Хәсән Туфан иҗаты. "Кайсыгызның кулы җылы?" шигырен уку, анализлау.
план-конспект урока (8 класс)

Тема: Хәсән Туфан иҗаты. "Кайсыгызның кулы җылы?" / "У кого рука тёплая?" шигырен уку, анализ.

Планлаштырылган нәтиҗәләр:

Метапредмет:Татар әдәбиятын рус әдәбияты, тарих белән бәйләп өйрәтү.

Предмет: Укучыларны Х. Туфанның тормыш юлы  һәм иҗаты белән тулырак таныштыру; "Кайсыгызның кулы җылы?" шигыренә анализ ясау.

Шәхескә кагылышлы: Укучыларда тугрылык, әхлаклылык, ярдәмчеллек сыйфатларын тәрбияләү.

Материал: Татар әдәбияты: Теория. Тарих / Д.Ф. Заһидуллина, Ә.М. Закирҗанов, Т.Ш. Гыйләҗев, Н.М. Йосыпова. - Тулыл. 2 нче басма. - Казан: Мәгариф, 2006. - 319 б.

Җиһазлау: Хәсән Туфан портреты, “Лирика” шигырь җыентыгы, Хәсән Туфанга багышланган презентация, видеоязма һәм “Кайсыгызның кулы җылы?” шигыренең аудиоязмасы.

                                       Дәрес барышы:

1. Мотивлаштыру-ориентлаштыру

1. Дәресне оештыру, исәнләшү.

2. Өй эшен тикшерү.

3. Укытучы укучыларга видео карарга тәкъдим итә.

https://youtu.be/WzRlQe7u9lA

Видео буенча әңгәмә кору. (Бүгенге дәрестә без кем иҗаты белән танышачакбыз?)

4) Хәсән Туфан иҗаты буенча презентацияне карау. ( презентация 1)

2. Уку мәсьәләсен өлешләп чишү

1. Дәреслек белән эш. (Башта укытучы шигырьне үзе укый, аннары аудиоязманы тыңлыйлар).

https://tatkniga.ru/media-book/rus/khasan-tufan-shigyrlar.html

2. Сүзлек эше (укытучы аерым сүзләрнең әйтелешенә игътибар итә: егылмаска өйрәтте, ертасымы, бәйлисе бар, бусы, сау, бирсәләр, шундадыр, кайсыгызның һ.б.). Аларны укыйлар һәм тәрҗемә итәләр.

3. Шигырьнең эчтәлеге буенча әңгәмә кору, сораулар буенча эшләү.

- Шигырь кемгә багышланган?

- Ул нәрсә турында?

- Автор кайсы юлларны, сүзләрне кабатлый?

- Сезнеңчә, ул ничәнче елда язылган?

- Лирик герой кайда?

- Лирик герой тормышында нинди вакыйга  булган?

- Аңа авырмы?  

- Сөйгәне белән нәрсә булган?

- Җылы кул нәрсәне белдерә?

4. Дәфтәрдә эш.

Укучылар шигырьне эчтән тагын бер кат укып чыгалар, иҗади эш башкаралар: шигырьне өлешләргә бүләләр, һәр өлешнең нәрсә турында икәнлеген сөйлиләр.

3. Рефлексия

     1.Укучылар, без бүген дәрестә кем иҗаты белән таныштык?

   Хәсән Туфанның нинди шигырен өйрәндек?

2. Йомгак ясау. Өй эше. Хәсән Туфанның “Кайсыгызның кулы җылы?” шигырен яттан өйрәнү.