Мероприятия: «Тядянь – алянь кяльсь - народть ваймоц»
материал (6 класс)

Мероприятия: «Тядянь – алянь кяльсь  - народть ваймоц»

 «Тядянь – алянь кяльсь – ару лихтибря».

«Мокшень кяльняй – тядянь валняй».

       Ведущий 1: Шумбратада, кельгома  ялгат!

Ведущий 2 . Минь тейнть арьсетяма кеме шумбраши, валда менель , павазу эряф.

Ведущий 1. Тячи минь  тага пуромоме  тядянь – алянь кяльть праздновандамонза. Лемдьсаськ тя шить родной валти, тядянь кяльти, конат вятьсамазь минь эряфонь киге – янга.

Ведущайсь 2:

Мокшень кяльняй – тядянь валняй – тяфта лемдеськ минь тячиень васедеманьконь. И аф кукс, вдь мокшекнь кяльть шарьхкодьсаськ и марясаськ, кодак шачтама.

     Ведущайсь 1 : Мокшень кяльняй, ару кяльняй!

                            Корхтайхть, курок тон юмат

                            Но аф стамот монцень мяльне,

                            Тон вдь верозонк сувать!

Ведущайсь 2: Шарьхкодьсаськ сяс, мес тядяньке морайхть моронят, азондыхть ёфкст. Тядянь валсь – инь питни валсь.

Ведущайсь 1:

Тядясь, кода ши валдонясь кудса, ёфксонь азондысь, ярхцамбялень пидись, кальдявть эзда ванфтысь.  (Азода тядянтенди пара валхт) Кепотьксонди.

1. Тядязе – сембодонга мазысь.

2. Тядязе – эряфонь казись.

3. Тядязе – пичефксонь лазысь.

4. Тядязе – валда шинязе.

5. Тядязе – эряфс кинязе.

6. Тядязе – танцти кстынязе.

7. Тядязе – сембе вийнязе.

8. Тядязе – лямбе валонь азынязе.

Морось «Сембодонга мазыняй»

1.Тядянязе панчфкязе,

Сельмованянь панчсизе,

Ляпе валонь ацсиняй,

Валда ононь лацсиняй.

ПРИПЕВ:

Тядяй, тядяй, аваняй

Маланязон сак.

Моронязень ладяйне

Лемозот иссяк,

Ладяйне и морасан,

Мяльняцень аф коласа.

2. Тядянязе, шнайнязе,

Лямбоняста щайнязе.

Симдиняй и андыняй,

Тячиняй и вандыняй.

3. Тядянязе, фкянязе,

Золотань сиянязе,

Виде валонь азыняй,

Сембодонга мазыняй.

Ведущайсь 2:

Тядянь кяленьконь кельгсаськ и шнасаськ. Мокшень кяльса луфтама и сёрматтама, фкя-фкянь мархта корхтатама. Надиятама, што кяленьконь аф юкстасаськ.

Ученик:

9. Шачема – касома кялезе!

Кельктянза марнек велезе,

Валхне тёждяста моравихть,

Вельдест кальдяфне колавихть.

Ученик:

10. Шачема – касома кялезе!

Кеподи фалу мялезе,

Васьце валть азыне,

Нинге шабакс тейть казине.

Ученик:

11. Шачема – касома кялезе!

Ванондан лангозт пелезне,

Прясон коль шаронды мялезе,

Афоль юкстав, вай, кялезе.

Ученик:

12. Шачема – касома кялезе!

Кельктянза марнек велезе!

Кода аф кельгомс тяконять,

Сембода маланять – маконять.

Ведущайсь 1:

Интереснайхть кяленьконь сембе разделоньке. Кельгсаськ и ёфкснень, и валмуворкснень, а мзяра содама ёфкста, песновок аш. (Азода валмуворкст, поговоркат.)

ШАБАТНЕ АЗОНДЫХТЬ.

- Кие лама содай, ся од эряф кодай.

- Мезе тонадоть шабакс, саты атякс –бабакс.

Мезе цебярьста прязт пункстави, ся векозт аф юкстави.

- Саят школаста, тят аще ноласта.

Васенце слайдсь.

