Ана - шәфкать диңгезе
план-конспект на тему

               Ана – шәфкать диңгезе

     (Аналар көненә багышланган әдәби – музыкаль кичә)

Кичәнең максаты: газиз әниләргә мәхәббәт игътибарлы мөнәсәбәт, шәфкатьлелек хисләре тәрбияләү.

              1 нче укучы

Тыныч илдә мактап хезмәт язын,

Түргә алыйк бәйрәм кояшын.

Бәйрәм белән сезне, әниләр

Чын бәхеткә лаек кешеләр

Мәктәп бүген гөрләп тора

Шаулап тора күгегез.

Без бит бәйрәмгә җыелдык

Әллә шуны белмисез.

                   2 нче укучы

Кадерле әниләребез,

Хөрмәтле әниләребез.

Бәйрәм белән котлый бүген

Сезне ул һәм кызларыгыз.

Күмәкләшеп без дә дуслар

Җырлап алыйк, әйдәле.

Котлы булсын, гөрләп торсын

Әниләрнең бәйрәме.

Җыр “Бүген бәйрәм.” Г. Тукай шигыре, Җ. Фәйзи көе.

     3 нче укучы.    Җирдә миңа ни кирәк?

                          Әти дә әни кирәк.

                          Җирдә миңа ни кирәк?

                          Без яшәгән өй кирәк.

                          Җирдә миңа ни кирәк?

                          Әллүкиле көй кирәк.

                          Җирдә миңа ни кирәк?

                          Мәңге имин ил.

4нче укучы.    Минем әни бу дөньяда

                         Иң чибәре, сылуы.

                         Нинди бәхет һәр баланың

                         Үз әнисе булуы.

                         Минем әни һич бәхәссез

                         Иң сөйкемле әни ул!

                         Әйткән сүзе ,кылган эше_

                         Һәммәбезгә туры юл.

                         Борчыйсым килми әнине,

                         Елмаеп-көлеп йөрсен!

                         Иң матур әни икәнен

                         Бөтен дусларым күрсен!

5 нче укучы.     Йөрәгем тибешен тәүге кат тоючы,

                          Җаныма, күңлемә канатлар куючы,

                          Күземнең төсләрен тәүге кат күрүче,

                          Өзелеп яратып , тәүге кат үбүче.

                          Тәүге кат сүземне ул гына ишеткән

                          Рухыма, хисемә җылылык, нур сипкән.

                          Гомерем буена бурычлы мин аңа,

                          Көчле син, изге син,бөек син,әй,Ана!

                          Син барында,әнкәй, дөнья тыныч,

                          Кояш сибә якты нурларын.

                          Әти белән иңне-иңгә куеп,

                         Үтегез сез гомер юлларын.

6 нчы укучы.    Кайберәүләр : “ Кояш- бер генә !”- ди

                         Мин килешмим, икәү ул минем!

                         Аның берсе балкый күк йөзендә

                         Икенчесе өйдә-әнием.

                         Бер кояшым бирә тормыш уты

                         Икенчесе- йөрәк җылысы.

                         Бөтен гомерем үтсен шулар белән,

                         Шул бәхетнең иң-иң олысы.

7 нче укучы.

                         Син, әнием, минем өчен

                         Бу дөньяда бер  генә.

                         Елмайганда йөзләреңнән

                         Бар өйгә нур бөркелә.

                         Иң кадерле кешебез син

                        Сөекле әниебез.

                        Син булганга, без бәхетле.

                        Тыныч, рәхәт яшибез.

8 нче укучы.

                        Тик син генә, әнкәй, балам диеп

                        Сыйпагансың минем башымнан.

                       Җил -давылдан мине яшергәнсең

                       Җылы куеның һәр чак ачылган.

                       Ана куены кебек җылы, нурлы

                       Күк йөзендә кояш, йолдыз юк.

                       Ана сөюе кебек чиксез тирән

                       Җир йөзендә һичбер диңгез юк.

Ана йөрәге-бала өчен дәрья. Авыр хәлгә төшкәндә, әнидән дә нык таяныч юк. Безгә яшәүбирүче дә, үстерүче дә-ана.

                 Җыр “Әниемә” Г.Каербеков шигыре, Ш.Калдаяков көе.

 9 нчы укучы

                     Ана күңеле мәңге күләгәсез

                     Ана күңеле мәңге бозламый.

                     Кирәк икән, ул баласы өчен

                    Яшьлеген дә, саулыгын да,

                    Гомерен дә хәтта кызганмый.

                    Коштай очып, яныңа анаң килер

                    Кайда булсаң, кайда йөрсәң дә.

                   Ул юатыр, тыңлар, киңәш бирер

                   Куркынычлы төшләр күрсәң дә.

                   Ана берәү генә. Аны дуслар,

                   Талантлар алыштырмыйлар,

                   Ана белән илне шигъри телдә

                  Урынсызга чагыштырмыйлар.

10 нчы укучы.

Ана баласының якын дусты һәм киңәшчесе ул.Беркемгә дә сөйли алмый торган эч серләрен әнигә, тик әнигә генә сөйләргә була. Үсеп кеше булгач та ана баласын онытмый, авыр вакытларда аңа беренче булып ярдәм кулын суза. Менә шундый тиңдәшсез кеше ул- Ана.

