эряви маштомс темать тонафнемда меле:

• Математикань примеронь и задачань лувома, цифра мархта текстонь морафтомста и сёрмадомста простой, сложнай и составной числительнайхнень видеста азома и сёрмадома, сявомок мяльс мокшень литературнай кяльть норманзон;
• Лувксонь, лувомань и собирательнай числительнайхнень существительнаень мархта сотома, корхтамста видеста азома и сёрмадома.

Местоимениясь        (14ч.+6ч.)

   Местоимениять смузец, граммтикань признаконза и валрисьмоса ролец.

   Местоимениятнень смузень коряс явомасна.

   Личнай и притяжательнай местоимениятне, синь смузьсна и падежга полафнемасна. Усилительно-личнай, взаимно-личнай, счётно-личнай местоимениятне, синь тиевомасна, смузьсна и падежга полафнемсна. Сказуемайть видеса личнай сембе местоимениятнень тевс нолямасна. Косвеннай падежень формаса личнай местоименятнень и лично-притяжательнай суффикс мархта валмельгакснень синонимиясна.

   Притяжательнай местоимениятне, синь тиевомасна, смузьсна и падежга полафнемасна.

   Няфтемань местоимениятне, синь смузьсна и падежга полафнемасна.

   Определительнай местоимениятне, синь смузьсна и падежга полафнемасна.

   Кизефтемань и относительнай местоимениятне, синь смузьсна и падежга полафнемасна.

   Аф определённай и отрицательнай местоимениятне, синь тиевомасна, смузьсна и падежга полафнемасна. Аф определённаай местоимениятнень синонимиясна.

   Местоимениятнень сёрмадомасна.

Мезе тонафнити эряви маштомс темать тонафнемда меле:

• Местоимениянь разряттнень фкя-фкянь эзда явома, сявомок мяльс синь смузьснон и валрисьмоса рольснон;
• Местоимениятнень падежга полафнема и видеста сёрмадома;
• Местоимениятнень устнай и письменнай корхтамаса тевс ноляма.

III.Кизоть песта тонафнефть лятфтамац                   (2ч.+ 1ч.)

   Существительнайсь. Существительнайть аф определённай, определённай и притяжательнай склонениянза. Существительнайхнень падежга полафнемасна. Существительнайхнень тиевомасна.  

   Прилагательнайсь. Качественнай и относительнай прилагательнайхне, синь тиевомасна. Качественнай прилагательнайхнень сравненьянь степеньцна.

   Числительнайсь. Лувксонь, лувомань, пуроптомань, явомань числительнайхне. Простой, сложнай и составной числительнайхне. Числительнайхнень падежга полафнемасна.

   Местоимениясь, сонь разрядонза. Местоимениятнень падежга полафнемасна

Предметть вастоц

   Мокшень кялень  урокти 5-це класса макссеви кафта частт недляти, общеобразовательнай программать коряс сизьгемонь   част, школань тонафнемань планть коряс 34 тонафнемань недля, марнек 68 част кизоти.

Тонафнемань материалсь етави программань материалть кирьфтаманц вельде.

3.Учебно-тематическяй планированиясь

4.Вешфксне  6 классть аделаманцты

Тонафнихненди эряви содамс:

• кяльть колга основной сведениятне, конат тонафневсть 6-це класса;
• мокшень кяльть ролец, кода мокшэрзянь народть национальнай литературнай кялензон эзда фкясь , понятиятнень смузьсна: устнай и письменнай корхтамась, фкянь корхтамась, ламонь корхтамась;
• основной стильхнень мокшень кяльса: книжнай (научнай, публицисткиань, официальнай тевонь стильсь), корхтамань (литературнай корхтамань и просторечнай корхтамань);
• основной жанратнень особенностьснон  научнай, публицистикань, официальнайтевонь стильхнень и корхтамань (литературнай и просторечнай);
• текстть признаконзон  текста и сонь функциональна-смузень  типонза (повествованиясь, описаниясь, рассуждениясь).

Тонафнихненди эряви содамошиснон и маштомошиснон тевс ноляма кода практическяй покодемаса, станя жа эряфса сянди:

• касфтомс корхтамань культурать,  шачема кяльти  бережнай и сознательнай отношениятнень;
• анокламс культурнай, сембе ширде содай ломатть;
• максомс тейст мокшень литературнай кяльса морафтомань, корхтамань и сёрмадомань содамошит;

УУД, сформированные в процессе усвоения программы

содамс:  

• мокшень кяльсь мокшэрзянь народть национальнай литературнай кялензон эзда фкясь;
• понятиятнень смузьснон: устнай и письменнай корхтамась; монологсь, ламонь корхтамась;
• кяльть основной стилень признаконзон;
• стилень норматнень шарьхкодемасна;

маштомс:

• корхтамань и лия стильхнень ёткса аф фкаксшиснон няфтема;
• темать и текстть основной смузенц  и сонь стиленц азома;

аудированиясь  и морафтомась:

• письменнай и устнай сообщенияса информациять шарьхкодема;
• разнай стилень и жанрань текстонь лувомачитать тексты разных стилей и жанров;
• лия источникста эрявикс информациянь вешема;

корхтамась и сёрмадомась:

• стенгазетав заметкань, нюрьхкяняста азксонь сёрмадома;
• азксонь, статьянь колга отзывонь максома;
• картинань, диафильмань, кинофильмань содержаниянь азондома;
• азондомань характер мархта сочинениянь арьсема и сёрмадома;
• башка предметонди или животнаенди максови описания мархта изложениянь и сочинениянь сёрмадома;
• кружоконь, пуромксонь колга объявлениянь сёрмадома;

Предметть личностнай  результатонза:

• маштомс маряма клять мазышинц и выразительностенц;
• кельгомась и уважениясь Отечествати, сонь кяленцты и культуранцты;
• устойчивай познавательнай интерезсь морафтомати, ламонь корхтамань вятемати текстонь авторть марха; потребностсь морафтомати;
• интерезсь сёрмадомати,  эсь текстонь сёрмадомати,  письменнай формань корхамати
• интерезсь тонафневи кяльти ;

Предметть метапредметнай результатонза  (УУД).

