Аволь классо ловнома урок - семинар И. Калинкинэнь "Пиче вирь" повестензэ коряс
план-конспект урока (11 класс) на тему

  Наименование  ОУ -           Бюджетное муниципальное

                                               общеобразовательное   учреждение                              

                                                 «Поселковская  средняя школа№2»

                                                  Атяшевский муниципальный район

Почтовый индекс и адрес ОУ -    431800,   Республика Мордовия                                                                                          

                                                             Атяшевскиий муниципальный   район,

                                                           р.п. Атяшево, ул. Большевистская д. 105

       Телефон                                        -  8 (83434) 2-58-11

Сценарии уроков

• Пертьпельксэнь мазычинть ванстомадо мельтне - превтне И. А. Калинкинэнь « Пиче вирь » стихсэ повестьсэнть. 11 – це классо
• Презентация к уроку

• Кортамонь кастомань урок 5 – це классо

                ГРАММАТИКАСЬ  НАЛКСЕМАСО

(Фонетика, орфография келень пельксэнть коряс)

• АВОЛЬ КЛАССО ВАЖОДЕМА

              «Инжекс Вирьавантень»

Автор:

        Ф.И.О.   -  Сигимова Надежда Геннадьевна

        Должность – учитель родного (эрзянского) языка и литературы

        Рабочий телефон -  8 (83434) 2-58-11,  (8 917 990 88 71)

МБОУ «Посёлкань омбоце 2-це № школась»

Отяжбуе ёнксось

Аволь классо ловномань урок  11- це классо

Пертьпельксэнь мазычинть ванстомадо мельтне - превтне И. А. Калинкинэнь « Пиче вирь » стихсэ повестьсэнть.

Анокстызе ды ютавтызе:

эрзянь келень ды тиринь литературань тонавтыцясь

Сигимова Надежда Геннадьевна

Аволь классо ловнома урок – семинар 11- це классо

  Темась:  Пертьпельксэнь мазычинть ванстомадо мельтне - превтне И. А. Калинкинэнь « Пиче вирь » стихсэ повестьсэнть.

 Бажамотне : 1) анокстамс тонавтницятнень максозь произведениянть смустензэ седе домкасто чарькодеме;

 2) невтемс, кодамо певтеме, мазый ды сюпав минек тиринь ёнксось; тешкстамс, кода ды кить кармить ванстомо неть сюпавчитнень;

 3) маштомс геройтнень тевест - валост коряс обуцянь башка ёнкстнэнь панжомо ды карадо - каршо путозь характеристикань максомо;

 4) кастомс тонавтницятнень кель - валонь сюпавчист.

 Тевс нолдазь кедьёнкстнэ: Поэтэнть портретзэ, книгань  невтелма , компьютер, магнитофон, эйкакшонь артовкст, тест, сёрмадовкст.

• Уцяскась - те улемс пертьпельксэнть марто, неемс сонзэ, кортамс мартонзо.

                                                  Л. Н. Толстой.

• Ломанесь, кона чарькодьсы пертьпельксэнть - лембе ойме, ванькс.

                                                                          Л. М. Леонов.

• Весе, мезе перькат тон неят:

Цецят, лугат, пиже вирть, лейть-

Лагмолгавт сынст - ине тев теят,

Эрьва таркасо истя тейть.

                                                  А. Моро.

                      Уроконь молема лувось.

 1. Уроконь пурнамонь – теемань шка..

 2. Ютазенть мельс ледстямось.

• Тестэнь коряс важодема.
• Кодамо произведениясто саезь неть саевкстнэ?

1) …Седеесь свал  велявтсь ды тердсь Бездна лей чирев, косо аштесь сынст кудост,

 секс сон кадызе Алтыш веленть апак ризнэ, апак тално.Мельспаросо эскелясь вирень кияванть ды састынькине  вешксь турвасо.Вирьсэнть экше, сундерькс - чопода, чувтонь тусто тарадтнэнь юткова шкань - шкань менькшни маней чинть валдозо ды сырнень цитниця покольнекс певерькшни кичирень сэрей тикшенть потс.

  а) «Эрзянь цёра»,     б) «Лажныця Сура»,    в) «Покш  ки лангсо умарина».

2)     Моли Паша атя вирьганть нуцьканзо марто. Вечксы сон виренть. Чувтнэнь марто арси, сынст марто корты. Варшты нувара тумонть лангс, карми эйсэнзэ позорямо: «Станот покш - лезэ эйсэнзэ арась. Ков истя нуварьгадыть? Виздевлить бу шабрадот: ванта,  струнакс венстявсь менелентень!»

   а) «Виренть велькссэ шум»,     б) «Вирязонь нуцьказо »,    в) «Кавонст кудат»

 3)  Варма синсть арась вирьсэнть, ялатеке чувтотне аламодо лыкить, маряви аволь покш талнома. Те истя тундось сыргась

      а) «Галё»,          б) «Килей ведь»,       в) «Идем галат».

