Внеклассное мероприятие "Няньöн-солöн" (Хлебом-солью): писатели Удоры
материал (5, 6, 7, 8, 9, 10, 11 класс) на тему
Конспект внеклассного мероприятия ознакомительного характера с творчеством писателей Удорского района. Работа представлена на коми языке.
Скачать:
Предварительный просмотр:
Няньöн-солöн
(внекласснöй мероприятие)
Юргö «Няньöн-солöн» сьыланкыв, кодöс сьылö Политова Анастасия | |
Ведущöй: | Ок и няня-сола миян Удораным, паськыд Коми мулöн юкöн. Удораса войтыр пыр радöсь примитны гöсьтъясöс, лун кöть вой… Видза оланныд пыдди пуктана велöдчысьяс да велöдысьяс. Корам тіянöс пукалыштыны миян рыт вылын, кодöс ми нимтім «Няньöн-солöн» да тшöтш корам видлыны миянлысь чыд няньнымöс, мед тіян ставныдлöн олöмыс лоас пöтöсаöн да шудаöн. (Пöжас гöсьтъяс пöвстын разöдöм). Удора ным миян озыр и мича да сук вöрöн, и вöрса пöткаöн, и Мозынса да Вашкаса чериöн, а нöшта Удора озыр нималана гижысьясöн. Районын литература кутіс сöвмыны Великöй Отечественнöй война бöрын. |
Слайд 1 | Роч, коми да немеч кыв велöдысь, медводдза удораса поэт Владилен Васильевич Крюков петкöдіс гижан ордым вылö ассьыс быдтасъяссö. Сыöн лöсьöлöм «Удораса пионеръяс» кружокын сöвмöдісны ассьыныс гижан сям талунъя Коми республика пасьта нималана гижысьяс. (Кывбур лыддьö Политова А.А.) Муöдз копыр, чужан муöй! Чужин тышын, ёнмин уджын Да век содтан мунан öд, Кузь да славнö туй тэ вуджин. Коді Коми му оз тöд?! Куим орден морöс вылад Югзьöдöны енэж лöз. Тані олö уна кыла Уджач, вына, тэрыб йöз. Воркута, Ухта, Печора – Кымын гырысь лыбис кар… Водзлань воськовъясыд чорыд, Сьöлöм морöсад век жар. Мойд кодь мича пуксис олöм, Радлö-ворсöдчö том лов. Муöдз копыр, би пöсь чолöм Парма чуркйö, ов да ов! |
Слайд 2 | «Тан менам сьöлöмöй» гижис коркö ас кывбурын Удора йылысь Альберт Егорович Ванеев. Сійö чужіс 1933-öд вося июль 18-öд лунö Буткан сиктын. Помавліс Косланса шöр школа. Буретш тайö школаын велöдчигöн и заводитчис сылöн гижан ордымыс: ассьыс медводдза кывбуръяс Альберт Ванеев лöсьöдіс «Удораса пионеръяс» литературно-творческöй кружокын да 1949-öд воын нин йöзöдіс «Войвыв кодзув» журналын. Помавліс Коми пединститут да Наукаяс академиялöн Коми филиалын аспирантура, шедöдіс филология наукаса кандидат ним. Пырис СССР-са гижысь котырö. И.А.Куратов нима государственнöй премияа лауреат, Коми Республикаса поэт. Гижис да йöзöдліс кывбура да литературоведческöй кызь сайö небöг. Кувсис нималана гижысь 2001 воын. Но Удора дорö ловъя муслуныс коли Альберт Ванеевлöн кывбуръясас. (Кывбур лыддьö Долгина Анна) Менам Удора Аттьö тэд, Удора менам, Аттьö, мый ме тэнад пи, Аттьö, мый югзьöдö нэмöс Тэнад шань мывкыдлöн би. Тан колö чужны, Тан колö кужны Сьöлöмтö ызйöдны нэм: Удора, Удора, - Кык мича ю дорын, Вашка да Мозын кöн эм. Кывзысьö олöмлöн шыас Пожöмöн пасьтасьöм му: Öмидз кодь тан асъя кыа, Лысва кодь югыд тан ю. Шудсö ми удж помысь перъям: Тöдам и пила, и гор, Тракторöн кыскалам керъяс – Зарниысь-зарниджык вöр. Эновтöм пельöсöн сійöс Важöн нин некод оз шу – Бур йöзлöн сьöлöмöн, киöн Шызьöдöм, ловзьöдöм му. Тан колö чужны, Тан колö кужны Сьöлöмтö ызйöдны нэм: Удора, Удора, - Кык мича ю дорын, Вашка да Мозын кöн эм. |
