Бәхетле балачак
план-конспект на тему
Башлангыч сыйныфлар өчен төзелгән "Бәхетле балачак" дип исемләнгән Хәйрия концерты сценариясе.
Скачать:
Вложение | Размер |
---|---|
![]() | 44.84 КБ |
Предварительный просмотр:
Татарстан Республикасы Кукмара муниципаль районының
“К.Ф.Шакиров исемендәге Зур Сәрдек гимназиясе” муниципаль бюджет белем бирү учреждениесе
БӘХЕТЛЕ БАЛАЧАК
(Башлангыч сыйныфлар өчен Хәйрия концерты сценариесе)
Сыйныф җитәкчесе: Фаттахова Алсу М.
2017-2018 нче уку елы, 24 март
БӘХЕТЛЕ БАЛАЧАК…
“ Бәхетле балачак!” җыры яңгырый.
Сәхнәдә Незнайка күренә. Ул нәрсәдер эзли.
Незнайка: Исәнмесез! Балачак иленә дөрес килеп эләктемме мин?
Сәхнәдә язылган исемне иҗекләп укый.
Незнайка: “Бә-хет-ле ба-ла-чак”... Дөрес килгәнмен ахырысы, “Бәхетле балачак” дип язылган. Знайка мине гел орыша инде, берни белмисең, ди. Шуңа да Балачак иленә сәяхәткә җибәрде, анда яшәүче балаларны карап, алардан үрнәк алып кайт, ди. Монда яшәүчеләр бик тапкыр, тырыш һәм акыллы балалар икән...
Сәхнәгә алып баручылар чыга.
1 а.б.: Дөрес әйтәсең, Незнайка. Безнең Балачак илендә балалар – һәр җирдә үрнәк. Сине дә бәйрәмебезгә кунакка чакырабыз. Безнең балаларны күреп, сокланып кит.
Незнайка: Бик рәхәтләнеп, мин бәйрәмнәр яратам.
2 а.б.: Хәерле кич, хөрмәтле әти-әниләр, әби-бабайлар, апалар-абыйлар, энеләр-сеңелләр, килгән кунаклар! Бәйрәмебезне ачык дип игълан итәбез!
1 а.б.: Күрәсезме, ишетәсезме, табигатьтә яз тантана итә! Көннән-көн табигать бар җиһанны матурлыкка күмәргә нияте барлыгын сиздерә. Яз – безнең тыйнак тормышыбызга яңа көч, дәрт, омтылыш, ышанычлар алып килә торган вакыт.
2 а.б.: Яз сулышы гаиләгезгә муллык алып килсен, күңелегезгә сабырлык, барчагызга саулык китерсен. Аллаһ сезне шәфкатеннән, рәхимлегеннән ташламасын, теләкләрегезне тормышка ашырырга ярдәм итсен, өстәлләрегез ямьле, аш-суларыгыз тәмле, бәйрәмнәр мөбәрәк булсын!
1 а.б.: Бәйрәмебезне ачып җибәрү өчен сүзне мәктәбебезнең яшь сандугачы Иркә Галиевага бирәбез. Рәхим ит, Иркә.
Галиева Иркә башкаруында җыр – “Хәерле көн”.
1 а.б.: Гөлшат, без бәйрәмебезне “Бәхетле балачак” дип атадык. Ә балачак шатлык-сөенечләргә тулып торсын өчен гаилә җылысы кирәк, димәк бүген гаилә бәйрәме дә, шулай бит?
2 а.б. : Дөрес әйтәсең, Алсу! Гаилә - ул яраткан эшеңнән соң, йөрәгеңә тынычлык, шифа бирә торган изге җир. Гаилә – ул дөнья мәшәкатьләреннән, борчулардан ял итә торган урын. Гаилә җимеше ул - балалар, сезнең нәниләрегез һәм безнең уртак шатлыкларыбыз. Сүзне аларга бирик әле. 1-3 сыйныфлар башкаруында “Алтын алмалар” күренеше.
- нче сыйныф укучылары чыгышы (биюләр, җырлар һәм шигырьләр).
1 а.б.: Ягез сез дә кушылыгыз
Утырмагыз, торыгыз
Җырлый-җырлый биик әле
Сез кул чабып торыгыз.
2 сыйныф укучылары башкаруында “Пампушка” биюен карап китегез.
