«Муса Җәлил шигырьләрен туган телемдә сөйлим» видеомарафоны.
материал

Татарстан Республикасы Зәй муниципаль районы

“Зәй шәһәре 2 нче урта гомуми белем мәктәбе”

 муниципаль бюджет гомуми белем учреждениесе

 «Муса Җәлил шигырьләрен туган телемдә сөйлим» видеомарафоны.

 Дөнья әдәбияты тарихында иҗатлары белән исемнәрен мәңгелек данга күмгән  шагыйрьләр бар. Әмма фашист лагерьларында язылган шигырьләре һәм җырлары белән исемен мәңгеләштергән Муса Җәлил кебек герой-шагыйрьләр бик аз. Бөек шагыйрьнең гуманизм һәм батырлык белән сугарылган шигырьләрендә бер генә буын  тәрбияләнмәгән. Муса Җәлилнең югары кешелек идеаллары белән рухланган һәм кешеләргә кайнар мәхәббәт белән сугарылган поэзиясе миллионлаган йөрәкләргә юл тапкан. Шагыйрьне туган якларында гына түгел, Европада, Америкада һәм Азиядә дә беләләр һәм хөрмәт итәләр. Җәлилнең дистәләрчә телгә тәрҗемә ителгән шигырьләре бөтен дөнья буйлап оча.

Балаларда бөек шагыйребез Советлар Союзы Герое, татар шагыйре Муса Җәлил белән горурлану хисе уяту, аның иҗаты турында яшь  буынны мәгълүматлы итү,  шигырьләренә карата кызыксыну уяту, туган илебез белән горурлану хисе тәрбияләү, шигъри сүзнең матурлыгын һәм сәнгатен үстерү максатыннан үткәрелгән Зәй шәһәре 2 нче урта гомуми белем мәктәбендә «Муса Җәлил шигырьләрен туган телемдә сөйлим» дип исемләнгән видеомарафонның муниципаль этабына йомгак ясалды.

Муниципаль этапта авыл һәм шәһәр мәктәпләрендә, балалар бакчаларында үткәрелгән шигырь конкурсының җиңүчеләре катнашты.

Марафон 5 яшьтән  18 яшькә кадәр  барлык укучылар  өчен үткәрелде. Һәр катнашучы шагыйрьнең бер әсәрен татар, рус яки  дөнья халыклары телләрендә уку мөмкинлегенә ия булды. Марафонда “Уймак кыз”, “Алтынчәч” балалар бакчалары,  барлык шәһәр мәктәпләре, Р.Ш. Фәрдиев исемендәге Татар гимназиясе, авыл мәктәпләреннән Александровка бистәсе, Сарсаз-Багряж, Чыбыклы, Кәдер, Югары Мәлем, Бохарай,  Югары Шепкә, Түбән Биш мәктәпләре актив катнашты. Барлыгы 66 видеоязма каралды.

Муса Җәлил иҗат иткән шигырьләрне укучылар чын күңелдән  илһамланып башкардылар. Шагыйрьнең “Кызыл ромашка”, “Яшь ана” , “Вәхшәт” кебек җанга үтеп керә торган  шигырьләре өлкән сыйныф укучылары күңелен яуласа , “Маэмай”, “Сәгать”, “Карак песи” шигырьләре башлангыч сыйныф укучылары күңеленә хуш килгән. Сугыш  чорында күпме авырлыклар күрүенә карамастан, Муса Җәлилнең күңел төшенкелегенә бирелмәве, үз Ватанының герой улы булуы, концлагерьда вакытта авыр шартларда мәңге үлмәс, мәгънәле шигырьләр язуы экраннарда чагылдырылган сурәтләр аша тасвирланды.

«Муса Җәлил шигырьләрен туган телемдә сөйлим» видеомарафонының нәтиҗәләре түбәндәгечә:

Балалар бакчалары буенча.

I урын-Токранова Дарья, “Лишь была бы волюшка” шигыре, “Алтынчәч”;

II урын-Рамазанов Сөләйман, “Чәчәкләр” шигыре, “Алтынчәч”;

               Семагина Ева, “Красная ромашка” шигыре, “Уймак кыз”;

III урын- Ершова Арина, “Клятва” шигыре, “Уймак кыз”;

                Алексеева Дарья, “Победа” шигыре, “Уймак кыз”.

Авыл мәктәпләре буенча.

Башлангыч сыйныфлар арасында:

I урын- Миннегалиева Зарина Равилевна, “Күршеләр” шигыре, Кадер мәктәбе;

II урын- Шигапов Алмаз Илгизәрович, “Вәхшәт” шигыре, Түбән Биш мәктәбе;

          III урын- Бадертдинова София Айдаровна, “Дару” шигыре, Югары Шепкә;

                          Калинова Карина Руслановна, “Беренче дәрес” шигыре, Татар гимназиясе.

5-11 сыйныфлар арасында:

I урын- Юнысова Ләйсән Рафис кызы, “Хәдичә” шигыре, “Бигеш мәктәбе;

II урын- Карабашева Диана Николаевна, “Яшь ана”шигыре, Сарсаз-Баграж мәктәбе;

                        Танчук Анастасия Михайловна, “О героизме” шигыре, Новоспасс мәктәбе;

         III урын-Ионова Олеся Владимировна, “О героизме” шигыре, Ал.Слобода мәктәбе;

                         Исрафилова Азалия, “Бакчачы” шигыре, Түбән Биш мәктәбе.

Шәһәр мәктәпләре буенча.

Башлангыч сыйныфлар арасында:

I урын- Шарапова Ралина, “Маэмай”шигыре, 2 нче мәктәп;

II урын- Иванов Әмир, “Сәгать”шигыре, 6 нчы мәктәп;

               Коронов Эдгар, “Смерть девушки” шигыре, 2 нче мәктәп;

          III урын- Гумерова Лилиана, “Сәгать” шигыре, 2 нче мәктәп;

                 Хайруллина Камилә, “Карак песи” шигыре, 6 нчы мәктәп.

5-11 сыйныфлар арасында:

I урын- Пилясова Ангелина,  “Варварство”шигыре, 4 нче мәктәп;

II урын- Устюжанина Владлена, 4 нче мәктәп;

                Ситникова Раилә Ринат кызы, “Варварство” шигыре, 1 нче мәктәп;

          III урын- Денисов Никита Валерьевич, “Кызыл ромашка” шигыре, 3 нче мәктәп;

                Нуруллина Зарина,  “Карак песи” шигыре, 5 нче мәктәп

        Муса Җәлилнең тормышы җырга тиң. Җыр үлемсез булган кебек, аның шигырьләре, исеме дә үлемсез.Аның шигырьләре хәзерге яшь буынга тирән белем һәм тәрбия бирә, балаларыбызның, укучыларыбызның  Җәлил кебек курку белмәс, үз Ватанына тугры булган уллар һәм кызлар булып үсүендә зур роль уйный, татар булуыбыз белән горурланырга өйрәтә.

Милли мәсьәләләр буенча директор урынбасары   Р.Р.Забурдаева