Слайд 3 | Юрий Константинович Васютов чужліс 1931-öд вося ноябр 14-öд лунö Новоросийскöй областьса Орский Бор нима грездын, но 1932 воын бать-мамыс воисны Удораö, и сэксянь Кослан сикт лои гижысьлы мöд чужа-нінöн. Велöдчис радистъясöс велöдан курсъяс вылын, уджавліс леспромхозын. Помавліс Ленинградса Высшöй партийнöй школа. Уджавліс жур-налистöн, Гижысьяс котыр правлениеса весь-кöдлысьöс вежысьöн. 1973 восянь вöлі Россияса гижысьяслöн котырын. Юрий Васютов гижис и верстьöлы, и челядьлы, йöзöдліс 15 сайö небöг. Пенсия вылö петöм бöрын гижысь муніс Сыктывкарысь Удораö, кöн уна вын сетіс коми кыв видзöмлы да сöвмöмлы. (Кывбур лыддьö Политова А.А.) * * * Тані пожöмъяс да козъяс, Виддза ковтыс, кыддза рас, Ю дор крежйыс медся озыр, Татчöй йöзыс медся ас. Ыбсö ачым вöвлі гöрысь, Пыдди пуктыліс колхоз. Кадыс эськö вöлі сöрысь, Но ме эски: тані – поз. Олан пöс тані кöлі, Кор на вöлі йöй да том, Пöтьлöс пыжö кыкöн сöлім Корсьны визую юлысь пом. Ставсö öтув лёксö венам, Бурнас овны он тай тöр… Тайö Удораöй менам, Тайö менам сьöлöмшöр |
Слайд 4 | Евгений Афанасьев чужис 1942-öд вося октябр 16-öд лунö Мукты грездын. Куим во велöдчис чужан грездын, а сэсся став семьянас вуджисны Пызьдін сиктö. Армия бöрын Евгений помаліс Ленинградса университет. Некымын во уджаліс школаын физкультура велöдысьö. Уна во вöлі фотокорреспондентöн «Выль туйöд» газет редакцияын. Газетын уджалігöн и заводитіс гижны нюмсера висьтъяс. Гижл[a]іс верстьöлы и челядьлы. |
Слайд 5 | Галина Васильевна Бутырева чужис 1944-öд воö Удора районса Йöртымдін сиктын. Помаліс Сыктывкарса педінститут. Коми литератураö пырöдчис 1980-öд воясö. Уджалö «Арт» журналын редакторöн. Чужан му йылысь кывбуръясысь сідз и кылан муслун да мелілун… (Кывбур лыддьö Политова Олеся) Йöртымдінö-чужанінö, ог и волы тэтöг инö, тэтöг меным векö кöдзыд, вексö зэра, вексö тöла, синмам вексö синва сöдзö, ачым вексö киа-пöла. Йöртымдінö-чужанінö, ог и волы тэтöг инö, ай-мам гортö, бур йöз ордö туйыс паськыд – векнявлытöм, кодкö сійöс вексö вордö, вексö кольö помасьлытöм. |
Слайд 6 | Пётр Бушенев чужліс 1956-öд воын Мутьдінын. Быдмис-верстявмис Ыджыдъяг посёлокын. Öні олö Косланын. Помавліс Косланса шöр школа. Коми пединститут помалöм бöрын уджавліс велöдысьöн шöр школаын, ДЮСШ-ын директорöн. Öні уджалö «Выль туйöд» газет редакцияын. Медводдза кывбур гижис школаын велöдчигöн на. Ассьыс гижöдъяс йöзöдліс «Войвыв кодзув» да «Чушканзі» журналъясын, районса да республикаса газетъясын, «Парма гор», «Öшкамöшка» да мукöд öтувъя сборникын. Петалісны и торъя кывбур чукöръяс: «Син водзын» (1989) да «Пипу кор» (1993). Уна гижöд сиис чужан Мулы – Удоралы. (Кывбур лыддьö Мартюшева Валерия) Мый меным чужан сиктöй? И ар, и тöв, и тулыс, И катшасинысь сикöтш, И ачыс гожся муыс, И югыд кыддза расъяс, И шлывгысь Мозын юыс, И рöдвужöйлöн пасъяс, Кöн налöн куйлан гуыс, И пöрысь пöчлöн кывъяс, Мый пиянсö он юкырт, И рытъя сьыланкывъяс… И вöлись – керка чукöр. |