2 а.б. : Миннемуллина Зилия башкаруында шигырь “Кырык онык”
1а.б.: Без кабызган ал учаклар -
Балачак учаклары!
Ялкын төсле балкып торыр
Гомернең ул чаклары.
2 а.б.: Якты өсти ул учаклар
Иң якты теләкләргә.
Учаклардан күңелгә ут
Алабыз йөрәкләргә!
1.а.б. : Сәхнәбез түрендә үзләренең “Чишмә биюе” белән 4 нче сыйныф кызлары. Рәхим итегез, кызлар.
4 нче сыйныф кызлары башкаруында бию “Чишмә”.
2 а.б. : Сәхнәбез түренә нәфис сүз белән 2 нче сыйныф укучысы – Шакиров Даниярны чакырабыз. “Әни, мин көчек күрдем” шигыре.
2 нче сыйныф укучысы Шакиров Данияр “Әни, мин көчек күрдем!”
1 нче сыйныфларны башкаруында кызыклы күренеш “Әни, апа миңа бәйләнә!”
Закиров Айнур башкаруында шигырь “Әни хәйләсе”.
Безнең әни хәйләкәр. Анда чүп, анда тузан -
Вәт җайлы куша эшне. Тузан явымы узган?!
Әйтерсең өйнең бар эшен Күреп хәйранга калдык.
Без эшләргә тиешле. Озак уйлап тормадык,
Менә эле бүген дә, Себереп чиләккә салдык.
Иң рәхәт ял көнендә: Һәр бүлмәне әнә шулай
- Энегезнең оекбашы, Чыктык әйбәтләп карап.
Белмим, кая киткән? – ди. – Табылсын иде оекбаш,
Кемнәр генә безгә аны Табылмаса – эш харап.
Табып бирер икән? – ди. Әй, эзләдек, эзләдек,
Ә үзенең кулында – Мүкәләдек, тезләндек.
Чүпрәк, сулы чиләк. Идән юылып беткән,
Оекбашны эзләгәндә, Хәтта шуны сизмәдек.
Белмим, алар ник кирәк? Ә оекбаш табылды -
Әй эзлибез, эзлибез... Шкафта качып торган,
Диван астын карадык. Бездән идән юдырырга
Аны карау ярады - Әнием хәйлә корган.
2 а.б. : Ал да булыр чагыбыз
Гөл дә булыр чагыбыз.
Без биеми кем биесен?
Безнең шундый чагыбыз, дип җырлап бии егетләребез. Әйдәгез аларның биюен карап сокланыйк.
2-3 сыйныф малайлары башкаруында татарча бию.
- сыйныф укучысы Шаймарданова Диләрә башкаруында шигырь “Энем елый бишектә.”
1 а.б. : Калфак кигән кыз баланың Нинди батыр татар улы!
Багып алчы йөзенә. Күз тимәсен үзенә.
Нинди матур татар кызы! Зур булгач та шулай калыр
Күз тимәсен үзенә. Татар баласы булып.
Килешеп тора түбәтәй Әйтерләр: “Татар кызы бу!”
Аның күркәм йөзенә. Диярләр: “Татар улы!”
- нче сыйныф укучылары башкаруында “Кәләпүшем-калфагым” җыры.
2 а.б.:
Без биибез тыпыр-тыпыр,
Без биибез тып та тып.
Бер башласак бик тиз генә
Булмас безне туктатып.
2 нче сыйныфлар башкаруында “Калинка” биюен карап үтәрсез.
2 а.б.: Алсу, безнең мәктәпнең малайлары бигрәк булган инде, әйеме? Һәр эштә алдынгылыкны бирмиләр: укуда да, эштә дә, спортта да. Бүген ук солдатка алырлык!
1 а.б.: Гимадиев Ислам да нәкъ шул турыда хыяллана, солдат булам, ди. Әйдә үзен тыңлап карыйк.
Гимадиев Ислам “Солдат буласым килә!”
Әгәр мин солдат булсам Әгәр мин солдат булсам,
Һәм чиктә постта торсам, Шат булыр иде ил дә.
Керфек тә какмас идем, Шуңа күрә дә минем
Ватанны саклар идем. Постта торасым килә,
Солдат буласым килә.
