Урок - кемокстама "Пъшкядемань валхне" 8 класс
учебно-методический материал (8 класс) на тему

                                            Аноклазе: Зубово – Полянскяй

                                             муниципальнай  райононь  МБОУ

                                             «Мордовско-Полянская СОШ»

                                             мокшень кялень и литературань

                                             тонафтысь Людмила Михайловна

                                                          Моисеевась

Темась: Пъшкядемань валхне. Урок-кемокстама 8 класса.
Цельсь: - кърхкалгофтомс шабатнень содамошиснон максф темать коряс.                                                                                                                                                          - воспитандамс кельгома, аралама, ванфтома тядять инкса.

                                                                      Оборудованиясь:
                                                1.Рисункат, картинат, учениконь
                                                   сочиненият, словарьхть,    
                                                   высказываният тядять колга.

|.                                 Урокть молемац.

Тонафтысь: Шумбратада, шабат.

1.Учительсь азы урокть теманц, целенц.
2. Азсы, што уроксь тячиень- «Урок- кемокстама» и лемтьф тядяти.
3.Ученикне работайхть карточка мархта. (Заданиятне аф фкя лацот).

1-це карточкась                         3-це карточкась
Велесь уды, кать аф уды           Курок пяшкоди, пяшкоди Вадось,
А вов Вадось стаки шуди.          Курок сргози, сргози ляйсь,
Удомс ёфси сон аф ёрай,          Курок кеподи, кеподи шадось,
Веденц эса канды-шоряй,          Эйнясь кашана алашакс стяй.
Иттнень эшеляфты-штай,          (Азомс валрисьмотнень 
Муськи-тии… Тевда-вай!            грамматическяй юрснон)
(Мумс однороднай         
члеттнень)

2-це карточкась                               4-це карточкась
Тяса шачень, тяса касан,                 Кельгса кизоть саманц,
Тяса азонь васень валть.                 Вирень пиже петь,
Тяса тиень васень аськолксть,        Валдонянц шить шаманц,
Тяса няине ши валдть.                     Ляень ару ведть.

(Мумс подлежайщайть)               (Мумс сказуемайхнень)

5-це карточкась
(Путнемс лотксема тяштенятнень. Тиемс валрисьмоти синтаксическяй разбор).
Озась охотниксь лишме лангс пачкодсь кудозонза фатязе ведунавать шяярьда сотнезе лишмонц пулос и тусь арнема шяйне-лоткова шобда вирень кинява.

||.                Од материалть лангса работамась.

1.Тонафтысь нинге весть азсы, што уроксь лемтьф тядяти.                                 2.Доскаса сёрматф:
«Шинять мархта лямбе, тядять мархта пара.»
3.Тонафнихне морафтсазь сёрматфть, объясняндасазь. Азсазь, согласнайхть или аф азфти. Кода шарьхкодьсазь сёрматфть?

4.Тонафтысь: Эрь ломанть эряфса улихть минутат, мзярда аф эсь воля лятфневи идькс пингсь, шачема-касома крайсь, тядянь кудсь, перьфпяльдень лугась, карксэземга тишесь, вирнясь, кърхка и кели ляйсь. Тянь лятфнемста седице фалу таколды. Вдь тяса тифт оцю эряфти васенце самостоятельнай аськолксне, тяза лядсь эряфстонк сембода малась и кельговикссь – тядясь. Кода сон? Кода эряй? Ули ли сонь кшиняц шра лангса? Лямбоня ли кудняц? Шумбра ли сон?

5.Тонафтысь кизефтьсы, кодама задания ульсь максф куду.
Тонафнихне азсазь: «Куду максфоль арьсемс аф оцю стихотворения тядять колга. Кда тя аф вийс коря, можна мумс «Якстерь тяштеня» журналста, тонадомс и азондомс наизусть.»

Тонафтысь.  И кода? Арьседе? (Кие анок, ся отвечандай). Сяда меле кизефтьсы, кинди лемтьфт стихне. Кинди минь сембода сидеста пъшкятькшнетяма?

«Пъшкядемань валхне»
6.Кизефтьсы, кодама пъшкядема валхт содайхть, кодама пъшкядемань валхт азондыхть эрь шиня кудса, ушеса, ялга ёткса, школаса.

