5-ки класска кичээл: Удурланышкак уткалыг демдек аттары.
план-конспект урока (5 класс)

         Тема: Удурланышкак уткалыг демдек аттары.

Сорулгазы: 1. Удурланышкак уткалыг  демдек аттарын уругларга билиндирип,

                           чугаазынга ажыглап билиринге чаӊчыктырары.

                       2. Уругларныӊ аас болгаш бижимел чугаазын ,угаан- медерелин,  

                           ниити билиин,сактып алыр чоруун сайзырадыры.

                        3. Сонуургак,кичээнгейлиг,кижизиг чорукка янзы-бүрү ажылдар

                            дузазы-биле хевирлеп  кижизидери.

Дерилгези: таблицалар,карточкалар,чуруктар…

Кичээлдиӊ чорудуу

I Организастыг кезээ

1. Организастап олуртуру (мендилежири)
2. Тема,сорулга-биле ажыл.

-Бөгүн кичээливис кандыг хевирге болгаш чүү деп темага эрттерил,оюннар дузазы-биле билип,тып көрээлиӊер,уруглар.

Оюн: «Кичээнгей»

Д…мн…ж…лг…                                           У..у……а…ы…….а…                

- Самбырада 1-ги сөстүӊ ажык үннери чиде берген,тыпчып берип көрүӊер,а 2-ги сөстүӊ ажык эвес үннери чиде берген дузалажып тывар силер.

- Эр-хейлер,бо хүн «Удурланышкак уткалыг демдек аттары»-деп,кичээлди демнежилге хевирге эрттирер бис,шупту демнежип тургаш,эки билип алыр силер.

- Кичээливистиӊ кыйгырыын шупту деӊге номчуптаалыӊарам.

Демниг сааскан

Теве тудуп чиир.

II Катаптаашкын

1. Айтырыг-харыы

Демдек ады деп чүл ол?

Демдек ады чүвелерниӊ чүзүн көргүзерил?

Демдек ады кандыг айтырыгларга харыылаарыл?

Чижек сөстерден адаӊар…

2. Карточка-биле ажыл.

( 2 кижи демнежип тургаш ,кылыр)

  Школада   …    уруглар өөренип турар.Тайгадан    … тоорукту чыып алыр. Авам     …    сүттү саап эккелди. Шагаа    …  чоннуӊ ынак байырлалы.   …     ,…   .  …    ыт ээрип тур.     …     мөге девип тур.   … аът чарышка эрткен.

III  Чаа тема.

1. Самбырада аскан сөстерниӊ удурланышкак уткалыг сөстерин тып көрүӊерем,тыпкан кижи келгеш бижиптер

   Эки -

Шынчы -

Чараш -

чылыг -

Чалгаа -

- Эр-хейлер, Удурланышкак уткалыг сөстер бот-боттарынга удур уткалыг болур,оларны антоним сөстер деп база болур,шупту антоним деп адаптаалыӊар.

- 1-ги одуругда сөстерни адап бадырыӊар,кандыг-дыр сөстерниӊ утказы,а 2-ги одуругда  сөстерниӊ утказы кандыг-дыр

2. Карточка-биле ажыл. (уруглар демнежип тургаш кылыр)

Аарыг-

Аар-

Узун-

Муӊгаргай-

Кызаа –

Аш-

Караӊгы –

2. Кыдыраашка ажыл. (ай,хүннү,теманыӊ адын бижиир,самбырада сөстерни чараштыр бижиир)

Арыг-хирлиг                            Ажыг-чигирзиг          чалгаа-кежээ

Кортук-дидим                        Оожум-дүрген           изиг- соок

3. Мергежилге 227 (үлегери  ёзугаар күүседир)

III Cула шимчээшкин

- Ам мен силерге аялгалар салып бээримге аялгалар кандыг –дыр тодарадыр,силер  (оожум,дүрген, муӊгаранчыг,хөглүг)

IV Быжыглаашкын

1. Удурланышкак уткалыг сөстерни тывар.

Бичии чалгаа

Улуг чалгаага чедирер.

Чадаг чорба,аъттыг чор

Чааскаан чорба,эштиг чор

Сеткилдиӊ бичези херек,

Саваныӊ улуу херек.

2. Мергежилге 230 арын 83 (үлегери ёзугаар күүседир)

V Түӊнел

1. Кичээлге хамаарышкан айтырыглар.
2. Кичээлди уругларга үнеледири ( булут,хүн)
3. Онаалга (удурланышкак уткалыг 5 сөс бижип келир)