«ирон фынг ᴁмᴁ ЙЕ`ГЪДᴁУТТᴁ»
план-конспект урока (8 класс) на тему

(ИРОН ТРАДИЦИОН КУЛЬТУРᴁ

ᴁМᴁ  ᴁГЪДᴁУТТᴁЙ 8 КЪЛ)  

«ирон фынг ᴁмᴁ 

ЙЕ`ГЪДᴁУТТᴁ»    

15-ᴂм астᴂуккаг скъолайы

Ирон ᴂвзаг ᴂмᴂ литерᴂтурᴂйы ахуыргᴂнᴂг

Ситохаты Зарᴂйы урок.

Дзᴂуджыхъᴂу,2011 аз.

Темᴂ: Ирон фынг ᴂмᴂ йе гъдᴂуттᴂ

Нысан: 1. Базонгᴂ кᴂнын скъоладзауты ирон фынджы ᴂгъдᴂуттимᴂ.

               2.Сахуыр кᴂнын скъоладзауты зианы фынг цины фынгᴂй иртасын.

               3. ᴁрдзурын ирон фынджы ᴂгъдᴂутты сусᴂг мидисыл.

4.Сᴂвзᴂрын кᴂнын уарзодзинад нᴂ фыдᴂлты рᴂсугъд ᴂгъдᴂуттᴂм.

Эпигрᴂф:

Фынг ᴂртᴂкъахыг

Уазᴂгᴂн йᴂ фᴂллад сафы,

Зианджынᴂн-йᴂ хъыг.

Къоста.

Ирон  фынджы ᴂгъдау-

ᴁгъдᴂуы фурдынау.

Ирон фынджы ᴂгъдау,

Кᴂстᴂр дᴂуᴂн у скъола.

Уым ахуыр кᴂн лᴂгау

ᴁмᴂ дᴂм уа ᴂгъдау.

Мыртазты Б.

Дело всех православных-

Сидеть за столом чинно,

Унимать от смеху смешливых,

Пустяшных разговоров не

Водить и смотреть на хлебный стол,

Как на Божий престол.

С.В.Максимов                                      

Урочы цыд:

1.Хъуысы ирон мелоди. Ахуыргᴂнᴂг кᴂсы Кокойты Тотрадзы ᴂмдзᴂвгᴂтᴂ:

ᴁртᴂ чъирийы хᴂхты фᴂрныг цотᴂн

         Вᴂййынц сᴂ разы кувынᴂн ᴂдзух.

         Фᴂзᴂгъынц: Уᴂд нᴂ цард рᴂсугъд.

            Цᴂуᴂнт ныл хъᴂлдзᴂгᴂй нᴂ бонтᴂ.

            Цᴂры нᴂ хᴂхты бирᴂ донкихотᴂ,

            Фыдᴂлты фарныл не систой сᴂ къух, 

             ᴁмᴂ ныллᴂууыд цавᴂрфᴂнды дуг,-

              Фыдᴂлты дзуᴂрттᴂм бакувынц гъеуддᴂр.

                Фᴂлᴂ лᴂлгᴂн йᴂ куывды ис ᴂфсарм

Йᴂ мᴂт, йᴂ сагъᴂс – дунейы хᴂрам,

Йᴂ мᴂт, йᴂ сагъᴂс – дунейы фарн ….

    Уᴂдᴂ йᴂ бауадз, бакува ᴂгъдауыл.

Адᴂймаджы зонд ᴂмᴂ курдиат цы стырдᴂр диссаг сфᴂлдыстой, уыдонᴂй иу у ᴂгдау.