(Тонафнихне азсазь, што школаса пъшкятькшнихть тонафтыхненди, ялгаснонды (ялгай, Ваня, Света и ст.тов.) Кудса сембода сидеста пъшкятькшнихть тядяти, аляти, бабати, атяти, щатяти, щавати, альняканди, сазоронди.

Тонафтысь: Виде, шабат, ня валхнень минь азондсайнек сембода сидеста, кда синь эряйхть маласонк. Но минь, мокшетнень, улихть и стама пъшкядема валоньке, конатнень тячи васьфнесайнек аньцек книгаста. Кепотьксонди: акай, альнякай, патяй, оцяй, мазай, тезей, павай, тетей, дуганняй, сазорняй; ажаняй, кельгомняй, лопаняй, тяштеняй, мазыняй, васьфтиняй, симдиняй-андыняй, фкяняй-тяконяй, надияма вастоняй и ст. тов.

Тяфта пъшкятькшнетяма живойхненди.
А нинге аф живойхненди пъшкятькшнихть кода живойнди.
Шачем крайняй,
Ару лихтибряняй,
Атянь-авань мазы уженяй,
Масторлангса тяконяй и фкяняй,
Лажатфкаса ваймозе
Тейть шяйф. (Азомс подлежайщайть)

Или:

Кизонда, вирняй,       (Кие сёрмадозень ня валхнень?
Пиже лопаняй,           Азода хоть фкя валрисьмонь член)
Пси мани шиня,
Шида кяшиняй.

4.Доскаса:
… сембода добрайхть и ласковайхть кяденза, сембода вернай и маряй седиец – сонь эсонза мзярдовок кельгомась аф машфневи. Мзяра тяза уле тонь кизодот, тейть фалу эряви… , сонь ванфоц и кельгомац. Ков сяда кельгсак… , тов сяда цебярь, павазу эряфце.(Путомс аф сатыкс валть. Путф валть тиемс пъшкядемакс)

5. Ваномс портреттнень, конат лемтьфт тядяти. Кодама тядят минь няйхтяма?

6. Ётафтомс валрисьмотнень рузонь кяльс.
Тядяда мала светть лангса кивок аш. Шабат, кельгость тядянтень! Ялгат, ванфтость тядянтень, афкуксонь тядясь ломанти макссеви весть.
(Мумс пъшкядемань валхнень). 

7.( Тонафтысь луви С. Островойть «Мать» стихотворенияста пакшкя.)

1.Отвечамс кизефкс лангс.
а)Улихть или аш тя пакшкаса пъшкядемат? Кда улихть, азомс, кодамот?
б) кодама валхненди мярьктяма пъшкядемань?
в) кода тиевихть пъшкядемань валхне?
г) эряй ли пъшкядемась валрисьмонь членкс?
д) кагод лангс сёрматф морось «Сембодонга мазыняй.» Валхне С. Кинякинонь. Музыкась Н. Кошелевать. Ученикне мусазь эздонза пъшкядемань валхнень, морафтсазь выразительна.

8. Тонафтысь: Азость, коста сявовихть тяфтама цебярь, кельговикс, седиень пети валхне тядять колга? (седиста).

Пачкодеть куду лама пингта меле, лажадоть, васьфтемот лиссь тядяце. Кодама вал мархта нажядят малазонза, мезьса петьсак седиенц? (Тядяняй, кельгомняй, кода лажадонь).

(Кда ули пинге можна няфтемс аф оцю сценка «Ну, кода минь цёраньке?»)

|||.                             Урокть обобщенияц.

Отвечамс кизефкс лангс.

1.Мезсь мялезонт тусь урокть эса, мезсь изь ту мялезонт?
2.Азомс кудонь заданиять.
а)сёрмадомс аф оцю сочинения тядять колга.
б)арьсемс прянь синнемкать «Мезьфтома кальдяв ломанти?»

                                            Мезьфтома ломанти кальдяв

Лезксонди валхне: ши, кши, ведь, аля, тядя, Родина, ялга.

3.  Азомс оценкатнень, конатнень шабатне получазь уроконьберьф.