Укучыларга киңәшләр
план-конспект

Балаларга үгет-нәсыйхәт. Ризаэддин бине Фәхреддин.

Укучыларга киңәшләр.

*Иртән йокыдан торгач юыныгыз, чәчләрегезне тарагыз, көндәлек кием киегез, чәй эчкәннән соң дәресләрегезне кабатлагыз.

* Мәктәпкә иртәрәк барыгыз, вакыты җиткәндә үзегез белеп әзерләнегез.

* Мәктәпкә баргач, әдәп белән үз урыныгызга утырыгыз, дәрес вакытында сөйләшмәгез, гыйлем өйрәнү өчен ихлас белән тырышыгыз.

* Китап, кәгазь һәм башка язу әсбапларыгызны чиста тотыгыз, каләмегезне киемегезгә сөртмәгез. Бу эшләр бердән әдәпкә каршы, икенчедән авыруга сәбәп була.

* Мәктәп юлында уйнамагыз, төрле нәрсәләрне туктап карап тормагыз, очраган һәрбер бала белән сөйләшеп вакытыгызны бушка үткәрмәгез.

* Мәктәп эчендә кычкырышып уйнаучы тәрбиясез балалар белән иптәш булмагыз.

* Бер төрле дәрес биргәндә икенче дәресне карап утырмагыз. Укытучы бирә торган дәрескә күңелегезне салыгыз. Дәрес вакытында сөйләшмәгез һәм башка эшләргә күңелегезне бирмәгез.

* Укытучыгыз берәр нәрсәне укырга, язарга яки ятларга кушса, җиренә җиткереп үтәгез.

* Кечкенә вакытта пөхтә һәм тәртипле булу баланың акыллы булуына билгедер. Шуның өчен кимнәрегез һәрвакыт чиста, ә китап, дәфтәрләрегез тәртиптә булсын.

* Стенага асып куйган карталарга, шулай ук урамда йөргәндә коймаларга, капкаларга төрле язулар язмагыз, чөнки бу эшләр тәрбиясезлек галәмәте.

* Туп белән булган уеннар буыннарны ныгыта, тәнне сәламәтләндерә, андый уеннардан читтә тормагыз.

* Дәресләрегезне әзерләмичә йокларга ятмагыз.

* Мәктәптә һәм башка җирдә әдәпсез сүзләр сөйләмәгез.

* Дәресләрне күп калдыру яки дәрескә соңга калып килү иптәшләрдән артта калуга сәбәп була.  Шуның өчен   дәресләргә йөрүгә игътибарлы булыгыз.