Газизләрдән газиз әнием
классный час по теме

Максат:       Әниләрнең газиз, кадерле кеше булуларын балаларга тагын бер кат аңлату. Туган    

                     җирнең,  әниләрнең һәркем өчен бер генә булуын төшендерү. Әниләргә, дәү әниләргә  

                    хөрмәт, ярату хисе тәрбияләү.

Скачать:

ВложениеРазмер
Microsoft Office document icon mama-prazdnik09.doc36.5 КБ

Предварительный просмотр:

Газизләрдән газиз әнием

Максат:       Әниләрнең газиз, кадерле кеше булуларын балаларга тагын бер кат аңлату. Туган    

                     җирнең,  әниләрнең һәркем өчен бер генә булуын төшендерү. Әниләргә, дәү әниләргә  

                    хөрмәт, ярату хисе тәрбияләү.

Җиһазлау:   матур сүзләр, мәкаль-әйтемнәр язылган  плакатлар, открыткалар

Бәйрәм барышы.

Укытучы:   Тормышның яшәешнең бер кайда да язылмаган, бернинди канунга да сыйдырылмаган - матурлык, җылылык, яктылык һәм җанлылык кебек тәңгәллекләре була.  Кеше гомере буе матурлык, гүзәллек алдында баш игән. Бездә бүген сезнең белән, көннең  яктылыгы кояшта, күкнең матурлыгы йолдызларда, җир йөзенең гүзәллеге  әниләрдә икәненә тагын бер кат инанырбыз.

        Кыш якынлаша. Ак кар бөртекләре  күңелләрегезгә аклык булып яусын, йөрәкләрегезгә шәфкатьлелек орлыклары сипсен. Ходай сезне үз рәхимлелегеннән ташламасын, теләкләрегезне тормышка ашырырга ярдәм итсен, өстәлләрегез ямьле, аш-суларыгыз тәмле, бәйрәмебез мөбарәк булсын!

        Безнең бүгенге бәйрәмебез “Газизләрдән назиз әнием” дип атала.

1 укучы: Әниләрдән газиз кем бар җирдә?

                Алар күңелендә – изгелек,

                Әниләрне, зинһар, саклый белик,

                Авыр сүзләр әйтеп рәнҗетмик

2 укучы  “Балам”, - диеп ана гомер буе

                Яши бары бала хакына.

                 Телик аңа бәхет-шатлыкларны,

                Рәхмәт әйтеп барсы-барсына..

3укучы    Синең шатлык- безнең шатлык бит

                 Синең кайгы –безнең кайгы ул.

                 Кайгыларны, әни, бер дә күрмә,

                 Гел бәхетле, шулай көләч бул!

4 укучы   Көннең яктылыгы кояшта, күкнең матурлыгы йолдызларда,җирнең гүзәллеге – хатын-кызларда. Тормышыбызныямьләүче иң шәфкатьле, иң акыллы кем соң ул?

Укучылар бергә:  Ул - минем кадерле әнием!

5укучы    Дөньяда иң мәрхәмәтле кеше-

Укучылар бергә:  Ул минем сөекле әнием!

6 укучы:  Өйне – ямьле, ризыкны тәмле итүче  өлгер хуҗабикә –

Укучылар бергә:  Ул – минем алтын куллы әнием!  

Җыр:

7 укучы:  Ягымлы бер сүз белән

                 Елмайтыйм әле сезне.

                 М ин яратам ул сүзне –

                 Иң кадерле зур сүзне.

                 Сез дә аны беләсез –

                 Мөмкин түгел белмәскә!

                 Әниеңә сыенып:

                 -Әни! Әнкәй! -  димәскә.

8 укучы:  Әни безне үстерә,

                 Күкрәк сөтен имезеп,

                 Елаганда юата,

                 Башка кулын тигезеп.

                 Киендерә, ашата,

                 Мәктәпкә илтә безне.

                 Ничек сөеп әйтмисең

                 Әни   дигән зур сүзне ?..

9укучы:          Әни диеп әйтү өчен,

                  Әниең булу кирәк.

                 Әти белән әни миңа

                 Гаиләдә ныклы терәк.

                 Бу дөньяга тудыргач та,

                 Бишек җыры көйләгән.

                 Көйләп аргач, кызыклы

                 Әкиятләр сөйләгән.

10укучы   Әнием, - дип, һәркөн иртән

                 Күзләремне ачам мин.

                 Бәхет ишегем ачкычы,

                 Әнекәем ул бит –син. 

Такмаклар:Сандугачлар килгән безгә,

                    Китәрләр микән көзгә?

                    Бу такмакларны тыңлап,

                    Үпкәләмәгез безгә!

                     Алты-җиде дәрескә баш

                     Көчкә чыдап утыра.

                     Бишкә түзәм, алтыга түзәм,

                     Җиденчесе үтерә...

                     Кайбер мөгаллим  билгене

                     Үзеңә куйдырта, ди.

                     “2”ле, “3”ле билгеләрен

                      Мәктәптән кудырта, ди.

                     Бөтен укытучылар да

                     Нәкъ шулай уйласыннар.

                     Әйтегез әле аларга

                     “2” ле куймасыннар.

                     Сандугачлар килгән безгә

                     Китәрләр микән көзгә?

                     Безнең катнашкан чаралар

                     Җитәдер инде йөзгә!

11 укучы:   Иң кадерле кешебез син,

                    Сөекле әниебез.

                    Син булганга без бәхетле

                    Тыныч, рәхәт яшибез.

12укучы:    Зәңгәр күгемдә ал кояш

                    Сүнмәсен, балкып янсын.

                    Әниләрнең нурлы йөзе

                    Гел көләч булып калсын.

13укучы:    Туган җирем ал чәчәкле

                    Гүзәл бакчабыз булсын.

                    Җиребез,зәңгәр күгебез

                    Шат җырлар белән тулсын.

Укучылар  бергә:  Сабыйларның шат авазы

                                 Җиргә ямь биреп торсын!

Җыр:”Кояш гомере”(Г.Зәйнәшева сүзләре)

                                                                                                               2009, ноябрь

        


По теме: методические разработки, презентации и конспекты

Урок по теме "Жизнь и творчество Газиза Альмухаметова"

Цель: Познакомить обучающихся с жизнью и творчеством башкирского композитора Газиза Альмухаметова. Задачи: Повторение материала по теме «Опера. Башкирская опера»; Развитие  музыкального вни...

«Илгә - матурлык, җиргә - батырлыкны сез бирәсез, газиз әниләр!»

Дәрестән тыш чара. Әниләр көненә багышланган сценарий....