Доклад 23 февралгә
статья на тему

                                        Доклад.

23 февраль көнө беҙ нимәне байрам итәбеҙ һуң? Ир-егеттәр көнөнмө,әллә Ватанды һаҡлаусылар көнөнмө?

Ә тәрәнерәк ҡаҙый башлаһаҡ?

“23 февраль-8 март кеүек үк байрам,тик ир-егеттәрҙеке”,- тигән яуапты йыш ишетәһегеҙҙер,моғайын.

23 февраль – эшсе-крәҫтиәнле Ҡыҙыл Армияның тыуған көнө ,тип иҫәпләйбеҙ,ләкин уны төҙөү тураһындағы декретҡа 1918 йылдың 15 ғинуарында уҡ ҡул ҡуйылған булған.

Тимәк,был байрам- Совет хөкүмәте тарихында булдырылған бөйөк пиар. Армияның рухын күтәренкелектә тотоу өсөн яңынан-яңы байрамдар индерелгән: Винтовка көнө,Ҡыҙыл офицер көнө,Ҡыҙыл бүләктәр көнө (был көндө халыҡ тарафынан Ҡыҙыл Армияға аҙыҡ-түлек,әйбер,аҡса йыйылған).

Яңы илгә яңы байрамдар кәрәк ине. Шуның өсөн,Ҡыҙыл Армияның барлыҡҡа килеүенә 5 йыл тулғас,был датаны 23 февралгә күсерәләр ҙә байрам Ҡыҙыл Армия һәм Флот көнө тип атала башлай. Ә инде тағы 5 йылдан һуң ул байрамға “Псков янындағы еңеү”  һүҙбәйләнеше өҫтәлһә,1942 йылда Сталин үҙе “ немец баҫҡынсыларын Псков һәм Нарвала бер бөртөгөн дә ҡалдырмай ҡырҙыҡ” тип өҫтәп ҡуя. 1946 йылдан исеме тағы ла үҙгәрә: Совет Армияһы һәм Хәрби- Диңгеҙ Флоты көнө. Ә инде Совет Армияһы тарҡалғас,яңынан исем үҙгәртеү тураһында ҡарар ҡабул ителә. Шулай итеп,йыл һайын беҙ 23 февраль- Ватанды һаҡлаусылар көнөн билдәләп китәбеҙ. Ваҡыт үҙенең үҙгәрештәрен индереп тора. Әммә иң мөһиме: байрамдың рухы,кәйефе ҡала бара.

Ниндәй исем менән аталһа ла,был көндө  ысын күңелдән беҙҙе һаҡлаусыларҙы ҡотлайбыҙ!