• Кинь неть валтнэ ?

                      Сон арси:

                      «Природантень молемс панжозь ойме марто свал , эряви  азоркс ды оякс тензэ улемс»

   а) Митяй атянь ,      б) Стёпа атянь,     в) Михалонь.

Тонавтыцясь: - Эйкакшт, нама, тынь чарькодиде, тесттнэсэ весе кармавтоматне сюлмазь сеть произведениятнень марто, конатнесэ ванстови, кепедеви пек покш, эрявикс проблемась - пертьпельксэнть ванстомась « Эряви вечкемс ды ванстомс пертьпельксэнть» Неть валтнэ минек эрямосонть марявить яла сеедьстэ ды сеедьстэ. Ванстомс виртнень, лейтнень, эрькетнень, сёлттнэнь, ракшатнень, нармунтнень - те ванстомс масторлангонть  сюпавчинзэ, мазычинзэ. Зяро  сёрмадозь тень кувалма!

   Минек эрямось а явови пертьпельксэнть эйстэ. Сон анды, симди, орши минек эйсэ. Сон пек сюпав ды максы эрьва мезе. Пертьпельксэнь мазычись кенярдовты эрьва ломаненть. Ламо стихотвореният, артовкст, музыкальной произведеният чачсть сонзэ вечкемадонть.

• Уроконь теманть коряс важодема.

   Тонавтыцясь: Течинь уроксонть минек кортамось карми молеме И. Калинкинэнь      «Пиче вирь» стихсэ повестензэ коряс.

   Мокшэрзянь литературоведэсь ды критикесь М. Г. Имяреков тешксты: - Иван Алексеевичень творчествасо сехте неявикс таркасо ашти « Пиче вирь »  стихсэ повестесь. Сон алтазь течинь пек эрявикс кевкстемантень - кода ванстомс пертьпельксэнть. Поэтэсь седейшкава ёвтни Чукало веледенть, конань перька касы пиче виресь. Сонзэ кастызе Степан атя ды ней вансты эйсэнзэ. Те тевентень тонавты Федянь, Колянь. Авторось седейшкавань валсо ёвтни Нинань ды Колянь ютксо пси вечкемадонть. Поэтэсь невтизе сыре ды од ломантнень ютксо сюлмавкстнэнь, од ломантнень касомань кист - яност, сынст обуцянь ёнксост. Художественной образсо, тешкссэ Иван Калинкин панжинзе прявт геройтнень ойме виест.

   Седеяк пштилгады сюжетной киксэсь, зярдо поэтэсь панжи конфликттнэнь юрост. Сон жо вана мейсэ: колхозонь прявтось Фёдор Бовин кармавты чувтотнень эйстэ чудевтеме пиче ой ды керямс пиче виренть. Бути топавтомс прявтонь мельтнень, весе те канды зыян ломантненень ды паксятненень. Колхозонь прявтонть каршо сти видечинь кис аштицясь, Степан атя.

  -  Кунсолови тонавтницянь ёвтамо: «Виресь - раськень сюпавчи» (зярдо тонавтницясь ёвтни , компьютерга невтевить картинат, косо невтеви виресь)

              Виресь - те эрямо, сюпавчи, эрямо тарка, кекшема тарка, мазычи, ванстыця …Ломанесь а эряви виртеме. Виресь - те минек Мода планетанть тевелявонзо. Виресь лезды ванстомс летькенть модасонть, сонстемензэ коськевельть бу лейнетне ды эрькетне, авольть максо урожаенть паксятне. Сонзэ марто ломанесь сюлми весе эрямонзо. эдь а стяко минек покштянок - бабанок бажасть путомс кудот виренть малас эли овсе вирьс. Цецясо, пиже тикшесэ ацазь  кужосо ютавтневсть озкст, оймсесть. Виресь ванстылинзе кайсевиця яттнэде, даволтнэде ды лия апаро, аучовикс тевтнеде,  андылинзе ды оршилинзе, казсь ды нейгак кази аёвтавикс мазычи эрьва кодамо иень шкасто.

    Васов а эряви якамс: моньгак чачома велем сравтовсь пек мазый таркасо.Пандо прява таргавсь човор виресь, кона кази тенек мазычи, кеняркс.Мон пек вечкан варьга якамо. Вирев совамсто мон прок ёвксос понган:чувтотне, буто ломанть, састыне чаравтыть прясост, лиясто эшкеват тарадтнэс- кедезэст, а лиясто , прок вечкиця авань кедь, чевтестэ вадяшатадызь пря ланга. Пильге алов понгонить эрьва кодат вишка мазый цецинеть, лопинеть.А зяро вирьсэнть эрьва  кодат сееремат каятыть пилезэть! Ве ёно нармунтне ушодсызь то весёла, то соланя морост, омбоце ёндо эли овсе маласто маряви куконь  кукордома, косо - бути васоло марявить човине вайгельнеть. Кодамо паро , ванькс вирьсэ коштось! Лексят, прок вий пурнат, одс чачат. Шождасто кепсеви мештеть…

  Пек паро ды весёла вирень эрямось! Эряви ансяк сонзэ неемс, марямс , ванстомс свал.