Слайд 7 | Нина Обрезкова ас йылысь гижис: «Чужи ме эськö Косланын, но кык да джын арöссянь олі Глотово-Слöбöдаын, да сійö и кольöма паметьын и лолын чужан сиктöн. Мукöд челядь моз велöдчи, гожöмнас купайтчи, чери кыйи, тшак-вотöс воті, ытшки-курті… унаторйö олöмас веліс ыджыд мамö – Ольга Фёдоровна Коновалова. Кослан школа помалöм бöрын велöдчи линотипистö, сэсся велöдчи Сыктывкарса университетын, филология факультетса коми юкöнын. Сы бöрын уджавлі фольклор театрын, школаын, газет-журналын, университетын. Первой гижöд петавліс 1985 воын «Войвыв кодзув» журналын, сы бöрын уна газет-журналын, öтувъя сборникъясын и миян республикаын, и ылі муясын. Россияса гижысьяс котырö пыра 2005 восянь. Уна му лои кытшовтöма, но сöмын Слöбöдаын позьö ветлыны гожöмнас кöмтöг да тöдны, мый сöмын тані ме гортын…» Коркö воан гортад ыджыд мортöн, Сöмын пыригад эн зурась… Миян öдзöс белльыд ляпкыд – Гортад пыриг – юртö копырт… |
Слайд 8 | Алексей Вурдов – гижысь, кодöс ті ставöн бура тöданныд. Ас йылысь сійö висьталö: «Менам ай-мамö, Иван Андреевич да Мария Фёдоровна, петлöмны Удора районса Слöбöда Яг грездысь. 1952 воын том гозъя мунöмаöсь стрö-итчысь Инта посёлокö, сэні ме и чужи 1956 вося февраль 21-öд лунö. 1958 воын бать-мам бöр воасны Удораö. Сійö кадсянь ме быдми Слöбöда Ягын, да лыддя Удора мусö чужанінöн. 1973 воын Косланса шöр школа помалöм бöрын муні велöдчыны Архангельскса лесотехническöй институтö. Помалöм бöрас уджалі лесово-дöн Архангельскса мехлесхозын, сэсся милицияын, и уна во веськöдлі «спецназ» подразделениеöн. Архангельскысь кындзи олі и Москваын, но сьöлöмö век кыскис ас муö, и 1998 воын бöр локті Удораö. Пöшти 25 во уджалі роч муын, но чужан кыв эз вун. Да и кыдз сійöс позьö вунöдны? Öд дзолясянь на мам йöвкöд тшöтш лелькуйтіс сійöс лов пытшкын вöр-валысь кöр да вежöр». |
Слайд 9 | Светлана Говорухина чужис 1959 вося апрель 5-öд лунö Сыктывкарын, быдмис Косланын. Помаліс СГУ-са филология факультет. Уна во уджаліс Ёдсаса школаын велöдысьöн. Кывбуръяс заводитіс гижны ичöтсянь на, рочöн и комиöн, но йöзöдчыны заводитіс неважöн на. (Кывбур лыддьö Политова Кристина) Донаöй, мусаöй, тэ, менам Удора, кыскан пыр ас дорад шондіа югöрнад, медмича эрдъяснад, чöскыд ва юкмöснад, вотöса вöръяснад, мам кöра сынöднад. Кöть эськö ылынкодь ола мет э дорысь, кор бара удайтчас тэ дорö волыны – топыда кутлöмöн помтöг на сывъяла, мед некор не вунöдны пöттöдз на окала. |
