4 нче сыйныфларының татар төркеме өчен"Күрсәтү алмашлыклары" темасы буенча төзелгән дәрес конспекты.
план-конспект урока по теме

Тема: Күрсәтү алмашлыклары

Максат: 1)Күрсәтү алмашлыклары турында мәгълүмат бирү;

              2) Алмашлыклар турында белемнәрне ныгыту;

             3) Табигатькә карата сакчыллык тәрбияләү.

Татар  теле. 4 нче сыйныф.

Җиһазлау: Ф,Х. Харисова дәреслеге, рәсемнәр, таблица.

Дәрес барышы:

I Оештыру моменты.

II Матур язу минуты.

1.Бб ббб БО БУ бу

болыт борыч Булат Бөгелмә

2. Бирелгән сүзләрнең орфограммаларын аңлату.

- Ни өчен бу сүзләрдә хәрефләрнең асларына сызылган?

3.Бирелгә сүзләр белән җөмләләр төзү. Сүз төркемнәрен билгеләү. Җөмләнең баш кисәкләре астына сызу.

III Үткән теманы искә төшерү.

-Сез нинди алмашлыкларны беләсез? (тартым, зат алмашлыклары)

 -Зат алмашлыклары турында нәрсә беләсез?

-Тартым алмашлыклары турында нәрсә беләсез?

IV Яңа тема белән таныштыру.

Бүгенге темабызны без ребусны чишкәч белербез.

1.Ребусны чишү. (Тема килеп чыга :“Күрсәтү алмашлыклары”)

2. Теманы аңлату.

Теге урамда безнең йорт. Бу йортта  Марат яши. Менә машина.  Ул машина күрше абыйныкы.Әнә безнең алдыбызда кибет.

-Предметларга күрсәтүче сүзләрне табыгыз.

-Алар кайсы сүзләргә күрсәтәләр?

3. Нәтиҗә.

4. Кагыйдә өстендә эш. ( хор белән уку)

V Ныгыту.

1.237 нче күнегү (Тәрбияви момент)

2 Күрсәтү алмашлыклары белән  җөмләләр төзү.

3. Тактадагы сүзләрне группаларга аеру.

Сез, безнеке, ул, аларныкы, шул, теге, менә, мин, син, синеке , минеке.

VI Йомгаклау

-Нәрсә турында сөйләштек?

Өй эше бирү.