Кержи ширеса максф валмуворкснень пяльксснон мусть виде ширеса максфнень ёткста.

1. Тевть аф содасак –                        А) седи (мяль) петят
2. Од пингсь ётай лиезь,                Б) стама мора морат
3. Кодама крандазс озат,                 Г) сирешись – валом молезь 
4. Къда ломанть аф кельгсак,                Д) картьке аф кодасак
5. Шачем кяльса корхтат –                Е) сембе тевонза кальдяфт

Ведущайсь 2:

Содасть содама ёфкснень:

2 слайдсь-     Ащи капа.

                  Инголенза цянкт,

                Фталонза тяльме.

                       (Тракс)

3 слайдсь - Тюжя инжись вирьста сась,

Эзкок сараскя кундась –

И вирняти эзк юмась.

4 слайдсь - Ниле цёрат фкя вазь алу тяльгсть.                                                                                                                   (Шрась)

5 слайдсь -

Аш кургоц, аш кялец,

Аш вайгялец, а вятнесаськ – валхт азы.

(Ручка)

6 слайдсь- Аш пильгонза,

                   Аш кяденза,

                   Киндинге аф сатови,

                   Киндинге аф кундави.

                                                   (Вармась).

7 слайдсь – Акша паля стирь люкай,

                     Максы тяльме, кие сай.

                                           (Келунясь)

8 слайдсь – Ули монь стирнязе,

                      Сонь акша панароц;

                      Кучезь аф кучеви,

                      Учезь аф учеви.

                                    (Нумолсь)

9 слайдсь – Кафта суркст,

                      Кафта пет,

                      Кучкасост эска.

                             (Васоньбеельхне)

10 слайдсь – Якай пеккедь лангса шаштозь,

                        Топокс кеворема машты,

                        Орняц сялмокстонга сялги,

                        Кие тяфтамсь вирень ялгась?

                                                           (Сеельсь)

Ведущайсь 2:

Кяленьке минь пяк мазы. Сядонга мазопнесазь писателеньке и поэтоньке эсь стихснон, азксснон, ёфксснон мархта. Содасть, кода писательхнень лемсна.

11 слайдсь - Анатолий Ежов

12 слайдсь - Яков Пинясов

13 слайдсь - Илья Девин

14 слайдсь - Анатолий Тяпаев

Ведущайсь 1:

 - А. Тяпаев вов тяфта сёрмады кельгома кяленц колга.

Ученик:

13. Мазы кяленьке, пяк мазы.

Тундань варьхмодема лаца.

Кода питни, питни казне.

Кода марлю панжи садса.

14. Мазы кяленьке, пяк мазы.

Мазы, мярьгат атямъёнга

Сисем тюсса кона палы.

Кенерьф инезиень кондям,

Заря валдса кона валы.

15. Мазы кяленьке, пяк мазы.

Мазы, кода цёфксонь мора.

Ёронь горняма – цинняма,

Вии, бта атям торай,

Бта толмаронь юрнама.

16. Мазы кяленьке пяк мазы.

Мес миндейнек сон инь мазысь.

Мес сонь шнасаськ кепотьф мяльса.

Сяс, мес васень валхнень азоськ

Тядянь – авань родной кяльса.

Ведущайсь 2:

- Содасть, кода мярьгихть ломантти, конац козовок аф кошардови. Ушедода Н буквать эзда.

10 слайдсь -

Ведущайсь 2: Кона валсь аф эрявикс?

11 слайдсь –

Кал, куд, человек, шуфта, мазы.

Сараз, яксярга, варси, маци.

Ведущайсь 1: Кодама валхт кяшфт?

12 слайдсь – 13 слайдсь - 14 слайдсь -

СА ( кал) К( ши) КАР (туз)

Ведущайсь 2:

- Азость, сембе ли мокшетне корхтайхть мокшекс?

(Да, улихть стамотка, конатка, конат синць шачема коряс мокшет, а корхтайхть рузонь кяльса. А рузонь кяльсна пяк кальдяв. Тяфтама мокшень руснень колга сёрмадсь Илья Максимович Девин эсь стихсонза « Аф рузкс, аф мокшекс».)