Слайд 10 | Антонина Гордеева чужис 1960 вося октябр 2-öд лунö. Помаліс Косланса шöр школа, сэсся Сыктывкарса медицинскöй училище, 10 во уджалі лаборантöн Удора районса шöр больничаын. Кывбуръяс да висьтъяс гижö кöкъямыс классянь. Öткымын кывбур лои сьыланкывйöн, шыладсö налы лöсьöдіс Михаил Скомороков. (Кывбур лыддьö Феофилова Елена) Удора Тан йöзыс кöдзыдысь оз повны, Кöть тöлыс кузь, а гожöм дженьыд. Кöн чужлін тэ, тэд сэн и овны, Кöть арнас войясыс зэв пемыд. Удора, Удора, менам тэ Удора, Мича шальяс томиник ныв. Удора, Удора, Менам тэ Удора, Кылан-О менсьым тэ сьыланкыв? Тувсов шондіыс гажöдас синтö, Вежöн пасьтасяс кыдз пу и видз. Менам сьöлöмöй ёнджыка тіпкö, Войвыв пармалысь аддза кор мич. Удора, Удора, менам тэ Удора, Мича шальяс томиник ныв. Удора, Удора, Менам тэ Удора, Кылан-О менсьым тэ сьыланкыв? |
Слайд 11 | Альбина Селиванова чужис Удора районса Вачертыдінын 1942-öд вося октябр 7-öд лунö. Помаліс Сыктывкарса педагогическöй институт филология факультет, сы бöрын мöдöдлісны велöдны челядьöс Пыисдін школаö. Кык во уджаліс Пыисдінын. Сы бöрын кызь вит во ёртасис «Выль туйöд» газет редакциякöд. Тайö воясö жö заводитіс гижны кывбуръяс. Гижö верстьöлы и челядьлы. Серпасалö ас кывбуръяс. Петаліс нин кывбуръяса кык асшöр чукöр. (Кывбур лыддьö Гордеев Алексей) Зарни ар Зарни арыс воис, Гöгöр зарни койис. Вöрыс нач нин зарни. Весиг абу жар нин. Уна рöма арыс Мый нин мекöд керис… Лунтыр шöйта вöрын – Муса сьöлöмшöрын. Зарни кывъяс öкта. Тадзи сьöлöм тшöктö. Кывбур артмö наысь, Аттьö арлы таысь. Пипулысь да кыдзлысь Вашкöдчöмсö кывзі. Вöр серпасъяс лыдди, Найöс пукті пыдди. Мичыс вöрын тырмö: Нимкодяси дыр на. Уна рöма арыс Кывбур кудйö тöрис. Сэсся кушмис вöрыс. Вошис зарни кöрыс. |
Слайд 12 | Анастасия Павлова чужис 1984 вося кос му 22-öд лунö Пыисдін сиктын. Помаліс СГУ-са финно-угорскöй факультет. Сэсся некымын во уджаліс Усогорскса школаын коми кыв да литература велöдысьöн. Öні «Удора» муниципальнöй районса администрацияын йöзкöд уджалысь специалист. Медводдза гижöдъяс петалісны роч кыв вылын школаын велöдчигöн на. 2001 восянь гижö сöмын комиöн. (Кывбур лыддьö Феофилов Максим) Кутшöм паськыд Коми му! Гулыд вöр да визув ю, Сьылысь лэбач, ытшкöм видз – Гöгöр аслыспöлöс мич. Йöзыс тані олö шань: Удал зон да рочакань, Киподтуя, уджач, бур, Некöн татшöмыс оз сюр. Коми муын менам горт, Бать-мам, пöль-пöч, медбур ёрт. Тані уджала да ола, И ас йöзлы, чайта, кола |
Слайд 13 | Евгения Лобанова чужис 1989 воö Сёльыб сиктын. Сизим класс помалöм бöрын пырис велöдчыны Коми Республикаса Юралысь бердса искусство гимназияö. Öні велöдчö СГУ-са филология факультетын. Университет помалöм бöрын кöсйö лоны журналистöн. Кывбуръяс заводитіс гижны школаын велöдчигöн, кык во велöдчис «Том гижысьяслöн гожся университетын». (Кывбур лыддьö Будрина Юлия) Коми кыв Небыд коми кывйöн корас мамöй, Коми кывйöн сёрнитö нывъёрт, Коми кывсö гöгöрвоö каньöй, Коми кывйöн бабöй лыддяс мойд. Чужан кывтöг олöмöс ог аддзы, Сытöг, гашкö, эз вöв Коми му, Коми кывсö радейта ме сідзи, Мый öти кывйöн он на тай и шу. Аттьö тэныд, мусса дона кывйöй, Аттьö тэныд сы вöсна, мый эм. Сиа мича чужан коми кывлы Дзоньвидзаöн овны уна нэм! |