Әгәр мин солдат булсам,
Билемә каеш бусам,
Чын егет булыр идем,
Син дә сокланыр идең.
2 а.б. : Чыннан да бик булдыра шул егетләребез. Аларга сокланмый мөмкин түгел. Әнә кызлар да аларга багышлап шигырь иҗат иткәннәр. Тыңлап карыйк.
4 нче сыйныф кызларының чыгышы.
Кышның матур көнендә, Өченчеләр башка төрле,
Карлар явып торганда, Алар тапкыр һәм шаян.
Купка башлангыч мәктәбендә Спортны бик үз итәләр,
Очраштык, дуслар, бергәләп, Көчләр табалар каян?
Егетләр бәйрәмендә.
Мәктәбебез малайлары – Дүртләр егет булды хәзер,
Алар бергә унҗиде. Горур гына атлыйлар.
Барысы да менә дигән, ВПР дигән зур юлның
Барысы да килешле. Сукмакларын таптыйлар.
Һәр җирдә дә өлгер алар, Эх, егетләр, малайлар,
Укуда да, эштә дә. Кайчак сезне сүгәбез.
Каушамыйлар, бирешмиләр, Ә шулай да сездән башка
Башка борчу төшсә дә. Күңелсез бит, беләбез!
Беренчеләр бик җитезләр, Бәйрәм белән котлап сезне
Чабып кына йөриләр. Телибез тик уңышлар!
Ашханәнең яңалыгын Ил сагында торыгыз сез,
Иң беренче сөйлиләр. Булмасын тик сугышлар!
Икеләрдә биш малай бар, Үсеп җитеп, егет булгач,
Һәр эштә булдыралар. Юлдан язып калмагыз.
Кызларын хәтта кайчак Туры юлны табып һәрчак
Укуда уздыралар. Җиңү генә яулагыз! Ф.Алсу.
2 а.б.:
Сездә безгә кушылыгыз,
Без шатлык таратабыз.
Тирә-янны яңгыратып
Җырларга яратабыз.
2 нче сыйныф укучылары башкаруында “Рәхмәт, әнием” җырын тыңлап китик.
2 нче сыйныф укучылары “Рәхмәт, әнием”.
1 а.б. : Хөрмәтле тамашачылар! Утырып торып артып китмәдегезме? Әйдәгез, бераз аякларыгызны язып алыгыз әле. 3 әтине сәхнәгә чакырабыз.
2 а.б.: Сезгә җиңел генә бер бирем әзерләдек.
Сәхнәгә 3 әти чыга.
Без көн саен балаларыгызга укыган әсәрләренең эчтәлеген сөйләтәбез. Өйдә сез дә аларга булышасыздыр бәлки. Хәзер сезне дә сынап карыйбыз. Өчегезгә дә берәр газета бирәбез, шундагы кыска гына мәкаләне укып, эчтәлеген сөйләп бирергә тиеш буласыз. Сезгә 3 минут вакыт бирелә. Кайсыгыз текст эчтәлеген тулырак ачып бирә ала, шул – җиңүче була.
(Алар укыганда 3 төрле җыр куела. Соңыннан әтиләр нинди артист, нинди җыр җырлаганны белергә тиешләр. С.Фәтхетдинов “Салкын чәй”, Казан егетләре “Кызыл өрек”, Иркә “Бай син, бай!”).
1 а.б.: Бик зур рәхмәт катнашуыгызга!
2 а.б.: Җырла, дустым, җырла син,
Җырламый мөмкин түгел.
Җырлап ачылмаган күңел
Мәңге ачылачак түгел!
- нче сыйныфлар башкаруында “Үз илемдә” җыры.
Закиров Заһир башкаруында шигырь “Ур-ра, физкультура!”
1 а.б.: Спорт турында сүз чыкса, малайларыбыз – беренчеләр инде. Быелгы Кореяда узган Олимпия уеннарын да бик кызыксынып карап бардылар алар.
2 а.б.: Бәлки киләчәктә берәрсе Олимпия чемпионы булып та куяр әле.
1 а.б.: Син хаклы. Кореяда барган спорт ярышлары аларга нык тәэсир иткән. Әнә кара үзләренә, көнчыгыш халыклары биюен дә өйрәнеп куйганнар.
- сыйныфлар башкаруында “Кытай биюе”.