Регулятивнай УУД:

• самостоятельна азомс урокть проблеманц (теманц) и целензон;
• самостоятельна максомс анализ  условиятненди  и маштомс пяшкодема путф цельхнень;
• самостоятельна темс план, кода решандамс учебнай проблемать ;
• работамс  планц коре, корректировандамс эсь  деятельносцень;
• учительть мархта диологса максомс оценка кода эсь тейть, станя жа и  лия тонафнехненди;

Познавательнай УУД:

• кульфть коряс шарьхкодемс текстть основной и дополнительнай информациянц;
• маштомс тевс ноляма разнай видонь морафтомать;
• маштомс  планонь, таблицань, схемань тиема;
•   морафтф (кулхцонтф) текстть подробнайста, кирьфтафста, выборчна азандома
• валкс, справочник мархта работама;

Коммуникативнай УУД:

• маштомс  эсь мненияцень азома;
• максомс оценка устнай и письменнай корхтамати
• кулхцондомс и кулемс лиятнень, полафтомс эсь ванфцень;
• аудиториять инголе сообщениянь азондома;
• кизефксонь максома;
• максомс анализ и оценка тиф заданиятненди;
• маштомс  кизекфксонь лангс максома кувака и нюрьхкяня каршек вал;

6. Календарно - тематическяй планированиясь

Сембоц –  68

Диктантта   – 7

К/к – 18

7.Учебнай предметть материально - техническяй базац.

Таблицатне

-Указательнай склоненияса сущуствительнайхнень  склонениясна.

-Валть пяльксонза.

-Сущ-нень лично-притяжательнай суффикссна.

-Падешнень кизефкссна и песна.

-Существительнайхнень склонениясна.

-Притяжательнай склонениясь.

-Изъявительнай наклоненияса аф объектнай спряженияса тяниень пингса глаголхнень лицава и числава полафнемасна.

-Существительнайхнень суффикс вельде тиемасна.

8. Кабинетса литературась тя предметть коряс.

-Ломакина Т.И., Иванова Г.С. «Мокшень кяль»,Саранск, 2004к.

-Гришунина В.П., Левина М.З., Алямкин Н.С. «Мокшень кялень практикум», Саранск 2008к.,

- Гришунина В.П., Кабаева Н.Ф., Левина М.З. «Мокшень кялень практикум», Саранск 2005к.,

- Гришунина В.П., Кулакова Н.А., Рогожина В.Ф. «Диктант и изложеният 5-11 классненди», Саранск 2010к.

-Киреев В.Л. «Методическяй разработкат 6-7-це классонь мокшень кялень учебникть коряс», Саранск 1977к.,

-Голенков Н.Б. «Уроки мокшанского, эрзянского», Саранск 2006к.,

-М.А.Келин «Занимательнай грамматика» Саранск, Саранск 1998 к.,

-Б.А.Серебренников, А.П.Феоктистов, О.Е.Поляков «Мокшень-рузонь валкс. Мокшанско-русский словарь»Саранск 1998к.,

 -В.И.Щанкина «Мокшень-рузонь валкс – Русско-мокшанский словарь»Саранск, 1993к.,

-О.Е.Поляков «Русско-мокшанский школьный словарь»Саранск, 1996

-М.А.Келин «Валть пяльксова явоманц коряс мокшень кялень валкс»Саранск,

-О.Е.Поляков «Касыксонь валкс» Саранск, 1998к.,

9.Цифровой  образовательнай ресурсне.

Библиотека мордовской литературы /lib.e-mordovia.ru/

10.Практическяй деятельностть содержанияц.

Сембоц контрольнай работада -7ч.

Контрольнай диктанттнень темасна.

Контрольнай диктантсь №1 «ветеце класса тонафнефть коряс».

Зиянц повомась.

   Миша вишкста ласьксь ловть эзда штатф лугава. Крендель пула Шарикоц – мельганза. Пачкодсть Штирьма ляйть тървас. Ушедсть илятф лов фальнять лангса налхксема. Миша марязе, кода пильгалонза шаштозевсь ловсь, эрязста комотсь модать лангс. Шарикоц фальнять мархта жолякодсь шадоса лакай ляйти. Шудись салазе фальнять кучкати. Эвотьф пинесь комотсь ведти. Шадось шарозь салазе соньге. Ърдазу ведьста няевсть аньцек пиленза.

   Меле Миша инголенза кевордась резинань шары и летнязь азондсь атянцты фкя и сяка валонц: ваясь.

   Мъзярда маладсть ляйти, кулевсь пинень увама. Аф лама пингта меле пандонять пряса эвондась Шарикське. Сон ванць сайхнень лангс и яфчазе пулонц.

   Пинесь ардсь, стясь фталце пильгонзон лангс, ингольцетнень путозень Мишань мяштьс, ванць видеста сельмозонза, бъта кизефнезе, кода кадомайть тяфтама зиянонь пингста?(113).

Контрольнай диктантсь №2  «Существительнайхнень сермадомаснон коряс».

Сери келуфт.

   Шачема ширесон аф касыхть пиче вирьхть. Мъзарда васенцеда повонь тяфтама вирьс, дивандазевонь: конашкава видет и серихть пичетне. Сядонга дивандазевонь, коста якстеряза ронга пичетнень ёткста няень акша келуфт. Синь ёфси аф стаптольхть, кодапт касыхть вальмятнень алга. Тонат парганат и аф сяшкава серихть. А вирьстотнень тёкшкасна цють ли аф туцятненди токсесть. Синь ульсть видет и вадяфт, вакссост касы пичетнень лацот. Серьсновок фкатольхть.