Слайд 14 | А мыйтöмъя на эм миян удораса гижысьыс: Борис Палкин, Леонид Палкин,Ю Анатолий Афанасьев, Эраст Ванеев, Михаил Худяков, Елена Афанасьева, Тамара Чиркина, Александр Вылегданин, Роман Котенко… А мыйтöмъя на, гашкö, лоас. И вермас лоны, мый татöн пукалысьяс пöвстын коркö чужас коми гижысь, удораса гижысь. |
Кык вежон чöж миян школаын нуöдчисня коми культуралы сиöм лунъяс: начальнöй класса велöдчысьяс петкöдлісны ас тöдöмлунъяс вöрса олысьясöс тöдöмын, 6-5-öд класса велöдчысьяскöд ветлім путешествиеö Коми мусянь Финляндияöдз, 8-öд класс тöдмасисны Степан Пермскöйкöд да сылöн анбуркöд, найö гижисны меным весиг неыджыд запискаяс анбурса шыпасъяс отсöгöн. 9-11-öд класса велысьяс ордйысисны литератураысь тöдöмлунъясын. 5-9-öд класса нывъяскöд велöдчим пöжасьны коми шаньгаяс да манникъяс. Ок и чöскыд пöжас жö нывъяслöн артмöмам! Вöлі дасьтöма и оформитöма кык уголок: «Коми Кухня» да «Ми петім öти вужйысь…: финн-угор войтыр йылысь» А таысь кындзи вöлі нуöдöма коми мулöн история бура тöдöм вылö викторина, вуджöдысьяслöн конкурс да серпасалысьяслöн конкурс. И кодъяс жö лоисны миян вермысьясöн? Викторинаын вермысьясöн лоисны Феофилова Елена, Политова Кристина и Мартюшева Валерия. Корам найöс петавлын миян дор. (Грамотаяс да призъяс сетöм). Вуджöдысьяслöн конкурсын вермысьöн лоис сідз жö Феофилова Елена. Мöд места юкисны Политова Кристина да Политова Олеся. | |
Кута лача, мый мöд воö ті кутанныд участвуйтны конкурсъясын активнöйджыка. Сиа тіянлы став бурсö. Та вылын миян рыт помассьö |
Предварительный просмотр:
Подписи к слайдам:
Роч , коми да немеч кыв велöдысь , медводдза удораса поэт Владилен Васильевич Крюков петкöдіс гижан ордым вылö ассьыс быдтасъяссö . Сыöн лöсьöлöм « Удораса пионеръяс » кружокын сöвмöдісны ассьыныс гижан сям талунъя Коми республика пасьта нималана гижысьяс .
Альберт Егорович Ванеев . Сійö чужіс 1933-öд вося июль 18-öд лунö Буткан сиктын . Помавліс Косланса шöр школа. Буретш тайö школаын велöдчигöн и заводитчис сылöн гижан ордымыс : ассьыс медводдза кывбуръяс Альберт Ванеев лöсьöдіс « Удораса пионеръяс » литературно-творческöй кружокын да 1949-öд воын нин йöзöдіс « Войвыв кодзув » журналын . Помавліс Коми пединститут да Наукаяс академиялöн Коми филиалын аспирантура, шедöдіс филология наукаса кандидат ним. Пырис СССР-са гижысь котырö . И.А.Куратов нима государственнöй премияа лауреат, Коми Республикаса поэт. Гижис да йöзöдліс кывбура да литературоведческöй кызь сайö небöг . Кувсис нималана гижысь 2001 воын . Но Удора дорö ловъя муслуныс коли Альберт Ванеевлöн кывбуръясас .