     Тонавтыцясь: Ванстомс! Теде ламо кортазь и промкссо, и инекужотнесэ. Сёрмадозь ламо статьят, нолдазь законт. Бути эрьванть оймесэ а карми тарка вечкема      пертьпельксэнтень, сестэ кортамскак  а мезть.

   - Тонавтниця ёвтни стихотворения: (паро ули, бути сонсь  арсизе . (ёвтнемстэ стамбарнэ маряви музыка)

 -   Морави моро «Вирь» (валтнэ М. Безбородовонь  ж. «Чилисема»)

 -  Ёвтневи нурькинестэ произведениянть содержаниязо.

             Ваннови «Пиче вирь» стихсэ сёрмадозь повестенть образной      

                                   системазо.

Тонавтыцясь   -«Пиче вирь» повестенть образной системазо теезь педе - пес арсезь, сонзэ эйсэ  арась мезеяк аэрявикс. Эрьва образось ашти таркасонзо ды канды содержаниянь панжоманть туртов эсензэ сталмо.

   Степан атянь образось.

  Ломанесь , кона чарькодьсы пертьпельксэнть - лембе ойме, ванькс. Неть валтнэ пек ладить вирьваныентень, Степан атянень.( кунсолови тонавтыцянь ёвтамо)

 Тонавтыцясь Ломантне - а ярмакт, коморо потс а сювордасыть. Обуцяст содамга эряви пондо сал сэвемс. Иетне кеверить эряза киринекс. Кассть - кепететсть Федя Бовин, Николай Рюмин ды Нина.Эрьвась эйстэст кочкась эрямосонть ки. И. Калинкин видестэ панжинзе сынст ёжомарямост. оймень бажамост. Лоаномсто редяви, кода эрямонть лангс а вейкеть вановтост коряс сынь ушодыть а вечкеме вейкест - вейкест эйсэ, мезесь канды ансяк зыян тевест топовтомсто.

     Паро мельть арсят - паро валт  марсят. Кодат мельтне - истят превтне. (тонавтницятне тетрадезэст  сёрмадыть оштё зярыя валмеревкст, конат панжить ломантнень обуцянь ёнкстнэнь)

Николай Рюминэнь образось. (кунсолови тонавтницянь ёвтамо)

Тонавтыцясь Николайнень каршо аравтови эйкакшпорань ялгазо , Федя. Сонзэ обуцясо неявить берянь ёнкст: эсь прядонзо арсемась, манчемась, прявтокс улемстэ каштансто     прянь кандомась…

 Федя Бовинэнь образось. (кунсолови тонавтницянь ёвтамо)

 Тонавтыцясь.Эйкакшчись кадовсь удалов.Учить Нинаньгак од кить - янт. Кодат полавтовкст теевсть те сэтьме ды мелень ваныця тейтерьканть эрямосо? (кунсолови тонавтницянь ёвтамо)

 Нинань образось (кунсолови кортамо) Мейле эсь арсемаст ёвтасызь лиятне.

 -  Повестенть художественной башка ёнксонзо: 

пейзажонть тарказо , лезэзэ весе произведениянть содержаниянзо кеме сюлмавомасонть. (кунсолови ёвтамо, ванновить тонавтницятнень артовксост).

  - Произведениянть кель - валозо.

Тонавтыцясь:   Повестенть художественной виев ёнксокс эряви ловомс  пек мазый ды виев келенть. Художественна -выразительной средстватне тевс нолдавить образтнэнь, обуцятнень панжомаст кис.(кунсолови анокстазь кортамо)

   4.Меельце валось. (обобщениясь)

     Тонавтыцясь: Терявтодо, эйкакшт,  ёвтамо меельце валонк.

    - «Пиче вирь» стихсэ сёрмадозь повестесь ашти покш изнявксокс аволь ансяк И. Калин-

 кинэнь творчествасо, но и весе ютазь пингень мокшэрзянь литературасонть. Сон а ёмавтсы зярдояк эсь питнензэ неень шкастояк. Поэтэсь саезь произведениясонть домкасто невтизе тиринь моданть ды ломантнень ютксо кеме сюлмавкстнэнь, пертьпельксэнь мазычинть ды природань кольстицятнень каршо бороцямонть. положительной геройтнень невти кода паро ды превей ломанекс.