ᴁппᴂт заманты ᴂппᴂт адᴂмтᴂн ᴂгъдауы ахсджиагдᴂр хай уыд фынджы ᴂгъдау. Фынгыл бадынц бинонтᴂ, фысымтᴂ ᴂмᴂ уазджытᴂ, хионтᴂ ᴂмᴂ ᴂцᴂгᴂлонтᴂ, хистᴂртᴂ ᴂмᴂ кᴂстᴂртᴂ, уымᴂ гᴂсгᴂ йын ис ᴂгъдау. Уыцы ᴂгъдау ᴂвзᴂрд ᴂртᴂхъуыддагᴂй: ритуалᴂй, цᴂлгᴂнджыты ахастытᴂй ᴂмᴂ уᴂздандзинады домᴂнтᴂй. Ирон адᴂмᴂн уыцы ᴂгъдау уыд уаз ᴂмᴂ лᴂгдзинады нысан. В.Миллер фыста, зᴂгъгᴂ, мᴂуыр ирон лᴂджы хᴂдзары «соблюдается этикет строже, чем в европейских раззолоченных палаццах.» Хъуыддаг афтᴂ кᴂй уыд, уымᴂн и сбирᴂ ᴂвдисᴂнтᴂ.

- Цы зᴂгъынц уый тыххᴂй кадджытᴂ т а?

-«Нарты ᴂмбырд»-ы дыккаг хистᴂр дзуры: «Адᴂмтᴂ хᴂлᴂг уᴂд кодтой Нартмᴂ, сᴂ хорзы кой дардыл уᴂд хъуысти  Нартᴂн, сᴂ гуыбыныл  хᴂцын куы фᴂрᴂзтой, нозтᴂй сᴂхи куы хъахъᴂдтой, рнгᴂй сᴂ бᴂрц куы зыдтой; сᴂ мᴂрдты къоти куы нᴂ калдтой нозт ᴂмᴂ хᴂрдыл; ᴂнᴂгъдау фыр ностᴂй се`фсарм куы нᴂ сᴂфтой сᴂ зонд се`хсар куы нᴂ састой.» (НК.,243)

Сᴂдᴂгай ᴂнусты  дᴂргъы бинонтᴂ, фынгыл бадгᴂйᴂ иуфᴂлтᴂрᴂй иннᴂмᴂ лᴂвᴂрдтой ᴂмᴂ ныр дᴂр дᴂттынц удварны хᴂзнᴂгтᴂ фарнджын ᴂгъдᴂуттᴂ.

Уыдон арᴂзт сты адᴂмы тыхджын зондᴂй. Рᴂсугъд кᴂнынц  ирон адᴂмы цард, сᴂ тых, сᴂ хъару, ᴂвᴂрынц сын фидар фᴂтк сᴂ цардᴂн. ᴁфтауынц сᴂ ᴂфсарм ᴂмᴂ ᴂгъдауыл.

II.Фынджын фᴂрнджын ᴂгъдᴂутты.

   1.Фынг куыд ᴂвᴂрынц?

  Фынг-иу рᴂвᴂрдтой скᴂсᴂнᴂй ныгуылᴂнмᴂ.Хистᴂры ᴂргомхурскᴂсᴂнырдᴂм.Адᴂмы зонды хурскᴂсᴂн баст уыди хурскастимᴂ,рухсимᴂ ᴂмᴂ Хуыцауы ᴂндᴂр хорзᴂхтимᴂ.Нᴂ фыдᴂлтᴂ сᴂ хᴂдзᴂрттᴂ арᴂзтой хурварсырдᴂм ᴂргомздᴂхтᴂй,цᴂмᴂй сᴂ цᴂрᴂн баст уыдаид тыгъдад-рᴂстᴂг,уᴂларвон тыхтᴂ-дун-дуне ᴂмᴂ хᴂдзарад-ᴂрвылбоны цард иумᴂ уой.Ныр уыцы фᴂтк фехᴂлд,уымᴂн ᴂмᴂ аразын байдыдтой уᴂладзгуытᴂ.Уымᴂ гᴂсгᴂ,нырыккон фынгыл хистᴂр фᴂбады къᴂсᴂры акомкоммᴂ рᴂбынᴂй.

  2.Фынгыл фыццаг цы ᴂвᴂрынц?

  Цᴂхх (Радзурын ис таурᴂгъ)

3.Уый фᴂстᴂ та?

 Сᴂр,                                   бᴂрзᴂй,                                 уᴂн

зонд                          ныфс,хъару              фᴂлгᴂсᴂн

сᴂйраг хистᴂр                   2-ᴂг хистᴂр                       3-аг хистᴂр

4.Бᴂрзᴂй иу хатт вᴂййы сᴂры рахиз фарс,иннᴂ хатт-сᴂры галиу фарс.Цᴂмᴂн у афтᴂ?

