Эш программасы
методическая разработка (5 класс)

Татарстан Республикасы Чүпрәле муниципаль районы

“Иске Чүпрәле беренче номерлы гомуми урта белем бирү мәктәбе”

муниципаль  бюджет гомуми белем бирү учреждениесенең

5нче сыйныфында арадаш аттестация эше үткәрү өчен татар теленнән

КОНТРОЛЬ ҮЛЧӘҮ МАТЕРИАЛЫ

(Татар урта гомуми белем бирү мәктәпләре укучылары өчен)

Укытучы: Җәләлова Энҗе Әхмәт  кызы

Категория: югары квалификацион категория

                                                                                                                                  Педогогик киңәшмә утырышында каралды.                                                                                                    

                                                                                                                                                                 Беркетмә № 2  

                                                                                                                                                     “27 ” август,   2019 ел.

2019  –  2020 нчы уку елы

                                                                             Арадаш аттестация эше

                                                                                  Контроль диктант

                                                                                         Бакчада.

Менә, ниһаять, ашкынып яз килеп җитте. Кар суларында чыркылдаша-чыркылдаша чыпчыклар коенды. Нәҗипләрнең тәрәзә каршысындагы каенга пар сыерчык кунып сайрап китте.

        Әз генә машина юлы төшүгә,  алар бакчага киттеләр. Бакчага әле җәйге ямь кермәгән иде. Агачлар кара. Көзен казып ташланган түтәлләр кара. Бары тик күл буендагы карлыганнар гына, яшел күзләрен ача төшеп, кояшка карап утыралар. Аларга әз генә кагылдыңмы, ниндидер әчкелтем ис тарала. Суларга җиңел, рәхәт. Юктан да көлеп җибәрәсе килә. Шундый күп кошлар сайрый. Нәҗип чыпчык, песнәк, чәүкә кебек кошлардан башканы белми иде. Ә монда уннарча кошлар уннарча тавыш белән сайрап җибәрәләр. Әйтерсең алар Нәҗипнең күңелен ачарга махсус чакырылганнар.

        Әтисе белән Әнсәрия апасы бакчада чәчәкләр утырттылар. Нәҗип исә, дөньясын онытып, кошларны күзәтте.

Озакламый җәй дә килеп җитте. Бакча шау чәчәккә күмелде. (121 сүз) (Ф.Яруллиннан)

Бирем.

1. Беренче абзацның баш кисәкләрен билгеләргә.
2. Ирен гармониясенә буйсынган сүзне язарга.
3. “яз, чыпчыклар” сүзләрен килешләрдә төрләндерергә.

                                                      Контроль диктантны бәяләү критерийлары

Татар теленнән гомуми төп һәм урта белеем бирү мәктәпләре өчен ана теленнән программа буенча (5-9 нчы сыйныфлар, Г.Р. Галиуллина, М.М. Шәкүрова, Казан, 2013)

1. Хатасыз яки бер тупас булмаган хата җибәргән эшкә (орфографик, яки грамматик, пунктуацион) “5”ле билгесе куела.
2. 2 хатага “4” ле билгесе куела.
3. 5 хатага “3” ле билгесе куела.
4. 12 хатага кадәр “2” ле куела.
5. 12 хатадан да артып китсә, “1” ле билгесе куела.

                                   Грамматик биремне бәяләү критерийлары

“5”ле – биремнәр төрәл үтәлгән, хаталар юк, эш пөхтә башкарылган;

“4” ле – биремнәр барысы да үтәлгән, тик 1,2 хата яки төзәтүләр  бар;

“3” ле – биремнәр үтәлгән, ләкин 3, 4, 5 хата бар яки эшнең яртысы дөрес итеп үтәлгән;

“2” ле – бирем үтәлгән, тик 6 һәм аннан артык хата бар яки эшнең яртыдан әзрәк өлеше үтәлгән.