- И.Калинкин колсто ливтинзе лангс пертьпельксэнь ванстомань тевсэнть асатыкстнэнь,

 сёвны азортомочинть, ответственностень амарямонть. Капшамось, тевень педе - пев паро ладсо апак арсемась шкань ютазь канды зыян.

- Те теманть коряс произведениянзо аволь ансяк ёвтнить, истя жо домкасто невтить эрямонть, кармавтыть арсезевеме ломантнень те эли тона проблемадонть, вандынь чиденть.

Тонавтыцясь:  Авторось свал бажи тешкстамо , што  пертьпельксэнть (природанть) эряви ванстомс, сон а кирди лангсонзо нарьгамонь кор.Ули мелем прядомс уроконь теманть коряс важодеманть истямо энялдомасо  ды стихотворениясто саевкссэ:

Эрядо Моданть лангсо тынь, ломанть, Ломанькс!

             Весе, мезе перькат тон неят:

             Цецят, лугат. пиже вирть. лейть-

            Ламолгавт сынст - ине тев теят,

            Эрьва таркасо истя тейть. (А. Моро)  

  5. Уроконь цётамось (ётавить уроксо важодеманть кис питнесь)            

  6. Кудонь тевесь. Сёрмадомс сочинения, кинь ули мелезэ  арсемс стихотворения. Темась «Мекс эряви ванстомс пертьпельксэнть?»  

        МБОУ «Посёлкань средней 2-це № школась»

                                                        Отяжбуе ёнксось

                   Кортамонь кастомань урок 5 – це классо

ГРАММАТИКАСЬ  НАЛКСЕМАСО

(Фонетика, орфография келень пельксэнть коряс)

                                                                                Анокстызе:

                                                                        Сигимова Надежда Геннадьевна,

                                                                                                                 эрзянь келень      ды                                                                                                                

                                                                       тиринь литературань    тонавтыцясь.

Темась:  Урок - налксема «Грамматикась налксемасо »  

Бажамотне: кемекстамс ды домкалгавтомс тонавтницятнень содамочист              

                              «Фонетика, орфография» келень пельксэнть коряс;

                       кастомс тонавтницятнень кортамонь – кастомань культураст ды

                               кель -    валонь  сюпавчист;

                       кирвастемс тонавтницятнень оймес тиринь келентень  

                        вечкеманть, сонзэ ванстомга меленть.

Кедьёнкстнэ: карточкат, ж «Чилисема».

                                 Уроконь молема лувось.

1. Уроконтень пурнавомань шкась. (шумбракстнема, ёвтавить уроконть бажамотне, эйкакштне явовит кужова).

Тонавтыцясь:  Шубратадо, эйкакшт! Течинь уроксонть минь тынк марто мельс ледстясынек ютазенть «Фонетика. Орфография» пельксэнть коряс. Ютавтсынек сонзэ налксемань лувсо. Ней явоводо кавто кужова, ойседе паро ладсо ды вадря ёжосо ушодтано.

2. Шумракстнема. (кужотне ёвтасызь лемест, арсить паро  мельть бажамот вейкест – вейкест туртов ).
3. Ютавтови  кужотнень ютксо кевкстемань лангс каршо валонь максомась (эрьва кужось максы вейкест – вейкест туртов колмонь – колмонь кевкстемат).
4. Тонавтыцясь: Сыргатанок лоткамова якамо. Васенце лоткамось

«Теориянь»

                                                  (Эрьва налксицясь ёрты кубик, конань лангсо

                                                   невтезь цёт(числа). Бути видестэ максыть

                                             каршо вал, кужонтень максовить цётонь ламочись)

• Ёвтынк, мейсэ авейкетьксчись гласной ды согласной гайттнень теевемасо?
• Ёвтынк, кодат согласной гайттне эрсить калгодот ды чевтеть?
• Ёвтынк  чевтемкшниця аволь кавонзавозь согласнойтнень.  
• Кодамо буквасо невтеви согласнойтнень чевтечист?
• Кодат гласнойтне  невтить кавто гайтть?  Ёвтадо невтевкст. (кевкстемат саевить оштё зярыя тонавтыцянть мелензэ коряс ).

Тонавтыцясь:  Пачкодинек лия лоткамонтень , конань лемезэ «Сёрмадомань»

1. Максозь валтнэнь сёрмадынк ильведькстэме: кедькс, озяске, вайгельбе,  козкс, сэретькс, ведьбрамо , толкель, пейсывель, таратке…
2. Точкатнень таркас  козонь эряви  сёрмадодо Ь тешкс. Толковинк сёрмадоманзо.

Грац…т…, пеш…тет…, веч…кеман…ть, пац…камс, вир…не, вир…сэ, меш…те, кен…же, пен…ге, ман…чемс.