15 слайдсь – И.М.Девинонь портретоц.

 – Аляй, аляй, рамака морженай?!

 – Тялонда мороженай?

Цёрай, неположена.

Мяляфтсак, вдь гландатнень

Мархта тон валяндать ни.

Школав не ходил дней пять,

Банкат путнеть эрь илядь.

Козоть, кода старай дед,

Сяс мороженайге нет.

Мон хочу, пойми сянь, брат,

Штоба улелеть шумбра.

А мороженайсь – эх – мА! –

Обязательна урма…

 – Аляй, кяльцень инкса « кафта»,

Корхтат мес аф рузкс, аф мокшекс.

Ученик.

Мокшекс мораса и шнаса

Шачем ширть и шачем кяльть.

Тячи азоран мон тяса,

Тячи кельксян мокшень тналть.

Панжи седиезе панчфокс,

Бта няян пара он,

Шачем кяленьконь эсь таньфонц –

Аф лиятнень лаца сон.

Ведущайсь 2:

Мокшень кяльть содамац кассы кизода кизос. Мокшень кяльса корхтай лама миллион ломань. Кельгома кяльса морсесазь шачема – касома уженяснон. Коза ба афоль пова мокшень ломанць, кенярди кулемс тядянь кяльть.

Ученик. Стихотворение А.Волгаповой «Мокшень кяль»

Мокшень кяльняй, шачем кяльняй

Кода кельгте, содак тянь.

Шаронтт прясон, пара мяльняй,

Мезе мярьгат – пачфтьса сянь.

Мокшень кяльса прязень шнафтса,

Корхтан, моран,тяштян стихт.

Кулхцондсамазь оцю мяльса

Руз и татар церат, стирьхть.

Васень валнязе ульсь «тядя»,

Мокшень кяльса кайгозь- кайгсь.

Терди велезе – сей сада!

Марясы прянц лац эрь сайсь.

Мокшень кяльняй, шачем кяльняй,

Идень идезти илятт.

Кеподить и пара мяльнень,

Ведущий 2: - А тяни шабатне морайхть частушкат.

1.Эрька, ялгай, моратама.

  Тячи етка- пинге.

  Ломатть ваймосема састь,

Кулхцондсамазь миньге.

2. Эрька,  марняса  кштитяма,

    Моратама моронят.

    Лиседока ёткозонк

    Тинге стирнят – цёранят!

3. Эрька, ялгай, шяяреньконь

Понасаськ минь локшекс.

Минь кштитяма – моратама

Сценать лангса мокшекс.

4. Мон и моран, и кштиян

Самай пара пингозе.

Минь Мордовияньке, ванка,

Фалу моли  инголи.

5. Кяленьке минь мазы-мазы

    Кода цёфксонь мороня.

    Тяда визне корхнемс мокшекс

    Велень стирнят –цёранят.

6. Кие ёрай ярхцамс кшида,

Симомс танцти позада,

Ся аф ащи пятналангса,

И аф нюрькси озада.

7. Ётка пинге вага муме,

    Мораме и яфтама,

    Кда мялезонт минь туме,

    Азость, тага васьфттяма.

8.Частушкада содан лама,

Анцек саты, тутама.

Тага васьфтемс ератада-

Звоняда и сатама.

Ученик: Стихотворения «Кельгса шачем уженязень».

Кельгса шачем уженязень,

Сембодонга мазы крайть.

Кели паксанзон,луганзон.

Валда веденц Мокша ляйть.

Мон Мордовияса эрян,

Коса кайги мокшень кяльсь.

Строявихть од кутт и школат,

Конат сембонди туфт мяльс.

Варжакстт лангозон и няйсак,

Кода келькте, шачем край.

Аф стак морот колгат морсян,

Инксот седизе резнай.

  Ведущий 2:     Мокшень ломать! Прафтода эсь кяльти,

                          Мзярос нинге сон апак юмафтт.

                        Козякафтость, ванфтость,путость мяльти

                       Тядянь кяльнять – надияма вастть.

Ведущий 1: Кельгость тядянь и алянь кяльть, кельгома ялгат!