Статья, посвященная дорогому отцу "Багадаа ажалдаа дуршэhэн"
материал на тему

7 июля 2017г   70 лет

70жэлэйн  ойн  баяраар  манай аба - Жигжитов Сергей Чимитовичта зорюулагдаhан амаршалга.

Багадаа ажалдаа дуршэhэн

Гушан гурбан Гулбай гурбан ехэ Яруунын Баян хонгор уулатай бардам тоонто Иисэнгэ нютагай узэсхэлэн hайхан байгаалитай Хушэгоор hууринда Чимидэй Жигжит-Доржо Цыпилма Духеевна хоёрой эбтэй эетэй булэдэ 1947 оной ааяма халуун июлиин 7-до манай аба, баабай Сергей Чимитович Жигжитдоржиев зургаадахи ури турэжэ, баярай ехэ баяр болоо бэлэй.

  Эсэгэнь Жигжит-Доржо Доржиевич нютаг соогоо хундэтэй, ажалша бэрхэ хун байhан. Романовка тосхондо Иисэнгын совхозой 3-дахи отлелениин адуушан боложо, олон жэлдэ эдэбхитэйгээр худэлhэн юм. Эхэнь Цыпилма Духеевна ажалша,олон ухибуудэй эхэ hэн тула унеэдээ hааха, тоhо зоохэй гаргаха,гэр тойронхи удэр буриин ажалаа хээд лэ байгаа.

    Абамнай Сергей Чимитович Иисэнгынгээ 8-дахи класс дуургээд, багаhаа ажалда дуршэжэ, 16 хуроодуйдоо совхоздо худэлжэ байтараа, 1966 ондо сэрэгэй албанда татагдажа, Кемерово хотодо сэрэгэй алба эрхим hайнаар дуургэжэ, нютагаа бусаа hэн.Тиигээд лэ Нарhата нютагта журам сахидаг зургаанда худэлжэ байхадаа, гулмэрхэн, залуухан, сэбэрхэн нягталан бодогшо мэргэжэлтэй дангина hайхан басагантай- манай эжы Цыбик-Ханда Будаевнаатай уулзажа, 1969 ондо гэр булэ болоhон байна. 1970 ондо туруушын ури Алдар хубуунэйнгээ турэхэдэ, турэл тоонто Иисэнгэ нютагаа бусажа, гэр булоороо мал ажалда орожо,ухэр малайнгаа тоо хорохогуй, шэгнуур унагаахагуй,hайн тул абахын тула оролдосотойгоор, эдэбхитэйгээр худэлжэ, олон тоото хундэлэлэй грамотануудта ба Баярай бэшэгуудтэ хуртэhэн юм.

            Абамнай hайхан hанаатай, уужам сэдьхэлтэй, хун зондо хундэтэй,зондо туhалхал гэжэл оролдожо ябадаг даа.

          Муноо наhанайнгаа амаралтада гаража, хани нухэр Цыбик-Ханда Будаевнаатаяа 48 жэлэй туршада ан-бунхан 8 hайхан уринэрээ  хулыень дуроодэ, гарыень ганзагада хургэжэ, бултыень айл булэ болгожо, хорин гурбан аша зээнэртэй, гурбан  гушанартай, унэр баян, амгалан тэнюун ажаhууна.

     Бидэ 8 ухибуудынь,4 хурьгэд,4 бэреэд,23 аша зээнэрынь ба 3 гушанарынь  хундэтэ аба, баабайгаа 70 жэлэйнь ойн  баяраар унэн зурхэнhоо амаршалаад, иигэжэ уреэнэбди:

         Хайрата манай аба, баабай!

   Наhанайнгаа амаралтада  гаража,

Налайжа, баярлажа, жаргажа,

Ури хуугэдтэеэ, амтатайхан аша зээнэртэеэ

Унгэтэ юртэмсын буян хэшэгтэ хуртэлсэжэ,

Сэдьхэл дуурэн баяртай,

Сагаан hанаатай,сарюун дорюун зандаа

Наhанайнгаа инаг нухэр

Цыбик-Ханда Будаевнаатаяа

Ушоо олон жэлдэ

Убшэ зоболон узэнгуй,

Ундэр наhа наhалжа,

Унэр баян, элуур энхэ

Ажаhуухыетнай хусэнэбди!

Амаршалагшад: Алима, Оюна басагадынь.