2 а б. : Фатхрахманов Ислам башкаруында шигырь “Дәрескә вакыт калмый”.
2 а.б.: Гараев Ильяс башкаруында шигырь “Күңел күзе”.
1 а.б.: Гаилә җылысы, балачак шатлыклары турында сөйләшкәндә әби-бабаларыбызны һич кенә дә онытырга ярамый. Балаларны тәрбияләүдә алар иң беренче булышчылар, әйеме Гөлшат?
2 а.б.: Бик дөрес сүзләр. Без алар белән горурланабыз, алар ярдәмен тоеп яшибез.
1 а.б.: Бабай янымда булганда –
Бернәрсәдән курыкмыйм.
Аның сүзе – миңа закон.
Бабамны гел тыңлыйм мин, - дип сөйләнеп йөри Иркәбез дә сәхнә артында.
2 а.б. : Сөйләнеп кенә калмый, ул бик матур җырлый да әле. Галимова Иркә башкаруында “Любимый дедушка” җыры.
1 а.б.: Баланың иң якын киңәшчесе, хәленә керүче, кайгы-шатлыгын үз йөрәге аша үткәрүче – ул әни! Баласы өчен утка-суга керергә әзер кеше дә – әни!
2 а.б. : Иң сөйкемле күзләр – әнинеке,
Йомшак, җылы куллар – әнинеке.
Иң-иң татлы сүзләр – әнинеке,
Җан изрәткән җырлар – әнинеке!
1 а.б.: Хөрмәтле тамашачылар! Балаларыбызның сөекле әниләре дә балачак бәйрәменнән читтә кала алмадылар! Әйдәгез, аларны сәхнәбез түренә дәшик.
“Балалырым” җыры кадерле сабыйларына бәйрәм сәламе булып яңгырасын!
Әниләр башкаруында җыр – “Балаларым”.
Ибраһимова Ләйсән башкаруында җыр “Солнышко лучистое”.
1 а.б.: 3 сыйныф укучылары башкаруында бию “Биик әле”.
2 а.б.: 2 сыйныфлар башкаруында кызыклы күренеш “Тагын икеле”. Рәхим итеп карагыз.
1 а.б.: Яңгырасын көйләр, шат көлүләр,
Тирә-юньгә бүген таралсын.
Кемнәр болар-бәхетлеләр диеп,
Бөтен кеше безгә карасын.
2 а.б.: Тыпыр-тыпыр тыпырдашып
Бергә басаек әле.
Уйнап-көлеп, җырлап-биеп
Күңел ачаек әле.
1 а.б.: Сәхнәбез түренә кабат биючеләребезне чакырабыз. 3-4 сыйныфлар башкаруында Вальс.
3-4 сыйныф укучылары башкаруында Вальс.
1 а.б.: Мәктәбебез укучылары бигрәк сәләтле инде безнең. Укуда да сынатмыйлар, җырларга-биергә дигәндә дә алар – беренче. Ә менә Гасимова Язилә шигырьләр дә иҗат итә. Аның башкаруында “Туган як” дигән үзе иҗат иткән шигырен тыңлап китик.
Язилә Гасимова “Туган як”.
Туган якны кемнәр генә
Яратмый, сөйми икән?!
Кунактан да сагынып кайтам:
Туган як ул үз икән.
Авылкайның чишмә суын
Кем бар авыз итмәгән?!
Көмеш сулы саф чишмәләр
Хәтереннән үтмәгән?!
Идел-Хуҗа үзәненнән
Җиләк җыям бер чиләк –
Бераз сырхаулап торганда
Әбиемә зур бүләк.
Кышын тауда чана шуу,
Бозга каткан табаннар.
Дусларның шат чыр-чулары
Бездән генә калмаган!
Я, әйтегез, кем яратмый
Үзенең туган ягын?!
Яши-яши артыр хисем,
Авылым, сиңа тагын...
2 а.б.: Үзеләренең әни турындагы матур шигырьләре белән Ясминә һәм Ясирә Хисматовалар.
Шулар башкаруында җыр.
1 а.б.: Кайбер гаиләләрдә бигрәк талантлы балалар бар инде ул, әйеме Гөлшат?
2 а.б.: Кемнәр хакында әйтәсең син, Алсу?