Юрий Константинович Васютов чужліс 1931-öд вося ноябр 14-öд лунö Новоросийскöй областьса Орский Бор нима грездын , но 1932 воын бать-мамыс воисны Удораö , и сэксянь Кослан сикт лои гижысьлы мöд чужа-нінöн . Велöдчис радистъясöс велöдан курсъяс вылын , уджавліс леспромхозын . Помавліс Ленинградса Высшöй партийнöй школа. Уджавліс жур-налистöн , Гижысьяс котыр правлениеса весь-кöдлысьöс вежысьöн . 1973 восянь вöлі Россияса гижысьяслöн котырын . Юрий Васютов гижис и верстьöлы , и челядьлы , йöзöдліс 15 сайö небöг . Пенсия вылö петöм бöрын гижысь муніс С ыктывкарысь Удораö , кöн уна вын сетіс коми кыв видзöмлы да сöвмöмлы .
Евгений Степанович Афанасьев чужис 1942-öд вося октябр 16-öд лунö Мукты грездын . Куим во велöдчис чужан грездын , а сэсся став семьянас вуджисны Пызьдін сиктö . Армия бöрын Евгений помаліс Ленинградса университет. Некымын во уджаліс школаын физкультура велöдысьö . Уна во вöлі фотокорреспондентöн « Выль туйöд » газет редакцияын . Газетын уджалігöн и заводитіс гижны нюмсера висьтъяс . Гижліс верстьöлы и челядьлы .
Галина Васильевна Бутырева чужис 1944-öд воö Удора районса Йöртымдін сиктын . Помаліс Сыктывкарса педінститут . Коми литератураö пырöдчис 1980-öд воясö . Уджалö « Арт » журналын редакторöн . Чужан му йылысь кывбуръясысь сідз и кылан муслун да мелілун …
Пётр Бушенев чужис 1956-öд воын Мутьдінын . Быдмис-верстявмис Ыджыдъяг посёлокын . Öні олö Косланын . Помавліс Косланса шöр школа. Коми пединститут помалöм бöрын уджавліс велöдысьöн шöр школаын , ДЮСШ-ын директорöн . Öні уджалö « Выль туйöд » газет редакцияын . Медводдза кывбур гижис школаын велöдчигöн на. Ассьыс гижöдъяс йöзöдліс « Войвыв кодзув » да « Чушканзі » журналъясын , районса да республикаса газетъясын , «Парма гор», « Öшкамöшка » да мукöд öтувъя сборникын . Петалісны и торъя кывбур чукöръяс : « Син водзын » (1989) да « Пипу кор » (1993). Уна гижöд сиис чужан Мулы – Удоралы .
Нина Обрезкова ас йылысь гижис : « Чужи ме эськö Косланын , но кык да джын арöссянь олі Глотово-Слöбöдаын , да сійö и кольöма паметьын и лолын чужан сиктöн . Мукöд челядь моз велöдчи , гожöмнас купайтчи , чери кыйи , тшак-вотöс воті , ытшки-курті … унаторйö олöмас веліс ыджыд мамö – Ольга Фёдоровна Коновалова. Кослан школа помалöм бöрын велöдчи линотипистö , сэсся велöдчи Сыктывкарса университетын . Первой гижöд петавліс 1985 воын « Войвыв кодзув » журналын , сы бöрын уна газет-журналын , öтувъя сборникъясын и миян республикаын , и ылі муясын . Россияса гижысьяс котырö пыра 2005 восянь »
Алексей Вурдов Ас йылысь сійö висьталö : « Ме чужи 1956 вося февраль 21-öд лунö Интаын . Челядьдыр коли Слöбöда Ягын . 1973 воын Косланса шöр школа помалöм бöрын муні велöдчыны Архангельскса лесотехническöй институтö , сэсся уджал i милицияын , и уна во веськöдлі «спецназ» подразделениеöн . Архангельскысь кындзи олі и Москваын , но сьöлöмö век кыскис ас муö , и 1998 воын бöр локті Удораö ».
Светлана Говорухина чужис 1959 вося апрель 5-öд лунö Сыктывкарын , быдмис Косланын . Помаліс СГУ-са филология факультет. Уна во уджаліс Ёдсаса школаын велöдысьöн . Кывбуръяс заводитіс гижны ичöтсянь на, рочöн и комиöн , но йöзöдчыны заводитіс неважöн на.
