Бари Рәхмәт "Яз килә" 4 нче сыйныфта күрсәткән ачык дәрес план- конспекты
план-конспект урока на тему

Тема: Бари Рәхмәт “Яз килә”

Дәрес тибы: ЛГКК

Дәрес максатлары:

1)”Яз килә “шигырендә яңа сүзләр белән таныштыру;сүзләрне актив сөйләм теленә кертү;

2)текст өстендә эшләү аша фикерләү күнекмәләрен камилләштерү;

3)туган якның матурлыгына соклану;кошларга карата миһербанлылык хисләре тәрбияләү.

Җиһазлау: дәреслек, төсле рәсемнәр, интерактив такта.

Дәрес барышы:

I Оештыру.

1)Уңай психологик халәт тудыру; исәнләшү; ничәнче число, атнаның кайсы коне,елның койсы фасылы булуын сорау.Урамда көннең нинди булуы турында кызыксыну.

-Тагын нинди ел фасылларын беләсез?

II  Өй эшен тикшерү.

-Бари Рәхмәт кем ул?

-Ул кемнәр өчен язган?

-Нинди шигырьләрен беләсез?

-Бүген дәрестә Б.Рәхмәтнең тагын бер “Яз килә” шигырен  укып өйрәнербез.

III  Яңа төшенчәләр һәм эш алымнары булдыру.

Слайд№1

1.Сүзлек өсендә эш.                                                                                                    Җырчы кошлар – певчие птицы
Тышта – на улице
Читтә – в сторонке

Боз китә – ледоход  

Түбәдә – на крыше

Йомырка салдым – снесла яйцо

а ) Тактагда язылган яңа  сүзләрнең мәгүнәсен ачыклау;

б ) Яңа сүзләрнең әйтелеше өстендә эш (укытучы артыннан хор белән һәм аерым-аерым кабатланыла.)

2. “Яз килә” шигырен укытучы укый.

3. Укучылар үзлектән пышылтап укыйлар.

4. Шигыгь юлларын тәрҗемә итеп аңлау өстендә эш.

(Шигыгь юлларын хикәя җөмләгә әйләндерү,тәрҗемә итү)

5.Куплетларны уку өстендә эш.

6.1укучы шигырьне тулысы белән укый.

7.Сорауларга җавап бирү. (укытучы –укучы, укучы-укучы)

-Язның нинди билгеләре турында сүз бара?(кошлар килә, кар эри,боз китә Һ.Б.)

-Язның тагын нинди билгеләрен беләсез?(тамчы тама,яфраклар чыга,үлән яшелләнә,кояш җылыта,кошлар җылы яклардан очып кайталар.)

8.Табышмаклар өстендә эш.

Слайд №2

1. Көннәр озая,

Төннәр кыскара.

Бу кайсы вакыт?

Я, әйтеп кара.

2.Кара сыер ятып кала, ак сыер торып китә.

-1 нче шигырь-табышмакны кем язган?(Габдулла Тукайны ,апрель аенда туган көне икәнлеген искә төшерү)

9.Физкультминут.

Яз килә,яз килә

Тәрәзәне ачтылар.

Тып-тып,тып-тып,тып итә

Эре,эре тамчылар.

10.  Шигырьдәге кошлар турында әңгәмә.

-Шигырьдә нинди кошлар турында сүз бара?

Слайд №3

Сыерчык,чыпчык, тавык рәсемнәре.

-Бу кошлар нинди кошлар?

-Сыерчык кышын җылы якларга китә ,язынәйләнеп кайта.Чыпчык кышлый.Тавык йорт кошы.

Слайд№4

Экранда 4 кышлаучы һәм 4 җылы якларга очып китүче  кош рәсемнәре.Укучылар кошларның исемнәрен , кышлаучы һәмочып китүче  кошларны табалар.

а)  Карлыгач, сыерчык , аккош, кара карга.

в)Песнәк, күгәрчен, тукран, чыпчык.

Укытучы:

-Сез кышлаучы кошларга ничек ярдәм итәсез? (Җимлекләр куябыз.)

-Җылы яклардан кайтучы  кошларны  ничек каршы аласыз?  (Сыерчык оялары ясыйбыз. )

Кошлар турында табышмаклар өстендә эш.

а) Гөлдер-гөлдер, гөлдер бу,

   Кызыл тәпи –кемдер бу?(Күгәрчен.)

в)  Җәй шакылдый бу чүкеч,

    Кыш шакылдый бу чүкеч,

     Ничек чыдый бу чүкеч. (Тукран.)

Кошлар турында 1-2 русча  табышмак искә төшерелә.

11. Текст өстендә эш.

Слайд№5

Бу җөмләләр  кайсы куплетка туры килә?

1.Курица  снесла яйцо.

2.Воробьи чирикают на крыше.

3.Скворцы прилетают.

4.Мальчики бегают в сторонке.

12  Диолог өстендә эш.

-Без бүген яз турында сөйләшәбез . Тиздән  кыш бетә ,яз килә. Сез язны яратасызмы? Ни өчен?.

-Син язны яратасыжмы?

-Әйе, мин язны яратам.

-Ни өчен яратасың?

-......

Укучыларның үзара әңгәмәсе.

13.Тактада эш  (Төшеп калган хәрефләрне куй,эчтәлегенә туры килгән рәсемне беркет.)

1.Кояш җ..л..та.

2.Кар ..ри.

3.Тамчы т..м...

4.К..шлар  кайта.

1-2 укучы яз турында  хикәя төзеп сөйли.

IV Йомгаклау

-Без бүген дәрестә  нәрсә турында сөйләштек?

-Нинди шигырь укыдык?

-Авторы кем?

Өйгә эш:   2 куплетны ятларга.    Билгеләр кую.

Татарстан Республикасы Түбән Кама муниципаль районы муниципаль бюджетлы “Кама Аланы беренче номерлы урта гомуми белем бирү учреждениесе”

Тема: Бари Рәхмәт “Яз килә”

(4 нче сыйныф, рус төркеме)

                                                                    Татар теле һәм әдәбияты

                                                                    укытучысы

                                                                    Сәгыйрова Ләйсән Әхнәф

                                                                     кызының  дәрес план-конспекты.