1 а.б.: Абыйлы-энеле-сеңелле Закировлар хакында сүзем! Бигрәк оста бииләр инде үзләре, күзләр тимәсен.
2 а.б.: Биюченең итәге
Бии-бии кыскара.
Биючегә сүз әйтмәгез,
Бии-бии остара. Сәхнәбезне Роза, Илфар, Айнур Закировларга тапшырабыз. Рәхим итегез!
Роза, Илфар, Айнур Закировлар башкаруында татарча бию.
Лотфуллин Госман башкаруында шигырь “ Батыр”.
Шарипов Айрат башкаруында шигырь “Әнием”.
2 а.б.: Алсу, Алсу дим, чык тизрәк. Концертны дәвам итәсе бар, ә ул кайдадыр йөри... Алсу дим...
1 а.б.: Гөлшат! Беләсеңме, мин яңа гына сәхнә артында кемне күрдем?! Һич кенә дә белә алмаячаксың!
2 а.б.: Я әйт инде, алай булгач...
1 а.б.: Анда безне бәйрәм белән котларга дип татар эстрадасы җырчылары килгән.
2 а.б.: Кемнәр соң ул?
1 а.б.: Танылган җырчы Илдар Әхмәтов хәзер үк сәхнәгә чыгам дип атлыгып тора. Ул җырлаган арада мин сиңа икенче җырчы турында сөйләрмен. Киттек әйдә!
2 а.б.: Әйдә соң...
3 сыйныфлар башкаруында И.Әхмәтов җырына клип.
1 а.б.: Дуслар, икенче җырчыбыз турында әйтеп тә тормыйм. Үзегез танырсыз! Тик ул бик капризный җырчы булып чыкты... сез кул чапмасагыз чыкмыйм, ди. Алкышларыгызны кызганмагыз инде!
Закиров Айнур – Элвин Грейга породия. “Роза гөлем”.
2 а.б.: Сәхнәбез түрен Радик Юльякшин-Элвин Грей балкытты!!! Бик зур рәхмәт! Үзенең матур шигыре белән Зилия Миннемуллина.
1 а.б.: Укучыларыбызның уй-теләкләре, хыяллары зурдан. Кайсы президент булам, ди, кайсы җырчы, биюче, очучы, инженер, укытучы, табиб булам дип хыяллана. Ислам чик сакчысы булу турында сөйләнсә, Азатыбыз капитан булам ди. Тик кызларны үзеннән калдырмас ул... Яшь биючеләребез башкаруында “Матрос” биюен карагыз!
Азат һәм 4 сыйныф кызлары башкаруында “На палубе матросы” биюе.
Галимова Иркә башкаруында штгырь “Телевизор булды баш”.
2 а.б.: Кеше гомере буе матурлык, гүзәллек, батырлык алдында баш ия. Көннең яктылыгы – кояшта, күкнең матурлыгы – йолдызларда. Җир йөзенең гүзәллеге – әниләрдә, кешелекнең көчлелеге, егәрлеге, гаиләнең ныклыгы – әтиләрдә!
1 а.б.: Сезнең янда гына без акыллы,
Сезнең янда гына чибәрләр.
Солдат булган өчен генә түгел,
Көн дә кирәк безгә әтиләр.
2 а.б.: Әниләр белән бергәләп
Гел янәшә яшәгез.
Шатлык килсен өебезгә,
Кайгы – хәсрәт күрмәгез. Сүзне кадерле әтиләребезгә бирик әле.
1 а.б.: Гасимов Илшат абый сезгә үзенең моңлы җырларын бүләк итә.
Гасимов Илшат абый җырлый.
СКЕТЧ “БЕРЛИННЫ КЕМ АЛГАН?”
Назмиев Азат башкаруында нәфис сүз.
1 а.б.: Якын дуслар җыелганнар,
Ял итәр өчен бүген.
Иң матур биюләрне
Биеми мөмкин түгел!
2 а.б.: Бие, әйдә, биегез,
Һәммәсе таң калсыннар.
Купка балалары диеп,
Сокланып карасыннар!
1 а.б.: 4 сыйныф укучылары башкаруында “Маленькие звезды” биюен карагыз!
4 сыйныф укучылары “Маленькие звезды”.
4 сыйныфлар шунда сәхнәдә калалар, шарлар тотып, 3, 2, 1 сыйныфлар чыга. Хор – “Яратыгыз!” җыры.
