Казан университеты темасы буенча биремнәр (мөстәкыйль эшләү өчен карточка)
учебно-методический материал на тему

Казан  дәүләт  университеты.

1. Фотогалерея белән танышыгыз  һәм  биремнәрне  үтәгез.

  1.        2.                              3.  

А) Бу фотографияләрдә кемнәр?

Каюм  Насыйри, Ризаэддин Фәхреддин,Николай Иванович Лобачевский.

Ә)Кем .......

- Казан дәүләт  университетында  ирекле  тыңлаучы  булган, татар  теленең  беренче  аңлатмалы  сүзлеген  төзегән;

- кызганычка  каршы,   Казан университетында  укымаган,  аның  тәрбия,  әдәп-әхлак проблемасын  күтәргән  хезмәтләре  күп;

- бөек  математик,  күп  еллар  Казан  университетының  ректоры  булган.

2. Диалогларны  дәвам  итегез,  сөйләшү  оештырыгыз.

А) – Мин  бер  китап  турында  ишеттем, аның  исеме “Әдәби  тәгълим”(“Обучение  нравам”),  синеңчә  аның  авторы  кем?

-..............................

Ә)- Синеңчә,   бу галимнәрнең кайсы   телләрне  өйрәнгән  һәм  филология  буенча  фәнни  эшләр  язган?

- ............................... .

Б) -  ..........................................

- "Ученые записки Казанского университета"  дигән  журнал  бастырып  чыгарган.

В) – Синеңчә, “Синтаксис”  дәреслегенең авторы  кайсы  галим?

  - ...................................................... .

3. Кушымчаларны  куеп  укыгыз, кулланышларын  аңлатыгыз.

Университет – Казан....  горурлыгы.

Университет.....  ишекләре  чит  илләрдән  килгән  студентлар  өчен  дә  ачык.

Университет...  укырга  керергә  теләүчеләрнең  саны   елдан-ел арта.

 Университет.....  тәмамлаган  белгечләрне  Россиянең  төрле  оешмаларында   эшкә    теләп  кабул итәләр.

Университет...  хокук, икътисад,  тарих,филология   факультетлары  уңышлы  эшлиләр  һәм  төрле илләрдә даң  тоталар.

Биремнәр:

1. Текстан  сыйфат  фигыльләрне  табып  языгыз,  яңа  сыйфат  фигыльләр  уйлап  әйтегез.
2. Үзегез  уйлап  тапкан  сыйфат  фигыльләрне  кулланып   җөмләләр  төзегез.
3. Сыйфатларны  сайлап  алыгыз,  диалогларда  файдаланып  сөйләшү  оештырыгыз.
4. Ясалма  сүзләрне  табыгыз, җөмләләр  уйлап  языгыз.
5. Бер  фигыльне  сайлап  алыгыз  һәм шул  тамырдан   барлык  төркечәләрен   ясап  языгыз.
6. Текст  нигезендә  сөйләшү  оештырыгыз.

4. Кушымчаларны  дөрес  куеп  укыгыз.

Татар  филологиясе (факультет)    укырга  тели  иде.

Көз (көн)  университетта  матур  бәйрәм  була, бу –“Студентлыкка багышлау”.

Университет  каршында  Н. И. Лобачевский  исемендәге  фәнни  китапханә (эшләргә).

Студентларга  заманча  җиһазландырылган лабораторияләрдә  (эшләргә)  мөмкинлекләре бар.

Казан (университет)  төп  бинасы –(тарих)  һәйкәл.