   Эста мон кизефтине вирть ваныенц:

  - Мес пиче вирьса тяшкава серихть келуфне? Сон варжакстсь лангозон.

  - А тонць кода арьсят?

   Мон кармань азондома, што, къда келуфне лядольхть касомада пичетнень эзда, то тейст афоль сата валдсь, и синь опамольхть. Тянкса и венемихть пичетнень мельгя.(101)

Контрольнай диктантсь №3«Существительнайть» коряс.

Дельфиттне араласазь ломаттнень.

   Моряса эрь кизоня вайси лама ломань. Аф кържа зиянда эряй корабльхнень мархта, и ломаттне юмсихть морянь волнатнень эса. Максомс лезкс тяфтама пингста пяк стака, а кой-мъзярда тя тиемс аш кода. А сяс мес зияттне эряйхть сидеста кальдяв погодаста, то араламс ломанть сяда стака.

   Мекольдень пингть кой-кона странатнень эса ваяйхнень аралама тонафнихть дельфитт. Васенда синь тонафнесазь, сяда меле телазост кемокснихть радиопередатчикт. Дельфиттне  мушендсазь бедас повф ломаттнень, а спасательхне, кулемок передатчикнень сигналснон, эряскодыхть лездома ваяйхненди.

Мес тя тевти тонафнесазь дельфиттнень? Ломаттне содазь, што дельфинць пяк цебярьста няи и кули. Сон пяк курокста шарьхкодьсы сянь, мезьс тонафтсы ломанць.(96)

Контрольнай диктантсь №4«Прилагательнайхнень сермадомаснон коряс».

Вирь куженяса.

  Вирьса сетьмоль. Шуфта прятне цють люксесть сетьме варманять эзда. Коса-бъди калтыесь шякшатась. Лиендсть тюжя пеке нормоннят.

  Маша кафта кядьса аерфнезень тараттнень, тёждяста ваймонь тарксезь аськолясь инголи. Аф кунара ётась пиземня, и лопатнень лангса ведь путерькскятне нинге исть коське.

   Маша содасы тяса эрь яннять, эрь шуфтонять. Сон аф эряскодозь ётась сиде ситерьксть пачк, лиссь аф кърхка лотка крайс, шарозе, и вов янняц вятезе пяк мазы вирь куженяс. Тяса модась ацафоль, мярьгат, ковёрса. Тишесь шобда-сянгяря. А панчфта съняра, аньцек сельмотнень келепнить! Пайгоня панчфт – валда-сенемнят, кода ару менельсь. Акша лопаня, тюжя пря панчфкат. Нят бъта видезь видефт. Нъльня васьфневихть кувака нетькс цецят.(102)

Контрольнай диктантсь №5 «Числительнайхнень коряс».

Айсбергсь.

    Ётай  векть кучкаста Южнай   Атлантикава уйсь паруснай корабль. Фкя шиня матросне няйсть уенди панда. Корабльсь маладсь пандти, и морякне няезь, што тя эйнь остров. Сон кепсесь морять вельхксс вейхксогемонь метрань серес. Эйнь тяфтама острофненди мярьгихть айсберкт.

   Корабльсь целай ши мольсь айсбергть вакска. Аньцек пялевети пачкодсь омба пенцты. Кувалмоц сонь ульсь сяда комсь вайгяльбе. Кемоньшка кизода ламос корабльхне васьфнезь тя эйнь пандть.

   Тёжянь вейхкса сятт сисемце кизоня тяса жа, Южнай Атлантикаса, морякне васьфтсть айсберг, конань кувалмоц ульсь ведьгемонь вайгяльбе.

   Тёжянь вейхкса сятт комсь сисемце кизоти молемс тяда оцю айсберг морякне исть васьфне. А ся кизоня китонь мельге норвежскяй охотникне васьфтсть тяка вастса айсберг, конань кувалмоц ульсь сяда сизьгемонь вайгяльбе.(108)

Контрольнай диктантсь №6 «Местоимениятнень коряс».

Эряфонь шуфта.

   Эрь шуфтонять,  эшинять, звернять, нармоннять, веленять, лихтибрять, ляйть, эрьхкть ули сонцень лемоц и мороц. Модать лангса эрь шуфтонять ули сонцень пароц,  и коса сон шачи, касы, сявонди вий эсь ундонянзонды. Тяфта жа пароц ули эряфса марнек народть. Мокшэрзятнень эряфонь шуфтсна, конанди мярьгихть «эряфонь юр», эсь мархтонза сотнесы сембе мирть. Тя шуфтть вельде сотневсть марс Вселеннайть сембе пяльксонза.

   Тя лемтьф шуфтсь модаса касы аф фкя тёжянь киза. Сонь юронза сявондевихть ся пинкнень эзда, мъзярда минь од эрада ингольдень омбоце-колмоце векта инголе эряме марса финно-угрань лама лия нароттнень мархта. Аф стак тячемс минь путнесамазь эряй ся нароттнень ёткс, конатнень ули кунардонь историясна и козя культурасна. (106)

Контрольнай диктантсь №7   Итоговай контрольнай диктант.

Мекольдень частста.

   Архип  атя  стясь вастстонза, нинге весть варжакстсь алудонь цяторды штатолхнень лангс. Эздост сембода ёмланясь пъцтай палсь ни, а сяс шяняфтф куяц кърьвязсь сяда валдста, всякай тюсса пиндолдсть вельхкссонза ёлкань налхкшне.