3. Зяро гайтть ды букват максозь валтнэсэ?  Сёрмадынк эрьва валонть мельга.

Юрт, сэдь, пичине, кудряв, ютыця, ёмиця, сельме, сюлмо, кшивтеме, рисьме.

4. Тонавтыцясь : пачкодинек «Ютко шкасто» лоткамонтень. Аламо шкас оймсетяно.

Содынк содамоёвкстнэнь.

• Лембе шкасто ульнесь ведекс,

Якшамось теизе сэдекс.  (эй)

• Тельня оймси лато ало

Тунда важоди – анды скалом. (пелюма)

• Пандо чамасто таргинек,

Эйсэнзэ кудонть артынек. (пор)

• Кавто сазорт кундасть кедьс,

Ды молить сынь мартом ведьс. (ведрат)

• Мезе ведьс пры,

Чальть а теи (сулей)

• Киулосо паро мельсэ,

Чинь – чоп ваны  колмо сельмсэ. (светофор)

5. Тонавтыцясь: Полавтынк валтнэсэ гайтнень истя, штобу теевельть од валт.

Пенч (венч), кал (сал, вал, пал), парь (карь, ларь), ков (лов, чов, тов, пов), теле (веле, келе), сод (код) (кие седе ламо муи валт).

Кевкстемат – пейдемат:

• Зяро букват ды гайтть канды сеелесь?
• Яксяргонтень а арсеви: кавонест Я букватнеэйсэнзэ смустень коряс вейкеть? Лездадо тензэ, эйкакшт.
• Кода ёжо валонть  теемс тюсонь невтиця валокс?
• Мезе ашти моданть ушодкссо?
• Мезе ашти виренть песэ?
• Арседе, эйкакшт: кода сёрмадомс  тетя, ава, цёра, тейтерь валтнэнь вейке валсо? (раське - семия).

6. Ютавттано налксема «Кие седе курок?» (чаво клеткатнес сёрмадомс  5 ракшань ды  5 нармунень лемть)

7. Седе тов  налксемась «Кие седе ламо?»

(максови шка (1 мин) сёрмадомапель валстонть сёрмадомс эрзянь  валт – существительнойть) (мода, пель, сёрма, пе, парь, мар, мель, сал, лем, сод… )

8. Уроконь цётамось.

Тонавтыцясь: Минек урокось прядовсь. Арсян весенень шумбрачи, штобу тынк чамасо улевель мизолкс, ёжонк либордозо нармунькс.  Важодиде весе парсте. Изнясь ялгаксчись.

Урокось прядовсь.

Вастовмазонок.

МБОУ «Поселкань2- це № школась»

Отяжбуе ёнксось

            АВОЛЬ КЛАССО ВАЖОДЕМА

«Инжекс Вирьавантень»

Анокстызе :

эрзянь келень ды тиринь литературань тонавтыцясь,

Сигимова Надежда Геннадьевна

                                                       Экскурсия /якамо

               «Инжекс Вирьавантень»

           Бажамотне:-тонавтницятнень седейс правтомс паронь теемань ды покш

                                            ялгаксчинь мель;

                                          -тешкстамс, кодат певтеме , мазыйть ды сюпавт минек

                                            виртне;

                                          - тонавтомс пертьпельксэнть мазычинзэ немее ды ванстомо.  

            Кедьёнкстнэ: магнитофон, артовкст, фонозапись, эрзянь орнамент…

            Тонавтыцясь: Эйкакшт, течи минь мольтяно  вирев. Сон пандонть

        прява  сравтовсь васов-васов. Мазылгавты минек тиринь велемек эрьва иень шкасто.

       Минь мольтяно инжекс Вирьавантень.

             ( виренть малас пачкодемстэ молицятне неить ёртнезь конёвт, банкат, пластиковой

         бутылкат) Кода беряньстэ кить – бути тейсть ?! Кольстить мазый таркатнень,     кандыть зыян  ракшатненень!

        Вейкесь тонавтницятнень эйстэ: - Сынст эряви пурнамс юдминес, ютамсто    

         сайсынек эли тейтяно толпандя: мезе палы пултасынек, а кадовозенть валясынек,  

          штобу аволь лисе берянь тев.

       Омбоце тонавтницясь: - Тон мезе, превстэ лисить! Толпандя кодаяк а эряви теемс. Юдминенть сайсынек мартонок кудов ды ёртсынек шукштаркав.                        

         (сцена лангсо аштить кавто цёрынеть, ванстыть вирень ортатнень. Удалгаст мекев-                        

          васов чийни Вирьавась)

.

       1 – це тонавтницясь: Вай, мон пелян! Те кие тува чийни, теке ёнтол кивчкаи?!

        Тонавтыцясь: Те Вирьава,  виренть азоравазо.    

    2- це тонавтыцясь: Вирьавась а мазый ды пек кежей, Соватано вирьс, а тосто мекев

     ки а ули!