Антонина Гордеева чужис 1960 вося октябр 2-öд лунö . Помаліс Косланса шöр школа, сэсся Сыктывкарса медицинскöй училище, 10 во уджалі лаборантöн Удора районса шöр больничаын . Кывбуръяс да висьтъяс гижö кöкъямыс классянь . Öткымын кывбур лои сьыланкывйöн , шыладсö налы лöсьöдіс Михаил Скомороков .
Альбина Селиванова чужис Удора районса Вачертыдінын 1942-öд вося октябр 7-öд лунö . Помаліс Сыктывкарса педагогическöй институт филология факультет, сы бöрын мöдöдлісны велöдны челядьöс Пыисдін школаö . Кык во уджаліс Пыисдінын . Сы бöрын кызь вит во ёртасис « Выль туйöд » газет редакциякöд . Тайö воясö жö заводитіс гижны кывбуръяс . Гижö верстьöлы и челядьлы . Серпасалö ас кывбуръяс . Петаліс нин кывбуръяса кык асшöр чукöр .
Анастасия Павлова чужис 1984 вося кос му 22-öд лунö Пыисдін сиктын . Помаліс СГУ-са финно-угорскöй факультет. Сэсся некымын во уджаліс Усогорскса школаын коми кыв да литература велöдысьöн . Öні « Удора » муници-пальнöй районса администрацияын йöзкöд уджалысь специалист. Медводдза гижöдъяс петалісны роч кыв вылын школаын велöдчигöн на. 2001 восянь гижö сöмын комиöн .
Евгения Лобанова чужис 1989 воö Сёльыб сиктын . Сизим класс помалöм бöрын пырис велöдчыны Коми Республикаса Юралысь бердса искусство гимназияö . Öні велöдчö СГУ-са филология факультетын . Университет помалöм бöрын кöсйö лоны журналистöн . Кывбуръяс заводитіс гижны школаын велöдчигöн , кык во велöдчис «Том гижысьяслöн гожся университетын ».
удораса гижысьяс : Борис Палкин Леонид Палкин Анатолий Афанасьев Эраст Ванеев Михаил Худяков Елена Афанасьева Тамара Чиркина Александр Вылегжанин Роман Котенко
По теме: методические разработки, презентации и конспекты
Внеклассное мероприятие по теме "Писатели"
Внеклассное мероприятие по теме "Писатели" для 6 класса....
![](/sites/default/files/pictures/2012/04/09/picture-76680.jpg)
Урок внеклассного чтения в 5 классе по сказкам русских писателей. С.Т.Аксаков "Аленький цветочек". М.Ю.Лермонтов "Ашик-Кериб". В.Ф. Одоевский "Городок в табакерке"
Урок в форме командной игры помогает вызвать интерес учащихся к внеклассному чтению и позволяет учителю проконтролировать изучаемый материал...
Брошюра "Писатель и время" (уроки внеклассного чтения по произведениям зарубежных писателей)
Брошюра "Писатель и время" (уроки внеклассного чтения по произведениям зарубежных писателей)...
![](/sites/default/files/pictures/2013/09/29/picture-305158-1380454087.jpg)
Уроки внеклассного чтения по творчеству русских писателей
Урок внеклассного чтения по творчеству русских и советских писателей для начальной школы...
Методическая разработка внеклассного мероприятия "Великий писатель - Л. Н. Толстой на нашей Алексеевской земле"
Урок=экскурсия...
![](/sites/default/files/pictures/2016/02/07/picture-751259-1454844211.jpg)
Внеклассное мероприятие по английскому языку "Сказки английских писателей"
Данная разработка знакоми обучающихся 5-7 классов со сказками известных английских писталей, таких как А. Милн, Л.Кэрол, П. Треверс и других, сказки и рассказы которых вошли в историю мировой художест...
![](/sites/default/files/pictures/2024/01/29/picture-1509171-1706543660.jpg)
Внеклассное чтение. М. А. Осоргин «Пенсне». И. С. Шмелев «Как я стал писателем». Писатели улыбаются
Конспект урока внеклассного чтения в 8 классе...