   Архип атянь сельмонза пиндолдсть кати-кодама сенем цяткса. Сон  васенда марязе, што эрясыне эсь мекольдень частонзон.

   Бъта вармаса сязентьф туця пакш, лийсь сельминголенза эсь эряфоц. Сон лятфтазе Мордовияса  шачема веленц. Тейнза няевсть Вада ляйть ару веденза. Лядьсь мялезонза шяйсь, коса ёмланяста кочксесь шукшторуфт, чивкт. Тифтедсь танкистонь равжа шлёмса цёрац.

   Архип атя варжакстсь вальмяти. Вяшки вармать пачк кулевсь Даря бабань вайгялец. Сон ювадсь, но мезе ювадсь – тейнза ашезь шарьхкодев.

   Ся пингть мезень-бъди оцю вий ёрдазе вяри наряжаф ёлкать.(110)

Изложеният

Мезьса минь сёрматтама.

   Древняй Римса ломаттне сёрматкшнесть оржаптф палканяса  штаса ватьф досканя лангс. Палканять тупой пенц мархта нарнезь сёрматфть. Палканять и шта мархта досканятнень фалу сашендовсь каннемс мархтост. Тя пяк аф удобналь: штась солсесь и педендсь сурхненди.

   А китаецне нинге тёжянь кизода тяда инголе сёрматкшнесть кисточкаса и тушса. Кунардонь пингть кой-кона нароттне сёрматкшнесть кивиень палканяса.

   Ниле сядошка кизода тяда инголе эвондась карандашсь. Кие-бъди Англияса кеподсь пильге ала валяндай графитовай сланецонь кусоконя и варжазе мархтонза сёрмадомс. Графитсь кадсь лац няеви и шарьхкодеви след. Штоба графитовай шуваня палканясь афоль синдев, тейнза тисть шуфтонь футляр. Нинге аф кунара, ётай векста, сёрмадсть специальна лаксеф мациень толгаса. Тяда меле ломанць стальной лентаста тись стальной пера, конань мархта сёрматкшнихть тянемс. А мекпяли ушедсть сёрмадома авторучкаса, шариковай ручкаса.  

Каендама.

   Мольсь Великай Отечественнай войнась.

   Фронтовой полоса.

   Аф весяласта ванць перьфпяле вирсь. Ляйть болотав берякованза кассть сендихть.

   Бойда инголе ляй берякста мон васьфтень фкя цёраня. Сон лоткафтомань монь и азондсь тейне неприятельть колга.

   Тевсь улсь тяфта. Юмась синь тракссна. Сон  тусь вешендемонза. И юкстазе сянь, што якамась пелькс. Сон арьсесь кирьфтамс кить и уезь ётась ляйть туркс. И вдруг апак учсек эвондась немецнень ширеса. Кяшсь сон кусторкснень ёткс и апак каштортт ащесь пъцтай ёфси фашистскяй командирхнень ваксса. Вень нармонць лиезь ётась ёфси прянц вакска, но сон ашезь шарьхкодев, ащесь бъта кулоф. Немецне корхнесть кайгиста. Синь путсть инголест карта, ванондозь сонь и мезень – бъди колга  арьсесть. Цёранясь мърдась, сась тейнек и азондсь противникть колга и сембонь колга, мезе няйсь немецнень ширде. Мон кизефтине сонь:

  - Но въдь тон маряйть синь начальникснон корхтамаснон? Синь, конешна, корхтасть, кода кармайхть вятема наступления минь лангозонк. Тя жа пяк эряви тейнек содамс бойда инголе. Корхтак куроконя!

   Цёранясь дивандазевсь:

  - Кода мон  тейнть азондса синь кохтамаснон? Въдь синь корхтасть немецонь кяльса!

  - Содаса, што аф турецкяй кяльса. Тон мъзяра класс аделать? Вейхкса? Тон должен улеть хоть мезе-мезе шарьхкодемс синь корхтамастост!

   Сон аф весяласта мярьгсь:

  - Эх! Къда сяда инголе содалине, што васьфтян мархтост.

Корхтама маштома касфтомань урокне (18).

1.Валть смузец. Устнай сочинения.

2. Максф ушедкс лангс азксонь арьсемась.

3. Изложения – миниатюра.

4. Сочинения «Монь кельгома книгазе»

5.Азксонь арьсемась, нолямок прилагательнайхнень.

6. Сочинения «Монь ваймама шизе».

7. Текстонь ётафтомась рузоннеста мокшекс.

8.  Арьсемс валрисьмот эльбятькснень коряс.

9.  Диалогонь арьсемась, нолямок числительнайхть.

10. Сочинения картина коряс.

11. Творческяй списывания.

12. Изложенияти анокламась. Кемокстамань урок.

13. Изложения.

14.  Сочиненияти анокламась.

15.Сочинения.

16. Творческяй работа.

17. Текстонь лувомась выразительнайста.

18. Рузоннеста мокшекс етафтомась.)

Тесттне

СУЩЕСТВИТЕЛЬНАЙСЬ
1-це вариантсь
А1 Мокшень кяльса лама лувксонь форматне тиевихть: 
1) -нь, -це, -ньке, -у суффикснень вельде 
2) -т, -ть, -не, -тне, -нза, -ньке, -тне, -сна суффикснень вельде 
3) -ста, -нда, -нь суффикснень вельде
4) -мда, -мс, -ма суффикснень вельде

 А2 Кона рядса лепне ащихть алфавитс коря?
1) Мокша, Игорь, Варда, Сура
2) Варда, Игорь, Мокша, Сура 
3) Сура, Игорь, Варда, Мокша
4) Игорь, Мокша, Сура, Варда

 А3 Лемдесть валть, конань ули кода лама лувксонь формац, станя и фкя лувксонь

1) понкст
2) сельмованомат
3) почфт
4) васоньбеельхть

А4 Няфтесть валонь кужеть, коса сембе существительнайхне молихть пуроптомань смузьса

1) сюреняньбес, варягат, марь, сапонь
2) келунал, пилафкст, акат-сазорхт, шабаняньбес
3) парши, ксты, ярхцамбяль, тол
4) ямкст, стирьхть-цёрат, ломань, унксонек-мезнек
 А5 Мусть эльбятькс мархта сёрматф существительнайть

1) ведьса
2) венч
3) вирьня
4) кядьгоня

А6 Кона валса аш падежень пе?