     Тонавтыцясь: Илядо пеле, эйкакшт. Вирьавась аволь свал истямо Сон мазый , чевте  

                         седей, инженень кенярдыця  Истямокс лисни сетнень икелев, кить     ванстыть, вечксызь сонзэ мазычинть, маштозь нолдыть тевс сонзэ сюпавчинзэ

                          А кие теи мекевланк, сетненеь лисни, или овсе а лиси, а салава карми

                           сынст панеме вирьстэнть Сон эрси кежеекс, а мазый

      Вирьавась:            Шумбратадо, вечкевикс инжеть , монь вишка оинень. Ванынь мель_

                            ганк, мезть тынь тейнетядо.  Паро тев теиде,свал истямокс уледе Илядо

                            кежиявтне, эряви тенк  нолдамонь конев.  Мон вечкан истят инжеть, ко_

                            натне содасызь монь сюпавчим. Тпавтадо зярыя тевть

     Вирьаванть васенце лездыцязо:   Эйкакшт, ветинк Вирьаванть мелензэ, невтинк  

                                                                  содамочинк.

                                                         1) Евтынк, кодат чувтот касыть минек масторсо вана

                                                         неть лопатнень коряс.

                                                       ( эйкакштнэ саить лопат, евтасызь чувтотнень лемест

                                                          ды озыть мукорь лангс)

    2) А ней евтадо, мезть тынь кочкатадо минек масторсо кизна ды сексня?

      Эйкакштнэ:  Ягодат, пештеть, пангот.

       Вирьавась:      Виде!  Пангон монь ламо эрсить. Содынк, кодат сынст лемест.

                                Седе тов марявить нармунтнень морамост.

                                 - Марясынк, кодат мазыйть, гайтевть монь селмов эрицятнень вай-

                                 вайгелест.

                                Кодат нармунть тынь содатадо?

                                         ( евтавить лемест).

       Вирьаванть васенце лездыцязо.   Марятадо! Мезе-бути кашторды, юты минек пелев.

                                                              (невтеви / сценка/ налксема « Репс» максовить рак-

                                                               шадо содамоевкст.)

                                                     РЕПСКЕ

           Эрясь- аштесь вирьсэнть Нумолнэ Весть сон несь покш репс.

                   -Мазый, покш репсэсь, -мерсь сон. Ды сускизе.

                   - Ох, - мерсь, - монь ялгам Сеясь, секень вант, вачо. Кадса, кадса сонензэ реп-

                      сэнть.

                    Сеясь арасель кудосо. Нумолнэсь путызе репсэнть мода лангс.

                    Сеясь сась кудов.

                     - Мазый, мазый репс, мон сэвтян, - мерсь ды сускизе репсэнть.

                     - Ох, - мерсь сон , - монь ялгам Сярдось, секень вант, вачо. Кандса сонен-

                                зэ репсэнть.

                     Сярдось арсель кудосо. Сеясь путызе репсэнть модалангс.  Ссярдось

                      сась кудов.

                     - Мазый репс, мон сэвтян тонь, - мерсь ды сускизе репсэнть.

                     - Ох, монь ялгам Нумолнэсь, секень вант, вачо. Кандсы те репсэнть

                                  сонензэ. Нумолнэсь ульнесь кудосо.

                     - Те репсэсь тонь, - мерсь сярдось.

                     -  Сюкпря, Монь пек вачолинь, мазый вишка репс, - мерсь Нумолнэсь

                                    ды сэвизе.

           Истя весе ялгатне каванявсть.

       Сценканть налксемадо мейле « ракшатне» стить ве рядс. Эйкакштнэ евтасызь сынст

         лемест.

        Вирьаванть 1 –це лездыцязо: А ней, эйкакшт, содынк минек ракшатнень. Ёвтан тенк зярыя содамоёвкст. Витинк   Вирьаванть мелензэ, невтинк эсенк содамочинк.

            1. Лейть ды эркть пирсекшни кие?

                Те ведь ракшась – миясь.

             2. Идем ракшась, вирень  «алясь»,

                 Виевде виев маралясь,

                 Зярдо ковгак капши – арды ,

                 Куракшт яжи сюров сярдо

             3. Ожо рунго, тюжа пуло,

                 Оно таймаскадсь киулос,

                 Косо вармась пансесь телесь. –

                 Пштистэ ванны веленть пелев.

                 Тосо атякшт рангсть – ва дивась!

                 Те ракшантень мерить ривезь.

             4. Вай, те мень чуда – тамаша?

                 Кизна – сёрмав, телня – ашо.

                 Шапка пиле, свал сорныця,

                 Эрьва кашторкссто (сорныця) кекшныця.

                 Моли – чалгавксонзо колы…

                 Ракшанть лемезэ нумолнэ.

