Серле могҗиза
творческая работа учащихся на тему

Серле могҗиза.

Галәм киңлекләрен кочар идем,
Канатларым булса очарга.
Ходай, бәлки, насыйп итәр әле,
Хыялларым чынга ашар да:
Йолдызларны, айны, кояшны да
Үз күзләрем белән күрермен.

Шатлыгымнан, хәтта, болытларны
Шашып-шашып кысып үбәрмен.
Терешкова, Юрий абый төсле
Тарих битләренә керермен.
Алар иярләгән тимер атта
Берәр заман мин дә йөрермен...

Борынгыдан калган бу теләкләр
Чынга ашар диеп кем белгән?
Космос дигән серле бу дөньяны
Кем ачкан да, тагын кем белгән?
Үз эчендә никадәрле
Тирән серләр саклый ул...

Кешеләр дә йөрми анда,
Бөтенләй юк сукмак- юлы да. 

Миңа калса, барысы да
Тели анда менеп җитәргә.

Радиодан ишетеп белгән
Зууур космосны күрергә.

Һич шигем юк, берәр вакыт
Килер шундый замана:
Кояшны да мөмкин булыр
Тотып, йолкып карарга.
Ракета да кирәк булмас,
Самолёт та онытылыр,
Жир белән күк арасын
Тик тылсым тоташтырыр.

Киләчәктә бар да булыр:
Космосны да күрербез.
Әле бәлки күк йөзеннән
Сәлам- хат жибәрербез.
Менә шулай хыялланып,
Гомер уза да уза.
Ә космосны күрә алу
Гажәеп бер Могҗиза...

Хусаинова Инзилә