1) перефтома
2) ведьс
3) тодуда
4) туда

А7 Няфтесть валонь кужеть, конань эса существительнайхне ащихть валъюрста и валонь полафты суффиксста

1) варма, куднумол, чушма, кърхкалма
2) пряфкс, потмакс, шиньф, върьгаз
3) снав, капста, куйме, мяль
4) кудса, ведьста, ломаненкса, ялгафтома

А8 Мусть рядть, коса сембе существительнайхне указательнай склонениянь
1) пинети, валса, прясна, пяльсь
2) пуня, шукшторусь, книгатне, вирьхне
3) пильгонза, книганя, саразсна, лишмотненди
4) ведти, оцязорсь, шапаксти, розсь
 А9 Мусть рядть, коса сембе существительнайхне притяжательнай склонениянь
1) сурце, сазорозе, прястон, ломаньшка
2) ёндолня, келаськясь, седизе, панчфсна
3) ёньцот, прястонза, кукуть, лопаня
4) мялезень, прястон, тодуце, ёньцот 
А10 Кодама падешт аш притяжательнай склоненияса?

1. родительнай, местнай
   2) превратительнай, причиннай 
   3) переместительнай, изъятельнай
   4) изъятельнай, исходнай
   

 2-це вариантсь
В1 Мокшень кяльса лама лувксонь форматне тиевихть: 
1) -нь, -це, -ньке, -у суффикснень вельде 
2) -т, -ть, -не, -тне, -нза, -ньке, -тне, -сна суффикснень вельде 
3) -ста, -нда, -нь суффикснень вельде
4) -мда, -мс, -ма суффикснень вельде
 В2 Кона рядса ломанень лепне максовихть алфавитс коря?
1) Маша, Игорь, Валера, Сёма
2) Валера, Игорь, Маша, Сёма 
3) Сёма, Игорь, Валера, Маша
4) Игорь, Маша, Сёма, Валера
В3 Лемдесть валть, конань ули кода лама лувксонь формац, станя и фкя лувксонь
1) васоньбеельхть
2) сельмованомат
3) снафт
4) понкст
В4 Няфтесть валонь кужеть коса сембе существительнайхне молихть пуроптомань смузьса.
1) сюреняньбес, акат-сазорхт, марь, куд
2) тумонал, пилафкст, стирьхть-цёрат, шабаняньбес
3) парши, ведь, порембяль, вал
4) ямкст, атят-бабат, ломань, унксонек-мезнек

В5 Мусть эльбятькс мархта сёрматф существительнайть

1) вирьса
2) пенгя
3) корош
4) кенже
В6 Кона валса аш падежень пе?

1) вешеда 
2) ведьс
3) седьта
4) ялганкса
В7 Няфтесть валонь кужеть, конань эса существительнайхне ащихть валъюрста и валонь полафты суффиксста

1) шобда, сурбря, чавка, кувалма
2) полаткс, авакш, пирьф, сараз
3) келазь, капста, ведьс, мяль
4) велеса, переста, ломаненкса, ялкакс
 В8 Мусть рядть, коса сембе существительнайхне указательнай склонениянь

1) катоти, вармати, прясна, пяльсь
2) пуняня, шукшторусь, вальмяне, вирсь
3) тядяц, книганя, саразсна, лотконясь
4) ведти, оцязорсь, шапаксти, розсь
 В9 Мусть рядть, коса сембе существительнайхне притяжательнай склонениянь

1) капста, сазорозе, кядьстот, ломаньшка
2) ялгазенди, прястон, тодуце, мяльсот
3) ёньцот, прястонза, кукуть, лопаня
4) ёрня, келаськясь, куяр, панчфсна 
 В10 Кодама падешт аш притяжательнай склоненияса?
1) исходнай, отложительнай
2) изъятельнай, исходнай
3) направительно-вносительнай, изъятельнай
4) превратительнай, причиннай

ПРИЛАГАТЕЛЬНАЙСЬ
1-це вариантсь
А1 Няфтесть видеста максф шарьхкодемать прилагательнайти
1) Корхтама пялькс, кона няфти предметонь лувкс.
2) Корхтама пялькс, кона няфти предмет и отвечай кие? мезе? кизефкснень лангс.
3) Корхтама пялькс, кона няфти предметонь признак и отвечай кодама? кодапт? кизефкснень лангс.
4) Корхтама пялькс, кона няфти предмет и отвечай мезе тиемс? месендемс? Кизефкснень лангс.
 А2 Кона рядса сембе прилагательнайхне относительнайхть?

1) ошень ломань, сяпи куяр
2) панчфу луга, ару кожф
3) зърнянь суркс, вишке пизем
4) шуфтонь кайме, сёксень пизем 
А3 Кона валзюлмоса относительнай прилагательнайхне ётнихть качественнайкс, а качественнайхне – относительнайкс.

