мероприятие
методическая разработка по теме

        Бәләбәй шәһәренең татар гимназиясендә «Укучыларның милли узаңы һәм  иҗади сәләтләре формалашуы» өстендә бик күп эш уздырыла. Шушы уңайдан гимназиянең укытучылар коллективы, тәрбиячеләр, иҗади эшләре педагоглар белән бергәләп, гимназиядә милли белем бирү көннән-көн үсә. Гимназиядә уку-укыту эшләре, сыйныфтан тыш эшләр системасы милли йолалар белән тоташтырыла.

        Сыйныфтан тыш эшләр укучыларның иҗади сәләтләрен, милли узаңнарын үстерергә этәргеч ясый. Бу катлаулы эш әти-әниләр, татар зыяллылары һәм шәһәр җәмәгатьчелегенең уртак тырышлыгы белән башкарыла. Гимназистларның укудан тыш вакытын оешкан төстә үткәрүдә, күпъяклы тәрбия бирүдә коллективның роле бик зур. Мондый коллектив, укучы яшүсмерләрнең мөмкинлекләрен һәм теләкләрен исәпкә алып, аларның эшчәнлекләрен планлаштыруга һәм оештыруга да тарта.

Шушы кыска гына уку  чорында безнең гимназия күләмендә зур чаралар үткәрелде. «Туристик сәяхәт», «Сөмбелә бәйрәме», «Аулак өй».

«Туристик сәяхәт» безнең гимназиядә   кызыклы, укучыларга файдалы итеп уздырырга һәр сыйныфның үз эмблемасы, талисманы бар. Уенның барышын чагылдырган экран булдырыла. Уен-сәяхәт сыйныфлар арасында ярыш рәвешендә алып барыла. Ә инде.

Табигатьтә үзгәреш. Алышыну, саубуллашу. Җәйсылу бөтен матурлыгын, бөтен байлыгын Алтын көзгә калдырып, китеп бара. Хуш, Җәйсылу! Исәнме, Алтын көз!

Яфраклар, алтын-сары. кызыл-чия төсләргә кереп, моңсу гына җиргә коела. Җир өсте әкияттәге кебек әллә нинди сихри палас белән капланган. Гимназия «Сөмбелә бәйрәме»нә әзерләнә. Һәркайда җанлылык, һәркем үз эше белән мәгнгуль, һәркемнең күңелендә гүзәл мизгелләр. Бәйрәмдә без күңел ачтык, ял иттек, үзара көч сынаштык, шул арада ярминкә дә үткәрергә өлгердек. Бәйрәм барышында сыйныфлар арасында ярыш  оештырыды. Өстәл бизәү, көзге кәрзин тутыру, концерт номерлары буенча бәйге уздырылды. Сөмбелә бәйрәменә багышланган шигырьләр сөйләдек, җырлар җырладык. Сөмбелә кызлары булып киенеп биедек. Бәйрәмне күңелле үткәрүдә укытучылар да, сыйныф җитәкчеләре дә, тәрбиячеләр дә бик тырыштылар. «Сөмбелә бәйрәме» һәркемнең күңелендә истәлекле хатирәләр калдырды.

«Аулак өй»ләрдә татар халкының гореф-гадәтләре күрсәтелә. Һәр күренеш үзенә зур эчтәлек, тәрбияви сыйфатлар алып тора. Бу  бәйрәмне безнең бабаларыбыздан калган. Без   һәр йоланың бөтен  рәвешен китереп үткәрергә тырышабыз.

Һәр уздырылган бәйрәм аша укучыларда милли горурлык хисе, Ватанга бирелгәнлек, әхлак кануннарына тугрылык  тәрбияләү, укучыларны бердәм дус, тату коллективка туплау, актив иҗади эшкә тарту булып тора. Аларны файдалы һәм кирәкле эшләргә әзерләү безнең бурыч булып тора.

Һәр  эш йомгаклауны һәм бәяләүне таләп итә. Эшне бәяләгәндә балалар тырышлы эшчәнлеге төрле яклап исәпкә алына. Бу милли бәйрәмнәр гимназиядә ел  саен үткәрелә, гимназия традициясенә әйләнде.