    Нᴂ фыдᴂлтᴂ цин ᴂмᴂ зианы фынгтыл иртасыны тыххᴂй кодтой афтᴂ:цины фынгыл бᴂрзᴂй-сᴂры галиу фарс,зианы фынгыл бᴂрзᴂй сᴂры рахиз фарс.

5.Цᴂмᴂн ᴂвᴂрынц сᴂр ᴂмᴂ бᴂрзᴂй фынгыл?

   Бᴂрзᴂй амоны тых,хъару.Нᴂ фыдᴂлтᴂ уыдысты тыхджын,хъаруджын ᴂмᴂ йᴂ цᴂмᴂй иууылдᴂр зоной,уый тыххᴂй фынгыл ᴂвᴂрын райдыдтой бᴂрзᴂй.

   Сᴂр та фынгыл ис уымᴂн ᴂмᴂ,дам,кᴂддᴂр аланты ᴂфсады балхонтᴂй иу знагмᴂ уацары бахауд.Алайнагᴂн йᴂ хъабатырдзинад дᴂрдтыл хъуыстгонд уыд,ᴂмᴂ уацары кᴂмᴂ бахауд,уыдоны паддзах йᴂхицᴂй ныббуц,ахᴂм хъᴂбатыр лᴂг ᴂм цъиуау къалатийы кᴂй бады,уымᴂй.Йᴂ амарыныл нᴂ тагъд кодта,ᴂххормагᴂй йын йᴂ хъару,ныфс асᴂттын уыд йᴂ фᴂнд.Хъоргъы йᴂ ныппарын кодта ахᴂм дзырдᴂй: «Дᴂттут ын ᴂрмᴂстдᴂр иухуызон хᴂринаг»,цᴂмᴂй хъизᴂмᴂрттᴂ кᴂнгᴂ,фыддудᴂй дᴂргъвᴂтин рᴂстᴂг ныфсаст ᴂмᴂ ᴂдыхᴂй мᴂлын дᴂр ма фᴂраза.»Хᴂринаг,иу хᴂринаг та равзарᴂд йᴂхᴂдᴂг».

   Уᴂды рᴂстᴂджы ахст адᴂмᴂн лᴂвᴂрдтой ᴂрмᴂст фых дзидза.Рацыдис-иу рᴂстᴂг ᴂмᴂ-иу ахст адᴂм мᴂлын райдыдтой.

  Цᴂмᴂн? Мᴂнᴂ цы фыст уыд газет «Аргументы и факты»-йы.»Однажды довелось прочесть,что древние люди использовали в тюрьмах весьма оригинальный метод:заключённых кормили одним вареным мясом,и через некоторое время они…умирали.Возможно ли такое?

 - Возможно,-отвечает директор Института питания Российской академии медицинских наук М.Волгарёв,-от отстутсвия витамина С,которого нет в мясных продуктах,у заключённых развивалась цинга,и они умирали.»(«АИФ»,№4,1994).

   Аланты ᴂфсадхонᴂн йᴂ уавᴂр куы бамбарын кодтой,уᴂд уый хᴂринагтᴂй равзᴂрста сᴂры дзидза.

  Бонтᴂ цыдысты ,азтᴂ ивтой кᴂрᴂдзи,алайнаг хъᴂбатыр хᴂстон бадт хъоргъы,цард айдагъ сᴂры дзидза ᴂмᴂ донᴂй,фᴂлᴂ знаджы фᴂндиаг нᴂ кодта:йᴂ хъару,йᴂ ныфс нᴂ саст.Уᴂд ᴂм иуахᴂмы паддзах уынынмᴂ бацыд,йᴂ бон ын базонын кодтон ᴂмᴂ йыл йᴂ сары бон мᴂ къах ᴂркъуырон,зᴂгъгᴂ.Алайнаджы удфидар ᴂмᴂ цᴂттᴂ хᴂстонᴂй куы федта,уᴂд фырмᴂстᴂй йᴂ цᴂстытᴂ туг абадт,йᴂ фᴂсдзᴂуинтыл ныббогътᴂ кодта,нᴂл гᴂдᴂйы хаст ᴂй цавᴂр хᴂринагᴂй кодтат,загъгᴂ.