1) кувака шит – кувака пикст
2) равжа туцят – равжа мяльхть
3) пси кефт – пси ведь
4) кельме ведь – кельме тяла
А4 Кона валрисьмоть эса прилагательнайсь няфти отношения пингти:
1) Няк, мокшень ёжу атясь рузонь кяльсовок шарьхкоди.
2) Ингольдень мяльхне кати-коза шонгара качам лаца лийкстасть.
3) Мокшэрзянь масторхне козят вирьса. 
4) Мон топодемс нилендине лугань-паксянь да вирень кожфть.
А5 Прилагательнайсь, кона няфти качества или стама признак, кона уленди предметса сяда вии или сяда лафча лемдеви:
1) лия смузьса моли прилагательнайкс; 
2) относительнайкс;
3) качественнайкс;
4) сравнениянь степеньца ащи прилагательнайкс.
 А6 Кона валрисьмоть эса прилагательнайсь ащи превосходнай степеньца:
1) Менельсь сенем, и ся сенемть кучкаста прай кабаконашка колокольнясь.
2) Тяни кивок аф мяляфтсы, кие васенцекс стяфнесь кудонц инголи серидонга сери олгоня – антенна.
3) Аф сяс ли пакся ёжева касф стирьхнень ёткса ламоль сенем сельмоняда, а вирь кужева эряйхнень лакштормарень да лаймомарень кельгихнень ёткса – равженяда?
4) Вов тячи вирсь сетьме, мазы, мярьгат, токафтсь кядь эзонза лфксста волшебник.
 А7 Прилагательнайхненди, конатнень валъюрхтсост валъюрда башка мушендовихть нинге суффикст мярьгихть: 

1) апак тикт (аф производнайхть)
2) тифт (производнайхть)
3) заимствованнайхть
4) относительнайхть
А8 Кона рядса прилагательнайсь аф производнай (апак тиф)

1) салу, танцти, веры, калу
2) лову, шапаксу, вии, тиши
3) снаву, лопав, сёвоню, кяжи
4) мазы, сире, равжа, танцти
 А9 Сиянь, модав, сяпи, почфу, кедень, вирень, тялонь, шапаксу, ловонь, вазу прилагательнайхне тифт:

1) глаголста
2) существительнайста
3) вастонь наречияста
4) пингонь наречияста

 А10 Кона валрисьмоть эса относительнай прилагательнай:

1) Тусть вирень керома.
2) Састь ломанень васьфтема.

3) Марявсть ломанень вайгяльхт
4) Якась траксонь мима.

2-це вариантсь
В1 Мъзяра кужева явовихть прилагательнайхне?

1) 2
2) 4
3) 3
4) 4
 В2 Кона рядса сембе прилагательнайхне относительнайхть?

1) стака тев, ламбама ведь
2) панчфу луга, ару кожф
3) вирень марлю, тундань ков
4) зърнянь пилькс, вии пизем
 В3 Кона валзюлмоса относительнай прилагательнайхне ётнихть качественнайкс, а качественнайхне – относительнайкс.

1) тюжя лопат – тюжя котф
2) салу куярх т- салу сельмоветть
3) ару кожф – ару вайме
4) ламбама марь – ламбама чай
В4 Кона валрисьмоть эса прилагательнайсь няфти шачема-касома, эряма-ащема васта:
1) А конашкава танцти шине яфоди расав тишеть эзда, мъзярда молят ланганза.
2) Ётай пингсь – тя минь вечнай судьяньке, сяс мес тоза аф мърдават и мезевок ни тоса аф тиеват.
3) Велень эряфсь ёфси лия ошеннеть коряс.
4) Аньцек станяк ащи пирьф кучкасост тумонь мокорсь.
 В5 Прилагательнайсь, кона няфтьсы предметть признаконц материалти, вастти, пингти лемдеви

1) лия смузьса моли прилагательнай
2) относительнай
3) качественнай
4) сложнай прилагательнай 

 В6 Акшаза, эчкана, лофтана, бура-сюнора прилагательнайхне нят:
1) заимствованнай прилагательнайхть
2) качествань кирьфтай и виияфты прилагательнайхть
3) превосходнай степеньца ащи прилагательнайхть 
4) сравнениянь степеньца ащи прилагательнайкс
В7 Прилагательнайхненди, конатнень валъюрхтсост валъюрда башка мушендовихть нинге суффикст мярьгихть: 

1) апак тикт (аф производнайхть)
2) тифт (производнайхть)
3) заимствованнайхть
4) относительнайхть
В8 Лову, сапоню, тундань, лопав, толгав, кирпицень, паксянь, прилагательнайхне тифт:

1) деепричастияста
2) существительнайста
3) вастонь наречияста
4) местоименияста 
В9 Валрисьмоса прилагательнайсь сембода сидеста эряй:

1) дополнениякс
2) подлежащайкс
3) сказуемайкс
4) определениякс
 В10 Кона валрисьмоть эса относительнай прилагательнай:

1) Састь концертонь ванома.
2) Кулевсь алашань цяфама.
3) Ушедсть паксянь сокама.
4) Мусть марень кандома.

ЧИСЛИТЕЛЬНАЙСЬ
1-це вариантсь
А1 Числительнайсь – тя корхтама пялькс, кона няфти:

1) предметонь признак
2) действиянь тиема
3) действиянь образ
4) предметонь лувкс, а станя жа лувомань порядка и отвлеченнай числа.

