Эссе «Минем педагогик осталыгым»
материал на тему

Укытучы! Мин – укытучы! Бу һөнәр – кабатланмас һәм күпкырлы. Кабатланмас, чөнки бары тик укытучы гына гомере буе укый, өйрәнә һәм беркайчанда өйрәнеп бетә алмый.Күпкырлы, ягъни универсаль,чөнки ул балалар өчен сабый күңелле әни дә, мең дә бер сорауга җавап бирә алучы остаз да, халкыңны,телеңне,илеңне яратырга өйрәтүче кырыс һәм таләпчән укытучы да.

            Шуңа күрә мин бик яшьли укытучы булырга хыялландым,һәм үземнең эш кыйбламны да күптән билгеләдем инде: “өйрәтеп өйрән”. Ягъни, мин “укытучы да, укучы да”.

    Һәр баланың  күңеленә юл табу, аның уңай сыйфатларын күреп, аларны тагын да үстерергә ярдәм итү, иң әһәмиятлесе – балаларны яратып укыту, яратып тәрбияләү,яратып сорау - замана укытучысының төп преоритетлары әнә шулар.

    Һәр бала -бердәнбер һәм кабатланмас шәхес.Уку-укыту процессында без һәр укучының укытучының индивидуаль һәм кабатланмас булуын искә алырга тиеш. Шуңа күрә һәр төп бурычы – дәресне кызыклы,мавыктыргыч итеп уздыру.

    Алга киткән компьютер технологияләре чорында балалар үз тормышларын интернеттан,компьютердан башка күз алдына да китермиләр. Бу максатка ирешүнең иң кулай чарасы - дәресләрдә информацион – коммуникатив технологияләрне куллану.

    Болардан минем педогогик тәҗрибәмнең төп идеясе килеп чыга:укыту процессында информацион-коммуникотив  технологияләрне кулланып,белем алу өчен шартлар тудыру.

    Үз тәҗрибәмнән чыгып, татар телен чит тел буларак өйрәтүдә компьютер тел һәм аралашу компетенцияләрен формалаштыру функциясен үти ала. Ләкин информацион-коммуникатив технологияләр – ул компьютер белән генә түгел, ә информация белән дә эш итә белү.

      Һәрбер дәрес, куелган бурычларны чишү өчен киң мөмкинлекләр ача. Әгәр дәрес чын мәгьнәсендә заманча булса, ул укучы өчендә,укытучы өчендә кызыклы була.