Дәрес конспекты "Тәбиғәт"
план-конспект урока

Тема: Нимә ул тәбиғәт?  “Ә” теркәүесе.

Класс: 3  (гос.)

Маҡсаттар:  

• һөйләү телмәрҙәрен үҫтереү;
•  “тәбиғәт” темаһына ингән һүҙҙәрҙе, һүҙбәйләнештәрҙе                 телмәрҙәренә индереү; “ә” теркәүесе менән таныштырыу, һөйләмдәрҙә, телмәрҙәрендә ҡулланырға өйрәтеү;
• тәбиғәткә, тирә-яҡҡа, үҫемлектәргә, йорт-хайуандарына ҡарата һөйөү, һаҡсыл ҡараш тәрбиәләү.

Йыһазландырыу: һүрәттәр, карточкалар, компьютер, проектор.

Уҡытыусы: Ғиндуллина Рәзинә Салауат ҡыҙы.

                                        Нефтекама - 2012

                                      Дәрес барышы:

      I. Ойоштороү мәле.

-Һаумыһығыҙ уҡыусылар! Бер-беребеҙгә йылмайып ҡарайбыҙ.

       II. Орфоэпик күнегеү (1-се слайд)

Ҡ   Ғ  Ң  Ҫ  Ҙ  Һ

А  Ы  Ү  И  Е  Ө

- Балалар, беренсе  рәттә ниндәй хәрефтәр?

- Тартынҡылар.

-  Ә икенсе рәттә?

-  Һуҙынҡылар.

-  Афарин!

1. Һәр өндө айырым әйтеү;

2. Ижектәр яһап уҡыу ( ҡа,ҡы…);

3. Һүҙҙәр уйлап әйтеү;

III. Үткән дәрестәге теманы иҫкә төшөрөү. Өй эштәрен тикшереү  (дәфтәрҙәрен йыйып алыу).

           IV. Төп өлөш:

            А)    Бөгөнгө үтәсәк теманы белер өсөн һеҙгә кроссворд сисергә кәрәк.

Ә кроссвордты сисер өсөн йомаҡтарға яуап әйтең.

    2-се слайд

1. Кешенең дуҫы, йорттоң һаҡсыһы (эт).

Друг человека, охранник дома.

2. Нимә иртән иртүк “ки-ки-ри-күк” – тип ҡысҡыра?(әтәс).

Кто ранним утром кукарекает?

3. Үкерә лә ҡотора, бөтә ерҙе тултыра (буран).

Воет, бушует, всю землю накроет.

4. “Сапоги” һүҙенең тәржемәһе.
5. Йәй кейенә, ҡыш сисенә (ағас)

Летом одевается, зимой раздевается.

6. Кисә аҙнаның ниндәй көнө ине(йәкшәмбе).
7. Һыйыр нимә бирә? (һөт)

-  Вертикаль буйынса “ТӘБИҒӘТ” һүҙе килеп сыға. Шулай итеп, уҡыусылар, беҙ бөгөнгө дәрестә “тәбиғәт” темаһына ингән яңы һүҙҙәр менән, һүҙбәйләнештәр менән танышасаҡбыҙ.

Б)  Дәфтәрҙәренә числоны, “класс эше” һүҙен, теманы яҙҙырыу.

В) Һүҙлек эше: 3-сө слайд.

  Тәбиғәт – природа

   Йылға- река

   Үҫемлек- растение

 Хайуан- животное

Ҡош –птица

Бөжәк- насекомое

Ағас- дерево

 Тау- гора

Һыу – вода

Һауа- воздух

Г) дәреслектәге күнегеүҙәр ярҙамында теманы үҙләштереү.

93-сө бит, 1-се күнегеү.

-тексты уҡытыусы уҡый.

-сылбыр буйынса уҡыусылар уҡый һәм тәржемә итә.

- текстың йөкмәткеһен  дәреслектә бирелгән схема менән сағыштырыу.

4-се слайд.

Һауа        Бөжәктәр

    Хайуандар                                     Үҫемлектәр

     Ҡоштар                               Тәбиғәт         Сәскәләр

Йылғалар        Тауҙар

V.  Ял минуты.

“Күбәләк” (Балалар баштарын партаға һалып йоҡлаған һымаҡ күҙҙәрен йомалар, уҡытыусы бер нисә секунттан һуң  шиғыр һөйләй, уҡыусылар шиғырҙың эстәлеге буйынса хәрәкәт яһайҙар)

  Күбәләк уянды,йылмайҙы,

  Йыуынды, елпенде,

  өйөрөлдө һәм осоп китте.

 Д) Дәрестең грамматик өлөшөнә күсеү.

5-се слайд.

      Башҡорт телендә “Ә” теркәүесе (союз “а”) предметтарҙы сағыштырыу, ҡапма-ҡаршы ҡуйыу осраҡтарында ҡулланыла. “Ә” теркәүесе алдынан һәр ваҡыт өтөр ҡуйыла. Мәҫәлән, Фил ҙур, ә көсөк бәләкәй.

3-сө күнегеү (95-се бит) ярҙамында грамматик теманы үҙләштереү.

Һүҙҙәрҙең парын табырға һәм бирелгән сифаттар ниндәй йәнлектәргә хас икәнен билдәләп, “Ә” теркәүесе ярҙамында һөйләмдәр төҙөп яҙырға.

Төлкө хәйләкәр, ә ҡуян ҡурҡаҡ, …

 VI.  Өй эше биреү: 94-се бит, 2-се күнегеү (а,б). Белгән йорт һәм ҡырағай хайуандарҙы яҙырға.

VI. Йомғаҡлау.

     Шулай итеп, беҙ бөгөнгө дәрестә һеҙҙең менән нимәләр белдек?

VII. Баһалау.

Дәрестең технологик картаһы

Ф.И.О.Ғиндуллина Рәзинә Салауат ҡыҙы
Предмет:башҡорт теле
Класс:3
Дәрес төрө:яңы тема менән танышыу