 А2 Кона валрисьмоса аш числительнайхть?
1) Фкя пилеват сувай, омбоцева лиси.
2) Кафта нумол мельгя панят – фкявок аф кундат.
3) Фкя цебярь ялгась бойса тии кемонь брат.
4)  Стирнясь шукадезень лангстонза пизем путькнень и нежедсь цёранятнень малас.
А3 Кона валрисьмоса количественнай числительнай?
1) Сяда кемготува пяле мархта тёжянь эрзя и мокша эряй Самарань аймакса. 
2) Коса синь шачсть кассть? Фкясь – Пензать маласа, омбоцесь Волгать трваса, колмоцесь – Каргандаса, нилецесь – Восточнай Казахстанца, ветецесь – Донбасса.
3)  Шачсь-кассь, фкянякс, сон ашезе няенде, кода и мзярда крьвязи шобдавань зарясь, кода и мзярда лиси шись.
4) Пади, и васетькшнесть аф весть, вдь сонга эрясь ся ульцяса квартираса. А тяни омбоце кизось работай Ураньца.
А4 Кона валрисьмоса порядковай числительнай:
1) Урань велесь оцю, котошка сяда куд эсонза.
2) А сельсоветса ули точнай цифра – кота сятт колмогемонь ниле куд.
3) Гармошкань и моронь васенце вайгяльхне кайгозевсть 9-це майста. Сяськомань шиня.
4)  Тевда лама, и улендяряльхть ломаттнень аф кафтонь, а нилень кядьсна, – сятка афольхть сата.

А5 Кона валрисьмоса приблизительнай лувксонь числительнай:
1) Степан Дмитриевич Нефедов шачсь тёжянь кафкса сятт сизьгемонь котоце кизонь комсь сисемце сентябрьста (сире стильть коряс) Симбирскяй губерниянь Алатыррскяй уездонь Баева велеса (тяни сувси Мордовиянь Ардатовскяй району) сокай-види ломанень семьяса.
2) Сон эрясь, касфнезень содамошинзон, козякофнезе маштомошинц кафта векнень ёткса пингть, мзярда улендсь аф фкя таколфты прябала: войнат, революцият, ломанень шавондомат и пичефкст, кельгома и лиянь аф няема.
3) Сталинградть ала битвась ушедсь тёжянь вейхкса сятт нильгемонь омбоце кизонь кемзисемгоце июльста.
4) Сон ёрась сёрмадомс лама-лама, а няк каракшась аньцек кафта-колма вал.
А6 Няфтесть суффиксть, кона аф ладяй пуроптомань числительнайхнень тиемста

1) -нц
2) -цьке
3) -це
4) -ксне
А7 Кона валонь юромса аньцек фкя разрядонь числительнайхть:
1) кафта-колма, ветешка, фкя, кемонь;
2) нильгемонь вете, ветеце, кафонц, ветенц;
3) ниле сятт, омбоце, ветексне, котонц;
4) кафонест, кафоненк, ветенцт, котонцт.
А8 Кона рядса числительнайхне аф фкат составс коря?
1) васенце, ветеце, сядоце
2) сядошка, колмошка, фкяшка
3) кафта-колма, ниле-вете, котошка
4) колмогемонь, кемголмува, кемонь

А9 Кона валонь юромса аньцек сложнай числительнайхть:

1) 16, 30, 50, 33, 90;
2) 100, 1200, 201, 30, 1000
3) 1, 20, 40, 45, 12;
4) 70, 11, 17, 19, 80.
А10 Кона числительнайса полафтови аньцек мекольце валсь:

1) 11.
2) 160.
3) 1000.
4) 17.

2-це вариантсь
В1 Мъзяра кужева явови числительнайсь?

1) 2 
2) 4
3) 6
4) 5
 В2 Кона валрисьмоса аш числительнайхть?
1) Лиссь кемнилие кизоса цёрац Коля, мельганза юпадсь сисем кизоса Андрейка.
2) Шоссеть кафцьке ширьганза ульсть озафнефт келунят.
3) Тя ульсь тёжянь вейхкса сятт нильгемонь нилеце кизоня.
4)  Тяфта райцентрав тунь кустарькс, а сань тоста мокшень кялень учителькс.
В3 Кона валрисьмоса количественнай числительнай:
1) Тейне савсь учемс эсонза колмошка киза.
2) Аньцек колмотне кенерсть ворьгодемс.
3)  Тя ульсь кунара. Нинге колмогемонце кизотнень ушетксста.
4) Сяда кемготува пяле мархта тёжянь эрзя и мокша эряй Самарань аймакса.
В4 Кона валрисьмоса порядковай числительнай:
1) Ведьгемоненц лангс мезьгя аф рамават.
2)  Анясь отвечась: сяряди ломаньда сисем.
3) Омбоце рабочайсь пачкодсь стройкав курокста.
4) Тевда лама, и улендяряльхть ломаттнень аф кафтонь, а нилень кядьсна, – сятка афольхть сата.
В5 Кона валрисьмоса приблизительнай лувксонь числительнай:
1) Мон аф васенце кизось тяса сторожан.
2) Иттне озсефтольхть кафтонь.
3) Бабазе тейнь кодась кафонц варягат.
4) Ётаме кеветиешка вайгяльбе – озаме вамама.
В6 Няфтесть суффиксть, кона аф ладяй пуроптомань числительнайхнень тиемста

1) -ксне 
2) -цьке
3) -шка
4) -нц
В7 Кона валонь юромса аньцек фкя разрядонь числительнайхть:
1) кафта, сяда, кота, тёжянь
2) колмогемонь вете, котоце, колмонц, фкя пяле мархта
3) вете сятт, колмоце, ветексне, ветенц
4) кафта колмоцекс пялькст, кафта пяле мархта, фкя, сядонц
В8 Составной числительнайхнень эса склоняндавихть:

1) сембе валхне
2) мекольце валсь
3) васенце валсь
4) аф склоняндави ёфси

 В9 Кона валонь юромса аньцек сложнай числительнайхть:

1) 34, 99, 17, 51
2) 30, 100, 1000, 21
3) 2, 21, 13, 49
4) 60, 13, 70, 90.