    Фᴂсдзᴂуинтᴂ йын бамбарын кодтой,дᴂ бардзырдмᴂ гᴂсгᴂ йын ᴂрмᴂст иу хᴂринаг-кусарты сᴂры дзидза ᴂмᴂ дон,ᴂндᴂр кᴂй ницы равзарын кодтам йᴂхицᴂн,зᴂгъгᴂ.

     Паддзах куы ᴂрсабыр, уᴂд алайнаджы йᴂхимᴂ ᴂрбакᴂнын кодта ᴂмᴂ йᴂ ᴂрфарста,сᴂры дзидза цᴂмᴂн равзᴂрстай,зᴂгъгᴂ.Уый йын радзырдта,йᴂ рагфыдᴂлтᴂй нырмᴂ йᴂ адᴂм кусарты сᴂры дзидза кᴂй хᴂрынц.Сᴂры  дзидзайы ис,дам,адᴂймаджы буары цыдариддᴂр хъацᴂнтᴂ хъᴂуы,уыдон.Ахъаз у суанг стᴂг ᴂмᴂ сᴂры магъзᴂн дᴂр.

     Паддзахы йᴂ уацайраджы адᴂмы зонд ᴂмᴂ ᴂрхъуыдыдзинады фᴂцагайдтой,йᴂ зᴂрдᴂ фᴂфᴂлмᴂндᴂр,ᴂмᴂ алайнаг ᴂфсадхоны кад ᴂмᴂ радимᴂ рафᴂндараст кодта йᴂ фыдᴂлты бᴂстᴂм.                  

            Скодтой йын стыр куывд . Хистᴂр сыстад ᴂмᴂ загъта : “Рахᴂссут-ма сᴂр ᴂмᴂ йᴂ ᴂрᴂвᴂрут фынгыл . Сᴂр амоны зонд ᴂмᴂ уый фᴂрцы фервᴂзт ᴂфсадхон.”       

        6. Фынгыл ахсджиагдᴂр кувинᴂгтᴂ цы сты?

         Уᴂливыхтᴂ (фынг ᴂнᴂ чъирийᴂ нᴂ фидауы)

         7. Фынгыл кᴂд ᴂмᴂ цᴂмᴂн вᴂййы 3 кᴂнᴂ 2 уᴂливыхы?

           Цины-ᴂртᴂ: Хуыцауᴂн,Хурᴂн,Зᴂххᴂн.

           Зианы –дыууᴂ: Хуыцауᴂн, Зᴂххᴂн.

           8.Фыццаг ᴂртᴂ куывды ирон фынгл?

            1-Хуыцауᴂн

             ll-Уастырджийᴂн  

            lll-Бадт цᴂй тыххᴂй у,уымᴂн.

             9.Скувыны размᴂ ᴂртᴂ уᴂливыхы цᴂмᴂн кᴂнынц фᴂйнᴂрдᴂм?

               Уᴂларвᴂй  Хуыцау ᴂмᴂ  йе сконд зᴂдтᴂ лᴂмбынᴂг фᴂкᴂсынц фынджы ᴂвᴂрдмᴂ ᴂмᴂ цал уᴂливыхᴂй кувынц ,уый фенынмᴂ . Уымᴂ гᴂсгᴂ 3 уᴂливыхы фᴂхъᴂуы равдисын.
             
              10. Цы нысан кᴂны кусарты хъус ?
             Раджы заман йᴂхи фынгыл ᴂвзᴂр чи дардта, уымᴂн лᴂвᴂрдта хистᴂр хъус, ома, дам, мын мᴂнᴂ хъус ᴂмᴂ хъусгᴂ кᴂн. Бынтон ᴂвзᴂртᴂн та – кусᴂрттаджы бырынчъытᴂ. Уымᴂй худинагдᴂр ницы уыд.
             Ныр та хъус у кады нысан.

