Рабочая программа в 7 классе по кабардинскому языку
картотека (7 класс) по теме

Зыубзыху тхыгъэ. Адыгэбзэ 7 класс ( сыхь.-68)

        Зэрылажьэ программэр "Адыгэбзэр ебланэ классым" гъэхьэзыращ Джэурджий Хь. З. -рэ Ержыб А. К.-рэ зэхалъхьа программэм ипкъ итк1э. Программэр тещ1ыхьащ илъэсым сыхьэт 68- я1эну, абы тохуэ еджап1эм и учебнэ планри.

        Программэм къызэригъэувымк1э, адыгэбзэр курыт еджап1эм щегъэджыныр нэхъыбэу зытеухуауэ щытын хуейр грамматикэмрэ тэмэму тхэнымрэ еджак1уэхэм егъэщ1эным и мызакъуэу , езы бзэм и лъэныкъуэ псори зэрыщыту къэщтауэ егъэджынырщ. Ебланэ классым адыгэбзэмк1э тхылъым и зэхэлъык1эмрэ абы ихуа материалхэмрэ а 1уэхугъуэм иригъуазэу, а щытык1эм тету къыхэхащ.                                                        

        Бзэм и хабзэ яджым къыхэк1ыу стилистикэмк1э ящ1эн хуей 1уэхугъуэхэри программэм къызэщ1еубыдэ. Абы къыдэк1уэу зи гугъу тщ1ы программэм еджак1уэхэм я бзэр езыгъэф1ак1уэ материалхэри хэтщ.

Программэм и зэхэлъык1э

Адыгэбзэм теухуа беседэ (1 сыхь.)

        Псалъэ къэхъук1эм, псалъэ лъэпкъыгъуэхэм теухуауэ яджам къытегъэзэжын (сыхь.4)

        Глаголым теухуауэ яджар къэпщытэжын. Глаголым и грамматическэ категориехэр(сыхь.4)

        Псалъэ лъэпкъыгъуэхэмрэ орфографиемрэ.(сыхь.1)

Причастие (сыхь 11)

        Причастиер глагол формэ хэхауэ зэрыщыт: абы и мыхьэнэр, и морфологическэ щытык1эхэр, игъэзащ1э синтаксическэ къалэнхэр. Зылэжь причастиерэ зэлэжь причастиерэ. Обстоятельственнэ причастиехэр. Зылэжь причастием и къэхъук1эр. Зэлэжь причастием и къэхъук1эр. причастие зыгъэзэжхэр. Причастиер зэманк1э зэхъуэк1а зэрыхъур. Причастнэ оборотыр. Причастие-определенэр щы1эц1эм дэщ1ыгъуу къыщык1уэм деж, падежк1э зэхъуэк1а зэрыхъур.

Деепричастиер (сыхь. 5)

        Деепричастиер глагол формэ хэхауэ зэрыщыт:абы и мыхьэнэр, и морфологическэ щытык1эхэр, игъэзащ1э синтаксическэ къалэнхэр. Деепричастиер къызэрыхъу щ1ык1эр.  Деепричастием и спряженэр. деепричастиер зэманк1э зэхъуэк1а зэрыхъур. Деепричастие зыгъэзэжхэр. Деепричастнэ оборотыр. Деепричастиер глаголым и суффикс -у, -уэ, -урэ-хэмк1э къытегъэк1ын.

Наречие (сыхь. 12)

        Наречиер зи щхьэхущыт псалъэ лъэпкъыгъуэу зэрыщыт: абы и мыхьэнэр, и морфологическэ щытык1эхэр, игъзащ1э синтаксическэ къалэнхэр. Я мыхьэнэ елъытак1э наречиехэр зэразэщхьэщык1 л1эужьыгъуэхэр. Наречиехэм я къэхъук1эр. Наречиехэм я тхык1эр.

        Зи щхьэ хущымыт псалъэ лъэпкъыгъуэхэр (1 сыхь.)

Послелогхэр (сыхь.4)

        Послелогхэр зи щхьэ хущымыт псалъэ лъэпкъыгъуэу зэрыщыт: абы и морфологическэ щытык1эхэр, игъэзащ1э къалэнхэр. Послелогхэм щыщу бзэм нэхъыбэрэрэ къыщагъэсэбэпхэр. Нэгъуэщ1 псалъэ лъэпкъыгъуэхэр послелог мыхьэнэ я1эу къэк1уэнк1э зэрыхъу. Послелогхэм я тхык1эр.