В10 Кона числительнайса полафтови аньцек мекольце валсь:

1. 20
   2) 201
   3) 100
   4) 19
   

МЕСТОИМЕНИЯСЬ
1-це вариантсь
А1 Няфтесть видеста максф шарьхкодемать местоимениять колга 
1) Корхтамань пялькссь, кона тиеви речевой органонь фкя артикуляцияста (комбинацияста) и лемди лица.
2) Корхтама пялькс, кона няфти предметть (лицать), признакть, лувксть лангс, аф панчсемок синь смузьснон.
3) Корхтамань пялькс, кона няфти предмет и отвечай кие? кона? кизефксть лангс.
4) Тя служебнай корхтама пялькс, кона няфти лувкс, лицань, предметонь лангс, но аф азсыне синь.

 А2 Мъзяра разрядга явфневихть мокшень кялень местоимениятне

1) 10?
2) 11?
3) 12?
4) 9? 

А3 Кона валрисьмоса аш местоименият?
1) Кой-кит валгсть ляйти, штазь лазонтф кядьснон и шамастост керы ливозть.
2) А кие кошярянзе прокс атказамс?
3) Няйсак, кодама отькорь, тяфтамсь аф максы пря обжамс.
4) Весялат мокшень свадьбатне.
А4 Кона местоимениясь ащи аф именительнай падежень формаса?

1) монь
2) монць
3) эрсь 
4) мезень
А5 Кона рядса васьфневихть аньцек виияфты личнай местоименият?

1) моньфтомон, теест, монць, монга
2) тонга, тонць, синьге, синьфтомост
3) монць, монцьке, тонцьке, минць, синць
4) теенза, кие, сон, миньге
А6 Кона местоимениясь аф виияфты–личнай?

1) монць
2) тонцьке
3) тонга
4) тинць

А7 Кизефтемань местоимениятне лияста валрисьмоса молихть

1) относительнай местоимениякс
2) аф опредёленнай местоимениякс
3) личнай
4) счетно-личнайкс
 А8 Кона валрисьмоса местоимениясь моли сказуемайкс?
1) Бокса ащи оцю вальмя мархта кудсь монь. 
2) Чайнайть инголе, Рыжайть ваксса, сонь эсонза учсесь кати-кодама стирь. 
3) Бригадирхне и плотникне работасть дружнайста, содазь эсь тевснон и вестенге ашесть пеняця прорабти, мес пяк лама макссеви тейст тевда.
4) И менельсь арай тейнь такор янкс, и лиендеме карман апак сизек.
 А9 вок, -нга, -ньге, -ке, -ге частицатне местоимениятнень мархта сёрмадовихть:

1) марса
2) башка
3) китькскя вельде
4) аф сёрматкшневихть мъзярдовок
 А10 Мусть рядть, коса местоимениятне сёрматфт эльбятьксфтома
1) монга, тоньць, монге, тоньфтемот
2) соньцень, тоньфтомот, моньге, теене
3) тонцьке, моньге, моньфтомон, миньге
4) соньге, сонга, соньць, тиньцьке

2-це вариантсь
В1 Няфтесть видеста максф шарьхкодемать местоимениять колга 
1) Тя служебнай корхтама пялькс, кона няфти лувкс, лицань, предметонь лангс, но аф азсыне синь. 
2) Корхтама пялькс, кона няфти предметть (лицать), признакть, лувксть лангс, аф панчсемок синь смузьснон.
3) Корхтамань пялькс, кона няфти предмет и отвечай кие? кона? кизефксть лангс.
4) Корхтамань пялькссь, кона тиеви речевой органонь фкя артикуляцияста (комбинацияста) и лемди лица.

В2 Кона валрисьмоса аш местоименият?
1) Тъняра киза тонафни миньге цёраньке.
2) Сонь эняльдеманц лангс кивок ашезь шарфта мяль.
3) Шиське нъльне акшемсь эсь псинцты.
4) Аньцек колмотне кенерсть ворьгодемс.
В3 Кона местоимениясь ащи номинативонь формаса?

1) тейне
2) сонць
3) кажнайти 
4) эсьфтомон
В4 Кона группаса васьфневихть няфтемань местоименият?
1) моньфтомон, теест, монць, монга
2) тонга, тонць, синьге, синьфтомост
3) стама, тяфтама, сякот, вага
4) теенза, кие, сон, миньге
В5 Кона местоимениясь аф виияфты-личнай?

1) монць
2) тинцьке
3) монга
4) тонць
В6 Кизефтемань местоимениятне лияста валрисьмоса молихть

1) личнай местоимениякс
2) аф опредёленнай местоимениякс
3) относительнай местоимениякс
4) счетно-личнайкс
В7 Кона валрисьмоса местоимениясь моли сказуемайкс?
1) Тъняра мода фкя шиста нинге кивок ашезь соксе.
2) Шарьхкодсь сон – тяфтама ни мирденц работац.
3) Шире ащи оцю сюлмось ульсь сонь.
4) Кельгса мон сёксень вирьгя якамазень.
В8 Местоимениятнень мархта вок, -нга, -ньге, -ка, -ке, -ге пяльксне лувовихть:

1) частицакс 
2) суффиксокс
3) валбекс
4) сувайхть валъюрти
В9 Мусть рядть, коса местоимениятне сёрматфт эльбятьксфтома
1) тонга, моньць, монге, тоньфтемот
2) соньцень, моньфтомот, моньге, тейне
3) тинцьке, моньге, тоньфтомот, миньге
4) синьге, сонга, соньць, миньцьке
В10 Валрисьмонь кодама членкс аф васьфневи местоимениясь:

1) дополнениякс
2) подлежащайкс
3) обстоятельствакс
4) определениякс

 Виде ответтне

Существительнайсь

1-це вариантсь

2-це вариантсь

Прилагательнайсь1-це вариантсь

2-це вариантсь

Числительнайсь1-це вариантсь

2-це вариантсь

Местоимениясь
1-це вариантсь

2-це вариантсь