             5. Тумопулось соказь – чувнозь, -

                 Ризнэмадонть виресь увны.

                 Токизь чувтотнень ундоксост,

                 Пицизь, мерят, теке токсо.

                 Кие, каня, ютась тува?

                 Тува ютась идем туво.

           Вирьавась:  А оште мейсэ монь дивавтсамизь?

             1- це тонавтницясь: Мон ловнан стихотворения, конань лемезэ « Вирь»

Вай, вирне, вирне,

Роща пулыне!

Зяро тонь ланга

Ютасть морынеть?

Кодат тевть ансяк.

Тон эзить кекшне?!

Кодат  мелть ансяк

Тон эзить кекшне?!

Течияк ванна

Тонь кальнеть ало-

Тейтерень- церань

Седейтне налксить.

Морыть велькссэть тонь,

Вирне, нармуннеть:

Славить касыця

Однэ чувтынеть.

 2-це тонавтницясь: А мон морыне моран. Истя жо лемезэ «Вирь».  

/Моравксось Н.Кошелевань.

Валтнэ М. Безбородовонь.

Эрзякс сёрмадынзе Маризь Кемаль/

1.Кизэнь перть вирне,

Пиже лопине,

Пси, маней чине

Максат экшине.

Яксян потмоват,

Чувттнэнь юткова.

Стамбарнэ ютан

Чейга, латкова

2.Кунсолан эйсэть,

Кода тон увнат,

                                                                Чевте лопинеть      

                                                                Модантень правтат.

Масторов лопась

Либоргадозь прась.

Вай, тарди сёксесь

Апак учне сась.

Ау,ау,ау.

3.Састо кашторды

Коськине лопась,

Коське лопинесь,

Теке валт корты

Седей токийнесь

Вай, пек нурькине

Мазычинть шказо,

Кармить урнеме

Теленть варманзо.

Ау,ау,ау.

Ау,ау,ау.

   2 - це Вирьаванть лездыцязо:  Эге- гей, эге- гей

                                                    Вирень кужинесь келей.

                                                    Эге – гей, эге- гей

                                                     Лиседе налксеме ней.

   1 – це Вирьаванть лездыцязо: Кужонть келес шалт моли,

                                                     Ванан, налксемс мелен кули.

                                                     Ежонк, нама , весень псить.

                                                     Весе нардевть ды мазыйть.

Кундадо кедте кедьс, покш кужо тейтяно.

    2 – це Вирьаванть лездыцязо. Кие соды ловомка , кинь кочкасынек чеернекс?

                                                      Уро пуло чеерне,

                                                      Лиссть мартонок эльнеме,

                                                      Докат – весе содасызь,

                                                      Кекшик пулот, пурдасызь.

                                                ( ютавтови налксема )

       Эйкакштнэнь эйстэ вейкесь: Налксеманть эряви прядомс, сась шка оймсемс.

    1- це Вирьаванть лездыцязо: Ванса – тейса нусмакадыде, пек сизиде. Эйкакшт, кие

                                                    пейдевтьсамизь?

                    1. Алёша, тынк ули попугаенк, кона  корты англань кельсэ?

                    2. – Арась, тень таркас ули  шекшатанок, кона содасы Морзень азбуканть.

                    1. – Вова, ёвтак, кодат ракшат содат?

                     2. – И вирень, и кудонь: калт , сеят, тувот, ды нузякс цёрынеть.

                      1. – А  цёрынетнень мекс ракшатнень юткс совавтыть?

                      2. – Авам эрьва чине корты, мон, келя, прям ветян туво ладсо.

                      1. – Кода ютавтыть телень каникулат?

                      2. – Васенце колмо читнень – пандо прясо.

                      1. – Кадовикстнэнь?

                       2. – Гипссэ.

                       1. – Юля, содат Тетям мерсь, минь, келя теевинек обезьгансто.

                       2. – Оймак! Тынк семиянть эрямопингедензэ мелем содамс тунь арась.

                       1. – Маша, мезе истямось «Жар – нармунесь»?

                       2. – Те сараз, кона сэреди гриппсэ.

          Верьгизэсь:  (ашти празь чувто ало кувси, сонсь ёвтни нумолонтень)   Эцинь та – кода весть  тувонь кардс, кундынь туво ды ансяк пурнынь

                           сэвемензэ, тувось тень корты:

                                 - Топавтык, верьгиз, меельце энялдомам: мерть тень морамс куломодо

                           икелень моро.

                                   Жалия , чаво прясь. Кода тувось кармась верьга вайгелть морамо,

                            чийсть велень цёратне, « ичимизь» парынестэ, койкак оргодевинь.

                                  - Мезекс эрявсть тень моронзо, ды вайгелезэяк сонзэ кодамояк арась

                                  - А ней вана, оштё капканс понгинь.