Союзхэр (сыхь.4)

        Союзхэр зи щхьэ хущымыт псалъэ лъэпкъыгъуэу зэрыщыт. Союзхэр я мыхьэнэ елъытауэ зэрызэщхьэщык1. Сочинительнэ, подчинительнэ союзхэр. Союз зэхэлъ, зэхэтхэр. Союзхэм я тхык1эр.

Частицэ( сыхь.3)

        Частицэхэр зи щхьэ хущымыт псалъэ лъэпкъыгъуэу зэрыщыт: абыхэм я мыхьэнэр, я морфологическэ щытык1эхэмрэ ягъэзащ1э синтаксическэ къалэнхэмрэ. Частицэхэм я тхык1эр.

Междометие (сыхь.2)

        Междометиер зи щхьэ хущымыт псалъэ лъэпкъыгъуэу зэрыщыт: абыхэм я мыхьэнэр, я морфологическэ щытык1эхэмрэ ягъэзащ1э синтаксическэ къалэнхэмрэ. Междометиехэм я тхык1эр.

        Бзэм зегъэужьын (сыхь. 14)

Щыхухэм я теплъэр къэзыгъэлъагъуэ зэра1уатэ тхыгъэр зытепсэлъыхьыр убгъуауэ, к1эщ1у ик1и хэчыхьауэ къэ1уэтэжын. Ц1ыхум и теплъэр къыщыгъэлъэгъуа сочиненэ-описание (езым и к1элъыплъыныгъэк1э, сурэтк1э) тхын, литературнэ геройхэм тхыгъэк1э характеристикэ етын. Щ1ызэныкъуэкъу гуэрым теухуауэ езым и гупсысэхэр къэзы1уатэ сочиненэ (еджак1уэхэм я гъащ1эм къыщыхъуа е къызэджа тхыгъэм тещ1ыхьауэ), сюжет иратамк1э сочиненэ тхын.

Еджак1уэхэм ящ1эн хуейщ:

Псалъэр зэрызэхэтыр.                                                                                  Псалъэр къызэрыхъу.                                                                                                       Зы псалъэм и грамматическэ формэхэр.                                                              Псалъэ лъабжьэр. К1эуххэр, суффиксхэр, префиксхэр. Префиксхэм я мыхьэнэр. Суффиксхэм я мыхьэнэр.                                                       Морфемэмк1э гуры1уэгъуэ. Псалъэм и формэ къэхъунымк1и псалъэщ1э къэхъунымк1и ударенэм и мыхьэнэр. Адыгэбзэм и к1уэц1к1э псалъэ къызэрыхъу щ1ык1э нэхъыщхьэхэр.                                                              Псалъэм и къежьэк1ак1э (этимологиек1э) зэпкърыхыныр.                        Адыгэбзэм и к1уэц1к1э формэ къызэрыхъу щ1ык1эхэр.

Тематическэ план

Къэгъэсэбэпыпхъэ тхылъхэр:

Еджак1уэхэм папщ1э-

      1.Урыс Хь. Щ., 1эмырокъуэ И. 1., Адыгэбзэ, 7 класс, 2011

Егъэджак1уэм папщ1э-

1. 
   Грамматика кабардино-черкесского языка. (Академическое издание). Коллектив авторов. I, II т. Налшык, Эль-Фа, 2006.
2. 
   Гяургиев Х.З., Эржибов А.К. Программы по кабардино-черкесскому языку и литературе для 5-11-х классов. (Учебное издание). Нальчик, 2004.
3. 
   Тау Ж.Къу., Унал1окъуэ В.Хь. Диктантхэмрэ изложенэхэмрэ. 5-9-нэ классхэм папщ1э. Налшык, 2006.
4. 
   Урыс Хь.Щ. Адыгэбзэм и тхыдэ. Налшык, 2000.
5. 
   Урыс Хь.Щ., Зэхъуэхъу Л.Хь. Адыгэбзэ пэжырытхэмрэ нагъыщэ гъэувык1эмрэ я хабзэхэр. Налшык, 2005

Ебланэ классым  илъэсым щек1уэк1ыну къызэрапщытэ лэжьыгъэхэмрэ бзэр зэрызагъэужь тхыгъэхэмрэ я таблицэ