1 нче укучы.

Беренче тел ачылуга

“Әннә” ди һәрбер бала.

Чөнки аның күңелендә

Иң кадерлесе- ана.

Ана җылы җилдәй йомшак, җылы,

Саф һәм яхшы аның күңеле.

Тиңсез көчле аның мәхәббәте,

Ана , бөек аның сөюе.

2 нче укучы.

Ана- бөек исем

Нәрсә җитә ана булуга;

Хатын- кызның бөтен матурлыгы

Бөтен күрке ана булуда.

Мин бүген сокланып баш иям,

Иң гүзәл бер ана каршында.

Тик белмим, сүзләрем җитәрме

Аңлатып бирергә барсын да.

Җыр “Әниенең җылы кочагы” М.Мазунов шигыре, Ә.Бакиров көе.

          3 нче укучы.

Җылы наз ул, әнием, синдә генә,

Иркә сүзләр –синең телдә генә

Матур хисләр, уйлар йөрәгеңдә,

Изге синең, әнием, теләгең дә.

Әниләрне күз красы кебек

Саклый күрик җәбер- золымнан.

Нигә генә кадерен белмәдек, дип,

Үкенерлек булмыйк соңыннан.

Бергә:” Безгә гомер биргән  аналарга дан! “

  4 нче укучы.

                  Шатлыкларны яки кайгыларны

                 Ана кебек хис итүче

                 Белмим бар микән!

                Хисләр диңгезенең иң тирәне

                Анада икән.

                  Һәрбер кеше аңа башын иеп,

                Узган чакта шуннан юллары

                 Ана  дигән бөек исем

                Башыгыздан торсын югары.

5 нче укучы.

Зәңгәр күгемдә ал кояш

Сүнмәсен, сүрелмәсен.

Әниләрнең нурлы йөзен

Гел көләч булып калсын.

Кая барма, шунда әни йөзе

Кая барсаң, әни күңелдә.

Әни генә шулай безнең өчен

Янып-көеп яши гомергә.

6 нчы укучы.

Көнгә ничә тапкыр”Әни”-дибез,

Рәхәт тә соң әни диюләр.

Шигырьләр һәм җырлар бүләк итик

Бүләк итик матур биюләр.

Татар халык биюе башкарыла.

7 нче укучы

Иң-иң сабыр, иң-иң тыйнак

Иң ягымлы кешеләр

Иң сөйкемле, мәрхәмәтле

Алар безнең әниләр.

Иң-иң әйбәт балаң булып

Яшәсәм ярар иде.

Әниемнең ышанычы

Акласам ярар иде.

Иң кадерле, иң хөрмәтле

Булсын җирдә әниләр

Әниләрне кадерләсәк

Тыныч булыр ил –көннәр.

8 нче укучы.

Ана

Йөрәкнең ул иң мөкатдәс хисе,

Күңелнең ул иң-иң түрендә.

Ул саклкында сине җылытучың,

Юанычың авыр көнеңдә.

Башка беркем эндәшмәгән кебек

Син генә тик дәшә аласың.

Синең кебек тагын кем генә соң

Сөя ала икән баласын.

9 нчы укучы.

Әни җирдә иң кирәкле кеше,

Әниләрнең белик кадерен.

Җил –давылдан саклап үстергән ул,

Кызганмыйча бөтен гомерен.

Кая барма, шунда әнкәй йөзе,

Кая барма- әнкәй күңелдә.

Әни генә синең өчен

Җанын биреп яши гомергә.

10 нчы укучы.

Рәхмәт яусын безнең әнкәйләргә

Аларгадыр бөтен авырлык

әнкәйләргә якты йолдызлардан,

Я  кояштан  һәйкәл салырлык

1 нче укучы.

Авырсаң янда тора ул,

Төн буе кефек какмый.

Үз саулыгын да кызганмый,

Ул безне саклый-саклый.

Җыр “Әни кирәк” Р.Миңнуллин шигыре, М.Шәмсетдинова көе.

2 нче укучы.

                     “Әни” дип ачыла тел,

                       Әнкәйне хөрмәт ит,шуны бел,

                       Әни өйдә булса, бик рәхәт

                       Әйтәбез без сиңа:”Мең рәхмәт”.

 3 нче укучы.

                       Әни, әнкәй, син бит минем берәү

                       Йөрәгемнең иң –иң түрендә.

                       Күңел җылың, якты йөзең белән

                      Учагым бул гомер- гомергә.

                      Әни киңәшләре көч-дәрт өсти.

                      Илһам бирә миңа яшәргә.

                      Бәхет- шатлык белән һәрчак язсын

                      “Әни” диеп аңа дәшәргә.

4 нче укучы.

                    Синнән башка таң да атмый,

                    Мин шуны беләм, әни.

                    Бу дөньяда син булмасаң,

                    Нишләр идем мин, әни.

                    Кадерлебез гел булырсың,

                    Мәңге , мәңге, мәңгегә.

                   Ак чәчәк булып балкырсың,

                   Китсәм әгәр чит җиргә.

Җыр “Кояш гомере” Г.Зәйнашева шигыре, Ф.Әхмәдиев көе.