Разработка урока по теме "Глагол"
план-конспект урока (7 класс) на тему

                                         Адыгабзэ.

                                       Я 7-рэ класс.

Темэр: Глаголым изэфэхьысыжьын.

Мурадыр:глаголым ехьыл1агъэу к1элэеджак1охэм зэрагъэш1агъэм иуплъэк1ужьын.

Нэрылъэгъу 1эпы1эгъухэр: карточкэхэр, тестхэр, презентациер.

                              Урокым  ик1уак1.  

1. Словарнэ 1офш1эн: набгъо- гнездо, напэ – лицо, совесть, ку – подводка, бланэ – лань. Мыхэр доскэм къытыратхэ, ет1анэ тетрадхэм адатхэ.

2. Выборочнэ диктант. Гущы1эухыгъэхэм сыкъяджэ.К1элэеджак1охэм глаголхэр къыхатхык1ы.

Уахътэу зэрытыр къа1о. Джэуап тэрэзхэр доскэм къытыратхэ.

Мэфэ реным ощх къещхыгъ. Еджак1ор тхылъым еджэ.Дзэк1о к1алэр л1ыжъмэ ауж ихьагъ. Гъэмэфэ каникулым сэ лагерым сык1ощт.Школьнэ олимпиадэм сэ сыхэлэжьэщт. Бзыухэр къыблэм мэбыбыжьых.

3. Глаголым ехьыл1агъэу зэдгъэш1агъэхэр тыгу къэтэгъэк1ыжьых. Упч1эхэр копьютерым къытыредзэ, ахэм сэ сыкъяджэ, к1элэеджак1охэм джэуапхэр къыратыжьы.

а). Сыда глагол зыфа1орэр,упч1эу фагъэуцухэрэр?

б). Глаголхэр сыдэущтэу зэхъок1хэра?

в). Гущы1эухыгъэм сыдэущтэу глаголыр къыхафэра?

г). Глаголым сыд фэдэ уахъта и1эхэр?

д). Лъы1эсрэ ык1и лъымы1эсрэ глаголхэр сыдэущтэу зэтек1хэра?

е). Сыд фэдэ наклонения глаголым и1эхэр?

ж).Сыда ухыгъэ ык1и мыухыгъэ глаголхэр  зыфа1орэр?

4. Блэк1ыгъэ уахътэм ит глаголхэр мы уахътэм рагъэуцожьых.Ахэр тетрадхэм адатхэх. К1элэеджак1охэр доскэм къы1ухьэхэзэ, джэуап тэрэзхэр доскэм къытыратхэх.  

Хэтлъхьагъ,зэдэлэжьагъэх,быбыгъэ,гузэжъуагъэ,джэгугъэ,гущы-

1агъ,дэ1эпы1агъ,еджагъ,шхагъэ,чъагъэ.

5. Глаголхэм синонимхэр къафагъотых. Мы глаголхэр компьютерым къытыредзэх. Джэуап тэрэзэу к1элэеджак1охэм къыратыжьхэрэр компьютерым къытредзэжьых.Тетрадхэм адатхэх.

Зэуагъэ-

Мэгуш1о-

К1эрэхьэ-

Къы1этыгъ-

Ыгъотыжьыгъ-

6. Хырыхыхьэхэм къяджэх.Глаголхэр къыхагъэщых,ахэр уахътэу зэрытхэр къа1о. Хырыхыхьэхэр къаш1эх. Хырыхыхьэхэм яджэуапхэр сурэтк1э компьютерым къытыредзэх.Тетрадхэм адатхэх.

а).Щылыч бгъашхъор ошъогум щэхьарзэ.

б).К1эпсэшхок1э къыращы,ощышхок1э акъутэ.

в).Ч1ышъхьашъор бзыуцыфк1э фэпагъэ.

г).Лэжьыгъэр ехыжьы,

   Ехыжьы,1уехыжьы,

   1ожьыгъэр зэпедзы,

    Къабзэу къыдэк1ы.

д). Гъогу напцэм лъы пц1агъэ хэлъ.

е). Зы пэшхо пытышъ огум едысы,

   Унэ зэтетым ык1ы1у нэсы.

   Ч1ыр пэк1э етхъу,каналыр ет1ы.

    Ет1э кухьэшхор зэк1эм е1эты.

ж). Псыр къегъажъо,

   Лыр къегъажъэ.

   Зэк1эм унэр къегъэфабэ.

   Ипчъэ ц1ык1у дышъэ къепсэ,

   Ащ ипчъэ1у нэнэжъ 1осы.

7. Самостоятельнэ 1офш1эн. Карточкэхэр ясэтых. Гущы1эухыгъэхэм ищык1эгъэ глаголхэр ахагъэуцожьых,тетрадхэм адатхэх. Къеджэжьых.Уахътэр къа1о.

  Чэщ реным ощх…

  Жьыбгъэр лъэшэу…

  Тыгъэр…

   К1алэр еджап1эм…

   Непэ театрэм…

   Тыгъуасэ мэзым…

   8. Карточкэхэмк1э 1оф аш1афэ, тестхэр ясэтых, джэуап тэрэзхэр къыхагъэщых. К1элэеджак1охэр ахэм къяджэжьых.

9. Мы глаголхэм къапыщыт гущы1эхэр апышъутхэжьых. Глаголхэр компьютерым къытыредзэх. Джэуап тэрэзэу к1элэеджак1охэм къа1охэрэр компьютерым къытыредзэжьых.

Къик1ыгъ-

Щыт-

Дэчъэягъ-

Сымэджагъ-

Мэщхы-

Къак1о-

10. Гущы1эжъхэр компьтерым къытыредзэ, к1элэеджак1охэр ахэм  къяджэх. Глаголхэр къыхагъэщых, уахътэр къа1о. Ащ ыуж тетрадхэм адатхэх.

   1. Бланэр зыщалъфырэм ек1ужьы.

    2. Бзыуми набгъо еш1ы.  

  3.Псэр ащэ,напэр ащэфы.

   4.Гущы1э дахэм блэр гъуанэм къырещы.

   5.Еджагъэ шъхьае епщэжьыгъэп.

   6.Чэтыу зэрымысым цыгъо щэджэгу.

    7.Зику исым иорэд къе1о.

 11. Жэры1ок1э зэхэтэфы.Таблицэр компьтерым къытыредзэ.Глаголхэм к1элэеджак1охэр къяджэх. Уахътэу, шъхьэу, пчъагъэу зэрытхэр къа1о.

12. Зэфэхьысыжь.Глаголым ехьыл1агъэу зэдгъэш1агъэр непэ зэфэхьысыжь тш1ыгъэ.К1элэеджак1охэм дэгъоу яш1эныгъэхэр къагъэлъэгъуагъ.

13.Оценкэхэм ягъэуцун.

14.Унэмк1э гъэцэк1эн. Гущы1эухыгъипш1 къаугупшысы, ахэр тетрадхэм къыдатхэх.Глаголхэм къак1агъэтхъы,шъхьэу зэрытхэр къытыратхэ.