1 а.б.
Тирән упкыннарга юлыкмыйк без,
Очраса да юлда киртәләр
Нинди бәхет еллар тыныч булса,
Тик хәерле булса иртәләр.
2 а. б.
Имин булып атсын таң кояшы
Йөзегезгә нурлар сибелсен
Һәр яңа таң сезгә бетмәс шатлык
Һәм гомерлек бәхет китерсен.
1 а. б. Кадерле тамашачылар! Бәхетле яшәгез, матур уңышларга ирешегез, күкләребез һәрчак аяз булсын. Балаларыбыз гел сөендереп торсын!
2 а.б.: Шушының белән әзерләнгән концертыбыз тәмам. Игътибарыгыз өчен зур рәхмәт!
Саубуллашу һәм рәхмәт сүзләре белән Гөлсинә апа Зарипова.
Татарча моңлы көй яңгырый. Габитова Мәрьям шигырь сөйли.
Туган җирем.
“Бәхет бит туган җирдә яшәү!” –
Диләр читтә гомер иткәннәр.
Сагынып кайта ерак төбәкләрдән
Инде күптән чыгып киткәннәр.
Туган җирнең чиста-саф һавасы,
Урманнары, тугай-кырлары.
Һәркемгә дә якын үз җиренең
Челтерәп аккан чишмә сулары.
Мин үземне бик бәхетле тоям:
Якыннарым, дуслар янымда.
Авылымның саф һавасын сулыйм,
Шигъри юллар туа җанымда.
Җәй җитүгә яшел болыннарда
Хәтфә чирәм буйлап йөгерәм.
Сайрар кошлар тав(ы)шына исәрләнеп,
Җыр сузамын йөрәк түреннән.
Алтын көзне сөям аеруча,
Йомшак җилен, яңгыр тавышын.
Көзге яфрак кебек оча күңел,
Мәктәбемә атлап барышым...
Кышның салкын ап-ак карлары да –
Туган якның алмаз бөртеге.
Язгы ямьле көнне якынайтып,
Ачыладыр кояш керфеге.
Һәр фасылы, һәрбер көне нурлы,
Һәр үләне якын илемнең.
Ислемайдан татлы, тәмле исе,
Туган җирем, чәчкә-гөлеңнең.
Бер Аллаһым, сорыйм бары синнән:
Аермачы туган җиремнән.
Үз юлымны табыйм, кеше булып калыйм –
Шундый теләк агыла күңелемнән! Фаттахова Алсу.
По теме: методические разработки, презентации и конспекты
![](/sites/default/files/pictures/2023/01/09/picture-405904-1673294155.jpg)
Дәрес эшкәртмәсе. Бәхетле балачак.
"Праздник поэзии". Можно использовать как мероприятие, посвященное дню рождения великого поэта Г. Тукая....
![](/sites/default/files/pictures/2015/12/15/picture-290152-1450182149.jpg)
Биктимернең балачак истәлеге. (5нче сыйныфта Ф. Хөснинең “Сөйләнмәгән хикәя” әсәрен өйрәнү)
Татар теле һәм әдәбияты фәннәреннән яңа теманы өйрәнү дәресләрен эчтәлеге һәм формасы ягыннан заман таләпләренә җавап бирерлек итеп оештырырга тырышам. Еш кына эзләнү-тикшеренү алымын, компьютер прогр...
![](/sites/default/files/pictures/2016/01/16/picture-738101-1452970196.jpg)
Балачак истәлекләре. Әнкәй безне Сөннән алып кайткан...
Роберт Миннуллин. Балачак истәлекләре. Әнкәй безне Сөннән алып кайткан... Дәрес-лекция ...
Балачак илендә
Укучыларда кешелеклелек, ярдәмчеллек, дуслык сыйфатлары тәрбияләү...
Сценарий эшкәртмәсе “Балачак – бәхетле чак” (3-4нче сыйныф татар укучылары өчен Р.Миңнуллин иҗатына багышланган әдәби-музыкаль кичә )
Сценарий эшкәртмәсе “Балачак – бәхетле чак” (3-4нче сыйныф татар укучылары өчен Р.Миңнуллин иҗатына багышланган әдәби-музыкаль кичә )...