                          Нумолнэсь ваны – чувто ало ашти мадезь верьгиз.

                          Чевте вайгелсэ кевкстизе:

                          - Мезе, вергиз, оймсят?

                          - Арась, нумоло, « ичевксэнь» пичксевтян, те оштё аламо, туворс понгинь.

                           - У – у, маднить эрьва кува нулгодьдкс ракшат.( ды пстидизе вергизэнть

                         пекс....).

     2 – це Вирьаванть лездыцязо: Келесь ловажавтомо, а сизи лабордомдо.

                                                       Эно келенк тевс нолдынк, морыне рангстадо.

     1 – це Виряванть лездыцязо:  Киштезь – моразь важодемаськак, ютко шкаськак эряза-

                                                  сто моли . А морат а киштят, панаргак а викшнят

                                                  Эрьга, тейтернеть – бояравинеть

                                                  Куншка видьс лиседея

                                                  Нурька морынень морамо

                                                  Минь карматано цяпамо.

       2 – це Вирьаванть лездыцязо:  Парсте моразь, паряк,  киштемеяк тутадо.

                                                        ( моравить нурька морынеть ).

                              1. Эрьга, ялгай, нурька морот

                                  Вейсэ моратано.

                                  Инжетненень ёвтнесынек,

                                  Кода эрятано.

                               2. Мезень лашт ашти школасо?

                                   Натой, тезэнь маряви.

                                   Те минек школань цёркатне

                                   Урокютконть ютавтыть.

                               1. Минек Юля сёрмадомань

                                   Таго « 2» получась.

                                   Чинзэ – Чоп чийнесь ульцява,

                                   Вейксэ часто кудов сась.

                               2. Мезе теевсь Вова марто ?

                                   Тонавтыцясь а соды.

                                   Прянзо книганть лангс путызе,

                                   Омбоце урок уды.

                                1. Аня бабанстэнь лездась.

                                    Тарелканзо шлинзе,

                                    Бабась покш сюкпря ёвтась-

                                    Топавкстнэнь тенсинзе.

                                  2. Петя колмо част банясо

                                      « Камей» сапоньсэ мик шлясь.

                                      Пек стараясь – ансяк  кудов

                                      Содов чама марто сась.

                                  1. Субутасто якинь баняв

                                      «Хэд энд шолдэрсэ» пезынь!

                                      Истя черем шолдоргавтынь –

                                      Кавто чить эйсэст судринь!

                                    2. Минек Галя  топ – модель

                                        Артынзе турванзо.

                                        Ансяк мекс – бути стувтынзе

                                        Васня шлямс чаманзо

.

                                     1.Нина монень эзь содаво

                                        Вай, авакай, мезть теян!?

                                        Чаманзо истя артызе

                                        Марят теке обезьган.

                                     2. Ванстыть петь, илязт прак,

                                         «Бленда – мед» паста рамак

                                         Мейле аволь умаренть –

                                         Умаринантькак порьсак.

                                     1. Мон течи якинь лавкав,

                                         Тосто раминь «Рондо».

                                         Ней пек стакасто лексян:

                                         Марявсь, сэвинь пондо.

                                       2. «Рама» ой филя рамась,

                                           Варчамс ульнесь мелезэ.

                                           Ансяк аламошка сусксь,

                                           Сеске пезнасть пеензэ.

                                       1. «Ассто» ламо ней содыть,

                                           Секс сонзэ яла рамсить.

                                           Ней аволь ансяк муськить ,

                                           Кудосткак эйсэнзэ шлить.

                                        2. Кискам «Чапиде» андан –

                                            Ярсы сон вадрясто.

                                            Зярдо ярави эйстэнзэ,

                                            Чийни пек бойкасто .

                            Вейсэ:   Вана моронок морынек

                                          Вадрясто эль беряньстэ

                                          Тыненк, оят, энялдтано

                                          Седейшкава цяпадо.

              Эйкакштнэ:  Сюкпря, Вирьава, паро вастомат кис. Ультяно теть паро оякс свал.

              Вирьава: Арсян, истя и улияк . А ней казян тенк казнеть.

                            - Вана тенк тансть, штобу эрямосонк улевель певтеме чансть.

                             - Саинк симемапеленть – веденть. Штобу ойменк – превенк улевелть

                                валдот, ванькст,теке колмоведьпрамонь лисьмапрясто ведесь.

                              - Вана тенк пекшень цюцёвт, штобу лисьмапрянь ведесь, полавтовлизе                                                                                                        химиясо красязь веденть.

                              - Меденть ваксс путан лия  тансть: кстыень , чевгень , умарьксэнь

                                 пидезь каванявкст.

                            Уледе шумбрат, весенень арседе паро. Вастомазонок, вишка оян.

              Эйкакштнэ:   Вастомазонок!