" Г.Ибраһимов иҗатында романтизм ”
проект по теме

Г. Ибраһимов бөтен гомерен , бөтен әдәби сәләтен, белемен, иҗади көчен халыкка хезмәт итүгә багышлаган күренекле язучыларның берсе. Ул Бөек Октябрь революциясенә чаклы ук талантлы каләме белән танылган шәхес. Ул - кабатланмас әдип тә, ялкынлы публицист та, атаклы тәнкыйтче дә, тарихчы да, педагог та, галим дә һәм актив җәмәгать эшлеклесе дә. Әдәби-гыйльми мирасының зурлыгы, күп кырлылыгы, аның әһәмияте, тирәнлеге һәм азатлык көрәше юлындагы онытылмас хезмәтләре белән ул халкыбыз тарихында сүнмәс йолдызларның берсе булып тора. " Г.Ибраһимов иҗатында романтизм ” дип исемләнгән фәнни-тикшеренү эшенең чыганагы – Г.Ибраһимов иҗаты романтизм белән сугарылган әсәрләргә бай булуда. Тикшеренү эшенең актуальлеге һәм фәнни кыйммәте – Г.Ибраһимовның татар совет әдәбияты классигы һәм романтизм иҗат методына нигез салучыларның берсе булуын раслауда. Эшнең максаты – Г.Ибраһимовның яңа романтик әсәрләре белән милли әдәбиятны үстерүгә керткән өлешен билгеләү . Бурычлары: 1) әдипнең романтизм белән сугарылган әсәрләрен өйрәнү; 2) язучының Октябрь инкыйлабына кадәрге иҗат юнәлешенең үзенчәлекләрен ачыклау; 3) Г.Ибраһимовның милли әдәбиятыбызның офыгын киңәйтү өчен көрәшче булуын раслау. "Г.Ибраһимов иҗатында романтизм ” дигән темага әзерләнгән фәнни-тикшеренү эше кереш, төп өлеш һәм йомгактан тора. Төп өлештә Галимҗан Ибраһимовның Октябрь инкыйлабына кадәрге прозасы турында сөйләнелде, “Яшь йөрәкләр” романына, “Табигать балалары”, “Гыйшык корбаннары” хикәяләренә күзәтү ясалды. Йомгакта Г.Ибраһимовның әдәби мирасы, аның идея мирасы кебек үк, татар культурасы кысаларыннан чыгып, гомум-культура хәзинәсенә килеп кушылуы һәм бөтен халыкның уртак казанышына әйләнүе яктыртылды.