             11. Цы ᴂгъдᴂуттᴂ уыдис фынг ᴂркᴂнынᴂн цины кᴂнᴂ зианы бадты?
             Нᴂ фыдᴂлтᴂ скувыны фᴂстᴂ 3уᴂливыхы кардᴂй нᴂ карстой, састой сᴂ къухᴂй. Зианы 2 кᴂрдзыны къухᴂй сᴂттын не мбᴂлди. Кᴂрдын сᴂ хъуыд кардᴂй.
             Дзидза карстой сᴂхирдᴂм – цины.
             Хицᴂй ᴂддᴂмᴂ - зианы.
             Скувыны фᴂстᴂ 3 уᴂливыхы, сᴂтгᴂйᴂ, тᴂбᴂгъ зилын нᴂ фᴂтчы. ( Цᴂмᴂй куывдтытᴂ зыгъуымм ма рацᴂуой, уымᴂн ).

              12. Цᴂмᴂн аходы кувᴂггагᴂй кᴂстᴂр, кᴂнᴂ ма чи ?
              Кᴂстᴂртᴂ ᴂнᴂ тᴂригъᴂдджын кᴂй сты, уымᴂ гᴂсгᴂ кувᴂггагᴂй саходын хауы уыдонмᴂ.
              Куывд кᴂй номыл уа, уый йᴂ куывды кувᴂггагᴂй аходы йᴂхᴂдᴂг.

              13. Уырдыглᴂууᴂг хъуамᴂ хистᴂрᴂн йᴂ кᴂцы фарс лᴂууа цины кᴂнᴂ зианы фынгты?
              Цины бадты – хистᴂрᴂн йᴂ галиу фарс, цᴂмᴂй хистᴂры рахиз къух уа цинᴂвдисᴂн, сᴂрибар.
              Зианы – хистᴂры рахиз фарс, ᴂмбᴂрзы хистᴂры рахиз къух.

              14. Цал сыкъайы дᴂтта хъуамᴂ уырдыгᴂстᴂг цины кᴂнᴂ зианы  ?
              Цины бадты уырдыгᴂстᴂг пайда кᴂны 3 сыкъайᴂ : Хуыцау, хур ᴂмᴂ зᴂххы номыл.
              Зианы – 2 : Хуыцау ᴂмᴂ зᴂххы номыл.

           III. Иу фᴂлтᴂр иннᴂмᴂ кᴂй лᴂвᴂрдта, фынджы уыцы рагон ᴂгъдᴂутты фᴂдтᴂ баззадысты адᴂмы ᴂвзаджы. Фынгᴂвᴂрд кᴂм вᴂййы ᴂмᴂ кусарт кᴂм акᴂнынц, уый хуыйны куывд. Ацы дзырд равзᴂрди кувынᴂй. Уымᴂ гᴂсгᴂ фынгыл нᴂй хъаугъа кᴂнын, ᴂлгъитын, хъᴂрᴂй худын, змᴂнтᴂн митᴂ кᴂнын.
                Кувгᴂ кᴂм кᴂнынц, уым нᴂй уᴂлдай змᴂлд кᴂнын, къухтᴂ тилын, дзᴂгъᴂл дзурᴂн ᴂмᴂ ᴂндᴂр ᴂнᴂуаг митᴂ кᴂнᴂн. Уымᴂн ᴂмᴂ «куывд» цы рагон индийаг дзырдᴂй равзᴂрди, уый мидис уыди «ᴂхсᴂнады ᴂгъдау ᴂххᴂст кᴂнын».

            IV. Фынджы хистᴂр.
              АЕгъдау аразгᴂ у фынджы хистᴂрᴂй : йᴂ рᴂсугъд куывдᴂй, ныхасᴂй, таурᴂгътᴂй.
             Пфаф: «Осетины вообще народ трезвый, но в торжественных случаях они пьют араку или пиво…»
             Пантюхов: «Осетин довольствуется таким количеством пищи, при котором европеец едва ли может существовать.»

                          Абон та ?
              V. Скᴂнын хатдзᴂгтᴂ.
              VI. Кᴂронбᴂттᴂн.
              VII. Хᴂдзармᴂ куыст.