План-конспект классного часа. 9 класс
план-конспект урока (9 класс) по теме

  Тема :       Алда юллар-кайсын сайларга

  Максат:   1. Укучыларга тиешле белгечлек сайлап алу юнәлеше  

                   бирү.

                   2. Укыту  профилен дөрес сайларга  ярдәм итү.

                   3. Һөнәр сайлауда җаваплылык хисе, җитди булу

                   сыйфаты формалаштыру.

    Материал:  1. “Мәгариф” журналы.

                        2. “Ачык дәрес”, 2004 нче елгы.

    Җиһазлау:  1.“Укырга кая барырга?”дигән  китаплар күргәзмәсе.                                          

                        2. Казан шәһәре картасы.

                        3. Интерактив такта, слайдлар.

                                            Дәрес барышы.

     I. Кереш өлеш.

       - Хөрмәтле укучылар һәм укытучылар! Без бүген сезнең белән ярминкәгә җыелдык. Ярминкәнең нәрсә икәнен барыгыз да беләсез инде. Һәр кеше ярминкәгә ни дә булса алып китү максаты белән килә. Кемдер яшелчә, җиләк - җимеш, йорт кирәк-яраклары ала.Үзебез дә, ярминкәләр оештырып, тәм-томнар саткан бар. Ләкин игътибар иткәнсездер, монда яшелчәләр дә, пешкән әйберләр дә, җиһазлар да юк. Без сезнең белән һөнәрләр ярминкәсенә җыелдык. Безнең максат һөнәр сату түгел, ә сезгә һөнәр сайларга ярдәм итү.

         Һөнәр сайлау-кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлап алу бик авыр. Бу хакта 14-15 яшьтән үк уйлана башларга кирәк. Тора-бара яңа теләк-хыяллар барлыкка килергә мөмкин. Ә инде укучыга югары сыйныфларда укыганда ук үзенә кирәкле профиль буенча белемнәрен арттыра, ныгыта алу мөмкинлеге булганда, IX класста дөрес профиль сайлау-иң мөһим мәсьәлә.

        II. “Һәркемнең үз фикере” уены.

-Хәзер без бер уен уйнап алырбыз. Сезнең һәрберегезгә дә кәгазь битләре бирелгән, шуларны алыгыз. Күзләрегезне йомыгыз,кәгазь битен урталай бөкләгез һәм бер кисәген ертып алыгыз... Ә хәзер күзләрне ачыгыз. Кәгазь битләрен җәегез һәм өскә күтәрегез. Биттәге бизәкләр бер-берсенә охшаганмы?

-Бу уеннан нинди нәтиҗә ясый алабыз?

-Әйе,һәркемнең үз фикере бар. Һәркем-индивидуаль шәхес. Сез шәхси фикерләрегезне бүгенге тәрбия сәгатендә белдерерсез дип ышанабыз.

     III. Уен барышы.

 Белемнәрегезне тикшереп алыйк әле.

1нче бирем. “Һөнәр” сүзенең синонимнарын әйтегез. (Белгечлек, профессия, эш, хезмәт, кәсеп).

 2нче бирем. Разминка.

1. Балаларны укытучы-тәрбияләүче кеше. (Педагог).
2. Әсәрне сәхнәгә куючы. (Режиссер).
3. Оркестр, хор белән җитәкчелек  итүче. (Дирижёр).
4. Театр өчен сәхнә әсәре язучы кеше. (Драматург).
5. Төрле транспортка билетлар сатучы. (Контролёр  ).
6. Эретеп-ябыштыру технологиясе буенча эшләүче. (Сварщик).
7. Газета,журнал чыгаручы. (Редактор).

           IV. Профессия сайлаганда, без иң элек нәрсә турында уйлыйбыз? (Укучыларның фикерләре тыңлана).

-Әйе,барыннан да бигрәк,теге яки бу һөнәр, эш безгә ошыймы? Безнең өчен кызыклымы ул? Без бу эшне башкарырга сәләтлеме? Аннан соң хезмәт базарында эшләр ничек торуы турында уйлыйбыз:бәлки,безне кызыксындырган һөнәр җәмгыятькә кирәк түгелдер? Ул очракта эш таба алмавыбыз ихтимал. Безнең карарыбызга әти-әниебез, дуслар киңәше, массакүләм мәгълүмат чаралары да йогынты ясарга мөмкин.

         V. Профессия сайлауның 5 принцибы.

-Профессия сайлау җиңел түгел. Аны сайлауның үз принциплары бар. Хәзер шулар белән танышып китик:

     1. Баланың шәхси кызыксынулары.(Һәр бала ниндидер профессия белән кызыксынырга мөмкин).

     2. Гаилә традицияләре. (Кайбер гаиләләрдә барысы да укытучы, бухгалтер, хәрби хезмәткәр, механизатор һ.б. булырга мөмкин).

     3. Баланың укудагы уңышлары. (Аерым фәннәр “5”легә генә укып, ул фән белән тирәнтен кызыксыну).

     4. Җәмгыять тарафыннан таләп ителүе. (җәмгыятьтә яңа һөнәрләр барлыкка килә).

     5. Укырга керү өчен мөмкинлекләр булуы. (Мәктәпне алтын медальгә тәмамлап, югары уку йортына   бер имтихант биреп кенә керү, яки вузның түләүле бүлекләрендә  уку өчен финанс кыенлыклары булу).

   VI. Профессияләр төркемнәре.

                     Профессияләрне 5 төркемгә бүләргә була:

     1. Кеше-кеше (тәрбияче,сатучы, шәфкать туташы һ.б.).

     2. Кеше-табигать (агроном, зоотехник, урманчы һ.б.).

     3. Кеше-техника (токарь, слесарь, машина йөртүче һ.б.).

     4. Кеше-билгеләр системасы (компьютерда җыючы, хисапчы,      

         кассир һ.б.).

     5. Кеше-сәнгать образы (рәссам, буяучы, чәчәкләр үстерү остасы      

         һ.б.).

    VII. Укучылар үзләре әзерләгән презентация үткәрәләр.

       1.Кеше-табигать ( эколог)

       2.Кеше- сәнгать (җырчы)

       3.Кеше- билгеләр системасы (бухгалтер)

       4.Кеше-техника ( шофёр)

       5.Кеше-кеше ( врач)

  VIII. Нәтиҗә ясау, йомгаклау.